Vagalatiya

Hi ntshunxiwile hi Lesw kriste a hi ntshuxeke. Hikokwalaho, yimani mi tiya, mi nga ha tlheli mi ti veka ehansi ka mpingu wa vuhlonga.

(5:1) 

  • Nhloko mhaka: Ku ntshuxiwa eka Kriste
  • Siku ro tsariwa: A.D. 49
  • Mutsari: Pawulo
  •  Ndzhawu: Antiyoka.

Endzhaku ko vuya hi le Yerusalema u kongome eka kereke ya yena ya le kaya e Antiyoka, laha mhaka ya ku ponisiwa ni ku pfumela eka kriste ntsena yi nga tiyisiwa kona. Pawulo u tshukisiwile hi mahungu yo tsema nhlana, U twile mahungu ya leswaku Vamatiko lava pfumeleke eka kriste, eriendzweni ra yena ro rhanga tanihi hi murhumiwa, va wele eka xihoxo lexi vulaka leswaku vamatiko va fanele ku rhanga hi ku landzelela mikhuva hinkwayo ya nawu wa Muxe, kuri kona va nga ta lulameriwa hi ku ponisiwa. Hi ku hatlisa Pawulo u tsala papila leri ku yimela mhaka ya ku endliwa loyi a lulameke hiku pfumela no tsundzuxa kereke ya Vagalatiya hi ku va byela leswaku ku ni khombo leri kulu eka ku ringeta ku baleka Evhangeli leyo tenga, leyi tiseketelaka ha kriste ntsena kuva munhu a ponisiwa.

Marhambu Yo Pfumala Nyama                      
  • Ku avanyisa ka 1-2 Ku tikarhatela Evhangeli Leyi tengeke.

Pawulo u sungula hi ku tshinya vanhu lava nga  edzongeni wa madhoropa ya Galatiya, Antiyoka,Iconiya,Listra, na Derbe (Mintirho 13:14-23). U va tsundzuxa hi vanhu lava nga dyondziseki Evhangeli yo pfumela eka kriste ntena, kambe vadyondzisi lava va engetela tidyondzo ta mikhuva eka Evhangeli, va dyondzisa leswaku Xikwembu xi tsakisiwa hi mintirho leyinene. Kambe sweswo kova mikhuva ntsena ku va u lava ku amukeriwa emahlweni ka Xikwembu hikwalaho ka mintirho. Kambe Pawulo u dyondzisa leswaku Kriste u endlile hinkwaswo swilaveko  swa ku ponisiwa ka hina.

  • Ku avanyisa ka 3-4      Ku sirhelela Evhangeli yo tenga.

Pawulo u kombisa hi Abrahama tani hi murhangeli lonkulu wa Testamente ya khale, a hlamusela leswaku , “ Abrahama a nga ponisiwanga hi ku landzelela mintila ya vukhongeri bya khale, kambe hi ku pfumela eka Hosi Xikwembu.” Hikwalaho ka ku pfumela ka Abrahama, Xikwembu xi n’wi vurile loyi a lulameke. Pawulo u hlamusela leswaku, ku hlayisa nawu a swi nge ponisi vutomi bya munhu. Ematshan’wini ya swona, nawu wu komba leswi ku dyoha ku nga swona. Vanhu va endliwa lava lulameke ku ngari hi mintirho ya vona kambe hi tintswalo, leti ha tona Xikwembu xinyikaka kuponisiwa na ntshunxeko ha kriste.

Ku avanyisa ka 5-6 Ntshuxeko eka Evhangeli leyi tengeke.

Pawulo u lerisa vapfumeri va le Galatiya leswaku va fanele ku tiphina hi ntshunxeko wa vona eka kriste, va nga tiendli vabohiwa hiku ringeta ku hlayisa mikhuva ya vukhongeri kumbe ku endla mintirho leyinene leswaku va amukeriwa hi Xikwembu. Vunene a byi humi ka mintirho ya hina, kambe byi huma eku ti vekeni ehansi ka vulawuri bya moya lowo kwetsima, leswaku wona Moya lowo kwetsima wu tumbuluxa vunene eka hina. Loku swi fika Eku humeleleni ka vutomi bya xikriste, kuhava loyi a faneleke ku ti dzunisa ha swona loko ku nga ri hi xihambano  xa Kriste, hi Yena a endleke leswaku leswi hinkwaswo swi koteka.

Ku Vekela Nyama eka Marhambu
  • Ku endliwa loyi a lulameke hi kupfumela ehandle ka mintirho ya nawu, hi yona nhloko-mhaka nkulu eka papila ra xihantla leri  pawulo a nga ri kongomisa eka vanakulorhi va yena va va pfumeri. Yena u avanyisile mhaka ya yena hi swiyenge swinharhu:
    • U sirhelela vulawuri bya vuapostolo bya yena lebyi tiyisaka hungu ra Evhangeli ya yena.
    • U kaneta tidyondzo ta mavunwa leti vulaka leswaku munhu u endliwa loyi a lulameke hiku hlayisa nawu wa Muxe, hi ku tirhisa wona nawu u hlamusela mhaka ya ku vuriwa loyi a lulameke hi ku pfumela ntsena.
    • U kombisa leswaku ku ntshunxiwa eka nawu a swi vuri ku pfumala nawu, kambe swivula leswaku hi tintswalo ta Xikwembu, vapfumeri va ntshunxekile ku yingisa, ku rhandza Xikwembu naku xitirhela.
Swipaluxi Evuton’wini Bya Wena.
  • Ku tshunxeka eka mintolovelo na mikhuva, kumbe eka ntshikelelo wa tipolitiki, i ku ti twela ka ku kwetsima.  Ku ntshunxeka ka ximoya i ntsako lowu kulu ngopfu,ku kumeka hi ku pfumela eka Yesu kriste ntsena. Loku uri mukriste a wa hari ehansi ka ntshikelelo wa nawu, naswona, a wa ha avanyisiwi hi nawu. Kriste u ku ntshuxile emintirhweni ya vukhongeri. Ku hava lexi tsakisaka ku tlula ku tiva leswaku swa khale swa wena swi rivaleriwile, kutani u loyi a ntshuxekeke ku hanya vutomi byo tenga hi matimba ya Moya lowo kwetsima, lowu tshamaka eka wena. Hambiswiritano, ku ntshunxeka ku fambisana ni vutihlamuleri. U ni vutihlamuleri byo tirhela muponisi wa wena no endla ku rhandza ka yena. A wu ntshunxekanga leswaku u nga yingisi Hosi ya wena. Hikokwalaho, tirhisa ku ntshuxeka loku u nga nakona hi ku tirhela Hosi, ku ngari ku endla leswo biha.

Dyondzo Ya Vutomi Eka Vagalatiya

  • Nyiko yo ponisiwa ni rirhandzu ra Xikwembu swi nyikiwile eka wena swi tengile hi tintswalo ta Xikwembu
  • Ku hava lexi u nga xi endlaka leswaku u kuma ku tsakeriwa hi Xikwembu.
  • A wu nge swi koti ku humesa mintirho leyinene hi wexe loko ku nga ri ku pfuniwa hi Moya lowo kwetsima.
  • Loko u tinyiketa eka Xikwembu, xona xi ta humelerisa mihandzu ya Moya lowo kwetsima eka vutomi bya wena.
  • I Kriste ntsena loyi a enlaka leswaku hinkwaswo leswinene swikoteka eka wena tani hi Mukriste
Laha Swi Kumekaka Kona
  • Malembe manharhu ya Pawulo eDamaska … Vagal 1:17-18
  • Riendzo ra Pawulo  eka huvo-nkulu ya Yerusal … Vagal 2:1-10
  • Pawulo a tshinya Petro … Vagal 2: 11-22
  • ‘’Ndzi vambiwile na kriste’’ …  Vagal 2: 20
  • Xikongomelo xa nawu … Vagal 3:19-25
  • ‘’ Hinkwenu mi van’we eka Yesu’’ … Vagal 3:28
  • Xileriso xa ku fambisiwa hi Moya … Vagal 5:16-18
  • Mihandzu ya Moya … Vagal 5:22-23
  • Maendlelo yo byala no tshovela … Vagal 6:7
.
Mintirho Ya Nyama (Vagalatiya 5:19-21)
Vuoswi Ku kariha
Vumbhisa Ku tirhandza
Mikhuva Ku avana
yaTshyaka Mavunwa
Manyala Mona
Ku gandzela swikwembu swa hava Mavondzo
Vungoma,Rivengo Vudakwa
Timholovo,Vukwele Ku lwisana
Na leswo tala swo biha
.
Mihandzu Ya Moya (Vagalatiya 5:22-23)
Rirhandzu Vunene
Ku tsaka Tintswalo
Ku rhula Ku tshembheka
Kutiyisela Ku tikhoma na ku Ku lulama.

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *