1 Vakorinto, 14-16 - M2819 Bible Studies

U. MATSHAMELO YA SWILO EKA TINHLENGELETANO

14:1-40

Lava tinyiko:
1. U nga tshami ntsena u langutele Xikwembu ku ku tlhandleka nyiko swi nga languteriwanga
2. Khongela u tlhela u tirhisa ripfumelo ra wena ( tani hi laha u edleke ha kona loko u amukela Yesu tani hi muponisi)
3. Loko u ri eka ntirho wa Vukreste, tshemba moyo lowo kwetsima ku khuluka ha wena hi ndlela yihi kumbe yihi leyi Moya wu vonaka yi fanerile: hi nkarhi tinyiko ta wena ta ximoya ti ta sungula ku tirha.
Ku vulavula hi tindzimi
1. I nyiko ya mpimo wa le hansi
2. Hakanyingi yi tirhisiwa eka xikhongelo xa xihundla
3. Loko u vulavula hi ririmi, u vulavula na Xikwembu (dzunisa/khongela)
4. Hi nkarhi wa ntirho, moya wa loyi a vulavulaka wu va entirhweni na wona handle ka mianakanyo ya yena.
5. Ku vulavula hi ririmi swi aka no tiyisa xivulavuri
6. (I nyiko ya nkoka eka xikhongelo xa xihundla loko hi boheka ku khongela, kambe hi nga ri na ntiyiso wa leswi hi faneleke ku swi khongelela (Hi nga langutisa na Varhoma 8:26 ,27))
7. Loko xi tirhisiwa laha ku nga na mani na mani:
8. Kongomelo i xikoweto eka lava nga ponisiwangiki xa vukona byo hlamarisa bya Xikwembu
9. Naswona ri fanele ku hlamuseriwa hi ririmi ra lava nga kona leswaku vat a twisisa hungu ra vona leri humaka ka Xikwembu.
Eka tinhlengeletano ta vanhu hinkwavo, nyiko ya vuprofeta hi leyi nga na nkoka ku tlula ku vulavula hi tindzimu.
Ntirho wa Xikwembu eka tinhlengeletano ta mani na mani
1. Ku fanele ku va na ntshamiseko (leswi vulaka leswaku un’wana u fanele ku fambisa ntirho)
2. Ntirho wa Xikwembu a wu fanelanga wu huma eka munhu un’we ntsena: pfumelela vanhu vo hambana ku nhgenisa xandla loko va leteriwa/rhangeriwa hi moya lowo kwetsima
3. Ntirho wo tano, ku nga va ku rhangela hi risimu, ku nyika dyondzo, ku vulavula hi ririmi xikan’we na nhlamuselo, hlavutelo lowo hlawuleka (ku fana na rito ra vutivi), na xiprofeto, na swin’wana.
4. Ku nga vi na tindzimi to hundza timbirhi (2) hambi tinharhu (3), swiprofeto (kumbe swin’wana)
5. Munhu loyi a chumayelaka ( a hi ngo xiprofeto), u na vutihlamuleri bya leswi a swi vulaka na hi laha a swi veketerisaka xiswona
  1. ( Moya wa demona, hi le tlhelo, wu teka vulawuri hi ku hetisaka eka munhu loyi wu nga ka yena, wu n’wi endla a nga tivi leswi a swi endlaka kumbe k uvula)
  2. Xirho lexi tirhaka ha tinyiko, hikwalaho, xi nga ka xi nga vulavuli leswi hakunene swi humaka ka Xikwembu kumbe ku vulavula swa yena hi ndlela nga xiximiki Xikwembu, hi k uvula leswaku u fambisiwa hi moya lowo kwetsima.
  3. Moya wa munhu loyi a profetaka, wu famba hi ku landza mianakanyo na xivangelo ya yena n’wini
6. Lava va twaka marito ya vuprofeta, va ta languta eka moya lowo kwetsima ku kuma ntiyisiso wa leswaku leswi va swi twaka/vonaka, swi huma eka Xikwembu. Vona (ngopfu murhangeri loyi a fambisaka nhlengeletano) a nga fanelanga:
  1. Ku tima moya lowo kwetsima hi ku pfumelela ntsena vuchumayeri lebyi byi nga hlamuseriwaka hi ku olova hi mianakanyo
  2. Ku pfumelela vuchumayeri lebyi nga taleiwa hi ku hlundzuka kambe ku nga ri moya lowo kwetsima hikwalaho byi nga akisi vayingiseri eka ripfumelo na rirhandzu.
7. Mhaka eka hinkwaswo, i ku pfumelela moya lowo kwetsima ku lawula ntirho hinkwawo, kutani kurhula na ntshamiseko swi tava kona.
Ntirho wa Xikwembu hi vamanana
1. Tsalwa ri veka swipimelo eka vamanana mayelana na ntirho wa Xikwembu ku va va nga wu fambisa laha vapfumeri va hlengeletaneke tani hi kereke.
  1. Milawu leyi tirhisiwaka hi leyi landzelaka:
    1. Vavasati a va pfumeleriwi ku fambisa kumbe ku tirhela eka xiyimo xa vulawuri hi ku rhangela vatatana. (1 Tim 2:12).
    2. Ku na swipimelo loko va fanele ku vulavula eka tinhlengeletano ta kereke (13:34 and 1 Tim 2:12) naswona va lerisiwa ku miyela va yingisela ku vulavula ka vatatana laha va nga ta vutisaka swivutiso eka vavanuna va vona ekaya ngopfu loko ku ri na leswi va nga swi twisisiki.
    3. Hambi swi ri tano a va siveriwi ku vulavula, tani hi leswi ku pfumeriwaka leswaku va nga tirhisa nyiko ya vona ya vuprofeta hambi ku khonela eka tinhlengeletano ((see 11:5 and Acts 21:9)
    4. Va pimeriwa ngopfu loko swi ta eka ku dyondzisa (14:34 and 1 Tim 2:12) laha matsalwa ya kombisaka swivangelo swimbirhi:
      1. Ku dyondzisa swi fananisiwa na ku van a vulawuri ehenhla ka loyi u n’wi dyondzisaka (la hi katsa vavanuna lava nga vayingiseri) hikuva mudyondzisi u andlala milawu ya matikhomele ya Vukreste laha a nge “Leswi u nga swi endla handle ka leswi.”
      2. Va olova ku xisiwa ku tlula vavanuna tani hi loko swi tiveka leswaku a hi Adam, kambe Eva loyi a nga xisiwa hi nyoka ku fikela laha a nga wisa rixaka ra munhu hi ku angarhela (1 Tim 2:14).
2. Milawu leyi a hi leyi tirhaka eka tinhlengeletano ta kereke (tinhlengeletano ta vapfumeri tani hi kereke) xikombiso:
  1. Nhlengeletano ya vuvhangeli leyi kongomisiweke eka ku cinca lava nga tshembiki.
  2. Ku dyondzisa rito eka vanhu vo hambana hambana (lava tshembaka na lava nga tshembiki) laha munhu wihi kumbe wihi a nga vaka xiphemu xa kona (vavanuna na vavasati) naswona laha ku nga riki na vulawuri ehenhla ka lava vaka kona (tinhlengeletano ta kereke a hi leti vavanuna va nga tihlawulela ku va kona kumbe ku nga vi kona, hikuva Paul u tsundzuxa vapfumeri hinkwavo “leswaku hi nga tsan’wi ku hlangana ka hina, tani hi ntolovelo eka van’wana,,,” (Heb 10:25). Leswi swi vula leswaku hi ku boheka ku va kona, wanuna u boheka ku tiveka ehansi ka vulawuri bya loyi a dyondzisaka rito ra Xikwembu laha loko a ri wansati a nga ta vaka a hambana na leswi matsalwa ya vulaka swona)
  3. Rito ra Xikwembu leri nga vaka eka xiyanimoya kumbe thelevhixini laha munhu un’wana na un’wana a nga tshunxeka ku yingisela hambi ku hlalela kumbe ee.
3. Nhlokomhaka leyi yi lava ku lavisisiwa ha yoxe hikwalaho yi nga ka yi nga langutisiwi hi ku hetiseka ehansi ka vundzeni bya ndzimana leyi hi langutaneke na yona eka nkarhi wa Sweswi swa fanela ku hi nga vula leswaku vavsati va vubiwile ku va lava hambaneke, kambe ku nga ri ku tivonela ehansi eka vavanuna naswona va na xiave lexikulu efun’weni wa matilo.

V. TA KU PFUKA

15:1 58

Endzhaku ka tidyondzo ta matikhomele ya Vukreste ha ku hambana ka swiyenge, Muapostola Paul se u nghena eka “vhangeli yak u ponisiwaleyi ha yona munhu a ponisiwaka.”
Leswi a swi vulaka eku sunguleni ka dyondzo ya yena hi leswaku ku pfuka ka Kreste I xiyenge thlelo xiphemu xa vhangeli ya ku ponisiwa na leswaku munhu a nga ta ponisiwa loko a alana na ntiyiso wa ku pfuka ka miri wa Kreste.
Xivangelo xa ku profeta hi dyondzo leyi hi leswaku a byeriwile leswaku xirho xin’wana xa kereke a nga tshembanga eka ku pfuka ka miri wa Kreste.
1. Xivangelo xa leswaku va nga tshembi ku nga va ku vile:
  1. Vonelo ra rixaka ra MaGreek xa leswaku miri w ova xiphambati lexi munhu a hanyaka eka xona laha misaveni lexi a xi balekelaka loko a fa ku ya hanya vutomi bya ntshunxeko eka misava ya ximoya.
  2. Vonelo ra nghozi I ngi ku vile ku nga tshembi leswaku Xikwembu xi vile na matimba yak u pfuxa lava feke. Va sandzile mianakanyo ya ku pfuka ka miri wa Kreste hi ku vutisa swivutiso swa leswaku xana miri lowu pfukeke a wu ta va wa njhani. Vonelo ro tano lero hoxeka a ri tava ri chichile xiyimo xa Xikwembu laha I ngi xi tekiwile tani hi munhu wa matimba lama pimiweke tani hi vanhu, hikwalaho i ngi ri tekele hansi ripfumelo ra vona eka Xikwembu, hikwalaho I ngi va nga ponisiwanga.
2. Hikwalaho ka swivangelo leswi na ku engetela vitivi bya tinhlengeletano hi ku angarhela na ku akisa ripfumelo ra yena, Paul u nyika tidyondzo to enta hi Yesu Kreste na ku pfuka ka miri wa vapfumeri.
3. Leswi a swi vulaka eka tindzimana tingari tingari leto ranga hi leswaku vhangeli yi fanele yi tshembiwa naswona ku nga ri ntsena xiphemu xa yona.
I sungula dyondzo ya yena hi ku va tsundzuxa hi mintiyiso ya vhangeli leyi nga:
1. Christ died for our sins. Kreste u fele swidyoho swa hina.
2. Ku fa ka yena ku paluxiwile eka tetamente leya khale (Ps 22, Isa 53, etc.).
3. U celeriwile kutani a pfuka hi siku ra vunharhu hi ku landza matsalwa (Ps 16:9,10).
4. Ku vile na timbhoni to tala ta ku pfuka ka yena tani hi Kefasi, vadyondzisiwa va yena va khume-mbirhi, vamakwerhu va madzana ntlhanu hi nkarhi wun’we, Yakobo (buti wa Yesu), vadyondzisiwa va yena hinkwavo va hlanganile hambi yena Paul hi xiviri (epatweni ra Damaskas)
A ku na yin’wana ndlela handle ka ku tshemba timhaka leti hinkwato tani hi ntiyiso.
1. Hikuva ti hlamuseriwile hi timbhoni to tshembeka, ha Paul xikan’we na vadyondzisiwa lavan’wani va nga vona Yesu endzhaku ka ku pfuka ka yena naswona va ve pfumelelana eka mhaka leyi. (V11&12).
2. Va fanele va tivonela ku nga hambukisiwi endleleni hi ku khoma minjhekanjhekisano na vanhu lava nga riki na vutivi bya Xikwembu (V33, 34).
Nkoka wa ku pfuka ka Kreste na wa ku fa hi leswaku:
1. Loko ku pfuka ka vafi a ku nga koteki, ku pfuka ka Kreste na kona a ku kotekangi
2. Loko Yesu a nga pfukangi, a swi ta vula leswaku Tatana a nga amukelanga ku tinyikela ka n’wana wakwe ematshan’wini ya swidyoho swa munhu naswona munhu a tava a lahlekile eswidyoheni swa yena. Xikombiso: Ku tshunxiwa ka mukhomiwa ekhotsweni, va huvo ya makhotso va ri eka misava hinkwayo mubohiwa u tirherile xigwevo kumbe milandzu ya yena hi ku hetiseka. Hi mukhuva wolowo, ku pfuxiwa ka Kretse ku suka exivandleni xa vafi, Xikwembu xi nyika vumbhoni eka misava bya leswaku ku vile na ku panicha hikwalaho ka swidyoho swa munhu, ndziho wu hakeriwile hinkwawo tani hi loko a tshunxiwile eka rifu na sirha, kutani vanhu hinkwavo hi ripfumelo ra vona eka Yesu va nga tshunxeka ha rifu na ku pfuka ka yena ku suka eka khotso ra xidyoho na rifu. (“Hikuva u fele swidyoho swa hina a tlhela a pfuxeriwa ku lulama ka hina. “Rom 4:25)
3. Tani hi loko rifu ri tile ha munhu (Adam, hi ku yimela rixaka hinkwaro), vutomi a byi fanele byi ta ha munhu (Kreste loyi a yimela vakutsuriwa hinkwavo) (V21,22) Munhu wo sungula u kokerile rixaka eku feni na sirha, loko munhu wa vumbirhi a suka esirheni, a rhangerile lava kutsuriweke ku suka eka rifu na sirha.
4. Kreste hi yena a nga tswariwa a ri wo sungula eka swivumbiwa ha Xikwembu (V20)
5. Hi ku nga tshembi eka ku pfuka ka yena, va tsandzekile ku tshemba eka swilo leswi hinkwaswo swa ntirho wa yena wa ku kutsula: kahle-kahle, loko va nga tshembanga eka ku pfuka ka yena, a va tshembanga eka Yena. Vhangeli ya vona xikan’we na ripfumelo ra vona a ri nga hetisekangi.
Swivangelo swa ku tshemba eka ku pfuka ka Kreste, I ku tivutisa leswaku xiyimo a xi ta va xi ri njhani loko I ngi Yesu a a nga pfuxiwanga:
1. A hi tava vahembi no fanela ku tihlamulela eka Xikwembu hi ku va hi vurile leswaku Kreste u pfukile.
2. Tani hi leswi a swi ta vula leswaku gandzelo ra Kreste a ri amukelekanga, a swi vula leswaku:
  1. Ripfumelo ra hina I ngi ri vile ra hava (ri nga vuli nchumu) – ku nga ri na ku rivaleriwa ka swidyoho, ku nga ri na ku tswariwa hi vuntshwa, ku ri hava vutomi lebyi nga heriki.
  2. Vakreste a va tava vona vo hlupheka va kona no voneriwa ebodleleni eka vanhu hinkwavo tani hi loko va tshamela ku xaniseriwa ripfumelo ra vona, va hluphiwa hi sathana, van’wana va lahlekeriwa hi swa vona ku kota ku chumayela vhangeli naswona hinkwaswo a swi ta va swa hava.
  3. Loko vutomi bya sweswi a ku ri byona ntsena eka rixaka ra vanhu,swi vula leswaku munhu a ta fanela ku byi hanya hi ku hetiseka a dya, a nwa a tiphina hikuva a na ka munhu a ta panicheriwa swidyoho swa yena hi laha ku nga heriki.
  4. Lava se va nga hundza emisaveni, se a va tava va lahlekele ra makumu.
Endzhaku ka loko a vulavurile hi ta ku pfuka ka Kreste na munhu, sweswi Paul u hoax mahlo ya yena eka nongonoko wa ku kutsuriwa ka ntumbuluko hi ku angarhela
1. Xitepe xo sungule ku vile ku pfuka ka Kreste
2. Ku landzela ku pfuka, e ku vuyeni ka yena, ka lava nga va yena.
3. Xa vunharhu ku landzela mixaka ya swilo-swilo leswi a nga hundzisiwa eka swona, ku katsa rifu ra yena.
4. Xa vumune, ku tinyiketela ka yena na hinkwaswo leswi a swi hluleleke Tata wa yena leswaku Xikwembu xi ta van a matimba yo hetiseka hinkwako eka nchumu un’we na hi ku angarhela ka swilo.
Ku kanetana na ku tisa switshunxo eka mianakanyo ya vona ya laha misaveni ha maendlelo mantshwa ya Xikwembu, u tisa hlavutelo lowuntshwa mayelana na leswa ha taka, miri lowu pfuxiweke na misava eka nkarhi lowa ha taka.
1. Nyama na ngati a swi nga vuyeriwi hi mfumo wa tilo
2. Vutomi lebyintshwa byi ta huma eka rifu ra khale (sweswi)
3. Miri wa sweswi wa munhu i mbewu ya lewuntshwa, kambe ku fana na leswi xivumbeko xa nsinya xi nga vonakiki eka mbewu ya wona, ku kwetsima ka miri lowu pfuxiweke ku ngaka ku nga voniwi eximoyeni hi ku langutisa lowa sweswi.
4. Tani hi loko vanhu va hambanile xikan’we na swiharhi leswo tala, ku ta van a ku hambana lokukulu eka vanhu lava pfuxiweke
5. Ku hambana exikarhi ka nkarhi wa sweswi na munhu lontshwa ku nga voniwa eka ku hambana exikarhi ka Adam wo sungula na lontshwa: munhu wo sungula u amukerile vutomi no hundzuka moya lowu hanyaka; munhu wa vumbirhi i moya lowu nyikaka vutomi
6. Sweswi hi na miri wa misava leyi: kasi hi eka nkarhi wolowo hi ta van a miiri wa tilo
7. Loko mhalamhala ya Xikwembu yi ta biwa, lava feleke ka Kreste va ta pfuxiwa kasi lava hanyaka, va ta cinciwa hi ku copeta ka tihlo, ha vumbirhi vat a ambexiwa miri lowu nga fiki.
8. Rifu na swikwembu leswi nga fumeni sweswi, a swi nga hluli hikuva swi ta mitiwa eku hluleni
9. Ku hlula loku ku ta karhatiwa hi ku pfuka ka Kreste
Mahetelelo: tani hi loko hinkwerhu hi yimele hi ku kwetsima loku, a hi yimeni hi tiya (hi nga yingiseli ku vulavula ka lava nga tshembiki) a hi ve kona hi ntalo eka ntirho wa hosi, hikuva ha swi tiva hakunene leswaku a ku nga lahleki nchumu na wun’we wa leswi hi swi endlaka
Ha dyondzo leyi hlamuseriweke hi ta ku pfuka, Paul u pfula fasitere rikulu rintshwa ra vumundzuku leby kwetsimaka bya Vakreste, laha a vekaka ku navela etimbilwinin ta vona ka swilo leswi swa masingita leswi Xikwembu xi va khomeleke swona, hi ku va koka rinoko leswaku va tshika mianakanyo ya vona ya vuphunta ya leswaku vutomi lebyi byi helela kwala na leswaku byi fanele byi lanuteriwa.

W. MAVEKETELELE YA NTIRHO WA PAUL HI SWIENDLO

16:1-24

Tani hi loko hi langutanile na timhaka ta vukhongeri, sweswi Paul u langutana na maveketelele ya swilo ha swiendlo
Timhaka hi swiendlo tin a nkoka, ku cinca cinca ka ka nhlekani na vusiku, ku cinca ka tinguva; hinkwaswo leswi a hi swa ximoya, kambe swi na nkoka eka mafambelo ya vutomi emisaveni
Mafambiselo lama hoxekeke ya nga vanga ku hlangana-hlangana eka swirho leswi nga ka ntirho wa Xikwembu laha swi nga endlaka leswaku swirho swi suka ku ya eka tinhlengeletano tin’wana
Hikwalaho, leswaku ntirho wun’wana na wun’wana wu ta tirha hi nfanelo, a swi ringanelanga ku va Mufundhisi a dyondzisa hungu ra matimba hi sonto ni mpundzu, u fanele a kumeka a ri mufambisi lonene. U tava a endlile leswinene ku tshama masikunyana na mufambisi wa bindzu ra Xikreste leri endlaka mali yo nyawula ku dyondza malulamisele lamanene eka yena, leswaku a ta kota ku tlakusa mafambiselo ya nhlengeletano ya yena ku yi yisa eka xiyimo xa le henhla. Vanhu vo tala lava nga tshembiki lava taka eka kereke ya yena nkarhi na nkarhi kumbe lava taka exikarhi ka vhiki, a va nga swi koti ku khensa xiyimo xa machumayelel ya yena kambe va ta tsakisiwa hi mafambiselo kutani va kokiwa rinoko ku tae ka Hosi.
First of all, the finances are to run well. Xo sungula, timali ti fanele ku fambisiwa hi vukheta
1. Nhlengeletano yi fanele ku dyondzisiwa hi vutihlamuleri bya yona byo phamela leswi ringaneke, ku ngari ntsena hi kualandza swidingo swa kereke ya vona kambe na swa tinhlengeletano tin’wana eka ndhawu yin’wana efun’weni wa matilo (V1,2)
2. Timali ti fanele ku vekiwa tihlo hi swirho swo tshembeka swa nhlengeletano yaleyo, lava ku tshembeka ka vona ku seketeriweke hi vakulukumba naswona va va lava nyikiweke swiyimo hi mufundhisi-nkulu (V3,4)
. Mufundhisi u fanele ku avelana xivono xa laha kereke yi kongomeke kona na varhangeri xikan’we swirho leswaku vanhu hinkwavo va ta tiva lomu ku yiwaka kona, na leswi nga ta humelelaka na leswaku swi ta humelela rini-leswi swi fanele swi tsariwile ehansi tani hi loko Paul a endlile tano. (V7-9).
Ku fikelela hinkwaswo, komiti ya bodo yi fanele ku van a mintshamo hi minkarhi yin’wana, ku miyeriwa leswaku va ta nyikiwa tlhelo ra fambelo hi Xikwembu.
Loko hinnkwawo leswi swi nga endliwi, vanhu va kumeka vata ekerekeni ntsena hi sonto, va yingisela nchumayelo, kutani va tlhelela kaya, a va nga voni nhlengeletano ya vona tani hi xibye xo tlakusa mfumu wa Xikwembu. Mbuyelo wa le tlhelo loko kereke yi ri xikombiso xa makunguhatelo lamanene, i ku vanhu va ta sungula ku kunguhata vutomi bya vona hi voxe hi ndlela leyi fanaka.
Mufundhisi wa nhlengeletano kumbe murhangeri wa nhlanganelo wa vanhu u fanele ku tirhisa nkucetelo wa yena ku tisa kurhula exikarhi ka vatirhi, ngopfu vafundhisi ku katsa na vafundhisi va tinhlengeletano tin’wana (V10, 11, 15 & 16). U fanele ku kondletela swirho ku xixima na ku amukela ntirho wa Xikwembu na tidyondzo ha vafundhisi van’wana (ku katsa na lavantshwa) va nga voni onge i ntlhotlho eka vona. Hi ku endla swoleswo, u ta pfuxa varhangeri lava nga ta tekaka ndhawu ya yena loko a nga ha swi koti ku yisa ntirho emahlweni.
Vafundhisi va fanele ku kombisa ku khensa leswi varhangeri hambi swirho swi va endlelaka swona xikan’we na tilo. (V17, 18)
Loko swin’wana swilo swi nga basanga, vula tano, swi kahle ku cinca nkunguhato ku tlula ku hava nkunguhato. Va fanele ku dyondzisa swirho swa vona, ku hambi loko va kuma switsundzuxo hi hlohlotelo wa tilo, hi vona vanhu lava nga na swipimelo tani hi mani na mani hikwalaho a va nga tivi swo swi endla hi minkarhi hinkwayo.
Vafundhisi va fanele ku tirha na swirho hinkwaswo hi laha va nga kotaka ha kona. Va ta titwa va xiximiwile loko va nyikiwa vutihlamuleri na ku byarha vutihlamuleri bya nhlengeletano (12: 7 -31, vona nhlayo ya vatirhi kulobye lava kombisiweka eka xiyenge lexi)
Paul u langutanile swinene na nhlengeletano ya Vakorinto, kambe eka xiyenge xa yena xo hetelela, u kombisa leswaku hambi leswi va nga vana va mixalaphungana, hinkwavo va ha ri vana va yena, naswona va ha ri xiphemu xa nhlengeletano leyi a yi hlayisaka. Hikwalaho a avelanaka tipulani takwe na vona a tlhela a va nyika vutihlamuleri. U kombisa ku va na ntshembo eka vona.
Vafundhisi va fanele ku kunguhata ku va na nkarhi wo tala na vanhu va vona. Va fanele ku va endzela emakaya, leswaku va ta kota ku tiva vana va vona nava mindyangu ya vona, va yingisela swiphiqo swa vona, va kombisa ku khumbeka ka vona, va kondletela na ku va khongelela. (V6,7).
Loko a nkarhi a yisa emahlweni ntirho wa mafambiselo ya kereke, mufundhisi u ta tirha kahle loko a pfa a nghenisa marito ya ximoya laha na lahaya (V13, V22)
Vafundhisi va fanele ku xewet valandzeri va vona hi rirhandzu na vutshembeki, ku nga ri ntsena hi sonto ekerekeni, kambe na kwala vhikini loko va hlangana na vona, va va kondletela ku endlla tano na le xikarhi ka vona. Va fanele va byala moya wa rirhandzu lero enta exikarhi ka swirho leswaku loko vanhu va misava va vona rirhandzu rolero va ta kokeka rinoko ku tae ka Hosi (V19, 20, 21)

X. MAHUNGU YO PFALA

Paul u te “Landzelelani mina tani hi loko ni landza Kreste” loyi anga xikombiso xo hetiseka eka hinkwavo lava tiengheneleriseke eka ntirho wa Hosi, loyi a tihlanganisaka na tilo hi minkarhi hinkwayo kambe a byarile milenge ya yena eka mintiyiso ya vutomi na mafambiselo ya kereke.

////////////

KU TLHATLHIWA KA XILAVEKO XA KU PFUKA KA KRESTE (A KU KUMEKI EKA DYONDZO LEYI)

Hakelo ya xidyoho I rifu
Hikwalaho vanhu hinkwavo va faka va tshama esirheni
Kreste u tivurile xinyimpfana xo hava xipatsu (xidyoho) xa Xikwembu
Nakambe u vurile leswaku loko a nga dlayiwa, a ta pfuka hi siku ra vunharhu (“Fayani tempele leyi kutani ni ta yi pfuxa hi siku ra vunharhu”)
Hikwalaho vanhu va n’wi dlayile a fa tani hi mani na mani
Loko a pfuxiwanga, a ku ta vuriwa leswaku u hembile na leswaku u vile mudyohi tani hi mani na mani
Hambi swi ri tano u ve pfuka hi siku ra vunharhu tani hi laha a vurile ha kona, ku tiyisisa ntiyiso wa leswi a swi vurile
Mhaka ntsena ya ku va a file handle ka xidyoho, swi vula leswaku Tata wa yena u n’wi pfumelerile ku fela swidyoho.
Ku pfuka ka yena I ntiyisiso wa leswaku Xikwembu Tatan u amukerile ku fa ka Kreste tani hi gandzelo ra swidyoho swa munhu
Hi ku tshemba leswaku Yesu u pfukile esirheni, hi tshemba leswaku Tatana u amukerile gandzelo ra Yesu ra swidyoho swa hina na leswaku hi rivaleriwile
Hikwalaho swi nga na nkoka leswaku munhu un’wana na un’wana loyi a lavaka ku ponisiwa a tshemba leswaku Kreste u pfukile ku feni.

//////////