2009-09-10
MAXANGU YA YESU
1. A dyondzo ya hina leyi hundzeke yi vulavule hi xilalelo xa Hosi ni maxangu ya yena eGetsemana, ni ku xavisiwa ka yena ni ku khomiwa.
2. Eka dyondzo leyi hi ta vulavula hi mahlomulo ya yena.
3. Hi hlaya ku suka eka Luka 22:54-62
“Kuteloko va n’wi khomile, va famba na yena, va n’wi yisa endlwini ya Muprista lunkulu. Kambe Petro a a n’wi landza hi le ndzhaku hi le kule. 55 Loko va tshiverile ndzilo exivaveni, va orha, Petro na yena a tshama exikarhi ka vona. 56 Nandza un’wana wa wansati, loko a n’wi vona a tshama a orha ndzilo, a n’wi langutisisa, a ku: “Loyi na yena a a ri na munhu luya.” 57 Kambe Petro a kaneta a ku: “Wansati ndziwena, a ndzi n’wi tivi mina munhu loyi!”58 Endzhakunyana un’wana a n’wi vona, a ku: “ Na wena, u wa vona.”Kambe Petro a ku: “Munhu ndziwena, a ndzi wa vona mina!” 59 kuteloko ku hundzile awara yi ri yin’we, un’wana a tiyisa, a ku: “Hakunene, na yena loyi, a a ri na luya; swi tiyile hikuva i mugaleliya.” 60 Kambe Petro a ku: “Munhu ndziwena, a ndzi tivi leswi u swi vulaka!” A ku a ha vulavula, nkuku wu ringa.61 Kutani Hosi yi hundzuluka, yi languta Petro; kavaloko Petro a tsundzuka marito ya Hosi, loko yi te ka yena: “nkuku wu nga si ringa, u tava u ndzi landzurile kanharhu.” 62 Kutani Petro a humela handle a ya rila hi xiviti.
Na tshemba wa tsundzuka leswaku hi vonile ko tala laha Yesu a n’wi layeke ha kona Petro. Kutani swiswi hi nga kota ku twisisa leswaku hikwalaho ka yini. Endzhaku ka loko va n’wi khomile va famba na yena va ya n’wi veka endlwini ya Muprista lonkulu, laha va n’wi vekeke na a bohiwile ehubyeni. A vadyondzisiwa lavan’wana a va balekile, kambe Petro a wu landzile ntlawa wa masochwa, a va a pfumeleriwa ku nghena ehubyeni laha a tshameke a tinyawuxa endzilweni hikwalaho ka xirhami. Entiyisweni a a yile hikwalaho ka ku rhandza Yesu naswona a a vilela hi leswi a swi ta n’wi humelela, hikuva hambi leswi Yesu Kriste a a va hlamuserile hi ta mahlomulo lawa a ma ta n’wi humelela, a va swi twisisanga hambi ku swi amukela. A langutela leswaku a a ta tirhisa matimba ya yena ku herisa mfumo wa va-roma kutani a simeka mfumo wa Israele. Swi nga endleka Petro a ve ni ku shemba ka le xihundleni leswaku Yesu a a ta teka goza ra ku herisa valala va yena hi xihantla kutani a famba a ri la ntsunxekeke. Kutani Petro a a ta n’wi va na yena eku hluleni ka yena.
Kambe a swi vanga tano, ku humelele swo hambana ni leswi a a swi hleketa. Ku nga ri kungani, ku humelela nandza wa wan’hwana a honolela Petro, kutani a vulavula ni masochwa a ku: “ N’wanuna loyi a a ri na yena.” Wa nga hleketa hi laha Petro a nga dzuka ha kona ni ku chava. Hi ku hlundzuka a ku: “Wansati, a ni n’wi tivi”. Wan’hwana a suka a famba, Petro a hleketa leswaku a ngozi hi herile kambe ku nga ri ku ngani, un’wana munhu a humelela a ku eka yena: “U n’wana wa vona.” Petro a ku a ni yena!” a n’wi tlherisela hi marito, kutani wanuna luya a hambana na yena. Ku hundzile kwalumo ka wara na Petro a wisile, kambe ku nga ri kungani wanuna un’wana a nghenelela entlaweni, a vulavula hi rito ro tlakuka ni hi ra matimba leri khorwisaka ku tlula marito ya lava n’wana vambirhi a ku: “ Kunene wanuna loyi a a ri na yena, hikuva na yena i Mugaleliya.” A ku ri ra vunharhu na Petro a landzula hi ra matimba ku ya hi leswi Matewu a vulaka swona loko a ku; a ti rhukanile loko a te: “ Wanuna ndziwena, a ndzi swi tivi leswi u vulavulaka hi swona!” na a ha ri eku vulavuleni, mhaka yo vavisa yi humelela. A ku ri matakuxa kuutani nkuku wu ringa hi huwa leri kulu. Loko Petro a tlakusa mahlo a vona Yesu a hundzuluka a n’wi langutisisa. Hi ku hantlisa a tsundzuka marito ya Yesu loko a te: “ Nkuku wu nga se ringa, u tava u ndzi landzurile kanharhu. Kutani Petro a humela ehandle ku ya va yexe, a tipfala mahlo hi mavoko ni matsolo a rila hi xihluku.
Murhandziwa, Petro nkarhi hinkwawu a a ti teka a ri loyi a nga ni vunhena, kambe sweswi a titsumbirile ku tsana ka ripfumelo ra yena. Loko a ha famba-famba na Yesu eku humeleleni, loko a ri karhi a horisa timbabyi, a basisa vanhlokonho, a pfuxa vafi ni ku kaneta marito ya vahehli va yena, a ripfumelo ra yena a ri fana ni mudyeke lowu hahelaka ehenhla, kambe sweswi a anga ehansi ka maxangu, a wela ehansi ku fana ni nsinya lowu kulu lowu tsemiweke.
Xikwembu xa ti tiva timbilo ta hina, hikokwalaho xa hi pfumelela leswaku hi hlangana ni swiyimo leswi vavisaka leswaku hi ta kota ku titsumbula leswaku hi va mani entiyisweni. Hi kona hi tsumbulaka ku tsana ka hina, kutani hi dyondza ku tivonela ni ku khongela hikuva moya wa swi lava kambe a nyama yi tsanile.
4. A hi yeni emahlweni hi hlaya ku suka eka Luka 22:63-71.
“Kutani vavanuna lava khomeke Yesu, va n’wi tsheketsela, va n’wi ba. 64 Kuteloko va n’wi bohile mahlo, va n’wi vutisa va ku: “Bvumba, loyi a ku beke.” 65 Kutani va n’wi rhuketela hi swin’wana leswo tala. 66 Loko byi xile, vakulukumba va tiko, va nga vaprista lavakulu ni vatsari, va hlengeletana; kutani va yisa Yesu ehubyeni ya vona. 67 Va ku ka yena: “Loko u ri Mesiya, hi byele!” Yena a va hlamula a ku: “Hambi ndzi mi byela, a mi nga pfumeri, 68 ni loko ndzi mi vutisa, a mi nga hlamuri. 69 ku sukela sweswi, N’wana-wa-Mhunhu, u ta tshama evokweni ra xinene ra Xikwembu xa matimba hinkwawu.” 70 Hikwavo va n’wi hlamula va ku: “Xana hi leswaku u N’wana wa Xikwembu ke?” A ku ka vona: “Ma vula leswaku ndzi yena.” 71 Kutani va ku: “Ha ha lavela yini vumbhoni xana? Na hina hi swi twile swi huma enon’wini wa yena.”
Endzhaku Yesu a a vurile leswaku lowu wu tava nkarhi wa matimba ya munyama, leswi vulaka leswaku a a ta nyiketiwa emavokweni ya sathana leswaku a endla hinkwaswo leswi a a ta swi rhandza. Entiyisweni diyavulosi a tirhisile marito hinkwawu ya thyaka ni tindlela to ka ti nga tivikani leswaku a tsongahata ni ku heta ntamu Yesu leswaku a ta tsukula ntirho wa yena lowu a nga tela wona emisaveni wo ta ta ponisa vanhu. Laha hi vona va tirheli va n’wi rhukatela ni ku n’wi ba. Xana ku tshama ku va ni tiko laha misaveni, leri rhukateleke ni ku ba swikwembu swa vona swa hava ku fana ni tiko ra Israele, leswi ri xixiseke xiswona Mesiya wa rona, wa un’we, N’wana wa Xikwembu lexi nga xin’we, lexi va humeseke etikweni ra Egipta ni ku va nyika tiko leri sasekeke ni ku va lumba?
Loko hi dyondza hi ta maxangu, swi na risima ku vona leswaku Vayuda a va nga ri na mhaka ya leswaku a ni nandzu kumbe a nga na nandzu wa ku tlula Nawu wa Xikwembu , E-e, a va kunguhate khale, leswaku a na nadzu wa swin’wana, kumbe vugevenga byin’wana lebyi a va nga koti ku byi hlamusela, hikokwalaho a a fanele ku vamberiwa sweswo. Va ringetile ku n’wi lumbeta hi vumbhoni lebyi a byi ta languteka na byi khomeka ehubyeni na nawu. Lexi a va xona, a ku ri leswaku a vula erivaleni leswaku i N’wana wa Xikwembu hikuva a va nga pfumeri leswaku i N’wana wa Xikwembu, hikokwalaho a va ta n’wi vona nandzu wa ku va a rhukane Xikwembu. Kambe Yesu entiyisweni, a swi n’wi tikelanga ku tiyisa leswaku a a ri N’wana wa Xikwembu, kutani va ti vone na va ri ni vumbhoni byo ringana ku n’wi yisa eka Pilato, hikuva vona hi voxe a va nga ri na mpfumelelo hi ku ya hi nawu wa mfumo wa Va-rhoma eku dlaya munhu.
5. Hi ya emahlweni hi hlaya ku suka eka Luka 23:1-25
“Kutani va suka va yima hinkwavo, va yisa Yesu eka Pilato, 2 va sungula ku n’wi veka nadzu, va ku: “ Hi kumile munhu loyi a ri karhi a hlohlotela tiko ra hina, a arisa vanhu ku humesela Khezari ndzuvo; kutani u ti vula Mesiya, Hosi.” 3 Hiloko Pilato a n’wi vutisa, a ku: “Xana u Hosi ya Vayuda ke?” A n’wi hlamula a ku: “U vula swona!” 4 kavaloko Pilato a ku ka vaprista lavakulu ni ka ntshungu: “A ndzi kumi nandzu eka munhu loyi.” 5 kambe va phikelela, va ku: “U pfilunganya tiko hi ku dyondzisa hinkwaku eYudiya; u sungule eGaleliya, sweswi u tile haleno.” 6 Loko Pilato a swi twa, a vutisa a ku: “ Xana munhu loyi i Mugaleliya xana?” 7 loko a twile leswaku i munhu wa tiko leri fumiwaka hi Heroda, a n’wi rhumela eka Heroda, loyi na yena a a ri eYerusalema hi masiku wolawo. 13 kuteloko Pilato a hlengeletile vaprista lavakulu, ni vakulukumba, ni vanhu va tiko, 14 a ku ka vona: “Mi tisile munhu loyi eka mina, mi ku: ‘u hambukisa tiko.’ Sweswi ndzi kambile mhaka emahlweni ka n’wina, kambe a ndzi kumanga nadzu eka yena, hambi wu ri wun’we wa leswi mi n’wi hehlaka ha swona. 15 swi tano na Heroda, hikuva u n’wi tlheriserile ka hina swa tikomba leswaku a nga endlanga ni xilo ni xin’we lexi fanelaka hi rifo. 16 hikwalaho, ndzi ta lerisa leswaku a biwa, kutani ndzi ta n’wi ntsunxa.” 17 Pilato a a fanele ku va ntsunxela mubohiwa hi suku ra nkhuvo. 18 Kambe hinkwavo va huwelela hi rito rin’we va ku: “Dlaya yena loyi, u hi ntsunxela Barabasi!” 19 { Barabasi a a nghenisiwile ekhotsweni, hikuva a a pfuxile dzolonga emutini, a a dlayile ni munhu.} 20 Pilato a tlhela a vulavula na vona, hi ku lava ku ntsunxa Yesu. 21 kambe va engeta va huwelela, va ku: “N’wi vambe! N’wi vambe!” 22 A va vutisa ra vunharhu a ku: “Xana munhu loyi u dyohile yini ke? A ndzi voni nandzu lowu a fanelaka ku fela wona; hikokwalaho ndzi ta lerisa leswaku a biwa, kutani ndzi ta n’wi ntsunxa.” 23 kambe va huwelela hi marito layo tlakuka, va kombela leswaku a vambiwa; kutani ku huwelela ka vona ku yingisiwa. 24 Pilato a tsema mhaka, a ku: “A ku endliwe hilaho mi kombelaka ha kona!” 25 Kutani a va ntsunxela loyi va n’wi kombeleke, loyi a a khotsiwile hikwalaho ka dzolonga ni ku dlaya munhu; loko a ri Yesu, Pilato a n’wi nyiketa eka vona, leswaku va n’wi endla leswi va swi rhandzaka.
Ehubyeni ya Pilato, a Vayuda va ve ni kinga. A huvo liya a yi thethisa timhaka ta ku yiva, vugevenga kumbe ku tlula nawu wa mfumo wa Va-rhoma. Hikuva munhu a vula leswaku i n’wana wa Xikwembu a swi nga va vilelrisi, naswona a va nga ta n’wi nyika nandzu. Hikokwalaho, a Vayuda va boheke ku luka mavun’hwa lawa a ma ta amukeleka ehubyeni. Man’wana lawa a va n’wi lumbeta hi wona hi lawa ya ku; a a kucetela vanhu leswaku va nga rhesi tinemba eka Khesari Hosi ya Va-rhoma ni leswaku a a ti vula hosi ya Vayuda, hi ndlela leyo a swi languteka na a nga ri na mhaka ni vuhosi bya Rhoma. Lawa a ma ri mavun’hwa hikuva siku rin’wana Yesu a teke mali a komba ntshungu a xifaniso xa Khezari eka yona, a va lerisa ku nyika Khezari leswi n’wi lumbaka. Yesu a nga zanga a vula leswaku a tele ku ta ta simeka mfumo wa misava kutani a va hosi ya wona. Loko Pilato a le ku avanyiseni, a tsumbula leswaku ku ni vukungundzwana exikarhi ka vona ni leswaku leswi a va n’wi hehla hi swona a swi nga ri swa ntiyiso, u te: “ A ni kumi nandzu eka wanuna loyi.” Loko va ye emahlweni va tshikilela leswaku a avanyisiwa, hi ku vula leswaku Yesu a a vanga mpfilumpfilu exikarhi ka vanhu ni ku vula leswaku i Mugaleliya, Pilato a vone ndlela yo huma hi yona, a va rhumele eka Heroda loyi a a ri hosi ya le Galeliya a a te ku ta ta pfuxela eYerusalema.
6. A hi hlayeni ku suka eka Vhesi 8 kuya eka 12
Kuteloko Heroda a vona Yesu, a tsaka ngopfu, hikuva a ku ri khale a rhandza ku n’wi vona, hikwalaho ka leswi a a swi twile ehenhla ka yena, kutani a a tshemba leswaku u ta n’wi vona a endla mahlori. 9 A n’wi vutisa timhaka to tala, kambe Yesu a nga hlamulanga nchumu. 10 Vaprista lavakulu ni vatsari a va yime kwalaho, va n’wi hehla hi matimba swinene. 11 Hiloko Heroda a n’wi sandza, ni ku n’wi tseketsela a ri ni masochwa ya yena; kuteloko a n’wi ambexile nguvo yo vangama, a n’wi tlherisela eka Pilato.12 Hi siku rero Heroda na Pilato va hundzukile vanghana, kasi khale a va vengana.
Heroda a a tsake ngopfu loko Pilato a n’wi rhumelele Yesu, hikuva a a navela ku vona Yesu na a endla mahlori, kumbe ku n’wi nyika swo n’wi xavelela hi swona. A sungule hi ku n’wi tlanga hi yena, a n’wi veka swivutiso ehenhla ka swi vutiso. Kutani Yesu a vona leswi Heroda a kongomeke swona, a nga n’wi hlamuri ni xin’we. Kutani Heroda a hlundzuka hikwalaho ka xibochwa lexi a xi anga hloniphi vuhosi bya yena, a n’wi ambexa nguvo ya xivunguvungu onge hi loko a ri hosi, kutani yena ni masochwa ya yena va n’wi hlekula, endzhaku ka swona va n’wi tlherisela eka Pilato. A ku hlanganisiwa loko a Pilato na Heroda hi ku lwisa Yesu, a ku ri xikongomelo xa leswaku va ta kota ku twanana hikuva exikarhi kavona a ku ri ni vulala.
Ku na swilo swimbirhi swa risima leswi u fanelaka ku swi hlayisa, 1 Yesu a nga voniwanga nadzu ni le ka huvo ya vumbirhi ya ku avanyisa, 2 ha ha le ku vonene ka swo fana ni namuntlha, vanhu lava a va hanya hi vulala eka un’wana na un’wana eka swilo swo hambana-hambana, va hlanganisiwa eku rhandzeni ka Xikwembu, kutani ku akeka xinakulobye xo tiya lexi hangalasaka xihlawula nhlonge.
7. Kutani yi hlaya vhesi 13 kuya eka 24
“kuteloko Pilato a hlengeletile vaprista lavakulu, ni vakulukumba, ni vanhu va tiko, 14 a ku ka vona: “Mi tisile munhu loyi eka mina, mi ku: ‘u hambukisa tiko.’ Sweswi ndzi kambile mhaka emahlweni ka n’wina, kambe a ndzi kumanga nadzu eka yena, hambi wu ri wun’we wa leswi mi n’wi hehlaka ha swona. 15 swi tano na Heroda, hikuva u n’wi tlheriserile ka hina swa tikomba leswaku a nga endlanga ni xilo ni xin’we lexi fanelaka hi rifo. 16 hikwalaho, ndzi ta lerisa leswaku a biwa, kutani ndzi ta n’wi ntsunxa.” 17 Pilato a a fanele ku va ntsunxela mubohiwa hi suku ra nkhuvo. 18 Kambe hinkwavo va huwelela hi rito rin’we va ku: “Dlaya yena loyi, u hi ntsunxela Barabasi!” 19 { Barabasi a a nghenisiwile ekhotsweni, hikuva a a pfuxile dzolonga emutini, a a dlayile ni munhu.} 20 Pilato a tlhela a vulavula na vona, hi ku lava ku ntsunxa Yesu. 21 kambe va engeta va huwelela, va ku: “N’wi vambe! N’wi vambe!” 22 A va vutisa ra vunharhu a ku: “Xana munhu loyi u dyohile yini ke? A ndzi voni nandzu lowu a fanelaka ku fela wona; hikokwalaho ndzi ta lerisa leswaku a biwa, kutani ndzi ta n’wi ntsunxa.” 23 kambe va huwelela hi marito layo tlakuka, va kombela leswaku a vambiwa; kutani ku huwelela ka vona ku yingisiwa. 24 Pilato a tsema mhaka, a ku: “A ku endliwe hilaho mi kombelaka ha kona!”
Loko Pilato a vone leswaku a makungu ya yena ya ku tshikela Heroda a avanyisa Yesu a ma tirhandga, a teke xiboho xa leswaku a ta yi landza hi yexe. Kutani a vitana vahehli va Yesu a va byela a ku: “Hambi Heroda kumbe yena a va kumanga nandzu lowu faneriwaka hi rifo. Kutani a a ta n’wi ba kutani a n’wi ntsunxa, hikuva a wu ri ntirho wa yena wa ku va ntsunxela Muyuda un’we loyi a a ri na nandzu enkarhini wa nkhuvo wa Paseka.
Kutani loko va hehli va twa leswi, va hlohlotele vaprista ni vatsari hi ku huwelela hi marito lama tlakukeke va ku: “ A vabiwe; hi ntsunxele Barabasi.” Pilato se a a le ku vileleni swinene hikuva a vaprista a va ri ntlawa wa matimba swinene eku hlohloteleni, naswona a va ta hlohlotela Vayuda hinkwavo leswaku va pfukela mfumo wa Rhoma, kutani a a ta va emhakeni yikulu eka Khezari hosi ya Rhoma. Loko a ha vulavurisana ni Vuyuda, un’wana wa malandza ya yena a n’wi tisela papila ro huma eka nsati wa yena. A a tsarile leswaku a nga etlelanga kahle hikwalaho ka Yesu, kutani a a fanele ku tivonela a nga endli nchumu xo biha eka wanuna loyi wo lulama. ( hi hlaya leswi eka Matewu 27:19) Kutani Pilato a ringeta ku khorwisa Vayuda, kambe a ku huwelela ka vona a ku ya ku kula. Hi khambi ra vunharhu a ya tshama exitshan’wini xa vu-avanyisi a ku, ka vona: “Kasi u endle yini xo biha?” enkarhini lowu hinkwawu Yesu a nga vulanga rito ni rin’we ro to vhikelela, kutani leswi n’wi hlamarisile ngopfu. Governador wa xivundza nkulu
8. Kutani Pilato a hluriwa hi ntshikilelo wa ntshungu. Ni tshiki ni ku hlayela eka Mt 27:24-31
“Loko Pilato a vona leswaku a nga ha pfuni nchumu, ni leswaku dzolonga ri ya ri kula, a teka mati, a hlamba mandla emahlweni ka vona, a ku: “A ndzi na nandzu wa rifo ra munhu loyi, swi vonene mi ri n’wina.” 25 Tiko hinkwarhu, ri hlamula ri ku: “Rifo ra yena, a ri vee henhla ka hina ni le henhla ka vana va hina.”26 kutani a va ntsunxela Barabasi; kambe a lerisa leswaku Yesu a biwa, kutani kutani a n’wi nyiketa leswaku a vambiwa. 27 Masocha ya hosi ma yisa Yesu endlwini ya vuhosi, kutani ma hlengeleta ntlawa hinkwawo wa masocha, wu n’wi rhendzela. 28 Va n’wi hluvula swiambalo swa yena, va n’wi ambexa xin’wana xo tshwuka, 29 kutani va luka harhi ya mintwa, va n’wi tlhandleka enhlokweni, va n’wi tamerisa nhonga evokweni ra xinene, kutani va khinsama hi matsolo emahlweni ka yena, va n’wi tseketsela, va ku: “Xewani, Hosi ya Vayuda!” 30 Va n’wi tshwutela marha; va teka nhonga, va n’wi ba nhoko ha yona. 31 kuteloko va hetile ku n’wi tseketsela, va n’wi hluvula xiambalo xa kona, va tlhela va n’wi ambexa swa yena, kutani va famba na yena va ya n’wi vamba.
A hi vonene mhaka ya risima loko hi ya eku pfaleni. A xo sungula i mayelano ni Vayuda. Yesu a nga xanisiwanga hi vahedeni, kambe hi rixaka ra yena, vanhu lava amukeleke magidigidi ya minkateke eka madzana-dzana ya malembe lama hundzeke emavokweni ya yena. Vona lava a va ri ni matsalwa ya yena emavokweni ya vona, a vanhu lava a Tempele a yi akiwe edoropeni ra vona lerikulu. Hikwalaho ka yini? Ko tala Yesu a va tshinyile hikwalaho ka ku nonon’hwa ka timbilu ta vona. Eka Esaya 29:13 yi te: “A Vanhu lava, va ta eka mina ntsena hi milomo ya vona, kambe timbilu ta vona ti kula na mina. A ku gandzela ka vona vito ra mina, ku endliwe ntsena hi minawu leyi endliweke hi vanhu.” A swi vanga swona ntsena leswi nga va ntiyiso eka Vayuda va nkarhi lowuya, kambe ni magidigidi ya lava tivulaka Vakriste emisaveni hinkwayo va tirhela tikereke ta vona ku nga ri Xkwembu. Va nghena tinkondzweni ta swikhongelo, kambe a va na xinakulobye ni Xikwembu.
9. A ku nonon’hwa loko ka timbilu ta vona, ku va endle leswaku va teka ndhawu ya Xikwembu. A va lava leswaku a tiko ra Vayuda ri va hlonipha, ri yingisa milawu hinkwayo leyi a va yi veka, kutani a va khatisa un’wana ni un’wana loyi a a tlula wun’wana wa yona. A va nga ri na rirhandzu, kambe a va ri ni milawu. Loko Yesu a sungule ku famba-famba, a kombisa rirhandzu ra Xikwembu leri nga heriki eka vanhu, a vanhu va hlamule hi ku n’wi landzela. Leswi hi swona swi endleke leswaku a va rhangeri va vukhongeri bya Xiyuda va va ni vukwele ngopfu kutani va hlundzuka, emakumu va n’wi khoma va n’wi vamba. A timbilu ta vona a ti nonon’hwile lero a va ti vona na va le ku endleni ka swilo swa kahle, ni leswaku a va tsakisa Xikwembu, naswona a va endlela Xikwembu; va ko va ti kombelela nandzu eka Pilato vaku: “U nga vileri Pilato, a ngati ya yena a yi ve ehenhla ka hina ni le henhla ka vana va hina.” Wa nga vona hi laha munhu a pfariwaka mahlo ha kona. Vona nakamb leswaku a ntshungu wu hlawule Barabasi, xigevenga, ematshan’wini ya Yesu wanuna wu lulama.
10. Tsundzuka leswaku Yesu a nga kumiwanga nadzu hi tihuvo timbirhi ta vuthethisi.
11. A marito yo hetelela mayelano na Governador Pontiyo Pilato. Hi yena loyi a nga vamba N’wana wa Xikwembu. A a swi tiva leswaku a le ku endleni ka leswo biha, kambe a ya emahlweni a n’wi vamba, a dlaya Xikwembu xa yena, ku tlula ku xanisiwa ni ku tsukuriwa hikwalaho ka leswolulama. Varhandziwa, i ka ngani laha vuhosi bya masiku lawa hi hanyaka eka wona byi endlaka swo fana xana? Va ti lavela leswi nga ta pfuna vona ntsena, ku tlula leswi nga swi nene emahlweni ka Xikwembu. Xana wena na mina ke? Xana u tiyimiserile ku endla leswinene emahlweni ka Xikwembu kutani u khawurisiwa hi swona xana? Lowu hi wona ntiyiso wa leswi hi hlanganaka na swona siku na siku evuton’wini bya hina. Onge Xikwembu xi nga hi nyika matimba ma nga ri ya ku endla leswi endliweke hi Pontiyo Pilato loyi ni namuntlha, a ha lavaka ku hlamba mavoko hi ngati ya Xinyimpfana xa Xikwembu.
//////////
To copy (DOWNLOAD) tap: Maxangu ya Yesu