Nguva ya Mileniyamu ni ku tshunxiwa ka sathani

A. NGUVA YA MILENIYAMU

.

(Matsalwa lawa ma hi nyika hungu leri: Es 2:1-5; 11:1-16; 32:1-20; 35:1-10; 60:1-22; Yer 31:1-40; 33:1-26; Ez 37:14-28; Am 9:11-15).

1. XIKONGOMELO XA NGUVA YA MILENIYAMU?

Xikongomelo xikulu I kuva Xikwembu Xi hetisisa xikongomelo xa Xona xale ku sunguleni hi misava leyi hi nga eka yona namuntlha, na Xi nga sena si-meka misava ni matilo lamantshwa.

Loko swi nga ri tano, aXita boheka ku swi amukela leswaku ntirho wa Xona wo tumbuluxa munhu leswaku a fambisana na Xona, ni leswaku misava ku va vutshamo  bya yena, a wu yo kavanyetiwa ntsena, kambe wu hingaka-nyeriwe makumu hi sathani. Sathani a ta vonaka tani hi muhluri, Xikwem-bu Xona a Xi ta boheka ku tsukula misava leyi, Xi ti endlela misava yin’wani ni matilo man’wani hi vuntshwa. Ku tshemba a ku tava ku ngari kona hikuva , kutiva mani , kumbe naswona sweswo sathani a ta swi yimisa ke?

Ku hlamusela maendlelo lawa, a hi tirhiseni xikombiso lexi landzelaka. A hi ngo ndzi aka njhanji yo ringana 100 km , ndzi aka ni xitimele xa manyunyu lexi hi ku hefemula ntsena xiva xi tsutsumile mpfhuka wo ringana 200 km hi wara yin’we ntsena leswaku xi tsutsuma henhla ka yona, xi tleketla van-hu exikarhi ka madhoropa mambirhi hinkarhi wo ringana 30 wa timinete.  Kutani munhu un’wani a hahlula njhanjhi hima vomu, xitimele xi rheta ni ku tlumba xiwa, vanhu van’wani va dlayiwa. Ematshan’wini yo pfuxa xi-timele ni njhanjhi leswaku ntirho wuya emahlweni nakambe, ni ku enge-tela vuhlayiseki ku sivela tinghozi tin’wani nakambe, matshan’wini ya swona leswo, ndzi tsukula ntirho hinkwawo, ndzi luza timali tin’wani nakambe ndzi aka vutleketli bya le moyeni bya swi haha-mpfhuka.  Xana ndzi nga va ndzi tekile xiboho xa kahle ke? Nikuntsongo, ndzi nga va ndzi endlile xihoxo ku tsukula vutleketli bya xitimele, a swi tava swi antswile loko a ndzi nga sungulanga.

Switano, loko Kriste a yo tsukula makungu ya Ntanga wa Edeni emavo-kweni ya vulawuri bya munhu hi laha a swi kunguhatiwile hakona eku sunguleni, hi nga vula swo hambana ni leswi Xi swi vuleke Xona hi ku phindha-phindha hi ku a swi zanga swi “sasekile”. Hi nga pfumelelana na  Evha na diyavulosi leswaku Xikwembu a Xi zanga Xiva xi hetisekile hi laha xi vonakaka hakona. Hi nga fana  na Evha, hi vula leswaku hi ta ti kumela swo antswa hina hi hexe. 

Swivula leswaku, Xikwembu Xi boheka ku humesela erivaleni vuswikoti bya Xona mayelano ni ntirho wa Xona wa le kusunguleni, ku nga munhu ni xivandla lexi a nga eka xona hikuva hi ku vuyisela masungulo, hinkwaswo swi tlhela swi famba kahle.

Vutomi laha misaveni hi nguva ya Mileniyamu byi ta hundza hi kambirhi byale Tangeni wa Edeni hinkarhi lowu a va nga sewa.

Eku sunguleni Adamu  na Evha a va endla swa kahle hi ku papalata ku khoma mihandzu leyi yirisiweke, kufikela loko sathani a humelerile exivandleni xolexo, a hahlula  “njhanjhi ” , kutani makungu hinkwawo ya Hosi Xikwembu ehenhla ka munhu ma kavanyetiwa.

 Eka nkarhi wa nguva ya mileniyamu , muhahluri utava a hlayisiwile hi ku lotleriwa, u ta tsandzeka ku ngungumela hiti njhanjhi ta vutomi leti Xikwembu Xi ti vekeke leswaku munhu a hlayiseka ni ku tiphina hiku famba eka tona siku rin’wana ni rin’wana. Munhu u ta siyiwa a ti hanyela hi ku lawuriwa hi mapfalo ya yena n’winyi ni Moya Lowo Kwetsima.

Swivangelo hinkwaswo swa nguva ya mileniyamu swi hlangana eka xivangelo lexi hinkwaswo ka swona; swivangelo swo fana  ni leswi; ku hetisisa swi tshembiso swa Xona, ku hetisisa swi tshembiso swa ntwanano wa Xona ni Abrahamu, Davhida, ni vanhu hinkwavo, ni swin’wani.

A hi langutiseni kuyelana loku nga kona exikarhi ka vutomi bya le Ntangeni ni vutomi bya nguva ya Mileniyamu.

2. VUTOMI EKA NGUVA YA MILENIYAMU

  • Hosi Yesu u tava exikarhi ka vanhu, a dya mabulu na vona hilaha a swi endleke hakona eka Adamu na Evha.
  • Adamu na Evha a va fanele ku rima Ntanga ni ku wu langutela (vawu sirhelela). Switano, Hosi Yesu u tshembisile leswaku ku ta hlawuriwa vanhu leswaku va teka vulawuri ehenhla ka  “madhoropa” eka nguva ya mileniyamu, kuya hi vutlhari lebyi a veke ni byona eku tirhiseni ka ti talenta leti va nyikiweke tona loko nguva ya mileniyamu yi nga sena fika (Mt 25:14-23).  Nakambe , va ta avanyisa vaxanisi va tiko ra Xikwembu, hikuva va tava va tele exikarhi ka lava va nga ta tswariwa ra-vumbirhi hi nguva ya mileniyamu (Mt 19:28; 1 Kor 6:2).
  • Xana kutava ku ngari ku yisiwa eka xiyimo xale hansi ka vakwetsimi lava se va tlakusiweke ku suka eParadeyisini vaya hlangana ni ku tirhisana ni vadyohi nakambe ke? E-e, a va ngavi ka xiyimo xo fana ni munhu un’wana ni un’wana, naswona,, avangavi ka xiyimo xo tani hi lexi hinga ka xona ka nkarhi wa sweswi. Va ta fana ni tintsumi leti tirhaka emisaveni, kambe ti nga khumbiwi hambi ku nyamisiwi hi vutomi bya laha misaveni. Va ta fana na Hosi Yesu loko a pfukile eku feni. Ina, a hari entirwheni wa Yena, kambe a nga ha xaniseki, a ri ni vuswikoti byo humelela hambi ku nyamalala leswi Yena a swi lavisaka xi swona.
  • Vutomi bya mirhi ni bya swihari.

Hikuva swivumbiwa hinkwaswo swi langutela, hi ku navela lokukulu, leswa-ku Xikwembu xi kombisa erivaleni vana va xona. Leswi vumbiweke swi nyi-ketiwile eka swa hava, ku nga ri hi ku rhandza ka swona, kambe hi ku rha-ndza ka Loyi a swi nyiketeke. Kambe ku langutela ku kona ka leswaku swi-vumbiwa leswi swi ta ntshunxiwa na swona evuhlongeni bya leswo bola, ku ta amukela ku ntshunxeka loko kwetsima loku nga ka vana va Xikwem-bu. Hikuva hi tiva leswaku, ku fikela namuntlha, swivumbiwa hinkwaswo swa konya hi ku vaviseka loku fanaka ni ku vaviseka ka ku veleka. (Rho 8:19-22).

Kusukela loko munhu a wile, ntumbunuku wu xanisekile hi tindlela to ham-bana-hambana kufana ni leti landzelaka: mintwa ni mahlwehlwe, dyandza, mintungu yo hlasela mirhi ni swihari, tinghozi ta ntumbunuku to fana ni kutseka-tseka ka misava, tsunami ni tin’wana, naswona, henhla ka hinkwa-swo leswo, munhu hi yena a nga hlasela mirhi ni swihari.

Ndzhukano lowu a wu ri kona laha misaveni wu ta susiwa hinkwawo, kuta-ni yi ta bindzula hi xitalo leswi nga ta ringana vaaki hinkwavo. Hambi kuri mananga ma ta hundzuriwa mintanga leyi bindzulaka.

Vutomi bya swihari byita vuyiseriwa emat-shan’wini ya byona, swi vula leswaku a ku ngavi ni swivandzana swakudya nyama. Swihari ni vanhu swi ta hanya swin’we hiku rhula. (Es 11:6-9).

  • Vululami byi ta teka vulawuri, kuva ni kurhula emisaveni hinkwayo. Hambi leswi nhlayo ya vaaki va laha misaveni yi nga ta engeteleka hi vanhu vokala vanga tswariwanga ra-vumbirhi, va tava hansi ka vuhe-tiseki bya Xikwembu no va hansi ka mfumo wa matimba hinkwawo, va tava ni ndzelekano, handle ka swona va ta kuma xikhatiso xa vululami xo vava.

3. HIKWALAHO KA YINI KURI MALEMBE YA 1000 KE?

Nhlayo leyi yi boxiwile ka ntsevu eka Nhlav 20:1-6. Xana yi nga va yi vula swa nkoka eka hina ke? A hi lavitiseni leswi landzelaka.

Nhlayo ya 1000=10x10x10. Xo sungula tekela enhlo-kweni nhlayo ya  10. Yi vuyelerile ka 232 eka Matsalwa (WEB).  Nkoka wa yona lowu ti kombisaka swinene wu mayelano ni Milawu ya Khume. Xikwembu xi hlawurile mila-wu yoleyo ya Khume leswaku hayona xi hi hundzisela mhaka yo randza Xikwembu ni vanhu. Hikwalaho, nhlayo ya 10 yi yimela ku eneteka – kue-nela. Nhlayo ya 3 yi yimela vun’we bya vunharhu bya Xikwembu. Loko hi ti katsa ka nharhu tiendla 1000, leyi yi hi hlamuselaka leswaku Xikwem-bu Xi teka nkarhi wo leha tani hi lowu ku va Xi hetisisa kungu ra xona leri boxi-weke eka xiyenge xa 1 laha henhla. Naswona yi komba nkarhi wo eneteka lowu lavekaka eka vanhu hinkwavo leswaku va va ni torha ro amukela Yesu tani hi Hosi, ni ku avela van’wana ku dzuneka ka yena loku nga heriki.

4. NHLAYO LEYI ENGETELEKEKE EKA NDYANGU/ NTOMBHI/ VADYANDZHAKA YA MFUMO

Eka ndzhawu leyo rhula swonghasi, ndzhawu yo kala mavabyi, nhlayo ya vanhu yi ta tlakuka hi xihatla swinene va funengeta misava hinkwayo. Vunyingi bya vanhu byi tata eka Kriste hi nguva leyi, ku hundza va mileniya hinkwavo hi mpfhuka misava yi tumbuluka, lero, eku heteleleni nhlayo ya vanhu vo ponisiwa yi ta hundza ekule nhlayo ya vanhu lava loveke.

B. KU TSHUNXIWA KA SATHANI NI KU LWISA KA YENA KO HETELELA (NHLAV 20:7-10)

.

1. HIKWALAHO KA YINI A TSHUNXIWA XANA?

Endzhaku ko tshama no ti seketela hi xitshamo lexi famba-fambaka, u ti-phina hi miehleketo leyo nandziha ya mayelano ni malembe ya gidi yale tilweni, muhlayi ni mu yingiseri u tshukisiwa hiku tivisiwa ka xi hatla eka maphepha – mahungu nile ka swiya ni moya(radio) leswaku  hosi leyikulu ya xighevenga xa minkarhi hinkwayo xi humesiwa ekhotsweni. Vanhu hi-nkwaku-nkwaku va ta hlamala va ku, hikwalaho ka yini Xikwembu xi endla mhaka leyi ke? Hikwalaho ka yini Xi humesa nala wa Xona lonkulu ke? Hi-kwalaho ka yini Xi n’wi tshunxa laha misaveni nakambe ke?

Nhlamulo ya swivutiso leswi yi olovile swinene: I ma endlelo ya Xona hi tlhelo ra Xona yo vuyisela mintshungu leyi nga landzula ku N’wi amukela tani hi Xikwembu xa Vona, ku va Xi nga siveri vumbhoni lebyi va rhendze-leke, hikuva nyika nkarhi wo teka xiboho ro hetelela. Hikona se va nga ta susiwa exikarhi ka vanhu va Xikwembu , kutani Mfumo wa Xikwembu wu nga ta basisiwa ro hetelela. Hikona se ku nga ta simekiwa misava ni matilo lamantshwa.

2. KU HUMELELA KA SATHANI NAKAMBE

Xikwembu hi xona xi nga ni matimba ya vulawuri ehenhla ka khele ra muhocho, kutani Xi ta lerisa leswaku xipfalo xa khele xi fayiwa ni ku humesiwa ka mukhotsiwa wa nkarhi wo leha (ni mavandla ya tintsumi ta yena ta madimoni).

Mahlomulo ni maxangu lamakulu ya nkarhi wo leha ehenhla ka sathani ni tintsumi ta yena ta madimoni switava swi nga vuri nchumu eka sathani ni madimoni ya yena, kutava kuri mati henhla ka patu, a swi nga endli leswa-ku va hundzuka, lebyi I vumbhoni lebyi kombaka leswaku xivumbiwa xa vudyoho a xi na matimba yo ti hundzula xona n’winyi, kova Xikwembu ntsena lexi kotaka ku nghenisa ntumbunuku wuntshwa endzeni ka yena.

3. UTA HUMA A FAMBA A XENGA TINXAKA LETO TALA

Ange  he dyi nkarhi, hi xinhatla u ta teka goza ra ku hiseka ka yena ra ku wisa Kriste. Leswi u ta swi endla hi ku tsala nongonoko wa vanhu vo kala va nga ponisiwanga. Tani hi le ku sunguleni, endlelo ra yena ri tava ra ku va xenga.

Muxaka wa vuxengi bya kona a swi boxiwanga , kambe byi nga va byi fana  ni bya le Ntangeni wa Edeni bya ku vula leswaku Xikwembu a xi ngari kahle hikuva a xi va sivela ni ku va fihlela swo antshwa evuton’wini bya vona.

4. MATITWELO YA MINTSHUNGU

Vunene bya Hosi Xikwembu lebyi hi ntiyiso va byi hanyeke ehansi ka Mfumo wa Hosi Yesu hi malembe yo ringana 1000 a va nga swikoti ku byi kaneta, kambe va ta ya emahlweni va kholwa mavunwa ya sathani. Xikwembu xi ta pfumelela mavunwa ya yena ma va tshikelela hikuva eka nguva hinkwayo leyi hundzeke a va zanga va amukela ntiyiso wa Yena, laha a va kombiseke rirhandzu, kambe a va n’wi amukelanga tani Muponisi ni Hosi ya vona.

Eka xiavanyiso xa 20:8, ntsengo wa vona wu fananisiwa ni sava ra lwandle. Swita njhani va tele hindlela leyi ke? Hiku hlamula xivutiso, ehleketa hi Yakobo ni ndyangu wa yena. Loko va yile va ya hanya etikweni ro nona eGipta, avari mahika ya 70 ntsena, kambe ndzhaku ka malembe yo ringana 400, a va ri kwalamu ka 2 wa mamiliyoni.

Switano nile ka xiyimo xa nguva ya Mileniyamu: eku heteleleni ka malembe ya nkombo ya mahlomulo yo chavisa, hi ntiyiso se a va hundzile ka nhlayo ya 70 wa mahika lava landzuleke mfungho wa Xivandzana. Ahi switekeni leswaku a va ri 1000 lava humeke va nghena eka matshamelo ya kahle swa nge hi lawa; xana a va tava va nga andzanga va hundzuke mamiliyoni ya vanhu ke? Khombo ra kona hileswaku vana va ntsandza vahlayi lava va nga velekiwa va landzila ntila wa timbilu to voyamela eka vudyoho, a va N’wi amukelanga Kriste tani hi Muponisi ni Hosi ya vona.

Ntshungu lowu hambukisiweke wa tihanyi, lowo tala swonghasi kufana ni sava ra lwandle (20:8), wu ta landzela no seketela sathani eka minhlaselo ya yena leyi nga tava eYerusalema laha Mfumo wa Hosi Yesu wu nga tava wu simekiwile kona.

Vatyhiwa vito ra Gogo na Magogo, kambe va tava va huma ematlhelweni hinkwawo ya misava, hikokwa-laho, aku ngavi Rusiya ntsena ni vatirhisano va yona lava va nga ta hlasela Yerusalema eka nguva ya le xikarhi ya mahlomulo. Hi ku fananisa ni nhlaselo lowu hundzeke wa xi kongomelo xo fana, va nga vitaniwa vahlaseri va vanhu va Xikwembu.

5. MBUYELO WA KU LWISA KA VONA

Eka nkarhi lowu a ku nga havi ni xilaveko xo va vanhu va Xikwembu va ti sirhelela, hikuva Hosi yi ta tirhisa matimba ya le henhla ka hinkwaswo ya Yona ku va herisa hi ndzilo wo huma etilweni (Nhlav 20:9).

Diyavulosi loyi a va xengeke u ta hoxiwa etiveni ra ndzilo ni xi vavula, laha xivandzana ni muprofeta wa mavunwa va nga kona hi khale. Hikona laha va nga ta xanisiwa vusiku ni nhlikanhi hi laha kunga heriki (Nhlav 20:10).

//////////

Leave a Reply

Your email address will not be published. Required fields are marked *