2 Timotiya

Endla hi matimba ku vonaka u ri la nkhensekaka emahlweni ka Xikwembu, u nga ri na tingana hi ntirho wa wena, u dyondzisa Rito ra ntiyiso hi ndlela leyinene

(2:15)

• Nhloko-mhaka: Swiletelo eka vufambisi byo tshembeka
• Siku ro tsariwa: A.D. 67
• Mutsari: Pawulo
• Ndhawu: ERhoma

 Pawulo u le khotsweni a ri swakwe ehandle ka Luka loyi a nga va munghana wa yena wo tshembeka, na  n’ganga(dokodela) ya yena  malembe yo hlaya.  Pawulo wa switiva leswaku makumu mayena male kusuhi. Kambe na a nga se fa, Pawulo u lava ku siyela Timotiya mupfuni wa yena wo tshembeka,  eximhandzana xa ntirho wa Hosi ku wu yisa emahlweni . Hiku ehleketa hi tinghozi leti  Timotiya a nga va ka na tona   hikwalaho ka tinyimpi ta ximoya , Pawulo u tsalelaTimotiya kun’wi  khutaza  leswaku a ya emahlweni  a tshembeka emintirhweni  ya yena,  no  khomelela edyondzweni ya ntiyiso, a papalata swihoxo, a amukela ku xanisiwa hikwalaho ka ku chumayela evhangeli, e henhla ka hinkwaswo, u veka ku tshemba ka yena eka Rito ra Xikwembu leri a ri chumayelaka minkarhi hinkwayo.

 Marhambu yo Pfumala Nyama    

• Ku avanyisa ka 1 Swilaveko swo Rhanga Entirwheni wo Tshembheka

Pawulo u sungula papila ra yena a ri kongomisa eka “n’wana wa yena la rhandzekaka  (1:2) hi ku olova na  rirhandzu . U tsundzuxaTimotiya hi ta swilaveko swa yena   eka ntirho wa Xikwembu— ku nga ripfumelo ra xiviri  leri ari tekeleke eka mana wa yena na kokwani  wa yena wa xisati. Kuvitaniwa ka yena na nyiko yayena, swi n’wi khongotela leswaku a khomelela entiyisweni  wa Rito ra Xikwembu, na ku tshembeka ka yena, ku n’wi pfuna  kuya emahlweni hambi ari ehansi ka xiyimo xo tika swinene.

• Ku avanyisaka 2 Maendlelo ya Mutirhi wo Tshembeka

Endzhaku ka loko a tiyisisile swilaveko swa  Tomotiya eka ntirho wa Hosi, Pawulo u tlhontlha Timotiya leswaku a lulamisa van’wana kuva va n’wi landza entirwheni wa Hosi. Timotiya u fanele ku ti khoma tani hi nhenha, mutsutsumi,murimi, na ku landzela ma endlelo ya Pawulo yo tiyisela. Loko a ri karhi a tirha na van’wana, Timotiya a nga fanelanga ku ghenelela eka mabulo yo phikizana yo kala ma nga pfuni nchumu. Ematikhomelweni ya yena n’winyi, u fanele ku baleka ku  navela ka lavantswha, a hanya vutomi byo tenga.                              

• Ku avanyisaka 3 Nghozi eka ntirho wo Tshembeka

Pawulo, murhangeri wo tlhariha  swinene, u kombisa minkarhi leyitaka yo nonowha ya ku andza ka tidyondzo ta mavunwa na vubihi, laha vavanuna na vavasati lavo tala va nga ta onhiwa hi ti dyondzo leti ta mavunwa. Kutani Pawulo u khutaza Timotiya leswaku a nga tshuki a hambuka eku tirhiseni ka matsalwa leswaku a kota ku lwisa xihoxo lexi xi yaka emahlweni xi andza. Hileswaku, Xikwembu xi tirhisile matsalwa ku sukela evuhlangini bya  Timotiya kun’wi  “tlharihisa hi ta ku ponisiwa”   ” (2Timotiya3:15). Matsalwa lawa   “ma huhuteriwile hi Xikwembu” kutani ma ta nyika Timotiya matimba yo lwisa swihoxo na mintsheketo. 

• Ku avanyisaka 4 Madyondziselo Ya Mutirhi Loyi a Tshembekeke.

Ku khutaza ka Pawulo ko hetelela eka  Timotiya hileswaku  nandza wa Xikwembu u fanele ku lulamela ku chumayela  Rito ra Xikwembu nkarhi wun’wana na wun’wana, endzhawini yin’wana na yin’wana, hi tindlela hinkwato leti faneleke ku fikelela vanhu lava lahlekisiweke. Pawulo u pfala papila leri ra yena hi ku tivisa xiyimo xa yena laha a nga kona eRhoma. U hlamusela ku navela ka yena ka ku vonaTimotiya ku nga se fika makumu ya yena, u n’wi kombela leswaku a hatlisa a endza eRhoma leswaku a n’wi tela na nhundzu yo karhi, ngopfu-ngopfu leswi a swi  vulaka tibuku ta madzovo (2Timotiya 4:13) ku nga tshuka kuri swiphemu swa Testamente ya khale.

Ku Vekela Nyama Eka Marhambu

• Loko  wo tiva leswaku u kusuhi nofa kungari khale, hi rihi hungu leri u nga ri tivisaka, naswona u nga ri tivisa mani? Lexi i xiyimo lexi Pawulo a ri ka xona. “a a ri ka ndlela ya rifu” a yimele ku avanyiseriwa rifu hikwalaho ko chumayela evhangeli ya Kriste. Papila ra 2Timotiya i ku navela ka yena na ntwanano wa yena wo hetelela. Eka vanhu hinkwavo lava Pawulo a va tiveke eka malembe layo tala, u hlawurile kutsala papila ra yena ro hetelela a tsalela  Timotiya n’wana wa yena wa ximoya eripfumelweni. Ematshan’wini yo ti tshandza no ti puta vusiwana  ni maxangu ya yena, kumbe ku sungula madzolonga no  pfukela  mfumo wo  kala Xikwembu no avanyisa hi ku homboloka, Pawulo u tsala a chavelela, a tiyisa no khutaza Timotiya.  Hungu ra  Pawulo eka Timotiya ri vile xipfuno xikulu eka vatirhi va va kriste lava se a va hele matimba hi  malembe layo tala swinene. U tsundzuxa vatirhi hinkwavo va va kriste hinkwaswo leswi swi nga swa nkoka, na hinkwaswo leswi nga va nyikaka matimba, ku nga  Rito ra Xikwembu. Ekuheteleleni, Pawulo u ehleketa hi swilaveko swa van’wana swa nyama ni swa ximoya kutlula ku anakanya leswi nga pfunaka yena.

Swipaluxi  EVuton’wini  Bya Wena

• Xana ku va Pawulo a titshika swi ku khoma ndjhani?  Xana u nga va u khomekile ngopfu hi ku languta wena n’winyi na swilaveko swa wena ku fikela laha u tsandzekaka no vona ntiyiso wa swilaveko swa vanhu  van’wana lava nga ku rhendzela ke?  Languta ehandle ka wena, hi ntiyiso u ta vona vanhu lavo tala vambuyanguana lava unga va pfunaka hi voko ra wena kumbe ku va khutaza hi Rto, ngopfu-ngopfu hi hungu ra ku huma eka Rito ra Xikwembu leri unga va fikiselaka rona wena.

Dyondzo Ya Vutomi Eka 2 Timotiya

• Vutomi bya wena bya vukriste byi fanele kuva vutomi bya ku tikhoma.
• Ripfumelo ra wena ra ku tshembeka ri nga va masungulo ya xipfuno eka va ndyangu wa wena na van’wana.
• Hilaha swi fanaka hakona, ripfumelo ra ku ti kukumuxa ri nga va na swita-ndzhaku swo biha eka van’wana.
• Matsalwa lawa mahuhuteriweke hi moya wa Xikwembu, i xitirhisiwa lexi vuyisaka vanhu  eku poniseni..
• Matsalwa mana nkoka wa ku khutaza evuton’wini bya Ku letela loku kombisiweke hi Pawulo, i riendzo ra vutomi hikwabyo.

Laha Swi Kumekaka Kona

• Xikwembu a xi hi nyikanga moya wa  vutoya … 1:7.
• Ndzi tiva loyi ndzi pfumeleke eka  yena … 1:12.
• Swileriso swo endla   vadyondzisiwa … 2:2.
• Mutirhi wa Xikw. wa migingiriko  a nga na tingana … 2:15.
• Ku huhuteriwa  ka matsalwa … 3:16-17.
• Ndzi lwile ku lwa lokunene  … 4:6-8.

Rito Ra Xikwembu Ri Na Nkoka

(2 Timotiya 3:16-17)

HIKUVA RI …

• Rihuhuteriwile  hi Xikwembu — I mu  hefemulo wa Xikwembu.
• Ri pfuna ku dyondzisa — ri letela ntiyiso wa Xikwembu.
• Ri na nkoka wa ku tshinya — ri tshinya matikhomelo yo homboloka.
• Rina nkoka wo lulamisa — ri ku komba ndlela yo tlhelela eka vutomi bya ku hanyela Xikwembu.
• Ri pfuna ku letela ku lulama — ri letela matikhomelo lamanene.
• Ri kota ku ku endla  loyi a heleleke — ri ku nyika vuswikoti eka hinkwaswo leswi u swi endlaka  .
• Ri kona minkarhi hinkwayo ku ku havaxela — ri ku lulamisa eka swilaveko swa ku  va u hanya hi ku lulama.      

//////////