3 Yohane

Nakulorhi, I mhaka leyi kombaka ku tshembheka ka wena, loko u pfuna vamakwerhu hi tindlela tin’wana na tin’wana, ngopfu-ngopfu lava nga vaendzi.

(Ndzimana ya 5)      

  • Nhloko mhaka: Mafundza ya Vukriste
  • Siku ro tsariwa: A.D. 90-95
  • Mutsari: Yohane
  • Ndzhawu: Efesa

Leri i papila ra vunharhu ra Yohane leri a ri tsaleleke lava va nga ehansi ka vuhlayisi ni vurhangeri bya yena. Ku fana na 2 Yohane, papila leri ri mayelano ni mafundza ya Vukriste. Eminkarhini ya Yohane, varhangeri va tikereke a va famba na madhoropa  yo hambana hambana va pfuna ku simeka tikereke no tiyisa leti nga kona. Vatirheli lava va tikereke a va tshembela eka ti hlengeletano ta tikereke ku va pfuna hi swo tihlayisa emirini. Papila leri rikhomile mahungu manharhu yo hambana hambana mayelano na vavanuna vanharhu : Yohane u tlangela Gayo eka mafundza ya yena lawa a maendlaka, kambe u sola Diyotrefo eka ntirho wa ku ti tirhela yena ntsena, kutani a tlangela Demetriya hikwalaho ka vumbhoni bya yena.

Marhambu Yo Pfumala Nyama
  • Tindzimana ta 1-8 Mafundza ya Gayo

Kuya emahlweni, Yohane u ti vita “Nkulukumba” loko a  hlamula hi ku tsaka eka mahungu lawa a ma kumeke mayelano na “Murhandziwa wa yena Gayo” leswaku u famba entiyisweni. Yohane u nkhensa mintirho ya yena e henhla ka va  endzi lava fambisaka tidyondzo na va rhumiwa. Varhumiwa lava va Evhangeli a va amukeri timali e ka vamatiko, kambe va ti seketela hi mafundza ya va Kriste vo tshembeka  vo fana na Gayo. Yohane u khutaza Gayo kuya emahlweni a hoxa xiandla emintirwheni ya vona.

  • Tindzimana ta 9-10  Ku pfumaleka kamafundza e ka Diyotrefo

Yohane sweswi u huma ka loyi wa xikombiso xa kahle a nghena ka loyi wa xikombiso xo homboloka,  xa wanuna loyi a vitiwaka Diyotrefo, loyi, manyunyu ya yena man’wi alelaka ku amukela va dyondzisi lava va tsendzelekaka hi ku rhumiwa hi Muapositola. Loko u n’wana wa xirho xa kereke a ringeta ku amukela un’wana wa va dyondzisi lava, Diyotrefo  o n’wi hlongola ekerekeni. Yohane u vona xilaveko xa kuva a tirhisa  matimba ya yena hi ku kongoma Diyotrefo a n’wi byela himatikhomele ya yena yo pfumala vukriste. 

  • Tindzimana ta 11-13 Vumbhoni Lebyinene hi Demetriya  

Yohane u tshinya  vahlayi va yena leswaku va nga tekeleli leswo biha (ku fana na matikhomele ya Diyotrefo  e ka 9-10, loyi ku pfumela ka yena ku nga zeki ku vutisiwa, kambe swiendlo swa yena swihikombaka leswi a nga xiswona. Swiendlo swa Diyotrefo swo homboloka swi hi komba vubhofu bya leswi Yohane a nga chumayela hiswona hiku hiseka  e ka mapapila ya yena lamambirhi yo rhanga—a ku hifanele ku rhandzana. Hitlhelo leri n’wana, vutomi bya Demetriya i vumbhoni bya leswo saseka. Hinkwavo va vulavula swa kahle hi yena, ku katsa na Yohane hi yexe, na vutomi bya yena i vumbhoni bya ntiyiso lowu hanyaka.

Ku Vekela Nyama Eka Marhambu
  • Rirhandzu, kutitsongahata ni ku tiva ntiyiso i swa nkoka eka mintirho yo komba mafundza e Bibeleni. Gayo u kombile mintirho yo hetiseka   ya mafundza hi ku amukela lava a va pfumerile no dyondzisa ntiyiso. Manyunyu ya Diyotrefo aman’wi pfumelelanga ku komba mafundza e ka lava a va ma lava,amavalumba, naswona a va tava va vuyeriwile ekerekeni ya yena. Demetriya yena hiwun’wana loyi a endla swa kahle hitlhelo ro “komba rirhandzu e ka vaendzi” —a komba mafundza e ka vapfumeri lava ma dhingaka. 
Swipaluxi Evuton’wini Bya Wena
  • Papila ra vunharhu ra Yohane i xi tsundzuxo xikulu xa ntirho wo komba mafundza ekerekeni ˗ nimatimba ya ku hahlula ka manyunyu ya murhangeri wa kereke. Hambi uri murhangeri kumbe xirho  ekerekeni ya wena, “kombisa mintirho ya mafundza e ka van’wana ku ngari na ku dzhuma-dzhuma (1 Petro 4:9). Xiya-xiya eka lava u va amukelaka endlwini ya wena. Tshembeka u kurisa mintirho yo komba mafundza  tani hi ntirho. Tivonele leswaku u nga ti kurisi ku fikela laha swi kavanyetaka xileriso xa Xikwembu xo amukela no hlayisa van’wana. Endla hi matimba ku komba rirhandzu eka van’wana.
Dyondzo Ya Vutomi Eka 3 Yohane
  • Tikarhateli ku famba entiyisweni, swi ta humesa moya wa rirhandzu ni mafundza.
  • Tiva leswaku,vakriste lava nga vadyondzisi, varhangeri ni varhumiwa va Evhangeli va lava nseketelo wa wena.
  • Tikatsi na va kriste lava tirhaka emintirwheni ya vona hi ku va seketela.
  • Khutaza vakriste lava tirhaka leswaku va nga heli matimba eka ntirho wa vona.
  • Tivonele leswaku u nga tirhisi xiyimo xa wena xa vurhangeri hindlela yo hambuka.
Laha Swi Kumekaka Kona
  • Minkateko ya rihanyu lerinene na ku humelela kale vuton’wini … Ndzim ya 2.
  • Ntsako lowu taka hikuva uri na ntiyiso e ka van’wana … Ndzim ya 3.
  • Kutsaka loku taka hi ku tiva leswaku “vana va wena” va fanba  entiyisweni … Ndzim ya 4.
  • Xivangelo xo pfuna Vakriste lava tirhaka  …. Tindzim ta 5-8.
  • Ku tshinyiwa hikwalaho ko navela swiyimo swale henhla . Ndzim ya 9.
  • Xileriso xa ku tekelela leswinene ku ngari leswo biha … Ndzim ya 11.
Muapositolo Yakobo Na Yohane 
  • Yakobo na Yohane a vari va makwavo.
  • Yakobo a ri lonkulu wa kona.
  • Yakobo na Yohane a va ri va phasi va tihlampfi kusuka eGaleliya.
  • Yakobo na Yohane a va ri vana va Zebediya.
  • Yesu a va vitana “vana va ndlati” (Marika 3:17).
  • Yohane a ri un’wana wa lava nharhu lava avari ku suhi swinene na Yesu.
  • Yohane a ti hlawulekisa tani hi “mudyondzisiwa loyi a rhandziwa hi Yesu” (Yohane 21:20).
  • Yohane nkari wun’wana u vuriwa  “Muapositolo wa rirhandzu”.
  • Yohane u yisiwile exihlaleni xa Phatimosi na se a hanyile, laha a nga tsala Buku ya Nhlavutelo a ri kona.
  • Yakobo uvile muapositolo wo sungula ku dlayiwa hikwalaho ka Evhangeli.  Leswi Yohane a loviseke swona a swi tiveki.

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *