Josefa xiyenge xa 2

2008-04-17.

1.

Wa amukeleka eka tidyondzo ta hina leti vitaniwaka Rivoningo ra Matilo. Eka dyondzo ya hina leyi hundzeke hi vulavule hi Yosefa. Kutani leyi I dyondzo ya vu 13, eka xiyenge xa vumbirhi xa vutomi bya Yosefa, un’wana wa madjaha lawa ya 12  ya vana va Yakobo. Eka xiyenge xo sungula hi vone hilaha Xikwembu xi pfumeleleke Yosefa leswaku a xavisiwa, tani hi hlonga etikweni ra Egipta. A tirhe hi matimba ni ku tshembheka eka n’wini wa yena lomuntshwa, kambe a hoxiwe ekhotsweni na a nga ri na nandzu. Swi tikombe ongi hiloko Xikwembu xi rivele hi Yosefa, kambe a swi nga ri tano. A ntiyiso hileswaku Xikwembu a xi le ku n’wi lulamiseni leswaku a tava wanuna wa risima loyi a nga ta kota ku tirha mintirho leyikulu.

2.

Loko Xikwembu xi vone leswaku se a lulamile, xi endle makungu hi vutlharhi bya xona ku n’wi veka exitshan’wini xa le henhla. Xi endle leswo hi ku nyika hosi Faro enorho lowu nga n’wi karhata ngopfu swinene, a ku ri hava na un’we exikarhi ka tintlharhi ta yena loyi a koteke ku nyika nhlamuselo wa norho wa hosi. Hiloko mucheri wa vhinyo ya hosi a tsundzuka Yosefa hi laha a nga hlamusela hikona norho wa yena loko na a ri ekhotsweni. Loko a hlamuserile hosi hi ta Yosefa, a hosi yi rhumele rito hi xihantla ku ya vitana Yosefa. Loko Yosefa a fikile a hosi yi n’wi byele norho wa yona, kutani Xikwembu xi nyika Yosefa a nhlamuselo wa norho hi ku hantlisa, kutani Yosefa a wu hlamusela eka hosi. A yi dyondzeni ka Genesa 41:28-46.

28 Tani hi laha ndzi ku byeleke ha kona we hosi Faro, Xikwembu xi ku kombile leswi xi lavaka ku swi endla. 29. Etikweni hinkwaro ra Egipta, ku tava ni malembe ya 7ya ndzalo swinene. 30. Endzhaku ka malembe lawa ya ndzalo, ku tava ni malembe ya 7 ya dyandza. Vanhu va Egipta va ta rivala leswaku a ku ri ni ndzalo etikweni, hikuva tiko hinkwaro ri ta fa hi ndlala. 31.Malembe ya ndzalo ma ta rivariwa etikweni, hikwalaho ka dyandza leri nga ta va kona, hikuva ri ta chavisa ngopfu. 32. Leswi u lorheke mhaka leyi kambirhi we hosi Faro, swi komba leswaku yi lulamisiwile hi Hosi Xikwembu, na swona xi ta endla leswaku yi hantla yi humelela. 33. kutani we hosi Faro, hlawula wanuna loyi a twisisaka, wo tlhariha, u n’wi veka kuva murhangeri wa tiko ra Egipta. 34. Naswona hlawula vanhu u va veka kuva valanguteri etikweni va ta hamba va teka xiphemu xa 1/5 xa leswi Vaegipta va nga ta tshovela swona emalembeni lawa ya 7 ya ndzalo. 35. va byele va hlengeleta swakudya leswi hinkwaswo emalembeni ya ndzalo lama taka. U va nyika matimba yo chela koroni eswitlatini, emintini un’wana ni un’wana, kutani va yi hlayisa. 36. Swakudya swoleswo swi ta hlayiseriwa malembe ya 7 ya dyandza leri nga ta wela tiko ra Egipta; hikwalaho tiko a ri nga fi hi ndlala.”.37. Hosi Faro ni malandza ya yena hinkwawo, va khensa mhaka leyi, 38. Kutani Faro a ku ka malandza ya yena: “Munhu wo fambisiwa hi Moya wa Xikwembu ku fana ni loyi hi nga n’wi kuma kwihi xana?” 39. Kutani Faro aku ka Yosefa: “Xikwembu hi xona xi ku tiviseke timhaka leti hinkwato, hikokwalaho, a ku na munhu wo twisisa ni ku tlhariha ku fana na wena. 40. U ta va mulanguteri wa munti wa mina, kutani vanhu hinkwavu va tiko ra mina va ta yingisa swileriso swa wena; mina ndzi ta ku tlula ntsena hikuva xiluvelweni xa vuhosi.” 41. Hosi Faro a engeta a ku ka Yosefa: “Vona, ndzi ta ku veka kuva mulanguteri wa tiko hinkwaro ra Egipta!” 42. Hiloko Faro a susa xingwavila xa yena xo funga ha xona, a xi tlhoma erintiwheni ra  Yosefa, a n’wi ambexa swiambalo swa ntsebyani wo saseka, a n’wi ambexa ni nketani ya nsuku enhan’wini. 43. Kutani a n’wi khandziyisa ekalichini leyi landzaka ya yena hi ku saseka; vanhu a va huwelela emahlweni ka Yosefa va ku: “Nkhinsamani ehansi!” Hi ndela leyi, Faro a veka Yosefa kuva mulanguteri wa tiko hinkwaro ra Egipta. 44. Faro a engeta a ku ka Yosefa: “Hosi Faro hi mina” kutani ndzi ri: etikweni hinkwaro ra Egipta, a ku nga vi na munhu la nga ta endla xa nchumu loko wena u nga n’wi pfumelelanga.”Kutani Hosi Faro a thya Yosefa evito ra Safanati-Peneyaka,  a n’wi nyika ni nsati, a nga N’wa pontifera muprista wa munti wa Ono. Kutani Yosefa a huma a famba a kambela tiko ra Egipta. 46. Loko Yosefa a sungula ku tirhela faro hosi ya Egipta, a a ri ni malembe ya 30. Kutani a suka emuntini wa hosi Faro a rhendzeleka ni tiko hinkwaro ra Egipta.

Laha hi dyondza leswaku loyi a yimelaka nkarhi wa Xikwembu no langutela eka xona, a nga ka a nga khomiwi hi tingana. Tani hi laha hi dyondzeke hi kona eka Va-Galantiya 6:9, Loko hi ri karhi hi endla leswinene, hi nga karhaleni hikuva hi ta tshovela hi nkarhi wa kona, loko hi nga heli mbilu. Ku hundze malembe ya 13 na Yosefa a xavisiwile tani hi hlonga etikweni ra Egipta hi vamakwavo. A malembe lawa hinkwawu, Yosefa a kumeke na a tshembekile emahlweni ka Xikwembu, kutani Xikwembu xi n’wi hakela hi mpimo lowu tlurisaka mi anakanyo ya yena.

3.

Yosefa a a ri wanuna wa matimba swinene, a a rhendzeleka ni tiko hinkwarho ra Egipta hi kalichi ra yena ra tihanci. Eka ndzindza un’wana na un’wana, a a endla leswaku eka ntlhanu (5) wa masaka ya koroni ku tekiwa rin’we ri ya vekiwa endlwini ya vuhlayiselo bya xuma. Yosefa u endle leswi ku ringana masiku ya 7 ya ndzalu (ku pfuna), kutani ku wa dyandza lerikulu etikweni ra Egipta ni le matikweni ya xivundzamani na Egipta. A vanhu va hantlise va munyeta no gungundza swakudyanyana swa vona leswi a va swi hlayisile, kutani va sungula ku gonon’wela (ku sika) ku tani ku twala mahungu ya leswaku a Egipta a swakudya I matutu vana va ntavasi leswi xavisiwaka. Kutani vanhu va huma ematikweni hinkwawu va ya a Egipta ku ya singila kona swakudya. Hi nga vona hi laha Xikwembu xi tirhiseke Yosefa hi kona. Nandza wo yingisa no titsongohata a ponise magidigidi ya vanhu va misava hinkwayo. Loko Yosefa a a yo pfumela ku dyoha ni nkata Pontifaro, I mani loyi Xikwembu a xi tava xi n’wi tirhisile? A Xikwembu a xi lava munhu wo tshembeka ni ku yingisa leswaku xi ta n’wi rhwexa ntirho lowukulu swonghasi. A kuva leswi swi kota ku humelela eka yena, a a fanele ku tshembeka eka swilo leswintsongo ku sungula. A Xikwembu a xi n’wi languta siku rin’wana na rin’wana, kutani loko xi vone ku tshembeka ka yena, xi n’wi veke exiluvelweni. U nga sungula namuntlha ku nyiketa vutomi bya wena hinkwabyo eka Hosi Xikwembu, kutani u xi tirhela hi ku tshembeka. Vana Yosefa wa Hosi Xikwembu na wena ku sukela namuntlha, kutani na le ka wena wu ta fika nkarhi lowu xi nga ta ku tirhisa enfun’wini wa xona.

4.

A hi yena emahlweni na hungu ra leri. A hi hlayeni eka Genesa 42:1-9:

1. Kute loko Yakobo a twa leswaku koroni yi kona le Egipta, a ku ka vana va yena: “Mi tshamela yini mi langutana hi mahlo xana?”2. a engeta a ku: “Yingisani, ndzi twe leswaku koroni yi kona le Egipta; kutani n’wina rhelelani mi ya hi xavela, hi ta ka hi nga fi hi ndlala.” 3. hi loko vamakwavu wa Yosefa va khume va rhelela va ya etikweni ra Egipta va ya xava koroni, 4.kambe Yakobo a nga pfumelanga leswaku Benjamini ndzisana ya Yosefa a famba na vona, hikuva Yakobo a a chava leswaku a nga tshuka a humelela hi khombo.5. Hi ndlela leyi, vana va Yakobo va longoloka ni van’wana ni van’wana va ya eku singileni hikwalaho ka ndlala leyi a yi ri kona etikweni ra Kanana. 6. enkarhini wolowo, Yosefa aa ri murhangeri wa tiko ra Egipta; hi yena loyi a a xavisela vanhu hinkwavu koroni. Kutani vamakwavu wa yena va ta, va fika va khinsama emahlweni ka yena, va languta ehansi. 7. loko Yosefa a vona vamakwavo, a hantla a va tiva, kambe a ti endla loyi a nga va tiviki, a vulavula na vona hi ku kariha, a ku: “Mi huma kwihi xana?” vona va ku: “Hi huma etikweni ra Kanana; hi tile ku ta xava swakudya.” 8. Hi, ukhuva lowu, Yosefa a tiva vamakwavo, kambe vona va nga n’wi tivi. 9.Hi loko Yosefa a tsundzuka milorho leyi a tshamaka a yi lorha hi tlhelo ra vona, kutani a ku ka vona: “N’wina mi tinhlori, mi tile ku ta valanga tiko ra hina mi vona laha ri pfulekeke kona.”

A mhaka yo sungula eka xiphemu lexi hileswaku a milorho ya Yosefa yi hundzuke ntiyiso. Endzhaku ka malembe layo tala ma hundzeke, na tshemba leswaku a a tivutisa mayelano ni milorho ya yena leswaku xana a yi huma eka Xikwembu xana? Kumbe a ko va swilo leswi a swi huma enhlokweni ya yena ntsena? Namuntlha hi lava evamakwavo va yena, va khinsamaka emahlweni ka yena, swi humelele hilaha Xikwembu a xi n’wi kombe hikona. Na tshemba leswaku a mbilu ya Yosefa a yi khapa-khapa hi ntsaku, hikuva a a nga lahlanga ripfumelo ra yena, ni ku langutela.

5.

Lexi landzelaka, I khombo leri weleke vamakwavo. A Rito ra Xikwembu eka Va-Galantiya 6:7:

“Mi nga tshuki mi tixisa: Xikwembu a xi vungunyiwi; xin’wana ni xin’wana lexi munhu a xi byalaka, u ta tshovela xona; Lexi u xi byalaka sweswi uka xitshovela.

Ri vula leswaku, mi nga tshuki mi tixisa, Xikwembu a xivungunyiwi, xin’wana ni xin’wana lexi munhu a xi byalaka u ta tshovela xona. Leswi u swi byalaka sweswi u ta tshovela. A vamakwavo va byale nchavu eka Yosefa loko va n’wi hoxe ekheleni ni loko va n’wi xavisile tani ku kota hlonga, kutani sweswi a va tshovela nchavu etimbilwini ta vona. Nkarhi un’wana a va rivele leswi va swi endleleke makwavu Yosefa.

Vabyarile kuchavaembilwini ya Yosefa loko van’wi hoxa ekheleni no n’wi xavosa tani hihlonga. Sweswi vatshavela nchavo e timbilwini ta vona. Nkarhi wun’wana se avarivele leswi vaswi endleke eka Yosefa. Kambe Xikwembu axizanga xirivala. Switele leswi hiswi endleke emisaveni, hi tlhela hi ri vana loko hinga kumiwanga, kambe siku rin’wana hi ta khinsama emahlweni ka Xikwembu e xi luvelweni. Hisiku leri, hinkwaswo swidyoho leswi hinga swi fibra hitlhela hi swirivala swita paluxiwa.

6.

A hi yeni e mahlweni, Yosefa u sindzisile leswaku a vari tinhlari, kambe vona va ala, va vula leswaku a vari vana va tata un’we, Vavula na leswakuvana ndzisana yiseleke ekaya. A hi dyondzeni ndzi mana ya 19 – 28:

19.Ku komba leswaku mi vanhu vo tshembeka, un’wana wa n’wina a a sale a ri mubohiwa endlwini leyi mi pfaleriweke eka yona.  Kutani n’wina van’wana rhwalani koroni mi yisela mindyangu ya n’wina leyi karhatiwaka hi ndlala.  20.Kutani mi vuya haleno ni ndzisana ya n’wina.  Hi ndlela leyi, ntiyiso wa leswi mi swi vulaka wu ta tikomba, kutani a mi nga dlawi!”  Hiloko va pfumela ku endla sweswo.  21.Kutani va byelana va ku: “Hi le khombyeni!  Hi tivangele nandzu nandzu hi tlhelo ra makwerhu Yosefa, hikuva hivonile kukarhateka ka yena emoyeni loko a kombela ku tsetseleriwa, kambe hi arile ku n’wi yingisa.  Hi swonaleswi swi hi vangelaka maxangu lawa!” 22.Kutani Rhuveni a ku ka vona: “A ndzi mi byelanga leswaku hi nga tshuki  hi dyohela mufana luya,xana?  Kambe n’wina a mi lavanga ku ndzi yingisa.  Kutani sweswi, hi le ku biweni hikwalaho ka rifu ra yena.  23.A va nga swi tivi leswaku Yosefa wa va twa, hikuva loko a vulavula na vona a a tirhisa mutoloki.  24.Hiloko Yosefa a hambananyana na vona a ya rila.  Loko a vuya, a vulavula na vona, kutani a hlawula Simiyoni exikarhi ka vona, a n’wi boha va ri karhi va swi vona.  25.Kutani Yosefa a lerisa leswaku minkwama ya vamakwavo yi cheriwa koroni yi tala, ni leswaku mali ya un’wana ni un’wana yi tlherisiwa yi vekiwa esakeni ra yena, ni leswaku va longeriwa timbuva.  Kutani swi endlisiwa sweswo.  26.Hiloko va teka masaka ya vona ya koroni va rhwexa timbhongolo ta vona, va suka va famba.  27.Loko va fika laha va nga etlela kon vusiku byebyo, un’wana wa vona a pfula saka, a nusela mbhongolo ya yena eswakudya, kutani a kuma mali ya yena enon’weni wa saka.  28.Hiloko a ku ka vamakwavo: “Mali ya mina yi tlherisiwile, hi yaleyi kwala non’weni wa saka!”  Loko va twa sweswo, va langutana va ri karhi va rhurhumela hi ku chava, va ku: “I mhaka muni leyi Xikwembu xi nga hi endla yona xana?”

Yosefa a tlhaveka endzeni kombilu ya yena loko a twa marito ya vona ya ku ti vona nandzu na ku titwa xi hoxo. A rhandza kuva pfuna, kambe a rhandza ku vona loko va chinchile no hundzuka hi ntiyiso eka leswi vanga n’wi endla swona.A a navela ku vona ndzisana ya yena Benjamini. Hi loko a boha Simiyoni, an’wi hoxa ekhotsweni, ku kondza va vuya na Benjamini, ekayena. A byela ni nalandza ya yena kuveka mali ya vona emasakeni ya vona, ya koroni. Hi ndlela leyi a va kumile koroni ya vona mahala. Kambe leswi swi engetele nchavo eka vona, hikuva a swi vula ku va kanganyisile hosi leyi kulu ya Gipita, na swona swi humelele tano. Loko va pfurile masaka ya vona va kuma ti mali ta vona emasakeni, va dzhukile ku tlula mpimo. Kutani vaya fika ekaya ka vona eKanana. Vafika va byela tata wa vona Yakobo hi nkwaswo leswa nga va humelela. Yakobo u tlhaveke ngopfu swinene, hi kuva se a a lahlekeriwe hi n’wana wa vumbirhi, Simiyoni loyi a a khotsiwile Gipita.

7.

Kambe koroni a va yi dyanga kuya kule. Va yi dyile va yi heta hi ku hatlisa. A va nga ri na xin’wane xo xi endla handle ka ku va tlhelela Egipita kuya va xava yini n’wana. Ndza kholwa leswaku tin’wheti hinkwato leti hundzeke a va ri karhi va vulavula hi leswi Yosefa va n’wi endleke swona. Nkarhi wun’wana va nga va va ti sorile no ti vula eka Hosi Xikwkembu na le ka vona hi xi vona. Ku fikile siku ra ku va va tlhelela Gipita. Ekusunguleni Yakobo u a rile kuva va famba na Benjamini a Egipita ku komba leswaku a hi tinhlori. Kambe eku heteleleni, a n’wi nyikela hikuva ava ta gon’wela no fa hindlala.

8.

Kutani va rhelela va ya Egipita. Va fika va nyikela mali ya ku xava eka munanguteri wa Yosefa (wa yindlu ya yena). Va hlamuserile hi laha mali vayi kumiseke xiswona emasakeni ya vona. Mulanguteri wa yindlyu ya Yosefa a vulavula na vona hi ku a lova, a famba na vona eka Yosefa. Yosefa na yena a vulavurile na vona hi ku olova, loko a vona Benjamini va fikile na yena, a humesa Simiyoni ekhotsweni. A lulamisa swakudya swo xawula a dya na vona. Ekudyeni a kamba un’wana na un’wana lomu a fanele ku tshama kona kuya hi vukulukumbha bya vona. Ku sungula hi lo nkulu, kuya fika ka lo ntsongo.  Va hlamala: “Xana u ma tivisa kuyini malembe ya hina?” Endzhaku ka loko va ti phinile, vantshunxeka no tsaka.

9.

Endzhaku ka swakudya, Yosefa a lerisa malandza ya yena matata masaka ya vamakwavo hi koroni. A tlherisela na kambe mali ya vona emasakeni ya vona, na kopo ya silivero ya Yosefa e sakeni ra Benjamini. Va vindzuka na mixo va famba. Na va nge se na fika kule nandza na Yosefa a va khoma, a vula leswaku va yi vile kopo ya n’wa hosi Yosefa. Va landzurile swinene. Va n’wi kombela ku va secha. Kunene u va sechile, akuma kopo enkwameni wa Benjamini. A lerisa leswaku Benjamini atlhela a ya vahlonga ra Yosefa. Xana a va fanele va endla yini? Loko va pfumela sweswo vona a va ntshunxekile. Kambe timbilu ta vona se a ti hundzukile. Xikwembu a xi olovisile timbilu ta vona, xi susa ta maribye. Se a va ri na rirhandzu. A va nga ha pfumeri ku va un’wana wa vona a tekiwa ku va hlonga. A va nga ha tsakeri ku tshova mbilu ya tata wa vona hi ku lahlekeriwa hi n’wana wa vumbirhi lontsongo. Va tlhelela ndzhaku hinkwavo kuya va mahlonga ya Yosefa.

10.

Yosefa a ya ma hlweni no va ringa hi kuvula leswaku ku sala Benjamini ntsena vona va famba. Yuda a tinyikela leswaku a sala tani hi hlonga ematsha n’weni ya Benjamini. Ku tisihikiwa Benjamini a famba, hiku va a hlambanyile eka tata wa vona leswaku. Benjamini va ta vuya na yena. Yosefa a swi vona leswaku Xikwembu a xi tirhile ntirho wu kulu etimbilwini ta vona. Hi loko a sungula ku rila mihloti. A hi dyondzeni eka Genesa 45:1-15:

1.Loko Yosefa a nga ha koti ku tikhoma emahlweni ka hinkwawo lava a a ri na vona, a lerisa hi rito lerikulu, a ku: “Humesani vanhu hinkwavo!”  Hikokwalaho, loko Yosefa a titivisa eka vamakwavo, aku nga ha rina vanhu van’wana.  2.Kutani Yosefa arilaaba huwa, Va-egipta va kondza va n’wi twa ku ya fika ni le mutini wa hosi Faro.  3.Kutani Yosefa a ku ka vamakwavo: “Hi mina Yosefa.  Xana tatana wa ha ri kona  xana?”  Kambe vamakwavo va tsandzeka ku n’wi hlamula, hikuva a va tshukile ngopfu loko va tikuma va ri emahlweni ka Yosefa.  4.Kambe Yosefa a ku: “Ndzikombela leswaku mi tshinela haleno kusuhi na mina.”  Hiloko va tshinela, kutani Yosefa a ku: “Hi mina makwenu Yosefa loyi mi n’wi xaviseke etikweni ra Egipta.  5.Mi nga vileli, naswona mi nga tiveki nandzu, hi mhaka ya leswi mi ndzixaviseke haleno:  I Xikwembu lexi ndzi rhangiseke emahlweni ka n’wina, ndzi ta haleno leswaku ndzi ta ponisa vanhu.  6.Sweswi swi endla malembe mambirhi hi rini ndlala emisaveni, kambe ka ha ta va ni melembe ya ntlhanu lawa vanhu va nga ta ka va nga rimi, naswona va nga ta ka va nga tshoveli nchumu.  7.Xikswmbu xi ndzi rhangisile emahlweni ka n’wina, leswaku ndzi ta ponisa lavo tala va n’wina, ni leswaku mi ta ka mi nga fi mi nyamalala lahamisaveni.  8Hikokwalaho a hi n’wina mi ndzi tiseke haleno, kambe i Xikwembu, kutani xi ndzi vekileku va tatana eka Faro, ni mulanguteri wa muti wa yena hinkwawo, ni murhangeri wa tiko hinkwaro ra Egpta.  9.Hatlisani mi tlhelela eka tatana, mi ya n’wi byela leswaku mina n’wana wayena Yosefa ndzi ri: “Xikwembu xi ndzi vekileku va murhangeri wa tiko hinkwaro ra Egipta, kutani hatlisa u ta haleno ka mina.   10.U ta fika u tshama emungangeni wa Goxeni, kutani u ta va kusuhi na mina, wena ni vana va wena ni vatukulu va wena, ni swifuwo swa wena leswikulu ni leswitsongo, ni swilo leswi u nga na swona.  11.Loko u ri kwala, ndzi ta kota ku ku nyika swakudya, hikuva ka ha ta va ni malembe ya ntlhanuya ndlala, kutani u nga sika,wena ni ndyangu wa wena ni swifuwo swa wena hinkwaswo.’ ”  12.Yosefa a ya emahlweni a ku:  “Ma swi vona hinkwenu, na wena makwerhu Benjaminiwa swi wona, lesewaku hi mina hi xiviri ndzi vulavulaka.  13.Mi fika mi byela tatana leswaku ndzi munhu wo chaviseka ngopfu laha tikweni ra Egipta, mi n’wi hlamusela ni swilo hinkwaswo leswi mi swi voneke.  Hatlisani mi famba, mi ya teka tatana mi ta na yena haleno.”  14.Kutani Yosefa a vukarha makwavo Benjamini, a rila, na yena Benjamini a rila a vukarhile makwavo Yosefa.  15.Yosefa a ntswontswa vamakwayo hinkwavo, a va vukarha a ri karhi a rila.  Endzhaku ka swona, vamakwavo va vulavula nayyena.

11.

A ka hari na swotala leswi ndzi nga swi vulaka, handle ka ku vula leswaku vamakwavo va Yosefa va tlhelele e Kanana va ya vuya ni ndyangu hi nkwawo wa Yakobo, va rhelela va ya etikweni ra Egipita, yena a va nyika xi phemu xa tiko xo saseka va tshama eka xona. I hungu ra kahle ro saseka na xi kombiso xa kahle, ni dyondzo ya kahle leyi Yosefa a hi vekeleke yona. Eku sunguleni ka hungu leri, hi vula-vurile hi ta ku yingisa na ku tshembheka ka yena emahlweni ka Xikwembu. Sweswi se hi vona ta ku ri valela ka yena. A a tava a va dlayile ku va van’wi xavisile tani hi hlonga, kambe hi vona a va ri valela. A va byela na kambe leswaku va ti rivalela na vona, hi kuva i Xikwembu xi nga n’wi rhangisa, kuya Egipita kuta ponisa vanhu eka dyandza. A rhumela na ti golonyi ta yena kuya rhwala nhundzu ya vona, a nyika na xiphemu xa misava xo saseka kuva va aka eka xona.

12.

Hi vula vurile ke talahi ta Hosi Yesu Kreste. U rhume riwile kusuka etilweni leswaku vutomi bya hi na byi pona. Hi kongoma e maxangwini yo xaniseka na ku fa rifo hi laha ku nga heriki, e tihelenni hi kwalaho ka swidyoho swa hina, leswi swi vula ku khatisiwa hi laha kunga heriki endzilweni wa malangavi ya tihele. Xikwembu a xi tsakeli ku hi khatisa na ku va hi xa niseka, hikwalaho xi rhumele n’wana wa xona loyi xin’wi rhandzaka a ta eka hina.  Kufana na Yosefa loyi a xa visiweke hi vamakwavo tani hi hlonga eka va Midiyani. Yesu u xavusuwukehi un’wana wa vadyondziwa va yena, an’wi xavisa emavokweni ya va kulukumbha va nkarhi wolowo.Van’wibelela exihambanweni a kondza a fa. Vamakwavo va Yosefa vaboheke kun’wi kholwa loko atikombisile eka vona. Vatlhele van’wi tshemba ku va ava rivalele swidyoho swa vona leswi va nga n’wi endlela. Vatlhele va nyikela vutomi bya vona emavokweni ya yena hi ku n’wi tshemba, va amukela na xiphemu xa misava va aka eka mfumo wayena, no amukela swakudya swayena.

Xohetelela van’wi amukerile tani hosi ya vona. Van’wi khi nsamela. Loko hi lava ku rivaleriwa swidyoho swa hina hi fanele ku amukela Yesu Kriste tani hi muponisi wa hina na murhwaleli wa swidyo swa hina. Hi fanele Hin’wi tshikela vutomi bya hina, a Hi fuma. Hi fa nele ku ti twela ku n’wi yingisa no endla ku rhandza ka yena. U fanele ku va Hosi na Mufumi wa hina hi ntiyiso. Xana u swi endlile sweswo ke? Loko swi ngari tano khoingela sweswi u lulamisa mhaka leyi.

//////////