Hikuva leswi hi pfumelaka leswaku Yesu u file, a tlhela a pfuka e ku feni, hi mukhuva walowo, hi pfumela leswaku lava tietleleleke, Xikwembu xi ta va pfuxa na Yesu eku feni, xi va vuyisa swin’we na yena.
(4:14)
- Nhloko mhaka: Swivilelo Swa Kereke
- Siku ro tsariwa: A.D. 51
- Mutsari: Pawulo
- Ndzhawu: Korinto
A swi le rivaleni leswaku Pawulo u hete nkarhi wo leha ku fika kwihi a ri eTesalonika, tiko leri nga n’walungwini wa Greece. Swi nga endleka kuri mavhiki manharhu. Kambe hikwalaho ko amukeriwa hi xihatla ka evhangeli ya ku ponisa hi mahungu yo huma eka Pawulo, swi vange mavondzo eka ma Yuda , va kucetela vamatiko ku pfukela Pawulo. Ku papalata ntshungu lowu hlundzukeke, Pawulo u balekile e munyameni. Hi ku vilerisiwa hi vapfumeri lava tinyiketeke lavantshwa, Pawulo u rhumele mutirhi kulobye Timotiya leswaku a va langutela loko yena a kongoma eka madhoropa ya Athena na Korinto. Timotiya u hlanganile na Pawulo e Korinto, hikwalaho buku ya 1Vatesalonika i Nhlamulo ya mahungu ya kahle ya kereke leyintshwa.
Marhambu Yo Pfumala Nyama
Ku avanyisa ka 1 Ku hlela ka Pawulo ehenhla ka Kereke
Timbhoni ta kereke ya Vatesalonika ti hatlisile ku hangalasa mahungu eka ndhawu hinkwayo ya tiko, ku fika laha loko Pawulo a fikile, a nga ha vanga na swo tala leswi a nga swi vula hi Kereke leyi. Hi laha Pawulo a nga sungula ku tinyungubyisa hi ku kula ka nhlengeletano eka swa ximoya leswi nga kombisiwa hi ku hiseka ka vona ka swa vurhumiwa. Ku tinyiketela ka vona eka ntiyiso, rirhandzu ra vona, ku tshembheka ka vona hambi va hlangana na ku xanisiwa, ni ku tinyiketela ka vona eka ntirho wa Xikwembu.
- Ku avanyisa ka 2-3 Matikhomele na ku vilela ka Pawulo
Pawulo u ehleketa hi laha yena na vatirhi kulobye, Silasi na Timotiya va tiseke mahungu ya evhangeli ha kona eka Vatesalonika, ni hilaha va ma amukeleke ha kona, na leswi a swi navelaka swinene ku va endzela a va na vona na kambe, hikwalaho ka kuva a ya emahlweni a vilerisiwa hi mhaka leyi, hi vona a rhumela Timotiya na kambe leswaku a ya va khutaza kuya emahlweni va tiya eku pfumeleni ka vona ka vukriste. Hambi loko a kumile mahungu ya kahle hi kereke ya Vatesalonika ku suka eka Timotiya, hi vona a heta papila ra yena hi ku va khongelela leswaku va engeteleka ku kula eka vutomi bya vukriste.
- Ku avanyisa ka 4:1-12 Ku khongotela ka Pawulo
Papila leri ri sungula hi ku tshemba loku Pawulo a nga na kona. Pawulo u tsundzuxa Vatesalonika leswaku va fanele kuya emahlweni va tsakisa Xikwembu evuton’wini bya vona bya siku na siku hi ku hambana na vudyoho bya swa masangu.Va fanele ku rhandzana va tlhela va hanya kahle exikarhi ka vamatiko.
- Ku avanyisa ka 4:13-5:28 Xitsundzuxo xa Pawulo hi ta ku langutela ka vapfumeri.
Hambi leswi vu rhumiwa bya Pawulo eka Vatesalonika byi nga va lebyo koma swinene, Kereke leyintshwa a yi sungurile ku tshemba no langutela ntiyiso wa ku vuya ka muponisi wa vona. Pawulo u va tsundzuxa hi nkateko wa ku langutela ka vona mayelano na ku vuya ka Yesu ra vumbirhi. U vula leswaku, “siku ra Hosi” ri fanele ku va siku ro tsaka,ku ngari ro avanyisiwa. Pawulo u hetelela hi ku khongotela kereke leswaku va xixima vurhangeri bya kereke hikwaloho ka ntirho wa vona. Va tlhela va tirhisa vutlharhi hi laha va khomaka van’wana ha kona. Pawulo u hetelela hi ku va katekisa no va navelela leswaku Xikwembu xi va hlayisa eku tengeni ku kondza Kriste a vuya.
Ku Vekela Nyama Eka Marhambu
- Vakriste va le Tesalonika va hanya eku languteleni ko vuya ka Hosi Yesu ravumbirhi hi xihatla. Pawulo u va dyondzisile leswaku ku vuya ka Hosi ravumbirhi, i mhaka leyi kulu emakumu ka matimu ya hungu ra ku kutsuriwa. Hikwalaho ka sweswo, swi endle leswaku Vatesalonika va nga naveri ku hundziwa hi siku leri. Timotiya u tisa marungula ya leswaku va le ku vilerisiweni hi leswi va kriste van’wana exikarhi ka vona va hundzeke emisaveni. Vana xivutiso lexinge; Xana mimoya leyi hundzeke emisaveni yi ta kayela ku vuya ka Yesu ke ? Pawulo u va hlamusela leswaku lava loveke a va nge hundziwi hi ku vuya ka Yesu, u va hlamula a ku vapfumeri lava hundzeke emisaveni va ta va na xiave eku vuyeni ka Kriste.
Swipaluxi Evuton’wini Bya Wena
- A nga kona loyi a tivaka nkarhi wa ku vuya ka Kriste, hambi swiri tano, hinkwavo lava pfumeleke, lava hanyaka na lava hundzeke emisaveni, siku ra ta leri va nga ta hlanganisiwa na Kriste. Ku langutela ka siku rin’wana na rin’wana eku vuya ka Hosi a swi ku chaveleri, eka maxangu ya siku na siku. Kuva u tiva leswaku Yesu wa vuya, a swi ku khutazi ku hanya vutomi byo tenga, byi tlhela byi va ni mihandzu siku rin’wana na rin;wana. Hanya na u tilulamisela ku vuya ka Kriste siku rin’wana na rin’wana, ri nga ku tshuketi.
Dyondzo Ya Vutomi Eka Va 1 Tesalonika
- U fanele ku xixima na ku komba xichavo eka vurhangeri bya kereke ya wena.
- Vumbhoni bya wena byi na matimba eku chumayeleni
- Ku hanyela Xikwembu swi ntlhontlha maxangu.
- Xitshembiso xo vuya ka Kriste xi fanele ku ku khutaza ku hanya vutomi byo tenga.
Laha Swi Kumekaka Kona
- Xikombiso xa kereke leyinene … 1:8-10.
- Xikombiso xa ntirho wa Pawulo … 2:1-12.
- Xiviko xa Timotiya hi Kereke … 3:6-10.
- Ku vuya ka Kriste ra vumbirhi … 4:13-18.
- Siku ra Hosi … 5:1-4.
- Ku hiteka exikhongelweni … 5:17.
- Ku tima moya … 5:19.
Vuxokoxoko Bya Ku Vuya Ka Kriste Ravumbirhi
- Yesu u le ku hi lulamisel. ka vutshamo e tilweni … (Joh 14:1-3).
- Ku vuya ka Kriste ku tava ka xihatla … (1 Vakor 15:51-52).
- Kriste u ta xika hi le tilweni … (1 Vatesal 4:16).
- …… Hi ku huwelela loku kulu.
- …… Hi rito ra ntsumi leyi kulu.
- …… Hi rito ra mhalamhala ya Xikwembu.
- Leswi nga ta endleka eku vuyeni ka Kriste … (1 Vatesal 4:16-18).
- …… lava feleke ka Kriste va ta rhanga va pfuxiwa.
- …… Vapfumeri lava hanyaka va ta vutleriwa ehenhla.
- …… lava hanyaka ni lava feke va ta hlangana na Hosi emoyeni.
- …… Hinkwavo va tava na Hosi hi laha ku nga heriki.
//////////