Buku ya Tipisalema

2008-08-04.

1. 

Ku ta fika la a hi ri karhi hi dyondza tibuku ta matimu (swithokozelo). Eka tona Xikwembu xi hi byela leswi nga humelela na loko tilo na misava ni swilo hinkwaswo swi nga se tumbuluka. Ti hi hi byela hi ndlela leyi Xikwembu xi nga tumbuluxisa swona swilo ni vanhu ni ndlela leyi munhu a nga huma hi yona emahlweni ka Xikwembu. Na swona ti hi byela hi ndlela leyi Xikwembu xi nga tirhisa swona ku ti akela vanhu lava nga va xona va xi virhi vanhu la va nga ta xi rhandza na ku xi tirhela.

2.

A buku ya Tipisalema, iyin’wana ya tibuku ta swithokozelo, kambe yona yi hambanile kutsongo na letin’wana, eka buku leyi kuni tinsimu leti tsariweke hi vanhu va Xikwembu. A ntalo wa tona ti tsariwile hi hosi Davida. Loyi hi nga ta vula-vula hi yena emahlweni kuni tinwana mayelano na Moxe, Debora, Usafa ni va ka Kore. Tipisalema leti hinkwato ti huma etimbilwini ta lava ti tsaleke. Eka vona vanwana va byela va yingiseri va vona mayelano na Xikwembuni leswi xi nga swi endla eka vona tanihi vanhu va xona. Kambe ku ni ma Tipisalema lawa ma kongomaka eka Xikwembu, laha vatsari va ti vulaka swidyoho swa vona eka Xikwembu. Kimbe ku rila eka xona kuva xi va hlulela eka valala ni ka mahlomulo. Eka ma Tipisalema lawa hi kona laha Xikwembu xi dzunisiwaka kona, xi gandzeriwa, xi tlakusiwa ni ku twarisiwa. Hi nga rivaleni leswaku a maTipisalema ango va tinsimu to saseka ntsena leti nga tsariwa hi vanhu va Xikwembu, kambe unwana ni unwani wa vona a a huhjuteriwa hi moyo lowo kwetsima. Hi nga ha vula ku fana ni tibuku letinwana ta Bibele titsariwile hi Xikwembu, na xi tirhisa vanhu vo hambana-hambana ku vula-vula ta xona. Hi kolaha hi kumaka timhaka to karhi eka Tipisalema na se ku hundza madyana dzana ya malembe swoleswo a kuri xiprofeto. Vanyingi ava profeta hi Yesu nwana wa Xikwembu loyi a a ta ta ata velekiwa, a hanya a va a fa ku ponisa vadyohi ku fana na wena na mina.

Dyondzo yi kulu mayelang na vuprofeta lebyi hi byi kuma eka Tipisalema 22:14-19:

Vs.14.Matimba ya mina ma hela kukota mati lama halatiweke, marhambu ya mina hinkwawo ma gudla-gudla, ni mbilu ya mina yi fana ni mafurha lama n’okisiwaka endzilweni.  15.Nkolo wa mina wu omile kukota xirhengele, ririmi ri namarhela emalakeni; we Hosi, u ndzi tsongahatile ku yisa eku feni.  16.Ntshungu wa lavo homboloka wu ndzi rhendzele kukota timbyana, wu ndzi handzulele milenge ni mavoko.  17.Ndzi ondzile, ndzi lo sala timbambu ntsena, valala va ndzi languta hi ku ndzi honokela; 18.va avelana swiambalo swa mina hi ku hoxa vuhlolotwana.  19.We Hosi, u nga yimi kule na mina! Hatlisa u ta ndzi lalumela, wena u ndzi nyakaka matimba.

Leswo a swi vula Yesu loyi a a tafa exihambanwini.

3. 

Swa karhata ku susa tiTipilalema to karhi hi nhlayo ya tona ya 150 hi kuva yinwana na yinwana yi na swa risima.

Kambe ni nga hlavula nyana ti tsongo.

A Tipisalema yo tiveka ngopfu I Tipisalema 23 Tipisalema ya Davhida, na swona yi vuriwa ku I Tipisalema ya murisi.

A hi dyondzeni Tipisalema 23: 1 – 6:

1.We Hosi, u murisi wanga, ndzi nga ka ndzi nga pfumali nchumu.  2.U ndzi fikisa emadyelweni ya rihlaza, u ndzi visa ematini layo tenga.  3.U hlayisa moya wa mina, u ndzi fambisa etindleleni leto lulama hikwalaho ka vito ra wena.  4.Ni loko ndzi nga famba enkoveni wa xinyami xo chavisa, a ndzi chavi nchumu xo biha, hikuva u na mina: Wa ndzi lwela ni ku ndzi hlayisa.  .U ndzi endlela nkhuvo valala va mina va langutile; u ndzi chela mafurha yo nun’hwela enhlokweni, ni ndzheko wa mina wa khapa.  6.Ina, vunene ni rirhandzu ra wena swi ta ndzi sirhelela masiku hinkwawo ya ku hanya ka mina, kutani ndzi ta tshama endlwini ya wena vutomi bya mina hinkwabyo.

Loko hi nga vona kahle lebyi I vumboni bya Davhida hi ndlela leyi anga tiva Xikwembu ha yona. A hi tsundzukeni leswaku Davhida a kurile tanihi murisi. A a rhandza ngopfu tin yimpfu ta yena a tidyisa kahle a ti nwisa mati a ti vikela.

Kambe swona yena a ti vona tanihi nyimpfu leyi nga swi kotiki ku ti rhisa hi yoxe. Kambe na swona a vona Xikwembu tanihi murisi loyi a nwi rhandzaka ni ku nwi khatalela. Vanhu vo tala va yi tiva hi nhloko loko wena unga yi ti vi sungula ku yi hlaya u yi tiva.

4.

Le ti landzelaka I tivesi titsongo  eka Tipisalema 34 Tipisalema ya Davhida.

Tipisalema 34: 4 – 20:

Vs.4.Ndzi komberile Hosi Xikwembu leswaku xi ndzi pfuna, kutani xi ndzi hlamurile, xi ndzi ntshunxa eku chaveni ka mina hinkwako.  5.Lava langutaka eka xona va ta khapa hi ntsako, va nga ka va nga khomiwi hi tingana ni siku ni rin’we.6.Munhu un’wana loyi a a re ekhombyeni, u huwelerile eka Hosi Xikwembu , kutani xi n’wi twa, xi n’wi ponisa emaxangweini ya yena hinkwawo.  7.Vanhu lava chavaka Hosi Xikwembu, va sirheleriwa hi ntsumi ya xona, kutani yi va kutsula ekhombyeni.  8.Tanani mi ta vona hi n’wexe leswaku Hosi Xikwembu xi ni vunene! U katekile ngopfu.  9.Chavani Hosi Xikwembu n’wina vahlawuriwa va xona, hikuva lava va xi chavaka, a va pfumali nchumu.  10.Tinghala ti nga ha pfumala swakudya, ti twa ndlala, kambe lava lavaka Hosi Xikwembu, a va nga pfumali xilo ni xin’we lexo saseka.  11.N’wina vana vanga, tanani mi ta twa, ndzi lava ku mi dyondzisa ku chava Hosi Xikwembu.  12.Loko mi navela vutomi lebyinene, ni ku kuma minkateko emasikwini ya n’wina ya ku hanya,  13.chavani ku vulavula leswo biha, mi nga tshuki mi kanganyisa van’wana hi marito;  14.tshikani leswo biha mi endla leswinene, lavani ku rhula, mi tiyisela endleleni ya kona,  15.hikuva Hosi Xikwembu xi hlayisa lavo lulama; loko va ya rila eka xona, xa va yingisa,  16.kambe xi lwa ni lava endlaka leswo biha, xi va herisa leswaku va nga ha tsundzukiwi laha misaveni.  17.Loko lavo lulama va kombela ku pfuniwa, Hosi Xikwembu xa va twa, xi va kutsula emaxangwini ya vona hinkwawo. 18.Hosi Xikwembu xi le kusuhi ni vanhu lava timbilu ta vona ti nga eku vavisekeni, xi ponisa lava mimoya ya vona yi tshovekeke.  19.Munhu wo lulama u hlangana ni miringo leyo tala, kambe Hosi Xikwembu xi n’wi hlulela yona hinkwayo; 20.xi hlayisa swirho swa yena hinkwaswo, leswaku ku nga tshoveki ni xin’we xa swona.

Ma nga vona ku khutaza ka Tipisalema leyi Davidha a a ri mulwi wa nyimpi. Tanihi munpswha, djaha ritsongo, loyi anga dlaya xi hotlovila Goliyati, exikarhi ka masoshwa hinkwawo lawa a ma nwi chava. Eka Tipisalema leyi hi vona tumbunuko wa yena a ti vula xisiwana, munhu wa mahlomulo munhu wa tixaniso, munhu loyi a a ri ni nchavo ku chava evutomi bya yena. Leswi swi hambanile ni leswi vafuwi va ti vurisaka xi swona.  Va ti tlhakusa hi voxe va komba ku humelela ka vona, a va pfumeli leswaku ku ni nkarhi wa chavo eka vona ni ku pfumala. Davhida a karhi a komba va yingiseri va yena ku teka mahlo ya vona vuma langu tisa eka Hosi. A va byel leswaku va nga ka vanga khomiwi hi tingana loko va chava Xikwembu.  Va ta tala hi ntsako wa xona. Ntsumi ya Xikwembu yi tava sirhelela. Tinghala ni vana va tona ti nga fa hi ndlala, kambe lava tshembaka Xikwembu va nga ka va nga pfumali nchumu. Hi kuva mahlo ya Xikwembu ni tindleve ta xona mapfulekela eka vanhu lavo lulama, leswaku xi va kutsula loko va titana eka xona.

5.

Tipisalema yinwana yo ti veka I Tipisalema 51 a tsarile Tipisalema leyi a yi yimbelela e tabernakeleni loko a yendlile xidyoho.

Hi dyondza Tipisalema 51: 3-14:

Vs.3.Milandzu ya mina, ndza tiva, ndzi tsundzuka swidyoho swa mina minkarhi hinkwayo.  4.Ndzi dyoherile wena, wena ntsena, ndzi endlile leswo biha emahlweni ka wena; hikokwalaho loko u ndzi avanyisa u ndzi ba, a wu nga vi na nandzu, u ta va u nga hoxanga.  5.Hakunene, ndzi velekiwile eku hombolokeni, ni mana wa mina u ndzi tswarile eku dyoheni.  6.Wena u tsakelaka munhu la nga ni ntiyiso embilwini ya yena, ndzi dyondzise vutlhari exihundleni xa mina.  7.Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboloko.  8.Ndzi byele marito ya ntsako ni ku rhula, hambileswi u ndzi tshoveke swirho, sweswi ndzi tsakise.  9.Swidyoho swa mina u nga ha swi languti, susa ku homboloka ka mina hinkwako.  10.We Xikwembu, vumba endzeni ka mina mbilu leyo tenga, u tlhela u pfuxa moya wo lulama endzeni ka mina.  11.U nga ndzi cukumeteli kule na wena, u nga ndzi tekeli Moya wa wena lowo kwetsima, 12.Tlhela u ndzi nyika ntsako, wena Muponisi wanga, ndzi seketele, u pfuxa moya wa malwandla eka mina.  13.Ndzi ta dyondzisa vadyohi tindlela ta wena, lavo homboloka va ta tlhelela eka wena.  14.We Xikwembu, wena Muponisi wanga, ndzi humese enandzwini wa ngati leyi halatlweke, kutani ndzi ta yimbelela ndzi ku twarisa, wena Mukutsuri.

Eka masiku ya hina namutlha swi karhataka ku kuma hosi yo pfuleka leyi ti vulaka swidyoho swa yona. Hambiloko a tsarile hi ta vudyoho bya yena kambe u yimbelerile endlwini ya Xikwembu. Hi laha hi nga ko taka ku ti sola ha kona loko hi kombiwa ku dyoha ka hina hi fanele ku khorwiseka hi ti sola. Swoswo swi yelana ni swi hoxo leswi hi ho xelaka Xikwembu, ku tlula ku khomeka hi tingana loko vanhu va ta swi twa va sungula ku hleva hleva hi swona. Na yena u swi vonile leswaku a hi mihloti ya yena na ku ti vula ka yena leswi nga basisa ka mbilu ya yena, kambe leswi Xikwembu xi nga swi endlaka eka mbilu leyi tshovekeke. A kombela Xikwembu ku va xi funungula xidyoho xa yena.  A kombela Xikwembu kuva xi vumba endzeni ka yena mbilu le yimpsha ni moya lowu tengeke. Swoswi hi nga vona ku hi kokwalaho ka yini Xikwembu xi te Davhida a munhu wa mbilu ya mina.

6.

A Tipisalema yinwana ya ri sima Tipisalema 73 leyi nga tsariwa hi asafa tlhelo ro sungula ra Tipisalema leyi I vumbhoni bya vayingiseri va Asafa ku xaniseka ka vona va yo kumeka va nshena mhakeni evutonwini bya tena a kumekile a xaniseka hi nkarhi lowo le ha. Yena loyi anga tiva ni ku rhandza Xikwembu a a ri eka xivilelo. A langute ka swikwembu swa vanwana vanhu a kuma leswaku vani hinkwaswo a va nga pfumali nchumu. A vari na hinkwaswo mali na rifuwo. Leswo swi nwi khungu vanyisile swinene hikolaho ka yini vanhu va Xikwembu va xaniseka ka si va matiko va humelela xana? Xikwembu a xi tiva mi ehleketo leyi Asafa a a ri na yona, swi fika eka yena laha Xikwembu xi nwi kombaka leswaku vutomi bya lavo homboloko makumu ya byona hi byi hi. Rifuwo ra vona ri ta nihi mungu lowu ndzudzekaka. Eka swona u vonile seswaku ri fuwo le ri nga riku na Xikwemby, ri bihile ripfala mahlo ya yena tanihi xife mahlo.

Swo a hi dyondzeni Tipisalema leyi swinwe.  Tipisalema 73:1-28:

Vs.1.Xikwembu xi komba Vaisraele vunene bya xona lebyikulu, xi komba ni hinkwavo va timbilu leto tenga.  2.Kambe mina ndzi lavile ku hambuka endleleni, eku fambeni ka mina ndzi lo pona ku rheta ndzi wa, 3.hikuva ndzi naverile swa lavo homboloka, lava humelelaka hambileswi va tikurisaka ngopfu.  4.Vanhu lava a va karhatiwi hi nchumu, va dya va xurha va kondza va ya esirheni.  5.A va weli emakhombyeni kukota vanhu van’wana, a va vonisiwi maxangu ku fana ni vanhukulobye.  6.Hikokwalaho ku tikurisa I vuhlalu bya vona bya le nhan’wini, tihanyi xiambalo xa vona.  7.Mahlo ya vona ma nyupela emafurheni ma nga ha vonaki, kambe makungu ya vona ya le mbilwini ma tikomba swinene.  8.Va sandza van’wana, va vulavula leswo biha, va kanela makungu yo xanisa lava nga hansi ka vona.  9.Va rhuketela Xikwembu xa le matilweni, ni laha misaveni tindzimi ta vona a ti tsetseleli munhu.  10.Hikokwalaho, ni vanhu va Xikwembu va va namarhela, va va dzunisa va nga voni xo biha eka vona.  11.Va vulavula va ku: “Xikwembu a xi tivi nchumu!  Xana loyi a nga henhla-henhla a nga vona yini xana?  12.Lavo homboloka I vanhu vo tano; minkarhi hinkwayo va le ku tiphineni, rifuwo ra vona ri ya ri andza.  13.Ku hanya eku lulameni ni ku chava ku endla xidyoho, a swi ndzi pfunanga nchumu, 14.hikuva ndzi biwa hi makhombo siku rin’wana ni rin’wana, mixo wun’wana ni wun’wana, ndzi le ku tshinyiweni.  15.Kambe loko onge ndzi vulavurile ku fana na vona, a ndzi tikele ngopfu loko ndzi yi anakanya, 17.ndzi kondza ndzi ya nghena exivandleni xa wena lexo hlawuleka we Xikwembu, kutani hi kona ndzi twisiseke mahelele ya lavo homboloka.  18.We Xikwembu, u va veka laha ku’rhetaka, u va wisela entlhan’wini wa vuxisi bya vona.  19.Hi ku vopeta ka tihlo, va khomiwa hi ku chava herisiwa, va kukuriwa va nyamalala.  20Loko u fika, we N’wini wa hinkwaswo, va lahlekeriwa hi ndzhuti, va hangalaka kukota norho nimixo.  21.Loko ndza ha khunguvanyekile emoyeni, ni loko mbilu ya mina ya ha twa ku vava, 22.a ndzi hundzukile ntlunya, ndzi nga twisisi nchumu, ndzi fana ni xiharhi emahlweni ka wena.  23.Hambiswiritano, a ndzi tshiki ku va na wena; u ndzi khoma hi voko ra xinene, 24.u ndzi fambisa hi swiletelo swa wena, kutani eku heteleleni, u ta ndzi amukela eku nzunekeni ka wena.  25.Xana ndzi nga va na mani ematilweni loko ku nga ri wena, ni kwala misaveni ndzi nga ha navela yini, leswi ndzi nga na wena ke?  26.Emirini ni le moyeni ndzi nga hela matimba, kambe Xikwembu hi xona xi ndzi tiyisaka xi ndzi katekisa.  27.Lava hambanaka na wena va nge poni, va ta lova, hinkwavo lava ku tshikaka, lava lwaka na wena, u ta va pfala milomo.  28.Loko ndzi ri mina, ndzi tsakela ku va kusuhi na wena we Xikwembu, we Hosi N’wina wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

7. 

A Tipisalema leyi ni yi rhandzaka ngopfu mina iTipisalema 103. Tipsalema leyi hinkwayo I ya ku gandzela na ku dzunisa Xikwembu. Hina hi tumbulu xeriwe leswaku hi gandzela hi xi dzuniga hi tsaka ni mutumbuluxi wa hina. 

A dyondzeni Tipisalema 103:1-22:

Vs.1: Ndzi lava ku nkhensa Hosi Xikwembu ndzi vuyelela, ndzi tlangela vito ra xona lero hlawuleka hi mbilu ya mina hinkwavo.  2.Ina, ndzi lava ku nkhensa Hosi Xikwembu, mintirho ya xona leyinene ndza yo tsundzuka hinkwayo.  3.Hi xona xi ndzi rivalelaka swidyoho hinkwaswo, xi horisaka mavabyi ya mina hinkwawo.  4.Hi xona xi kutsulaka vutomi bya mina esirheni, xi ndzi rhendzela hi rirhandzu ni tintswalo.  5.Xi ndzi phamela leswinene, kutani ndzi tiyile; vuntshwa bya mina bya pfuxetiwa, onge ndzi ngo haha kukota gama.  6.Hosi Xikwembu xi lwela hinkwavo lava xanisiwaka, xa va sirhelela.  7.Xi tivisile Muxe makungu ya xona, mintirho ya xona ya matimba, xi ya kombile Vaisraele.  8.  Hosi Xikwembu xi ni tintswalo, xa tsetselela. Xi tele rirhandzu, xi hlwela ku hlundzuka.  9.A xi holoveli vanhu minkarhi hinkwayo, a xi tshameli ku va karihela.  10.A xi hi banga hi mpimo wa swidyoho swa hina, a xi hi rihisanga hi ku ya hi milandzu ya hina.  11.Hilaha matilo ma tlulaka misava hi ku tlakuka ni vukulu, na rona rirhandzu ra Xikwembu I rikulu eka lava va xi chavaka.  12.Hilaha vuxa byi hambaneke kule hakona ni vupeladyambu, Xikwembu xi vekisa sweswo ku dyoha ka hina kule na hina.  13.Xi tsetselela lava va xi chavaka ku fana na tatana la tsetselelaka vana va yena, 14.hikuva xa swi tiva leswaku hi endliwe hi yini, a xi rivali leswaku hi ntshuri ntsena!  15.Masiku ya ku hanya ka munhu ma fana ni bayanyi, kumbe swiluva swa nhova loko swi balekile:  16.Loko moya wu hunga ehenhla ka swona, swa vuna swi nyamalala, ndhawu ya swona yi nga ha tiveki.  17.Kasi rirhandzu ra Hosi Xikwembu rona a ri ri kona na khale, ra ha ta va kona hilaha ku nga heriki.  Xikwembu xi lwela lava va xi chaveka, xi tshembeka ku ya fika eka vatukulu va vona hinkwavo, 18.loko va hlayisa ntwanano wa xona, va nga rivali ku endla leswi xi va lerisaka swona.  19.Hosi Xikwembu xi vekile xiluvelo xa xona ematilweni, vuhosi bya xona byi le henhla ka swilo hinkwaswo.  20.Nkhensani Hosi Xikwembu n’wina tintsumi ta xona, n’wina tinhenhla ta matimba leti yingisaka rito ra xona ti hanya ha rona.  21.Nkhensani Hosi Xikwembu n’wina hinkwenu mavandla ya xona, n’wina mi xi tirhelaka ni ku endla ku rhandza ka xona.  22.Nkhensani Hosi Xikwembu n’wina mintirho ya xona hinkwayo, etindhawini hinkwato leti nga hansi ka mfumo wa xona.  Na mina ndzi lava ku nkhensa Hosi ndzi vuyelela.

8. 

Jy bu Tipisalema tinyingi leti vula vulaka hi ku entisa e timbilwini ta vanhu.  Lava nga vapfumeri. Swinga va kahle ku ti dyondza tinwana u ti tiva hi nhloko ku “decorara” leti nga vaka embilwini ya wena.

//////////