2 Vatesalonika

Kambe Hosi ya tshembeka; yi ta mi tiyisa ni ku mi sirhelela eka lowo biha

(3:3)

  • Nhloko Mhaka:  Ku Hanya eku languteleni
  • Siku roTsariwa:  A.D. 52
  • Mutsari:  Pawulo
  • Ndhawu:  Korinto

Lowu i nkandziyiso  wa Pawulo wo yisa emahlweni papila ra yena  ro rhanga, leri  kongomisiweke eka vapfumeri va le Tesalonika. Ritsariwile endzhaku ka tin’wheti nyana loko Pawulo ari e korinto. Rito ri fikile eka Pawulo ku suka eTesalonika leswaku van’wana a va twisisangi dyondzo ya yena mayelano na ku vuya ka Kriste ravumbirhi. Hungu ra yena ra  leswaku Kriste a nga vuya nkarhi wun’wana na  wun’wana riendle leswaku van’wana va tshika mintirho ya vona va tshama, va rindzela  ku vuya ka Kriste.. Van’wana va vona a va ehleketa leswaku ku xanisiwa  ka vona hi swona swikombiso swa siku ra Hosi, kumbe masiku ya makumu. Hi ku hatlisa Pawulo u rhumele papila ra vumbirhi eka Kereke leyintshwa.

Marhambu Yo Pfumala Nyama 
  • Ku avanyisa ka 1 Pawulo u Chavelela Lava Heleke Matimba

Tani hi leswi a swiendleke eku sunguleni, Pawulo u dzunisa va Tesalonika eku pfumeleni ka vona eka Kriste. U sungula ku chavelela lava xanisiwaka  a ku: loko Kriste a vuya, u ta hakela hinkwavo lava n’wi tirheleke hi ku tshembeka na ku avanyisa lavo biha. U va khongelela leswaku Xikwembu xi ta dzunisiwa hi mintirho ya vona yo tshembeka.

  • Ku avanyisaka 2 Pawulo u Lulamisa ku twisisa ka Vona ko hoxeka.

Pawulo u lulamisa xihoxo lexi endliweke hilava pfumelaka leswaku siku ra Hosi se ri hundzile. A va tivisa leswaku tidyondzo ta mavunwa na maxangu swi ta humelela “siku ra Hosi” ringa si fika. Siku rero, Pawulo u tsala leswaku ri tava na swikombiso swa ku andza ka vadyohi ni vakanganyisi lavo tala lava lwaka na ntiyiso. Loko swa hari tano, Pawulo u va endlela xikhongelo leswaku va pfumeri va le Tesalonika va yima va tiya eka ripfumelo ra vona.

  • Ku avanyisaka 3 Pawulo u Sola

Pawulo u sungula xiphemu xo hetelela xa  Papila ra yena hi xikombelo xo khongeleriwa leswaku Evhangeli yi hangalaka hi xi hatla, na leswaku, Xikwembu lexi  tshembekeke xi ya mahlweni xi va sirhelela eka lowo biha.

Pawulo u hetelela hi ku sola vapfumeri lava nga yima kutirha, varindzela ku vuya ka Hosi ravumbirhi. Pawulo u vatsundzuxa leswaku vapfumeri a va fanelanga ku endla leswaku mhaka yo langutela ku vuya ka hosi yi va sivela ku va na vutihlamuleri bya siku na siku, ku katsa na ku tirha. U endla xikombiso hi yena n’winyi tani hi loyi a tirheleke swakudya swa yena  loko a hari na vaTesalonika, ematshan’wini yo tiseketela hi van’wana eka swilaveko swa siku na siku.

Ku Vekela Nyama Eka Marhambu
  • Hambi loko vanhu va ringeta ku hlamusela hi vukheta eka ma vulavulelo ya vona, swihoxo eka matwisiselo swa kumeka, ngopfu-ngopfu loko munhu a rhandza ku hundzuluxa marito hi ku voyamela tlhelo rin’we kumbe ku ti ehleketelela. Hileswinga humelela eka papila ra Pawulo  ro rhanga ra Vatesalonika. Van’wana a va sungurile ku hela matimba hi ku ehleketa leswaku ku xanisiwa  ka vona swi vula leswaku va hundziwile hi ku vuya ka Hosi ra vumbirhi, “ni leswaku va hanya eka siku ra Hosi”  naswona se vale ka khombo ra mahlomulo ya kona lawa ma   tshembisiweke leswaku ma ta humelela  hi siku rero.. A va nga twisisi leswaku ku xanisiwa  ku fanele ku languteriwa minkarhi hinkwayo eka lava  vanga ni ripfumelo ra matimba eka Hosi. Kasi van’wana ku langutela ku vuya ka Hosi hi xi hatla swi va endle leswaku va kuma xo vhika ha xona eku loloweni ka vona.
Swipaluxi Evuton’wini Bya Wena
  • Papila ra Pawulo ri fanele ku va xipfuno   eka wena leswaku unga heli matimba hambi ku khomiwa hi nchavo loko u xanisiwa kumbe u vona ku andza ka vubihi. Xikwembu hixona mulawuri, a swi khataleki ku xiyimo xi bihe ku fika kwihi kumbe xi languteka ndjhani. Xikwembu xi na makungu hi vumundzuku bya wena, se ku langutela loku ku fanele ku ku nyika matimba na nkhutazo leswaku u ya emahlweni, ematshan’weni yo yima u nga ha endli nchumu. Pawulo u khutaza leswaku u yima u tiya, u ya emahlweni u tirha, u ya emahlweni u endla leswinene, na ku ya emahlweni  u langutela ku vuya ka Kriste.
Dyondzo Ya Vutomi Eka 2 Vatesalonika
  • Ku langutela ka wena ku vuya ka Hosi a swi fanelanga ku endla leswaku u hanya vutomi byo pfumala vu tihlamuleri.
  • Xikwembu xi na wena emaxangwini ya wena, naswona xi ta ma tirhisa ku tisa ku dzuneka eka Xona.
  • Lwana hi matimba ku twisisa leswi matsalwa ma vulaka swona, hikuva swi na xiyave eka mahanyelo ya wena.
  • Xikwembu xi langutele leswaku u tiphamela swin’we ni ndyangu wa wena eka swilaveko swa nyama, kungari ku langutela van’wana va teka ndzhawu hikuva u hanya u pfumala vutihlamuleri.
Laha Swi Kumekaka Kona
  • Ku chaveleriwa emaxanguwini … 1:5-12.
  • Ku vuya ka kriste ra vumbirhi … 2:1-12.
  • Xivumbeko xa Mukriste … 2:13-17.
  • Pawulo a kombela mikhongelo … 3:1.
  • Ku tshinyiwa eka vulolo … 3:6-15.
Xivumbeko Xa “Munhu Wa Vudyoho”
  • U vitaniwa “n’wana wa ku lahleka” … 2 Vatesal 2:3.
  • U vitaniwa “lexintsongo” ximhondzwana … Daniel 7:8.
  • U vitaniwa”hosana” loyi a nga ta ta … Daniel 9:26.
  • U vitaniwa”antikriste” … 1 Yohane 2:18.
  • U vitaniwa “xivandzana” … Nhlawutelo 13:2-10.
Vuxoko-xoko Ku Suka Eka 2 Vatesalonika 2:3-12 Hi “Munhu Wa Xidyoho”
  • U ta hi swikombiso swo hemba.
  • Utava kona ku fikela “mulweri”— moya lowo kwetsima — a susiwa.
  • U tivula xikwembu.
  • U tshama e tempeleni ya xikwembu.
  • Ku ta ka yena i mintirho ya sathani.
  • U humelela hi matimba, swikombiso,masingita ya vuxisi, ku kanganyisa.
  • U ta herisiwa hi ku hefemula ka Xikwembu.

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *