Loko kuta munhu u n’wana eka un’wana la kanetaka dyondzo leyi, mi nga n’wi amukeli emuntini wa n’wina, hambi ku n’wi xeweta mi nga n’wi xeweti. Hikuva la xewetaka munhu loyi, u twanana ni mintirho ya yena loyo biha
(Tindzimana ta 10-11)
- Nhloko mhaka: Vutlharhi bya xi Kriste
- Siku ro tsariwa: A.D. 90-95
- Mutsari: Yohane
- Ndzhawu: Efesa
Muapositolo Yohana wa ha lwisana na xirhalanganya xo fana, lexi a xi hlamuseleke eka papila ra yena ro sungula—xa vadyondzisi va mavunwa. Eka papila leri ra vumbirhi, Yohane u vilerisiwa hi vadyondzisi va mavunwa lava va tsendzelekaka va ti hlengeletela vadyondzisiwa va vona ku suka eka tikereke letinga ehansi ka vulawuri bya Yohane. Yohane u tsalela wansati wo karhi loyi a nga tlharihangiki, loyi hi xihoxo a nga amukela vadyondzisi lava va mavunwa a tlhela a va komba mafundza no va tirhela endlwini ya yena. Yohane u chava leswaku va vonile leswaku u na mafundza, va vhela va kota ku n’wi nghena hi sweswo, hi laha a n’wi tsundzuxaka leswaku a nga tshuki a komba fundza eka vakanganyisi lavo tano.
Marhambu Yo Pfumala Nyama
- Tindzimana ta 1-3 Ku Xeweta
Yohane u ti vitana “Nkulukumbha” loko a ri karhi a rhumela marungula eka “wansati wo hlawuleka” na vana va yena. Ku fana na le ka matsalwa ya yena hinkwawo, Yohane u hlamusela leswaku vuxaka bya mukriste na Xikwembu i ku hanya entiyisweni na le rirhandzwini.
- Tindzimana ta 4-6 Swikhenso
Muapositolo u nkhensa vahlayi va yena eka mfambo wa vona wo yingisa Xikwembu. U va tsundzuxa leswaku nawu wa ku endlelana mafundza wu vula ku kombisa rirhandzu un’wana e ka u n’wana.
- Tindzimana ta 7-11 Switsundzuxo
Yohane sweswi u tlharihisa vahlayi va yena ku ti vonela e ka va kanganyisi lava nga pfumeriki leswaku Yesu u tile a hanya enyameni. I va “anti-kriste,” wa hlamusela, hikwalaho, mi nga tshuki mi va komba mafundza hi ndlela yihi kumbe yihi. Minga xewetani na vona leswaku mi nga avelani na vona eka mintirho ya vona yo biha.
- Tindzimana ta 12-13 Minkateko
Yohane u pfala papila leri ro koma hi ku vula leswaku u na swo tala swa ku swi vula, kambe u ta yimela nkarhi lowu a nga ta va endzela kuavelana na vona miehleketo yin’wana leswaku ku tsaka ka vona ku tala.
Ku Vekela Nyama Eka Marhambu
- Yohane u vonile Ntiyiso ni Rirhandzu hixiviri — u vile na Yesu. Hikwalaho a karhatekaka no kombisa miehleketo ya yena e ka Matsalwa hinkwawo — ku nga Evhangeli ya 1Yohane na 2 Yohane — hinkwawo matele hi ti nhloko-mhaka leti. Ntiyiso ni rirhandzu i swa nkoka e ka mukriste, na swona a swi pfumaleki e ka vutomi bya mukriste. Eka papila leri ro koma roya e ka munghana wa yena loyi a rhandzekaka, Yohane u n’wi tsundzuxa ku landza ntiyiso, ku rhandza Xikwembu no komba mafundza e ka lava namarhelaka swilaveko swa ripfumelo. Hinkarhi wuri wun’we, ufanele ku papalata lava va ringetaka ku dlaya masungulo ya ripfumelo.
Swipaluxi Evuton’wini Bya Wena
- Ku vilela ka Yohane, ka fambelana ni minkarhi ya namuntlha. Mafundza ya wena ya vukriste mafanele ku endliwa hivutlharhi. A wu vitaneriwanga ku amukela munhu un’wana na un’wana loyi a ti vulaka mupfumeri. Ku amukela mudyondzisi wa mavunwa endlwini ya wena swi nga pfuna lava va ringetaka ku dlaya ripfumelo leri u khomeleleke e ka rona hirirhandzu leri votala va ri xaveke hinxavo wo dhurha leswaku va ri kuma. Xana unga wu hambanisa ku yini ntiyiso eka vuxisi ke? Xosungula hlaya no dyondza Rito ra Xikwembu. Lexi landzelaka, fananisa leswi van’wana va swi dyondzisaka ni leswi Bibele yi vulaka swona. Kutani hambana ni lava nga tshamiki etidyondzweni ta Kriste.
Dyondzo Ya Vutomi Eka 2 Yohane
- Ku famba eku yingiseni ka ntiyiso swi fanele ku ya emahlweni swi va ntolovelo evuton’wini bya wena.
- Tivonele,vadyondzisi va mavunwa va kanganyisa. Languta vutomi bya vona na hungu ra vona, kutani u vona loko swiyelana na Matsalwa.
- Mafundza ma papalatiwa ntsena e ka lava dlayaka ntiyiso wa Kriste. Ku hambana hi miehleketo mayelano na swilo swintsongo, ahixivangelo xakuva u papalata ku komba mafundza.
Laha Swi Kumekaka Kona
- Kuxeweta eka “muhlawuriwa wa Xisati …Ndzim ya 1.
- Ku famba entiyisweni … Ndzim ya 4.
- Ku famba eka milawu ya Xikwembu … Ndzim ya 6.
- Nhlamuselo ya mukanganyisi na anti-Kriste … Ndzim ya 7.
- Ku lemukisiwa ku va hi nga amukeri lava landzulaka Kriste emindyangwini ya hina … Ndzim ya 10.
Van’wana Lava Kombeke Mafundza E Bibeleni
- Abrahamu eka tintsumi tinharhu … Ghen 18:1-8.
- Lote eka tintsumi ti mbirhi … Ghen 19:1-11.
- Labani eka nandza wa Abrahamu … Ghen 24:11-61.
- Wansati wa Muxunamati eka Eliya ..… 2 Tihosi 4:8-10.
- Maria na Marita eka Yesu na Vadyondzisiwa va Yena … Luk 10:38-42.
- Priscila na Aquila eka Pawulo … Mintir 18:2.
- Tinoni e ka Tesitamente leyintshwa … 1 Tim 5:9-10.
//////////