2 Vakorinto

Hina a hi ti twarisi, kambe hi twarisa   Kriste Yesu, hiku: I Hosi! Kutani hina  hi tivula malandza ya n’wina   hikwalaho   ka Yesu.

(4:5)

• Nhloko Mhaka: Pawulo a sirhelela Vuapostola bya yena.
• Siku ro tsariwa: A.D. 56
• Mutsari: Pawulo
• Ndzhawu: EFilipiya (endleleni yo ya e Korinto)

Loko a hetile ku tsala papila ra 1vakorinto, Pawulo u ku nguhata ku wisanyana e Efesa nkarhi nyana a nga se hundzela e Korinto. Nkarhi wa ku tshama ka yena wu kavanyetiwile hi mpfilu-mpfilu leyi vangiweke hi va kriste va va xavisi va swifaniso swa swikwembu swa hava. Pawulo u rhangisile vadyondzisiwa va yena lavantsongo, Titosi na Timoteo ku kambisisa hilaha swilayo swa yena swi nga vaka swi pfunile va pfumeri vale Korinto hakona. Loko Pawulo a hari e rendzweni kuya e Korinto, u hlangana na Titosi e ndleni a n’wi vikela leswaku vale Korinto va hundzukile eka ku ti arisa ka vona eka Pawulo na ti dyondzo ta yena. Hintsako lowu kulu lowu nga ni ku vilela hikwalaho ka mintlho yin’wana yintwha yo pfukeriwa, Pawulo u tsarile papila leri ra 2Vakorinto.

Marhambu Yo Pfumala Nyama                       

• Kuavanyisa ka 1-2: Vumbhoni Bya Pawulo

Papila ra vumbirhi ra Pawulo o ti sirhelela yena na ntirho wa ku vitaniwa ka yena, hilaha van’wana a va ri ni swivutiso. Utlangela  Xikwembu ku va xi n’wi hundzisile enkarhini wo tika na ku va Xi n’wi nyikile ntsako. hi kwalaho ka sweswo. Nakambe u kombisa leswaku I nkateko wo hlamarisa kuva va kriste vari va yemeri va Kriite emisaveni leyi.

• Kuavanyisa ka 3-7: Matshamelo ya Ntirho wa Vukrisite

Pawulo u ya emahlweni a sirhelela Ntirho wa ku vitaniwa ka yena, a kombisa hi laha lavo tala va ponisiweke tani hi mihandzu leyi nga swikombiso ni  vumbhoni bya ku vitaniwa ka yena hi Hosi evuton’wini bya yena. U tlangela matimba ya Evhangeli leyi nyikaka votomi no cinca timbilu, yitlhela yi nyika ntshuxeko wa xiviri wa le moyeni. Pawulo u khutaza no tiyisa va pfumeri hiku vula leswaku hambi loko va hlangana ni maxangu hikwalaho ka Evhangeli, va nga chavisiwi hambi kuri hi rifu, hikuva a hi ku hela ka misava. U hlamusela leswaku matshamelo ya ntiyiso ya Ntirho wa Evhangeli hileswaku hi khutaziwa hi Rirhandzu ra Krisite,  awuna na swi solo, na swona wu tengile.

• Kuavanyisa ka 8-13: Ku dzhuneka ka Ntirho wa vukriste

Endzhaku ko amukela xiviko xo hundzuka ka timbilu ta vale Korinto hi Titosi, Pawulo u nghena ka mbhurisano wo leha swinene eka Testamente Leyintswha, wa ti dyondzo ta mayelana no nyikelela Mintirho ya Evhangeli ya va n’wana. Pawulo u tirhisa vulawuri lebyi a nyikiweke hi Xikwembu, vutivi bya yena, maxangu ya yena, swivono swa yena ni  masingita lawa a ma endlaka tani  hi vumbhoni bya ku vitaniwa ka yena. U khutaza ntlawa nyana wu ntsongo lowu ti arisaka leswaku va hundzuka leswaku a nga ha tikeriwi ngopfu loko a fika hi xiviri.

Ku Vekela Nyama Eka Marhambu                              

• Titosi uvile a khapa-khapa hintsako swinene hikuva a vikerile Pawulo timhaka to hundzuka  ka kereke ya le Korinto. Kambe u tlhela a lemukisa Pawulo leswaku va dyondzisi va mavunwa va fikile ni ma papila ya vu kanganyisi ku suka Eyerusalema.  Hi matimba lamakulu ya vulawuri, vadyondzisi lava va tsan’wa xi yimo ni Vupostolo bya Pawulo, kutani va sungula ku dyondzisa ti dyondzo ta mavunwa. Hi xi hatla, Pawulo u rhumela papila ra vumbirhi eka va le Korinto. Eka papila leri u tlharihisa kereke ku ti vonela e ka ti dyondzo ta mintsheketo, no tiyisa vuPostolo bya yena bya ntiyiso. Hikwalaho ka xivangelo lexi, papila ra vumbirhi ra Vakorinto ri khomile matimu ya Pawulo ku tlula ma papila hinkwawo. Ritele hiku hlamusela mahlomulo ni ku vaviseka ka yena. U bhoxa ni “phanyi e nyameni ya yena” (12 : 7-10), a hlamusela hi laha Xikwembu xi tirhiseke ndzingo lowu leswaku a ti tsongahata no n’wi dyondzisa tintswalo ni ku eneteka eka Xikwembu. E ka maxangu hinkwawo, Pawulo u vula leswaku Xikwembu xikombile ku tshembeka ka Xona, Xi n’wi chavelerile hi tintwalo ta Xona hinkwato . Xikwembu xi chavelerile Pawulo leswaku sweswi ku va yena a chavelelaka van’wana.

Swipaluxi Evuton’wini bya Wena.

• Tani hi loko u lava ku hanyela Kriste, na wena u ta soriwa, va nga ku twisisi, u tsan’wiwa no lumbetiwa. Loko sweswo swi ku humelela, endla hi laha Pawulo a endlake ha kona. Languta eka Krisite. Tsundzuka leswaku wena u mani eka Yena. Nyika vumbhoni eka leswi Xikwembu xi ku endlelaka ni leswi xi swi endlaka hi wena. U nga chavisiwi hi maxangu lama nga ndleleni ya wena, vana na xivindzi hi ku tiva leswaku Xikwembu xi tshembhekile. Matimba ya Xona ma ringela ku va u kota ku hlula ndzingo lowu u nga eka wona, kumbe lowu wa ha taka. I Xikwembu xa ku chavelela hinkwako, “(2Vakorinto 1:3),  naswona Xitshembisa ku ku chavelela eka maxangu hinkwawo. Kambe a swi heleri ko chaveleriwa hi Xikwembu, Xikwembu Xi ku chavelela leswaku na wena u kota ku chavelela van’wana. nakambe wa ku  tshembhisa ku ku chavelela eka maxaniseko hinkwawo. Ku tshembhisa ka Xikwembu a ku heleli kwalaho, kambe u chaveleriwa eka maxangu hinkwawo leswaku na wena u ta kota ku chavelela lava karhatekaka.

Dyondzo Ya Vutomi Eka 2 Vakorinto

• Xikwembu xi vekile va rhangeri leswaku va risa ntlhambhi wa Xona, kumbe vanhu va Xona. Varhangeri lava va fanele ku pfumala swisandzu, va tengile, va hiteka, naswona va rhangeri lava va fanele ku kombiwa chichavo ni mafundza hi wena.
• Ku hava mukriste – ku katsa na wena – loyi a nga faneriwiki hi maxangu.Hakanyingi lava tirhelaka Xikwengu va xaniseka ngopfu kutla lava va nga riki va kriste.
• Xikwembu Xi tirhisa maxangu leswaku ma ku dyondzisa ku ti tsongahata no ti seketela hi tintswalo ta Xona ku nga ri matimba ya wena.
• U boheka ku nyikelela male eka Ntirho wa Xikwembu – u va mhamba, hi ku tsaka loku kulu, naswona hi vu ti hlamuleri.

Laha Swi Kumekaka Kona                    

• Ku chavelela ka Xikwembu ……………….……..…………………… 2 Vakor 1:3-7
• Ku nyikela ka xi ksite ……………………………………………………… 2 Vakor 8-9
• Nyimpi ya ximoya ………………………………………………………. 2 Vakor 10:3-6
•  Xivono xa Pawulo xa matilo ………………………………………… 2 Vakor 12:1-6
• Phanyi emirini wa Pawulo …….……………..……………………… 2 Vakor 12:7-10

.

Swiphemu Swa Nkoka Eka ……….

//////////