2 Petro

Hikokwalaho, rito ra Vaprofeta, hina hi ri kuma ri tiyile kutlula ni khale. Mi tava mi endla swona loko mi hlayisa swinene rito rero,ku fana na rivoni leri voningaka lomu ku nga ni munyama, kufikela loko vurhonga byi tshwuka, ni loko nyeleti ya mixo yi humelela etimbilwinita n’wina.

(1:19)

  • Nhloko mhaka: Ku tsundzuxiwa hi ta vadyondzisi va  mavunwa
  • Sikuro tsariwa: A.D. 67-68
  • Mutsari: Petro
  • Ndzhawu: Ekhotsweni ra Rhoma

Ndzhaku ko ringana malembe manharhu a tsarile papila ra yena ro sungula, Muapositolo Petro u tsarile papila ra yena ra vumbirhi, laha  a baka mhalamhala  hikwalaho ka vadyondzisi va mavunwa lava va ngheneke eka tikereke leti nga Asia Lontsongo. A va vangile swirhalanganya swo tala, Petro u swi vonile leswaku tidyondzo ta vona tamavunwa, navutomi bya vona bya vuhunguki, switaya emahlweni swi   vanga mpfilu-mpfilu e tikerekeni leti se vati nyamiseke, hikwalaho, tani hi ku navela na  marito yo hetelela, Petro u tsarile papila leri ku suka ekhotsweni,leswaku a lemukisa vapfumeri mayelano na tinghozi ta vadyondzisi va mavunwa. Kutiyimisela e ka leswinga ekuteni, va hlayi va yena vafanele ku tiva swintsongo.

Marhambu Yo Pfumala Nyama
  • Ku avanyisa ka 1 Tiva Bibele

Endzhaku ka manghenelo yo koma, Petro u vula leswaku murhi wo kota ku hlula vulema bya ku yima e ndzhawini yin’we na vubhofu  eka vutomi bya vukriste, i ku va na vutivi bya ntiyiso. Va hlayi va yena va fanele ku ya emahlweni va hluvukisa vukriste bya vona, leswi nga ta va nyika ntshembho wa ku ponisiwa ka vona. U ya mahlweni a hlamusela leswaku masiku ya yena mapimiwile, naleswaku, vahlayi va yena va fanele ku landza  swi tsundzuxo swa yena no yingisa hungu ra yena ra Vuapostolo, na marito ya Matsalwa. 

  • Ku Avanyisa Ka 2  Tiva Nala

Lexi landzelaka, Petro u nyika xivumbeko xa muxaka wa va dyondzisi va mavunwa lava se va vonakaka swi nene eka masiku lawa hi hanyaka eka wona yo hetelela; va endla no vula hi nkwaswo leswaku va kuma male,va hleka  swilo swa Xikwembu, va endla leswi vatitwelaka ku swi endla, va ti kurisa no ti nyungubyisa swinene. Marito ya vona yo kanganyisa makota ku hambukisa Vapfumeri lava ntsongo. Kambe Xikwembu xi ta kutsula vanhu va xona no khatisa  lava lavaka ku herisa ripfumelo ra vanhu va xona.

  • Ku Avanyisa Ka 3 Tiva Vumundzuku

Petro u hlamusela va hlayi va yena  leswaku eka  mapapila ya yena hinkwawo, lero rhanga na leri ra vumbirhi u le ku va tsundzuxeni hileswi va nga swi langutelaka eka vadyondzisi va mavunwa. Va alana na ku vuya ka Kriste ravumbirhi, na kambe va hlamusela leswaku Xikwembu a xi ngheneleli eka timhaka ta laha misaveni. Kambe Petro u lava leswaku hilangutisa swilo swinharhu leswi Xikwembu xi nga nghenelela e ka swona; ku tumbuluxa,  ndhambhi ya mati ni ta ku herisiwa ka matilo ni misava eka nkarhi lowu taka. U hlamusela leswaku, leswitikombaka swi nga hetiseki hi tlhelo ra switshembhiso swa Xikwembu, i mhaka ya kuva Xilehisa mbilu leswaku vanhu lavotala va fikelela vutivi bya ku ponisa ka Kriste. Hambi swi ri tano,  siku ra Hosi ri ta fika, Xikwembu xi ta tumbuluxa matilo lamantshwa ni misava leyintshwa. Ekulanguteleni ka siku ra ku  vuya ka Hosi, Petro u khongotela  va hlayi va yena leswaku va   hanya vutomi byo tenga, va yima va tiya na kuva va kula.

Ku Vekela Nyama Eka Marhambu
  • Endzhaku ka sweswo, Petro u tsarile a chavelela no khutaza va pfumeri lava a vari exikarhi ka ku xanisiwa na maxangu – ku nga ku hlaseriwa ka le handle hi nala wa mimoya ya vona. Sweswi, endzhaku ka malembe manharhu lama hundzeke, u tsala a lemukisa tiKereke hi ku hlaseriwa kale ndzeni ka vughono byo yima e ndzhawini yin’we na mintsheketo. Eka miehleketo ya Petro, murhi wakona wo tshungula swi rhalanganya leswimbirhi i ku kula etintswalweni ni ka vutivi bya Kriste. Murhi lowu kulu wo lwisa swihoxo leswi i ku kula e ku twisiseni  ka ntiyiso. Ku kula loku ku huma eRitweni  ra Xikwembu, leri tameleke hinkwaswo leswi mupfumeri a swi lavaka swa “vutomi na  vukwembu” (1:3).
Swipaluxi Evuton’wini Bya Wena
  • Switsundzuxo swi ta hi ti ndlela to tala—mavoningo, swikoweto, mpfumawulo, risema na marito lawa ma tsariweke. Ku hava na un’we loyi a rhandzaka vutomi bya yena bya nyama a nga tsandzekaka ku landzelela xin’wana hambi hinkwaswo swi tsundzuxo leswi. Xana wa hlaya switsundzuxo swa Xikwembu swa nghozi ya ximoya leyi kumekaka e Bibeleni ke? Xana wa swi landza  ke? U nga fularheli switsundzuxo swa Xikwembu. Yingisa  2 Petro 3:18, kutani u kula etintswalweni ni ka vutivi bya ku tiva Yesu. Ku kula eka swa ximoya swi ta ku hlayisa leswaku u tshembeka no ku nyika vutlharhi leswaku u ti sirhelela e ka mano na tindlela ta sathani na va dyondzisi va yena va mavunwa.
Dyondzo Ya Vutomi Eka 2 Petro
  • U lerisiwa leswaku u kula eku tiveni ka Xikwembu.
  • Ku kula ka wena swi ta lwisa vulolo bya ximoya na ku hambukisiwa hi nala.
  • U nga hluleki ku landza switsundzuxo swa Matsalwa Siku rin’wana na rin’wana. Loko Hosi yi hlwela ku vuya, i ku endlela leswaku riva siku leri nyiketiweke e ka vutomi byo kwetsima na ntirho wa matimba.
Laha Swi Kumekaka Kona
  • Ku eneteka ka hina eka Kriste … 1:2-3.
  • Laha Matsalwa mataka hikona  … 1:20-21.
  • Matimu yo koma hi  ku avanyisa ka Xikwembu … 2:4-11.
  • Mavonelo ya Xikwembu hi nkarhi … 3:8.
Siku Ra Hosi

(2 Petro 3:10-13)

  • Ri tava siku ro khatisiwa ka vanhu vo pfumala Xikwembu
  • Ri ta fika ku fana ni khamba ni vusiku, Matilo ma ta n’qokisiwa, Misava yi ta hisiwa hi ndzilo
  • Matilo lamantshwa ni misava leyintshwa swi ta tumbuluxiwa.

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *