Xihundla xa vutomi

Print Friendly, PDF & Email

2008-04-16.

1.  Ku na Xikwembu xin’we ntsena.

Xi le henhla ka swikwembu leswi vanhu va swi khinsamelaka.

“Hosi Xikwembu mufumi wa Vaisraele ni muponisi wa vona, yona Hosi ya matimba hinkwawu yi vurisa sweswo yi ri: — Hi mina loyi a a ri kona eku sunguleni, loyi a nga ta va kona hilaha ku nga heriki, ehandle ka mina a ku na Xikwembu xin’wana. Isaya 44:6.

2. Xikwembu xi kona hi laha ku nga heriki. (Deus é eterno).

Xi ve kona minkarhi hinkwayo (a xi na masungulu naswona a xina makumu).

Xi tava kona hilaha ku naga heriki.

Xana a mi tivi nchumu, a mi tivanga nchumu ke? Hosi Xikwembu, xona Xikwembu lexi nga kona hilaha ku nga heriki, lexi tumbuluxeke misava hinkwayo, a xi karhali a xi heli ntamu, makungu ya xona a ma tiviwi hi munhu. Isaya 40:28.

3. Xikwembu xi hetisekile (Deus é perfeito).

Xikwembu xi hetisekile hi matlhelo hinkwawu: Matimba, Vutlharhi, Vutivi, Ku hlawuleka, rirhandzu etc.

I Xikwembu ntsena lexi nga ni vutomi lebyi nga ni vuswikoti by ova kona hi laha ku nga heriki.

A ntumbuluko wa xona I wa ku endla leswinene: Xi ehleketa ni ku endla ntsena leswi lulamenke.

A muxaka wa vutomi bya Xikwembu wu vitaniwa leswaku i ku HLAWULEKA.

A kuna ni thonsi na rin’we ra vudyoho evuton’wini bya Xikwembu.

A swi koteki leswaku Xikwembu xi dyoha.

Hikuva Xikwembu xi nga ka xi nga ringiwi hi leswo biha; naswona, xona hi xoxe, a xi ringi munhu ni un’we. Yakobo 1:13.

4. Xikwembu xi tumbuluxe tilo ni misava laha a ku nga ri na nchumu.

5. E misaveni, Xikwembu xi tumbuluxe ntanga leyi a yi ri na minsinya yo saseka leyi a yi ri ni mihandzu yo tala ni swiharhi swot ala.

Entangeni lowu a mihandzu a yi nga boli.

Na swiharhi a swi nga vabyi, ku guga hambi ku fa. Hinkwaswo a swi ri ni vutomi bya kahle, a swi nga se tshama swi dlayana. Hinkwaswo a swi dya swimilana.

6. Xikwembu xi naswona xi endle vanhu vambirhi.  Munhu wa xinuna ni munhu wa xisati. Leswaku va va vanakulori.

A mavito ya vona a ku ri Adamu na Evha. A va famba- famba swin’we, va vulavula, va tlanga ni ku hleketa ku fana ni Xikwembu.

A va lulamile hi ntuymbuluko wa vona, ku fana ni Xikwembu. A ku nga ri na xilaveko xa xileriso xa leswaku va endla leswinene, hikuva a ku endla leswinene a wo va ntumbuluko wa vona. A va zanga va endla hambi ku va eka tlawa wa lava endlaka leswo biha hikuva a va nga ri kona van’wana vanhu.

Hiloko Xikwembu xi tumbuluxa munhu hi xifaniso xa xona, xi n’wi a fana na xona, xi tumbuluxa munhu ni munhu wa xisati. Gen 1:27

7. Xikwembu xi va nyike ntanga leswaku va wu rima.

Evha a vatiphina hi ntanga lowu va nyikiweke hi Xikwembu swinene.

8.  Hi vunharhu bya vona a va ri vanghana vo rhandzana swinene, Xikwembu, Adamu na Evha.

Xikwembu a xi hamba xi va pfuxela, kutani a va burisani swin’we ni ku khensana. Na tshemba leswaku a va nyikela report ya mavito lawa a va ma thya swiharhi ni hinkwaswo leswi xi swi tumbuluxeke.

Xikwembu a xi tiphina hikuva na vona, na tshemba na vona a swi ri tano.

Hiloko Hosi Xikwembu xi teka misava xi vumba swiharhi hinkwaswo ni tinyanyana hinkwato, kutani xi swi yisa eka munhu ku vona leswaku   u ta swi thya mavito wayi. Kutani vito leri munhu a ri thyeke xivumbiwa xin’wana ni xin’wana, xi vile vito ra xona. Gen 2:19.

9.  A va nga se tshama va endla swilo leswi hlundzukiseke Xikwembu.

Minkarhi hinkwayo Xikwembu a xi va tsakela, na vona a va xi tsakela.

A va nga si tshama va holovisna, hambi hi ku xandza Xikwembu.

A va nga ri na nchavu ni Xikwembu kambe a va tsakela ku van a xona.

10. Xikwembu xi endle ntsena ntwananu un’we na vona lowu a wu ri ni xitshembiso (Nawu). Lowu a va fanela ku wu yingisa.

Xi va nyike nawu lowu leswaku va nga vi ni xin’wana Xikwembu lexi va nga xi yingisaka ni ku xi tshemba ehandle ka xona.

11. A va nga pfumeleriwi ku dya eka nsinya lowu a wu ri exikarhi ka ntanga.

Kutani Hosi Xikwembu xi byela munhu xi ku: “U nga ha tidyela mihandzu ya mirhi hinkwayo leyi nga kona entangeni; kambe loko yi ri mihandzu ya murhi lowu nyikaka vutivi bya leswo biha ni leswo saseka, u nga tshuki u yi dya, …….”  (Gen 2:16).

12. A mihandzu ya kuva va dya eka nsinya lowuya, a yi ri ya leswaku a va ta fa.

 “…. Hikuva siku mi nga ta dya mi ta fa.” (Gen2:17).

13.  A ku fa loko Xikwembu a xi ku vulavula a ku ri loko landzelaka:

A va ta lahlekeriwa hi xifaniso xa Xikwembu, A ntumbuluku wa vona a wu ta cinca va nga ha naveli ku endla leswi lulameke, kambe leswo biha. A va ta hambana ni Xikwembu (a swa ku rifo, swi vula ku ku hambana) ka miri ni moya, munhu enyameni ni vanhu van’wana, leri chavisaka eka hinkwawu i ku hambana ni Xikwembu hi laha ku nga heriki (rifo ra moya).

A vubihi a byi ta sungula ku kuluka byi huma eka vona.

A ku tova vutomi byo tenga bya Xikwembu lebyi a byi ta ya emahlweni byi timba hi laha ku nga heriki. Loko xilo xin’we xo biha xi nghena evuton’wini, xi borisa leswo tala hi ku tsongo kutsongo, byi ko vutomi hinkwabyo byi nun’wha.

Xikwembu xi vula muxaka lowu hi marito mambirhi, “ku fa ni rifu.”

14. Xin’wana ni xin’wana lexi hlundzukisaka Xikwembu xi vitaniwa xidyoho.

A xidyoho I ku hleketa leswi biheke, ku vulavula leswi biheke ni ku endla leswo biha.

15. Ku sukela loko munhu a dyohile wa tsandzeka ku tivonela hi yexe leswaku a hlawulekile kumbe a bihile.

Xikwembu xi lulamile, naswona xi endla ntsena leswi lulameke.

Hi xona harhi ya hinkwaswo leswo saseka.

Ehandle ka Xikwembu a ku na ku lulama loko nga voniwaka etilweni ni laha misaveni.

A xikombiso xa leswaku munhu i mudyohi, xi voneka laha munhu a ringetaka ku tikomba hi byakwe leswaku a lulamile. I xikwembu ntsena lexi nga ni vuswikoti bya ku lawula ni ku komba leswaku u lulamile kumbe u bihisile.

Xikwembu xi hlamula swivutiso leswi vanhu va nga na swona mayelano ni leswo biha ni leswo lulama.

Rito ra wena I rivoningo emilengeni ya mina ni ku vonakala endleleni ya mina. (TPs 119:105).

16. Sathana hi yena loyi a sunguleke a dyoha.

A vito ra yena a a nga ri sathana. A a ri Lucifere.

Sathana a yi ri ntsumi yo rhandzeka ya Xikwembul. Na yona a yi ri na ntumbuluko wo lulama.

Kambe a ringete ku titlakusa ava ehenhla ka Xikwembu. Hi ku endla sweswo a ve loyi a dyoheke.

Sweswi a tiviwa hi mavito lawa: Sathana, Mukanganyisi, Diavulosi, Tatana wa mavun’wha, mudlayi ni muyivi.

A wu ri ni mahanyelo lamanene ku sukela siku leri leri u tumbuluxiweke ha rona, kambe u sungurile ku endla leswo homboloka. Eze 28:15.

Ku sukela nkarhi lowu a dyoheke hi wona, A xidyoho xi teke ndhawu hinkwayo ya vutomi bya yena. Hinkwaswo leswi a swi ehleketaka ni ku swi endla hi leswo biha ntsena. Sathana I mubihi. –  a kun a leswinene swi nga kumiwaka eka yena. Hi yena murhangeri wa vulala ni Xikwembu.

17. A xidyoho xi na matimba swinene.

A kun a munhu ni un’we laha misaveni loyi a nga lwaka ni xidyoho hi matimba ya yena ava a xi hlula.

A xidyoho iku ti endlela ku rhandza (ku nononhwa mbilu) ku tsona.

A xidyoho xilava leswaku mudyohi a yendla leswi tsakisaka yena ahuma ku yendleni kaleswi tsakisaka xikwembo.

18. A xidyoho xi tisa rifo loko xi nghena ka munho.

Loko ndzoho yitsongo yaxidyoho yinghe nakamunho:

  • Mirhi wa yena wa hlaseriwa, wa guga ku tsongo ku tsongo, wa tsana, u hetelela hiku fa.
  • Moya wa yena wa hlaseriwa hiku navela ka mi moya yo biha yaku yiva, ya mavunwa, ku dlaya niku pfumala rirhandzu laku rhandza xikwembo ni vanho: leswi swi vitaniwa ku I rifo.

19.  A ku hlawuleka ni xidyoho swinge pfuki swi endle va nghana.

A ku hlawuleka ni xidyoho swi fana ni swi hotlovila swimbirhi. Un’we wa vona u vangama ku fana ni dyambu. E ka yena, ku ni ku vangama ni vonakala loku voningaka hi nkwaswo leswi n’we rhendzeleke. Loko n’wi langutile, wa kota ku vona hi nkwaswo eka yena, a ku na lexi fihlekeke eka yena lexi nga n’wi khomisaka tingana.

Munhu loyi un’wana i wa ntima ku fana ni munyama wa vusiku, naswona xiyimo xa miri wa yena a swi olovi ku xi vona. Hinkwaswo leswi nga eka yena swi tumberile a wu nge swi voni hi mahlo naswona hinkwaswo leswi ringetaka ku n’wi tshunelela wa swi minta hi xi nyami xa yena. Lava I vanhu vambirhi lava zondhanaka naswona va lwisana, na kona swi nge koteki kuva va hanya swin’we e ndlwini yin’we.

Loko munhu a endla swo biha, a yima ni loyi wa munyama ku lwisa loyi wa ku vonakala, eka masiku lama taka, a Hosi yita endla leswaku munhu wa ku vonakala loyi a nga ta nghena hi vuntshwa at a ta susumeta loyi wa munyama, kutani a ku nga ha twiwi hi ta yena hi laha ku nga heriki.

Loko ha ha hanya, Xikwembu xi nyika nkarhi eka vanhu hinkwavo lava ha hanyaka endzhutini wa munhu wa vudyoho leswaku a kota ku vona nghozi leyi a nga eka yona kutani a balekela eka munhu wa ku vonakala.

20. A xidyoha I vulala emahlweni ka Xikwembu.

A xidyoho a hi ku endla leswo biha ntsena, kambe i ku lwa ni Xikwembu lexi endleke swileriso leswi u nga swi tsakeriki.

A xidyoho i ku kondlela Yehova swibakela.

21. Hambi xidyoho xo kala xi nga nyawuli, xa swi kota ku endla leswaku munhu a lahlekeriwa hi vun’wana bya yena eka Xikwembu.

A munhu loyi a nga ni xidyoho xitsongo, hambi xi ngo ringana ni nhompfu ya nayithi, a swi nge koteki leswaku a va munghana wa Xikwembu ku fana na Adamu.

A munhu loyi a endlaka xidyoho, a endla khumbi ro ti hambanisa ni Xikwembu, eka vutomi lebyi ne ka lebya ha taka.

Leswi mi hambanisaka ni Xikiwembu xa n’wina i mintirho ya n’wina leyo homboloko; xi mi fularherile hikwalaho ka swidyoho swa n’win, kutani a xa ha lavi ku mi twa. Isaiah 59:2.

(Loko wa ha ya emahlweni u hlaya, u ta tsumbula magungu yo hlamarisa lawa Xikwembu xi ma endleke yo susa khumbi leri hambanisaka munhu ni Xikwembu.)

22. Sathana a kanganise Adamu na Evha va k ova dya handzu lowu xi nga te va nga dyi.

“Kutani nyoka yi ku ka wansati: “Ku fa kona minga ka mi nga fi. Xikwembu xa swi tiva leswaku loko mo dya, mahlo ya n’wina ma ta pfuleka, kutani mi ta fana na xona, mi tiva swo biha ni leswo saseka.” Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin’wana a ya nyika nuna wa yena.’ Gen 3:4-6.

• Sathana a nga n’wi sindzisi munhu munhu ku endla xidyoho: A nga na wona matimba yo endla swo leswo.

• Sathana o yima eka tlhelo lerin’wana a ku xenga leswaku u endla leswo biha.

• I munhu loyi a ti hlawulelaka ku endla leswi Sathana a n’wi xenganga hi swona.

23. A xidyoho xi sungule ku nghena eka Adamu na Evha loko va dye handzu lowu Xikwembu xi nga te va nga tshuki va wu dya.

• Va ve na tingana.

• Va sungule ku vona Xikwembu ku kota nala wa vona.

• Va ringete ku tifunengeta vuhava bya vona hi matluka ya nkuwa.

• Va ringetile ku tumbela Xikwembu.

 “Hiloko ha vambirhi va pfuleka mahlo, kutani va sungula ku vona leswaku a vo tshama ntsena; kutani va rhungela matluka ya nkuwa va tiendlela swiambalo.Hi nkarhi wa madyambu, wanuna ni nsati wa yena va twa Hosi Xikwembu xi ri karhi xi famba-famba entangeni. Kutani va tumbela exikarhi ma mirhi entangeni, vba chava ku voniwa hi Hosi Xikwembu.” Gen 3:7,8.

24. Xikwembu xi hlongola Adamu na Evha entangeni wa Edeni.

Hikokwalaho, Hosi Xikwembu xi humesa munhu entangeni wa Edeni … . Gen 3:23.

25. Hikwerhu hi nyamisiwile hikwalaho ka ku dyoha ka Adamu.

• A xidyoho a xi yo nghena emirini wa Adamu ni le moyeni wa yena ntsena, kambe xi nghene na le ka mbewu ya yena.

• Vanhu hinkwavo va tswariwa hi mbiwu ya miri wa Adamu.

• A vanhu hinkwavo va tswariwa hi mbewu ya moya wa Adamu.

• Hikokwalaho, hi tswariwa hi mbewu ya vudyoho, naswona hi velekiwa na hi ri na mbewu ya vudyoho emirini na le moyeni.

• A munhu wa vudyoho, hi tswariwa na hi ri na yena. A ntumbuluko wa hina i wa leswo biha.

• Hi sungula ku dyoha, ku nga ku lwa ni xikwembu, ku sukela enkarhini lowu hi tsumbulaka leswo biha ni swo saseka – hi sungula ku lwa ni Xikwembu.

 “Kutani ke ku kotisa leswi ku dyoha ku ngheneke misaveni hi munhu a ri un’we, kutani rifo ri ngheneke hikwalaho ka ku dyoha, hi mukhuva wolowu, rifo ri tlulele vanhu hinkwavo, hinkwavo va dyohile.” Rom 5:12.

26. A hi nge swi koti ku endla vanghana na Xikwembu ku fana ni leswi Adamu na Evha a va ri xiswona eku sunguleni.           

 “Leswi swi mi hambanyisaka ni Xikwembu xa n’wina, I mintirho ya n’wina leyo homboloka; xi mi fularherile hikwalaho ka swidyoho swa n’wina, kutani a xa ha lavi ku mi twa. “Isaiah 59:2.

27.  Xikwembu xa ha swi lava kuva munghana wa hina.

  • Xikwembu xi nyenya xidyoho lexi nga eka hina, lexi humaka emilon’wini ya hina ni leswi hi swi endlaka. kambe xa ha hi rhandza.
  • Xa ha swi swi lava kuva munghana wa hina.

 “Hikuva Xikwembu xi rhandzile misava swonghasi…. ” John 3:16.

28. Xikwembu xi vone leswaku munhu wa tsandzeka ku pfuxeta xinakulobye xa yena na xona.

• Xikwembu xi tiva hinkwaswo.

• Xa swi vona leswi van’wana va hina hi ringetisaka xiswona ku xi tsakisa.

• Xa wu twisisa ntamu wa xidyoho lowu nga eka hina.

• Xi tsumburile leswaku a hi nge swi koti ku hanya vutomi byo hetiseka.

• Xa swi tiva leswaku siku rin’wana na rin’wana ra ku hanya ka hina, hi ta hleketa, hi vulavula ni ku endla leswi xi nga swi laviki.

29. I Xikwembu xi ri xoxe lexi nga ni ndlela yo pfuxeta xinakulobye xa hina na xona.

Xi boheke ku huma ni makungu yo vuyisela xinakulobye xa hina na xona hikuva hina a hi tsandzekile.

30. Xikwembu xi hlekete hi ndlela ya risima swonghasi.

Xi hlekete hi magungu lama landzelaka: Ya leswaku loko xi nga kota ku hanya endzeni ka hina hi matimba ya Moya lowo Kwetsima, xi nga swi kota ku hi tluleta matimba yo hluyla xidyoho lexi nga ni matimba eka hina.

31. Kambe a xivutiso a xi ri xa ku: “swi ta kotekisa ku yini leswaku a Moya lowo Kwetsima wu hanya ni thyaka ra swidyoho emirini lowu wa un’we xana?

• Leswo a swi ta vula leswaku Xikwembu xi pfala mahlo hikwalaho ka swidyoho swa hina.

• Kumbe a yi ta va kona yin’wana ndlela?

32. Nhlamulo ya xikwembu eka mhaka ya munhu ya xidyoho

Ni pfumeleli ni nhlamusela hi xitori. Eka doropa lo kari, a kuri na vava nuna va nharu a vari va nghana swi nene, un’we ari mu avanyisi, n’wana wa yena a ri phoyisa loyi u n’wana a ri gwetha. Hi vunharo bya vona ava ti phina swi n’we ava tolovela ku va kelana. Siku ri n’wana phorisa ri a mukela mhaka ya leswaku a gwetha ri yivile male yo tala swinene. Loko atave a kambisisile mhaka, a kuma leswaku I ntiyiso. Hikolaho ka leswi vanga vanghana swinene, hi loku a fikeliwa hi mi ehleketo yaku fihla mhaka kumbe ku lahla phepha ra nandzu. Kambe a tsundzuka leswaku a vekiwe ntirweni wa vu phorisa hi xikongomelo naswona I ntirho wa yena leswaku a paluxa swi gevenga loko swingari tano nayena atava a peta voko eka ntirho lowo biha. Hiloko a teka xiboho, xaku teka ti nghomondo, a boha mavoko ya mu nghana wa yena loyi wa gwetha a muyisa khoto. A phorisa ri kombisile erivaleni leswi kholwisaka leswaku hakunene gwetha a yivile male. Na ma dyambu loko sentensa yingase vuriwa, mu avanyisi ni n’wana wa yena, loyi wa phorisa, va hlangana. Ti mbilu tavona ati tsovekile kambe va vona leswaku ku fanele ku landziwa nawu, kutani va endla ma kungu hivu tlhari. Siku leri tlandlamaka mu avanyisi a vula leswaku gwetha afanele ku tsama khotsweni 20 wa malembe. Hiloko ku humelela swo hlamarisa. Loko vaha lava kumu boha ti nghomondo, munghana wa yena loyi wa porisa ayima mahlweni a kombisa mavoko ya yeyena hiloko mu a vanyisi a tlakusa nhonga ya yena a lerhisa leswaku phorisa ri bohiwa ri yisiwa khotsweni. Gwetha n’wa nbuya ngwana a huma khoto a txusekile kambe phorisa rona ri yisiwa khotsweni laha a twisiwa ku vava siku ri n’wana na ri n’wana kuringana 20 wa ma lembe.

E ku heteleleni xigwevo xi hela, xi khatiso xo vava eka phorisa kambe phorisa se ri txunsiwile. A hlangana ni tatana wa yena loyi wa mu avanyisi amu rindzile. Kutani va famba swi n’we vaya kaya ka munghana wa vona loyi wa gwetha laha va fikeke va tsama varanda. Va kulungela swi n’we nkari lowo wa ntsaku hi swakudya leswi vaswi rhandzaka. Vanhu hi nkwavo lava ndlulaka hi ndela nava khulumela vaku: va avanyiosi ni ma phorisa va yimela ntiyiso hi kokwalaho a va faneli ku tsama ta fuleni ri n’we ni swi gevenga, kambe xi gwevo se xi tekile ndhawo ya xona, a nandzu wa gweta ra hina se u ha keriwile, sweswi mu avanyisi ni phorisa vangaha tlhela va endla va nghana, gwetha rona ringehe endli vu bihi lebyi a txela tingana eka vanghana va yena vo xiximeka.

33. Ndlela ya xikwembu yaku lulamisa problema ya munhu ya xidyoho: xitori xa tiyiso. 

A swi zanga swixi vevukela xikwembu ku tlelelana ni hu a mu avanyisi wo lulama wa misava hi nkwayo, a yendle swo fana.

• A nyikele n’wana wa yena leswaku a rwala mi landzu ya swidyoho leswi vanhu vaswi yendleke.

• I na, kuveni munhu un’we loyi a hlawulekeke naswona a kota ku rwala swi dyoho swa hina I yesu kriste.

Hikuva xikwembu xi rhandzile misava swonghasi, xi ko xi nyika N’wana wa xona la nga un’we leswaku un’wana ni un’wana la pfumelaka ka yena a nga lovi, kambe a va ni vutomi lebyi nga heriki.… (Joh 3:16).

34.  Yesu Kriste hi yena nhlamulo!

A tswariwile ku kota munhu naswona loko a kurile, a rwale swidyoho swa vanhu hinkwavo, a xanisekile kutani a fa exihambanwinine.

Kasi a a boxiwa timbanga hinkwalaho ka milandzu ya hina, a xanisiwa hikwalaho ka swidyoho swa hina. Ky biwa ka yena ku hi tisele ku rhula, hi hanyisiwile hi mafalangati ya yena. Hinkwerhu a hi fana ni tinyimpfu leti lahlekeke, un’wana na un’wana a a tifambela hi ndlela ya yena, hambiswiritano, Hosi Xikwembu xi tekile swidyoho swa hina hinkwerhu xi swi rhwexa munhu loyi. (Isaiah 53:5&6).

35.  Loko moya wa Yesu wu nga se suka emirini wa yena, a huwelerile a ku: “Swi hetisekile”.

Hi marito lawa, a a le ku vuleni ka leswaku a nxavo wo hetelela wu hakeriwile leswaku a nandzu lowu a wu le ka hina wu susiwile.

Yesu a te swi, “hetisekile.” Hi ku endla koloko, a korhamisa nhloko a nyiketa moya wa yena spirit. (Joh 19:30)

36. Xana leswi swi lava k uvula leswaku vanhu hinkwavo a va ha ri na nandzu ni leswaku va tlhelerile eka xinakulobye xa vona no Xikwembu xana?

37. E-E: Yesu a nyikele leswi eka hina, kambe un’wana na un’wana a fanele ku tihlawulela hi yexe, leswaku I wa swi lava kumbe a nga swi lavi.

38. Xana wa swi lava kuva nakulorhi wo enta ni Xikwembu ke?

• Xana wa swi nyenya swidyoho leswi nga eka wean ni leswo biha leswi u yaka emahlweni u swiendla? Xana wa swi lava ku kutsuriwa eka swona?

• Loko u nga swi lavi, a swi nga ku pfuni nchumu kuya emahlweni u hlaya dyondzo leyi.

• Hambiswiritano, a ku ala ku va munghana wa Xikwembu, u tihlawulela ku kala unga xi voni ni siku ni rin’we: eka vutomi lebyi ne ka lebya ha taka.

39. Xana wa swi lava leswaku a moya lowo Kwetsima wu nghena evuton’wini bya wean xana?

• Xana wa n’wi lava Moya lowo Kwetsima hi ntiyiso leswaku a ta tiyisa moya wa wean leswaku u ta kota ku lwa ni ku hlula ku navela ka xidyoho evuton’wini bya wean?

• Loko swi ri tano ke, yana emahlweni u hlaya dyondzo leyi.

40. Xana wa pfumela leswaku u mudyohi ni leswaku a wu nge swi koti ku tihlanganisa ni Xikwembu hi wexe?

Wa pfumela leswaku loko miri wa wean, hika, ni moya swo fa, swi lahleka hi laha ku nga heriki?

Tani hi leswi ku lulamisiweke leswaku vanhu va fa kan’we, kutani endzhaku ka swona ku ta ku avanyisiwa, … . (Heb 9:27).

Siku rin’wana xisiwana xi fa, kutani tintsumi ti xi rwala ti xi yisa exifuveni xa Abrahama. Mufuwi na yena a fa, a lahliwa esirheni. Loko a ri exivandleni xa vafi, a ri karhi a xaniseka, a tlakusa mahlo, a vona Abrahama hi le kule, na Lazaru exifuveni xa yena. Kutani a huwelela a ku: “Tatana Abrahama, ndzi tweli vusiwana, u rhuma Lazaru leswaku a peta xintiwana xa yena ematini, a titimeta ririmi ra mina, hikuva ndzi vaviseka ngopfu emalangavini lawa!” there to us. Luke 16:22-24.

41. Loko u pfumela leswaku lexi hi xona xiyimo xa wena, ni na mahungu lamanene eka wena.

42. Leswi u pfumelaka eka swona wena n’wini, unga ha pfumela eka Yesu hi ku endla xikhongelo lexi landzelaka:

“Hosi Xikwembu, na pfumela leswaku mudyohi la lahlekeke, a ni nge swi koti ku hanya vutomi byo tenga hi ndzexe.  Hambiswiritano, ni navela kuva munghana wa wena ni ku hlula swidyoho evuton’wini bya mina.  Hosi, na pfumela hi mbilu ya mina hinkwayo leswaku N’wana wa wena wo hlawuleka Yesu a file exihambanwini, laha a hakeleke kona ku avanyisiwa ka swidyoho swa mina. Hosi ni susele nandzu wa mina ni tingana ta mina. Na ku kombela nghena evuton’wini bya mina hi Moya wa wena wo Kwetsima. Ndzi tate, ndzi dyondzisi tindlela ta wena. Ndzi nyike matimba ya ku hlula ku navela ku vulavula ni ku endla leswo biha. Ndza ku khensa Hosi. Hikuva wa ndzi tsakela leswaku ndziva nakulobye wa wena, hikwalaho ndza pfumela ni ku amukela leswaku swidyoho swa mina se swi rivaleriwile ni leswaku ni vuyiseriwile exinakulobyeni xa mina na wena. Amen.”

43.  Sweswi ni tshiki ni ku byela leswi endlekeke endzhaku ka xikhongelo lexi u xi endleke.

• Leswi nga humelela a wu nge koti ku swi vona hi mahlo ya nyama.

• U fanele u pfumela leswi rito ra Xikwembu ri vulaka swona.

44.  Xikwembu xi vitana leswi humeleleke, ku “ponisiwa”.

• A rito ra ku ku poniosiwa ri vula ku humeswiwa enghozini, ku lamuleriwa.

• A swa ku Yesu swi vula leswaku; “Muponisi” hi leswaku a tele ku ta ta hi kutsula eswidyowheni.

• A xitsari/ lapizeri, yi vumbiwe hi swilo swo tala; xiphayiphana, inki, xi nsimbana xo tsala hi xona, xikhomo, etc.

• Swilo leswi hinkwaswo swi hlanganiseriwa leswaku lapizeri yi kota ku tsala.

• Loko u xava lapizeri a wu xavi hi xilo na xilo, kambe u xava na swi hlanganile.

• Swa fana ni ku ponisiwa, swi vumbiwa hi swigava swo tala, kambe wena u amukele hinkwaswo tani hi nyiko leyi humaka eka Xikwembu.

45. A ku ponisiwa ku avanyisiwile hi swigava swimbirhi.

• A xa ku sungula, i ku rivaleriwa ka swidyoho swa wena leswaku u kota kuya yima emahlweni ka Xikwembu tani hi munhu loyi a nga si tshamaka a dyoha.

• A xa vumbirhi, i ku pfuxeleriwa ka moya wa wena leswaku u kota ku hlula ku navela ka vudyoho bya ntumbuluko lowu u wu kumeke eka Adamu.

• Ni tshiki ni ku hlamusela mhaka leyi hi ku enta.

46. A swidyoho swa wena swi rivaleriwile.

Eka ku avanyisa ka 3 ka buku ya Zakariya, hi dyondza hi muprista lonkulu, loyi a vitaniwaka Yoxuwa na a yimile emahlweni ka Xikwembu. Evokweni ra yena ra xinene a ku yimile sathana, na a nwi lumbeta hi swidyoho leswi a anga ke a swi endla. A swi hehlo leswi swi nga endleka swi ri swa ntiyiso, swi endle Yoxuwa a tikomba na a chake ngopfu swinene.  Na tshemba leswaku a a le ka nchavu wukulu swinene ni tingana a ku tikuma na a yime emahlweni ka Xikwembu xo hlawuleka na a le eka xiyimo xo taniya.

Kambe edzhaku ka sweswo, Yoxuwa a ke a endla xikhongelo xo fana ni lexi wena u xi endleke, laha a tivuleke swidyoho swa yena ni ku nyikela vutomi bya yena emahlweni ka Hosi. A ntsumi ya Hosi ( loyi a nga Yesu Kriste hi byakwe)  Yesu a a xi tiva xiyimo xa Yoxuwa, hikokwalaho a kombe hinkwavo xiyimo lexi Yosuwa a n’wi kumeke na a ri ka xona. A endle leswi hi ku n’wi lerisa leswaku a hluvula timpahla leti a a ambale tona ta thyaka, kutani a lerisa leswaku a ambexiwa tinguvo ta nkhuvo, kutani a ambexiwa tona.

Ni tshemba leswaku leswaku eka xifaniso lexi, a ku ri nkhancu wo basa lowu a wu vangama – kancu wa ku hlawuleka.  Adamu na Evha va lahlekeriwile hi khancu lowu loko va dyohile. Yesu a tlhele a wu xavela Yoxuwa na wena, loko a hakerile swidyoho swa hina.  A khancu lowu a wu cinci muhlovo, wu ta va tanu hiyisa hi laha ku nga heriki hikuva Yesus a wu hakelerile, ku nga swidyoho leswi wena na mina hi swi endleke ni leswi hi nga ha rhetemukaka hi swi endla eku hanyeni ka hina. Loko u ambala khancu lowu a wu nga tava ni tingana emahlweni ka xiluvelo xa Xikwembu. U ta languteka onge a wu se tshama u endla xidyoho.

Emisaveni leyi u ta famba exikarhi ka vanhu na wu vangama. A vanhu lava nga tiva swa tingana leswi u tshamaka u swi endla, a va nga ha swi koti ku ku komba hi swintiwhana, hikuva Yesu a xanisiwile hikwalaho ka swona.

47.  A moya wa wena u va lowu pfuxeleriweke endzeni ka yena.

• Lexi i xigava xa vumbirhi xa ku ponisiwa.

• A tlhelo leri ri vitaniwa ku tswariwa ra vumbirhi.

• Loko wanuna loyi a va ku i Nikodema a vulavule na Yesu hi ta xiyimo xa moya wa yena, Yesu a ta ka yena: “Ndzi tiyisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi … . Loko munhu a nga tswariwi hi mati ni Moya, a nga ka a nga ngheni eMfun’wini wa Xikwembu, Nyama yi tswala nyama, kambe a Moya wu tswala swa Moya.” (Yoh 3:3-5)

• Loko wanuna a byala mbewu ya yena eka wansati, a mbewu ya kona yi na 9 wa tiwheti na ya ha kula kutani ku tswariwa n’wana.

• Hosi Xikwembu xi byale mbewu ya Moya endzeni ka khuri ra Mariya, kutani N’wana wo hlawuleka a velekiwa.

“Kambe Mariya a ku ka Ntsumi: “Swi nga endlekisa ku yini, leswi ndzi nga si tivanaka ni wanuna ke?” Ntsumi yi n’wi hlamula yi ku: ” Moya lowo Kwetsima wu ta xikela ka wena, ni matimba ya loyi a nga henhla-henhla ma ta ku funengeta, hikwalaho n’wana lowu hlawuleka la nga ta velekiwa, u ta viriwa N’wana wa Xikwembu.” (Luka 1:34,35).

• Xikwembu xi tirhisa rito ra xona ro hlawuleka, ku nga Bibele tani hi mbewu leyi xi yi byalaka etimbilwini ta vanhu kutani loko va ri amukela ra kula ri veka mihandzu leyo tala.

• Endzhaku ka nkarhi munhu loyi a huhuteriwa hi Moya Lowo Kwetsima ku khongela, ku fana ni leswi u swi endleke, a tivula swidyoho ni ku kombela Xikwembu leswaku xi hanya evutonwini bya yena.

• A Moya lowo Kwetsima wu endla munhu loyi, a amukela vutomi bya Xikwembnu.

• A ku endla leswi, swi nghenisa vutomi eka xifaniso xa Xikwembu lexi a xi file eka munhu, leswi swi vuriwa ku tswariwa ra vumbirhi. A xivumbiwa lexintshwa xa munhu xi tlhela xi vuyela eka xiyimo xa xona. A munhu loyi eka yena xidyoho xi nga ha tlangeriki kona xi va xi tswariwile hi Xikwembu.

• Hleketa hi ku tumbuluxiwa ka Adamu: Eku sunguleni Xikwembu xi endle moya lowu ku nga xona xifaniso xa Xikwembu, kutani xi endla miri lowu a wu nga ri na vutomi, kutani xi huhutela xifaniso xa xona, ku nga vutomi, ku rhula, ntsaku, ku lulama, rirhandzu, vutlharhi ni ku tshembeka ka xona, kutani munhu a va xivumbiwa lexi hanyaka, lexi endliweke hi xifaniso xa Xikwembu.

• Swi fana ni munhu loyi moya wa yena wu feke hinkwalaho ka swidyoho. Wa ha ri kona eka yena tani hi xivumbiwa, kambe emahlweni ka Xikwembu wu file hikwalaho ka swidyoho. Kutani loko munhu loyi a tisola kutani a kombela ku pfuxeleriwa vutomi emoyeni wa yena, a munhu loyi a tlhela a hanya. A pfuka esirheni ra mimoya, kutani a tshunxa nguvo ya rifo leyi a a tsondzeriwe hi yona, kutani mutumbuluxi a sungula ku hanya eka yena, na yena a sungula ku hanyela Xikwembu hivuntshwa.

Kambe Xikwembu xi ni muxa swinene hikwalaho ka rirhandzu lerikulu leri xi xi hi rhandzeke ha rona, hikwalaho, hambi leswi a hi file hi mhaka ya swivi swa hina, xi hi vuyisile evutonwini swin’we na Kriste.  (Eph 2:4&5).

• A n’wana lomuntshwa a tswariwaka hi wena lomuntshwa.

• Eka xivumbiwa lexintshwa u nga eka xona, u fanele ku ambexiwa matimba ya Moya lowo Kwetsima, leswaku u ta kula emoyeni kutani u ta kota ku hlula ntumbuluko wa wena wa vudyoho lowu u wu kumeke eka Adamu.

Loko munhu a ri ka Kriste, I xivumbiwa lexintshwa, a swa khale swi hundzile, ku nghenile leswinthswa. (2 Cor. 5:17)

• Loko n’wana a tswariwa eka Chauque, a tsarisiwa evuhosini tani hi Chauque, a nyikiwa pasi leri vitanaka Chauque, kutani a va a ri na malunghelo ya ku ti vitana Chauque.

• Loko munhu a tsariwa emoyeni, hi mbewu ya Xikwembu Tatana, a nyikiwa mpfumelelo wa ku tivitana n’wana wa Xikwembu.

Hambiswiritano, hinkwavo lava nga n’wi amukela, lava nga pfumela eka vito ra yena, U va nyikile matimba ya ku hundzuka vana va Xikwembu, lava tswariweke ku nga ri hi ndlela ya ntumbuluko, ku nga ri hi ku navela ka miri, ku nga ri ku rhandza ka wanuana, kambe ku ri hi Xikwembu. (John 1:12&13)

• Munhu loyi a nga swi kota kuya yima exivonini, a ti languta emahlweni ka yena, a ti komba hi xintiwhana a ku: “Sweswi wena u n’wana wa Xikwembu mutumbuluxi wa tilo ni misava.”

A siku ra ku tswariwa ka munhu loyi, na kona ka tsarisiwa eMfun’wini wa tilo eka buku ya Xikwembu “buku ya vutomi”.

Ndzi khongelela Efodiya, ndzi khongelela na Sintiya, leswaku leswi va nga va Hosi, va fanele ku twanana. Ndzi kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Clemento ni vatirhi-kulorhi lavan’wana, lava mavito ya vona ma tsariweke ebukwini ya vutomi. (Filip. 4:2&3).

• Tani hi leswi tatana a nyikaka vito n’wana wa yena loko a ha ri ku velekiwa leri a ri tsakelaka, Xikwembu na xona xi nyika vito eka n’wana loyi wa ha ku velekiwa, a vito ra kona ri tsariwa ebukwini ya vutomi. Loko n’wana loyi a tiyisela ku tshama ehansi ka swiletelo swa tata wa yena ku ko ku fika makumu ya vutomi lebya nyama, kutani a ya hlangana ni Hosi, a ta amukela nthyathyazelo wa leswi a swi tirheleke, ku nga tiharhi to tala kuya hi leswi a nga va xi swona emisaveni, a nyikiwa ni xitina xo basa lexi vito ra yena lerintshwa ri tsariweke eka xona. A vito leriya ri hlamusela leswi a a xi tirhelisa xiswona Xikwembu emisaveni. (Leyi o va miehleketo ya mina kuya hi leswi ni twisisaka swona loko ni hlaya rito ni hi kuya hi ripfumelo ra mina).

Loyi a hlulaka, ndzi ta n’wi nusela mana leyi fihliweke, naswona ndzi ta n’wi nyika ribye lero basa, leri vito lerinthswa ri tsariweke ehenhla ka rona vito leri ku nga riki na loyi a ri tivaka ehandle ka loyi a nyikiwaka rona. (Rev 2:17).

48. U amukela vutomi lebyi nga heriki.

• A vutomi lebyi nga heriki u sungula ku byi hanya siku u ponisiwaka hi rona laha misaveni na le ka lebyi a nag ta byi amukela endzhaku loko Yesu a vuya.

• Leswi i tlhelo ra vutomi lebyintshwa lebyi nga hambanangiki ni ku ponisiwa.

• Loko hi tswariwa ra vumbirhi, a moya wa hina wu tsariwa hi vuntshwa, kutani wu ta va lowu nga riki na xixandzu kuyisa ni hi laha ku nga heriki.

• Hambiswiritano, a miri wa hina a wu tswariwi xintshwa, wa ha ta vabya ni kufa.

• Lawa i mahungu lamanene, hikuva a ku fa ka miri i ku hetiseka ka tswariwa ka hina ra vumbirhi. Tani hi n’wana loyi a lumukaka eka vatswari va yena, a ya sungula ku hanya vutomi bya yena, swi tano na mimoya ya hina leyi nga ha fiki ya tshunxeka eka leya khale leyi faka, ni ku onhaka, lehi hi yi kumeke eka ntumbuluko wa Adamu. Kutani a moya wu va wu tshunxekile kuya nghgena etikweni lerintshwa ra Xikwembu, laha ku nga ha riki na xidyoho ni mintungu- tiko ra Xikwembu ra ku rhula loko hetisekeke.

Ndzi ti nyika vutomi lebyi nga heriki; ti nga ka ti nga lovi ni siku na rin’we, naswona a ku na munhu la nga ta ti vutla evokweni ra mina. (Yoh 10:28).

• A munhu wa xiyimo xo tano, a tilo ri hundzuka kaya ra yena ra hi laha ku nga heriki, kutani misava ova ntsena entsongeni lowu a hanyaka eka wona hi xinkarhana ntsena.

49.  Xitiyiseko xa kuva u amukele ku ponisiwa.

• Loko ni ku nyika xitari xa nsuku, u ta xi vona ni ku xi khumba hi voko ra wena kutani u ta va ni xitiyiseko xa leswaku u amukerile.

• Swa fana ni ku ponisiwa, wa kota ku vona ku cinca, naswona wa kota ku twa ku rhula embilwini ya wena, naswona vanhu va kota ku vula leswi va swi vonaka. Hambiswiritano a swi khomeki hi mavoko.

• Xana munhu a nga swi kotisa kuyini kuva ni xitiyiseko xa leswaku a amukerile ke?

• Ni tshiki ni ku hlamusela leswi: A swidyohi swimbirhi swi vambiwe siku rin’we na Yesu, xin’wana xa swona xi tisola ni ku kombela eka Yesu xi ku: ” Hosi ni tsundzuki loko u nghena eMfun’wini wa wena.” Yesu a n’wi hlamula a ku: “Namuntlha u ta va na mina eParadesini.” Xana a xigevenga lexiya xi swi tivise kuyini leswaku xi ta ya tilweni ke? Hikuva Yesu N’wana wa Xikwembu loyi a nga na mpfumelelo wa tilo a a n’wi tshembisile. Yesu wa tshembeka.”

• Xana ni nga swi tivisa kuyini leswo, hikuva ni kombele Yesu leswaku a nghena evutonwini bya mina, ni pfumela leswaku ni ta nghena eTilweni hikuva ni tshembisiwile.

  • A nhlamulo ya ku sungula:  Hikuva marito lawa Xikwembu xi ma vulaka eka mina hi Bibele, ma tiyile naswona i ntiyiso ku fana ni lava Yesu a ma vuleke eka xigevenga lexi pfumeleke siku leriya exihambanwini.  Na pfumela rito ra Xikwembu, sweswi ni ponisiwile ku fana ni xigevenga lexiya, loko no fa sweswi, ni pfumela leswaku ni ya eTilweni laha Tatana, ni Hosi ya hina Yesu Kriste va nga kona ni Vakriste hinkwavo lava humeke emirini. Nyika risima switshembiso leswi landzelaka:

Vona va ku: “pfumela eka Hosi Yesu, kutani u ta ponisiwa, wena ni va ndyangu wa wena” (Mint 16:31.)

Hikuva Xikwembu xi rhandzile misava swonghasi, xi ko xi nyika N’wana wa xona la nga un’we, leswaku un’wana ni un’wana la pfumelaka ka yena, anga lovi, kambe ava ni vutomi lebyi nga heriki. Hikuva Xikwembu a xi rhumanga N’wana wa xona emisaveni ku ta avanyisa misava, kambe a ku ri ku endlela leswaku misava yi ta ponisiwa ha yena. La pfumelaka eka N’wana a nga avanyisiwi; kambe la nga pfumeriki u avanyisiwile ni sweswi … . (Yoh. 3:16).

Hambiswiritano, hinkwavo lava nga n’wi amukela, lava nga pfumela eka vito ra yena, u va nyikile matimba ya ku hundzuka vana va Xikwembu. (Yoh 1:12).

  • A nhlamulo ya vumbirhi, hi leswaku na swi tiva leswaku ni ponisiwile, hikuva Xikwembu Moya lowo Kwetsima xa ni kholwisa embilwini ya mina.

Moya wu yima ni mimoya ya hina ku tiyisa leswaku hi vana va Xikwembu. (Rom 8:16).

Xana Moya lowo Kwetsdima wu hi tiyisa ndjani? Wu hi nyika xitiyiseko endzeni ka timbilu ta hina xa leswaku. Intiyiso, kuitani hi twa ku rhula, A vumbhoni lebyi bya Moya lowo Kwetsima, ko tala byi va byi ri ni matimba ngopfu eka la ponisiweke, laha ku fika ni leswaku munhu a vona swi lulamile ku fela ntiyiso ematshan’wini ya ku dyoha.

50. Sweswi ke, byela van’wana leswaku u ponisiwile.

• Loko n’wana a ha ri endzeni ka khuri ra mana wa yena, a ku na moya, naswona a nga tirhise maphaphu ya yena leswaku a hefemula.

• Kambe nkarhi lowu a humaka hi wona ehandle, a fanele ku tirhisa ya yena maphaphu eku hefemula.

• Loko a nga hefemuli, a fanele ku tlakuriwa hi swinegana, a phakatiwa eswitshan’wini swa yena, leswaku a kota ku phaphama kutani a rila.

• A ku rila ka n’wana ku endla leswaku manana ni maxaka, va va ni ku rhula kutani va sungula ku tsaka, hikuva a n’wana a komba ku hanya.

• Loko munhu a tswariwa ra vumbirhi, a moya wa yena wu fanele ku sungula ku hefemula.

• A fanele ku amukela matimba ya Moya lowo Kwetsima leswaku a kota ku hefemula swa Moya wa Xikwembu.

• Leswi a swi amukeleke eka Moya, a fanela ku swi hefemulela lava nga kusuhi na yena, ku nga ku va xumayela hi ta ku pponisiwa, a nga leswi a endleriweke swona.

• Tani hikuva a amukele ku ponisiwa hi Xikwembu, a fanele ku huwelela, a ku: “Ni ponisiwile, Haleluya, Xikwembu xi ni pfuxile esirheni ra swidyoho.”

• Loko a sungula ku endla leswi, a maphaphu ya yena ya ximoya ma sungula ku hefemula, ma kota moya wa tilo, kutani a va n’wana la hanyaka.

• Leswi swi tisa ntsaku eka Xikwembu ni le ka Vakriste van’wana, kutani va sungula ku vula va ku: “Vonani, wa hefemula, I wa hanya emoyeni”.

 “…. Loko u vula hi nomo wa wena leswaku |Yesu i Hosi, ni loko u pfuimela embilwini ya wena leswaku Xikwembu xi n’wi pfuxile exikarhi ka vafi, u ta ponisiwa. Hikuva munhu u pfumela hi mbilu, kutani sweswo swi n’wi endla ava la lulameke, u vula hi nomo, kutani sweswo swi n’wi endla a va la ponisiwaka.” (Rom 10:9&10)

• Hi ku vula hi nomo wa wena leswaku u amukerile ku ponisiwa, u le ku kombiseni ka ripfumelo emahlweni ka Xikwembu, kutani leswi swi tiyisa ku ponisiwa ka wena.

51. Xana leswi swi vula leswaku a wu nga ha dyohi ke?

• E-E.

• Tani hi laha ni vuleke hi kona eku sunguleni, a ntumbuluko wa wena wa khale ( wa Adamu) A wu susiwi loko u tswariwa ra vumbirhi.

• Sathana loyi a hlohloteleke Adamu leswaku a dyoha, wa ha ri kona emisaveni leyi, kutani a ta endla hi matimba leswaku a ku kanganyisa.

• Hikokwalaho, u tava ni ku vilela endzeni ka wena, hi ku ti kuma na wu endlile leswi lwisanaka ni ku ponisiwa ka wena.

• Pawulo a hlamusela nyimpi leyi hi ndlela leyi eka buku ya Va-Roma 7:19,20: “Hikuva leswinene ndzi navelaka ku swi endla a ndzi swi endli, kambe leswo biha leswi ndzi nga vaveriki ku swi endla, ndza swi endla. Swi komba leswaku loko ndzi endla leswi ndzi nga naveriki ku swi endla a nga ha ri mina hi xiviri xa mina la swi endlaka, kambe i ku dyoha loko akeke eka mina.”

• Leswi pawulo a swi vulaka, hi leswaku a munhu wa yena lontshwa, a nga na ku navela ka ku dyoha, kambe Adamu wa yena wa khale wa swi kota ku n’wi komba laha a sukaka kona, kutani a tikuma na a dyohile.

• A mahungu lamanene hi lawa: 24,25: “Yo! mina munhu wa khombo lero nghasi! I mani la nga ta ndzi sthunxa emirini lowu wu ndzi yisaka eku feni xana? A ku khensiwe Xikwembu ha Yesu Kriste, Hosi ya hina! Ku hetisekile mhaka leyi, ndzi nga ku: Mina hi ndzexe, hambi ndzi tirhela nawu wa Xikwembu hi miaknakanyo ya mina, hi ntumbuluko wa mina wa laha misaveni ndzi tirhela nawu wa ku dyoha.!” Xana wa swi twisisa leswi a swi vulaka? A vula leswaku a ntumbuluko wa yena wa khale, wu fana ni nyama yo bola leyi hayekiweke eka xipikiri xa yena. Yi hangalasa ku nun’hwa loku endlaka leswaku munhu a endla swo biha. Swi tikerisa munhu ku endla leswi Moya lowo Kwetsima wu lavaka leswaku a endla swona, hambiswiritano, a fanela ku khensa Xikwembu hikuva ka ha ri na ku langutela ka ku kutsuriwa eka miri wa vudyoho.

• Yes, Jesus gained victory over sin for you on the cross and His Holy Spirit has come to live inside of you to empower your spirit to live in victory.

• Loko u tshemba Xikwembu, Xikwembu ni ku khongela, u tava eka xiyimo xa ku hlula swiyimo leswi landzelaka: Xifo ka ku n’wa byala ni ku dzaha fole ni minxaka ya timbangi, Vukwele, vukarhi, rivengo, ku kala ku rivalela, nchavo, ku kala ripfumelo ni swin’wana swidyoho leswi u nga swi kuma eka ntumbuluko wa Adamu.

• Hi fanele ku twisisa leswi landzelaka: Adamu wa khale a swi nga koteki leswaku a dyondziseka a ko a fika laha a nga ta kota ku endla swilo no hanya vutomi bya kahle, kambe byi fanele ku fa byi lahliwa hi ntumbuluko lowuntshwa lowu hi wu nyikiwaka hi matimba ya Moya lowo Kwetsima.

Loko swiritano, dlayani leswi swi nga swa misava eka n’wina, hi leswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava. (Col 3:5)

(Swirho: Xikwembu xi vona ntumbuluko wa khale tani hi mirhi lowu nga ni swirho swo tala: voko, ndleve, nhompfu, nomo etc.)  Xin’wana na xin’wana xi kombisa xidyoho xo karhi. A swirhoi leswi swi fanele ku lahliwa (ku dlayiwa) ku tsemiwa swi suka, kutani loko swi file, hi kona ku nga ta nghena ntumbuluko lowuntshwa eka wena, kutani wu tswala mihandzu ya Moya:

Kasi mihandzu ya moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka …. . (Gal 5:22).

52. Xana ku humelela yini loko u tlhela u dyoha?

• Xana u ta heleriwa hi vun’wana bya Xikwembu loko u tlhela u tikuma u endle xidyoho xa tingana ke?

• Tiva leswaku Sathana a ha ta ya emahlweni a tirhisa ku tsana ka mirhi wa wena wa ntumbuluko wa vudyoho bya ka Adamu, leswaku a ku tisela nchavu ni ku kanakana embilwini ya wena.

• Loko wo endla hambi hi ku hleketa hambi xo va xidyoho xa kala xi nga ri xa tingana, Sathana a ta ku lumbeta ku fana ni leswi a swi endleke eka Yoxuwa, a ku byela leswaku a wa ha ri n’wana wa Xikwembu. Leyo a hi yona ntiyiso.

• A hi languteni xifaniso hi n’wana loyi a tswariwaka na a ri wa ka Chauke: Loko a pshomukeriwa hi parati leri a nga le ku ri tirhiseni; xana a lahlekeriwa hi xivongo xa yena xa ka Chauke ke?

• Xana ku laveka leswaku a tlhela a nghena ekhurini ra mana wa yena a ta tlhela a tswariwa tani hi Chauke ke? A hi ntiyiso yoleyo.

• A Certidão ra yena leri a balisiweke hi rona eka mfumo a ri nga cinci hambi a nga dlaya maparati hinkwayo ya ka Chauke. Hambi hi Tata wa yena a nge swi koti ku n’wi cicna xivongo ni vito ra yena.

• Loyi a nga cincaka xivongo xa yena i n’wana ntsena. Loko a kula a nga ti yela hi yexe ku ya cinca mavito ya yena, kutani mfumo wu nga pfumela, kutani wu n’wi nyika Certidão rintshwa.

• Swi tano, loko u tswariwe ra vumbirhi, u tshama u ri n’wana wa Xikwembu, hambi loko u hluriwa hi |xidyoho.

• Etilweni a vito ra wena ri tsariwile ebukwini ya vutomi swin’we ni mavito ya van’wana lava tswariweke ra vumbirhi.

• Eka Va-filip. 4:3 Pawulo a ri: “…. vatirhi kulorhi, n’wina lava mavito ya n’wina ma tsariweke ebukwini ya vutom”,

Ndzi ti nyika vutomi lebyi nga heriki; ti nga ka ti nga lovi ni siku ni rin’we, naswona a ku na munhu la nga ti vutlaka evokweni ra mina. (John 10:28)

• Leswi nga endlaka leswaku u nga ha vi n’wana wa Xikwembu, hi loko u tivulela hi wexe u ku: “A na ha lavi ku va n’wana wa wena, a na ha swi lavi ku ku lumba naswona a na ha pfumeri eka vito ra N’wana wa wena Yesu Kriste tani hi muponisi wa mina. Na ku fularhela naswona a na ha lavi ku twa nchumu hi ta wena ni siku ni rin’we.

• Loko u nga vulavula thyaka ro nghasi hi ndlela leyo hi ntiyiso embilwini ya wena, na tshemba leswaku Xikwembu xi nga sula vito ra wena ebukwini ya vutomi.

• Kutani a Certidão ya wena ya le tilweni yi cicnciwa u vitaniwa; ” n’wana wa Sathana”. Ni tshiki ni ku byela leswaku Xikwembu xi ta rivala hi wena onge a wu tshamanga u va kona.

• Hi ndlela leyo, a wu nge he swi koti ku tlhela u va n’wana wa Xikwembu, hikuva Moya wa Xikwembu wu tava wu sukile eka wena. Oh, onge Hosi yi nga pfuna vanhayi hinkwavo va dyondzo leyi leswaku va nga pfuki va endla mhaka ya thyaka swo nghasi hi leyi.

• A swi koteki leswaku munhu a tlhela a tswariwa ra vumbirhi, ku fana na n’wana l;oyi swi nga ha kotekiki leswaku a tlhelela ekhurini ra mana wa yena.

Hikuva lava tshamaka va voningiwa hi Xikwembu, lava natntsweke nyiko ya le tilweni, lava averiweke Moya lowo Kwetsima, lava nga natswa ku nandziha ka rito ra Xikwembu ni matimba ya swa minkarhi leyi taka, loko kutani va tlhelela endzhaku, a swi endleke ku va vuyisela kambe eku hundzukeni; va tlhela va vamba N’wana wa Xikwembu, va n’wi hundzula xihlekiso. (Heb. 6:4-6).

53. Ku kula evun’wanini bya Xikwembu.

• Loko u ti tsumbula leswaku u tlhelela endzhaku emahanyelweni ya wena ya Xikriste, u tsumbula leswaku u endla swidyoho, ku nga ku hleketa swo biha, ku vulavula swo hiha, ni ku endla leswo biha, u fanele hi ku hantlisa u tlhelela eka Xikwembu hi ku tisola ni ku tivula.

• Xi ta ku rivalela ni ku basisa miehleketo ya wena ni vutomi eka leswo biha hi ngati ya N’wana wa xona.

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwaku. (1 John 1:9)

• Loko wo tsandzeka ku endla tano, u ta nghena etilweni loko miri wa wena wu fa, kambe a wu nga vi ni ku rhula embilwini ya wena, kutani Xikwembu xi ta ku khatisa ku fana ni tatana loyi a khatisaka n’wana la n’wi rhandzaka. A xi nga ku ambexi harhi ya ntsaku.

N’wananga, u nga teki ku layiwa hi Hosi u ku endla mhaka leyi tsongo, naswona u nga heli mbilu loko u tshinyiwa hi yona. Hikuva Hosi yi laya loyi yi n’wi rhandzaka, yi ba n’wana un’wana ni un’wana loyi yi n’wi amukelaka. (Heb. 12:5-6).

54. I hikwalaho ka Tintswalo.

Tshama u hleketa leswi embilwini ya wena, leswaku a ku ponisiwa ka wena a swi humi emintirhweni ya wena yo saseka kambe i nyiko ya Xikwembu.

Hikuva hi tona tintswalo ta Xikwembu leti mi poniseke, hikwalaho ka ku pfumela; kutani leswi, a swi humi eka n’wina, kambe i nyiko ya Xikwembu. Ku hava xo ti kurisa ha xona emhakeni leyi, hikuva a swi humi eku tikarhateni ka n’wina. (Ef. 2:8-9).

(Loko ni tsala tidyondzo leti a ni ri ni kwalomu ka 40 wa malembe na ni ponisiwile. Swi humelele hi sonto ni madlambo, loko ni khinsamile hi matsolo ya mina kutani ni nyikela vutomi bya mina eka Xikwembu. Vatirhi vo tala va Xikwembu va ni pfunile swinene leswaku ni antswisa ni ku kula eka xinakulobye xa mina ni Xikwembu, hi ndlela leyi ya ku tsala, ni le ku ku pfuneni na wena nakulori leswaku u antswisa xinakulobye xa wena ni Xikwembu.)

//////////