1 Petro

Mi vitaneriwe swona, hikuva Kriste na yena u twile ku vaviseka hikwalaho ka n’wina, a mi boxela ntila wa leswaku na n’wina mi ta n’wi landzela.

(2:21)

  • Nhloko mhaka: Matikhomele emaxangwini
  • Sikuro tsariwa: A.D. 64-65
  • Mutsari: Petro
  • Ndzhawu: Rhoma

Papila ro sungula ra Petro ri tsariwile enkarhini lowu Rhoma yi nga hisiwa hi muchaviseki hosi Nero. Kuxanisiwa ka va kriste ku engetelekile hi ku hatlisa, xivangelo hileswi hosi Nero a nga hangalasa mahungu ya leswaku Vakriste hi vona va lumekeke ndzilo.  Petro u tsalela vakriste lava hangalakeke na dhoropa ra Rhoma ku va komba hilaha va nga hanyaka vutomi byo hlula hakona exikarhi ka ku pfukeriwa loku taka, va nga heli matimba, va nga tsekatseki, naswona vatshemba Hosi varikarhi va langutela ku vuya ka Yona ravumbirhi. Petro u pfumela leswaku vahlayi loko vo hanya vutomi byo yingisa Xikwembu exikarhi ka tiko leri va pfukelaka va nga kota ku va swi tirhisiwa swa Evhangeli evokweni ra Xikwembu. 

 Marhambu Yo Pfumala Nyama 
  • Ku avanyisa ka 1:1-2:10 Ku Nyika Risima ku Ponisa Loku Kulu Ka Xikwembu.

U kongomisa papila ra yena e ka  Vapfumeri lava nga ka swi fundza swo hambana hambana  swa dhoropa ra Rhoma. Petro u sungula hi ku nkhensa Xikwembu hikwalaho ka nyiko yo ponisiwa. Kutani Petro u hlamusela vahlayi va yena leswaku miringo yi sweka ripfumelo ra vona. Ematshan’wini ya swiyimo swa vona, va fanele ku pfumela  Xikwembu e ka makungu ya Xona yo ponisa, tani hi leswi lavo tala endzhaku va pfumeleke. Hambi Vaprofeta vo tala va le ndzhaku lava tsaleke hi ku pfumela, va pfumerile na vona, hambi leswi a va nga twisisi. Kambe sweswi ku ponisiwa ku humeseriwe erivaleni e ka Kriste. Hikokwalaho, hi ku hlamula eka ku ponisiwa loku kulu, Petro u khutaza  va hlayi va yena ku hanya vutomi byo tenga, va xixima no tshemba Xikwembu, va tshembheka no va na rirhandzu eka vuxaka bya vona na va n’wana, nakambe va fana na maribye lama hanyaka na Kriste, loyi “ ahlawulekeke” no va “ribye rayinhla” laha kereke yi faneleke ku akiwa e ka masungulo ya rona (2:4,6).

  • Ku avanyisa ka 2:11-4:6 Ku Tsundzuka Kriste tani hi xikombiso

Lexilandzelaka, Petro u hlamusela hilaha Vapfumeri va faneleke ku hanyisa xiswona laha misaveni hinkarhi wo tika. Va fanele va pfumala xisandzu, vatekelela Kriste e ka swiendlo hinkwaswo swa ku hanya kavona hambi loko vari vinyi kumbe mahlonga, vavanuna kumbe vavasati, lavantshwa kumbe lava kulu, swirho swa kereke kumbe vaakelani. Petro u navela leswaku loko ku xaniseka ku fika, ku ngavi hikwalaho ka swiendlo swo biha, kambe kuva hikwalaho ka matikhomele ya vu Kwembu. Ukombeta vahlayi va yena e ka Yesu Kriste tani hi xikombiso xa vona xakuva va yingisa Xikwembu exikarhi ka mahlomulo lamakulu.

  • Ku avanyisa ka 4:7-19 Ku Tsakela Ku Vuya Ka Hosi Ra-vumbirhi.

Petro u tsundzuxa leswaku makumu ya fikile, naswona ku vuya ka Hosi kule ku suhi.  Hikwalaho, vakriste va fanele ku ti yimisela no tlhariha eswikhongelweni swa vona, va rhandzana, va amukelana, va fanele ku tirhisa tinyiko ta vona ta ximoya ku akisana no tirhelana, va ti tsakela eku xanisekeni ka vona— leswitisaka ku dzuneka e ka Xikwembu. 

  • Ku avanyisaka 5 ku Paluxa Swiletelo Swi N’wana Swa Nkoka.

Petro u nyika marito ya swiletelo swo hetelela:  Varhangeri va kereke va fanele ku risa vanhu va vona, lavantshwa va fanele ku tiveka ehansi ka vurhangeri bya va kulukumbha, nakambe hinkwavo va fanele ku tiveka ehansi ka va’nwana himoya wo tistongahata. Hikutitsongahata, Vapfumeri va fanele ku veka kuhlayiseka ka vona emavokweni ya Xikwembu hikuva Xikwembu xa va khatalela. Vapfumeri nakambe va fanele ku alela sathani tani hiloko a ri karhi a rhendzeleka kufana na ghala leyi vombaka. Xo hetelela, Petro u katsakanya hi ku nyika marito ya xitshembhiso lexikulu, Xikwembu xi le ku tirheni e ka hinkwaswo leswi humelelaka evuton’wini bya Va hlayi va yena—hambi eku xanisekeni ka vona—ku humelerisa matimba ya ku tiyisela, leswi nga ta tisa kudzuneka eka Xikwembu.

Ku Vekela Nyama Eka Marhambu
  • Petro u lulamise papila leri a ri kongomisa eka Vakriste lava a va nhlangana na ku xanisiwa hikwalaho ka ripfumelo ra vona e ka Kriste. U va tsalerile leswaku a va chavelela hiku va  tsundzuxa hita ku ponisiwa ka vona na ku langutela ka vutomi lebyi nga heriki.  Wa va ntlhontlha leswaku va hanya vutomi byo tenga no va  tsundzuxa  leswaku lava xanisekaka hikwalaho ka ripfumelo ra vona, va hundzuka swiphemu swa Kriste emaxangwini ya Yena.
Swipaluxi EVuton’wini Bya Wena
  • Namuntlha, vakriste vo tala emisaveni hinkwayo va le ku xanisiweni hikwalaho ka ku pfumela ka vona. U nga va uri exikarhi ka vona kumbe u nga ri kona,kambe vakrIste hinkwavo va fanele va langutela ku xaniseka, hikuva Yesu ute, “emisaveni mi tava na ku xaniseka loku kulu” (Yohane 16:33). Loko ripfumelo ra wena rivoniwa hi van’wana, u fanele ku langutela ku soriwa no tshikiwa. Kambe Petro u ri awufanelanga ku chavisiwa hileswi va ku khomisaka xiswona. Hambi loko u hanya emisaveni leyi na ti nxaniso ta yona,  wa hari muaka tiko wa le tilweni loyi a nga ta hanya vutomi lebyi nga heriki na Kriste. Vuako lebyi byi mbirhi a byi ku nyiki ku tshemba no langutela , u yima u tiya loko ripfumelo ra wena e ka Kriste ri ringetiwa. U fanele ku languta ndzingo wun’wana na wun’wana tani hi nkateko lowu telaka ku ta lota no tiyisa ripfumelo ra wena.Tiva leswaku, loko u hlangana na ku xanisiwa nima hlomulo, tsundzuka marito ya Petro: “Hikuva mivitaneriwe e ka swona leswi, hikuva Kriste na yena u xanisekile hikwalaho ka hina, a hi siyela kuva xikombiso, leswau hi landzela mikondzo ya yena” (1 Petro 2:21).
Dyondzo Ya Vutomi Eka 1 Petro
  • U languteriwa ku ti veka ehansi ka vurhangeri lebyi fumaka. Matikhomele ya wena mafanele ku kombeta vanhu Kriste, ngopfu lava nga va yindlu ya wena.
  • A wu fanekelanga ku hlamarisiwa hi tinxaniso loko tiku fikela. 
  • U nga langutana na tinxaniso u ti hlula tani hi leswi Kriste a swi endleke, ntsena loko u ti seketela himatimba ya Kriste.
Laha Swi Kumekaka Kona
  • Torha ra ntswamba wo tenga wa Rito ra Xikw. … 2:1-2.
  • Ku tiveka ehansi ka vulawuri bya mfumo … 2:13-17.
  • Kutitsongohata ka Vavasati … 3:1-6.
  • Vutihlamuleri bya Vatatana … 3:7.
  • Dyondzo ya tinyiko ta moya … 4:10-11.
  • Vutihlamuleri bya Vakulukumba … 5:1-4.
  • Sathani u fanisiwa ni nghala leyi vombaka … 5:8.
Wanuna Loyi a vitaniwaka Petro 
  • Uvile muphasi wa tihlampfi tani hi ntirho wa yena.
  • Uvile un’wana wa lavo sungula ku vitiwa ku tirha na Yesu.
  • Uvile un’wana wa vadyondzisiwa va 12.
  • Uvile un’wana wa vadyondzisiwa lava nharhu, swin’-we na Yakobo na Yohane.
  • A ri wo soleka eka swiendlo na mavulavulelo.
  • U landzurile Yesu ku ringana ka nharhu.
  • U vuyelerisiwile hi Kriste “ku risa” Tinyimpfu ta Yena — vanhu va Yena.
  • U chumayerile hungu ro sungula loko kereke yi sungula.
  • U tikeriwile hi ku amukela vamatiko eKerekeni.
  • Hi yena a nga nyika Yohane Marka hi timhaka leti a ti voneke ta vutomi bya Yesu.
  • U tsarile 1 Petro na 2 Petro.
  • Hi ku landza ndzhavuko, u vambiwile a langute ehansi e Rhoma.

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *