Diyavulosi

Print Friendly, PDF & Email

A. MAVITO YA YENA 

  1. Diyavulosi …….…..…………………….…….… (“mukanganyisi”?).
  2. Sathani …………….…………. (“nala”/ “muvangi wa maxangu”?).
  3. Nyoka ya khale ……………………….… (Gen 3:1, ni swin’wana.).
  4. Diragona ………………….……………………..……… (Nhlav, 13x).
  5. Muhehli wa vamakwerhu …….……….…….……… (Nhlav 12:10).
  6. Nala …………………………….…….…….… (2Tes 2:4; 1Pet 5:8).
  7. Mudlayi ………………….….………….…………….… (Yoh 8:44).
  8. Muhembi .……………………….…………..………….… (Yoh 8:44).
  9. Tata wa mavunwa ……….……..…………..………..… (Yoh 8:44).
  10. Mubihi ……………………………..…………………..… (1Yoh 5:19).
  11. U fananisiwa ni nghala leyi vombaka ..…………….… (1Pet 5:8).

 B. LOMU A HUMAKA KONA (Ndzi kombela u dyondza Ez 28:11-19).

Eka xiphemu lexi xa Tsalwa, dyondza tindzimana to rhanga, diyavulosi u fananisiwa ni hosi ya le Tire. Hosi yoleyo a yi nyikiwile swinene, kutani yi vile yi hundzuka mufuwi wo hlamarisa swinene hi ku xaviselana ni tinxaka leti ti va rhendzeleke. U vile a sungula ku ti tlakusa , kutani a hoxiwa emisaveni hi Xikwembu .

Swive tano nile ka Sathani. A kuri yena ntsumi yo dzuneka eka hinkwato ti ntsumi ta Xikwembu, leti a ti sirhelela ku kwetsima ka Xikwembu. Vutshamo bya yena a ku ri “Edeni” leyi yi nga  tivekiki  hi  swimila swo hlawuleka, kambe leyi tivekaka hi maribye yo hlawuleka.  Ku ti kurisa ku tata mbilu ya yena, kutani , a pfukela Xikwembu hi ku lava ku teka xiluvelo. Eku heteleleni, yena ni tintsumi leti ti n’wi landzeke, va hoxiwile emisaveni (Nhlav 12:7-10).

Hosi a yi hi nyiki tinhlamulo hinkwato eka swi vutiso swa mayelano na yena, xikombiso, xana u hlurisiwile ku yini hi xidyoho leswi ku nga hava loyi a n’wi ringeke ke?

C. MINTIRHO YA YENA NI MAKUMU YA YENA EMISAVENI 

Kusukela eka Genesa ku ya fikela eka Nhlavutelo há wu vona nkoka wa nyoka ya khale, kambe hi ta kombisa ntsena yi ngari yi ngani. Hambi leswi  sathani a nga boxiwangiki hi vito ra yena tani hi musunguri wa vubihi, kambe hina byona vumbhoni lebyi humaka eka Matsalwa hinkwawo.

1. Adamu na Eva

Hi yena loyi a ringekeke ni ku kanganyisa Adamu na Eva leswaku va nghena exidyoheni, leswaku a kota ku tlimba vanhu hinkwavo hi minkolo swin’we ni ntumbunuku hinkwawo (Gen 3:1-24). Hosi Yesu u vurile leswaku misava hinkwayo yi le hansi ka matimba ni vulawuri bya lowo biha (1Yoh 5:19).

2. Yobo

Munhu loyi a a ri nandza wo hlawuleka   wa Hosi Xikwembu, loyi a hlawulekile exikarhi ka vanhu hinkwavo va laha misaveni, u kombetiwile hi tlhari hi diyavulosi, kutani loko a kumile mpfumelelo eka Hosi Xikwembu ku endla tano, a sungula ku n’wi hlasela hindlela ya tihanyi swinene (Yobo 1:1, ni swin’wana).

3. Ndhambi

Vanhu va sungurile ku va lavo homboloka swinene hikwalaho ka xidyoho lexi kondleteriweke hi sathani, kufikela laha Hosi Xikwembu xi nga va herisa hinkwavo, kusala Nowa ni ndyangu wa yena ntsena (Gen 6:9, ni swin’wana.).

4. Xihondzo xa Babele

Hiyena sathani a nga hlohlotela leswaku vanhu va pfukela Xikwembu, hi ku a ka Xihondzo lexi a xi fanele kuya fika etilweni. Hosi Xikwembu Xi severile makungu ya vona hi ku pfilunganisa ririmi ra vaaki, kutani vaaki va hangalaka, ntirho wo aka wu yima (Gen 11:1-9).

5. Hosi Davida

A a ri wanuna, ni ku va hosi ya le mbilwini  ya Hosi Xikwembu, kambe siku rin’wana sathani a n’wi ringa, a n’wi wisela exidyoheni xa vuoswi ni wansati loyi a vuriwaka Batexeba, kutani a dlaya ni nuna wa yena leswaku a funengeta xidyoho xa yena (2Sam 11:3 , ni swin’wana.)

6. Hosi Yesu loko a ri emananga

Laha hikona lana sathana a hluriweke kona ro sungula endzhaku ka malembe yo ringana kwalomu ka  6000. U ringile Hosi Yesu ka nharhu, kambe a tsandzeka ku n’wi endla a dyohela Hosi Xikwembu Tata wa Yena (Mt 4:1-11).

7. Hosi Yesu loko a ri exihambanweni

Laha sathani u tlhele a hluriwa nakambe. Hi yena a hlohloteleke vurhan-geri bya Mayuda leswaku va dlaya N’wana wa Xikwembu, hi ku n’wi belela exihambanweni, kambe hi siku ra vunharhu, a pfuka a ri Muhluri (Mt 27, 28).

8. Mahlomulo

Hi nkarhi wa malembe yo ringana nkombo ya mahlomulo, diyavulosi u ta fikelela enhlohlorini ya ntirho wa yena wo hlasela emisaveni hi voko ra anti-kriste ni muporofeta wa mavunwa. Kambe, endzhaku u ta hoxiwa ekheleni ra muhocho, ku ringana malembe ya 1000 (Nhlav 7:14; 20:2,3).

9. Armagedoni

Eku heteleleni ka malembe ya  1000 , sathani u ta humesiwa ekheleni ra muhocho, kutani u ta famba-famba  a hambukisa tinxaka to tala ta vanhu, kutani u ta vumba ni ku rhangela mavuthu yo hlasela Hosi Yesu ni vanhu va Yena, kambe Hosi yi ta va herisa hi ndzilo wo huma etilweni, kutani a hoxiwa etiveni ra ndzilo (Nhlav 20:7-10).

D. Ndlela leyi vaKriste va faneleke ku khoma sathani hi yona

  1. Hi fanele ku tiva leswaku u ni matimba kufana ni nghala leyi vombaka .
  2. Hi fanele ku tiva leswaku u ni vutlhari bya vuxisi ku fana ni nyoka .
  3. Hi fanele ku tiva leswaku Hosi ya hina Yi n’wi hlurile emananga ni le Xihambanweni.
  4. Hi fanele ku tirhisa tindlela hinkwato leti Hosi Xikwembu Xi hi nyikeke tona leswaku hi ti sirhelela hi tona (Swi sirhelelo hinkwaswo, Ef 6:6-20).
  5. Hita n’wi vona a hi baleka , hikuva u chava Moya lowo Kwetsima lowu wu nga eka hina.

//////////