Kayini te Nowa

20008-04-16

A.  LESWI FANELAKA KU TSUNDZUKIWA

1.  LESWI HUMELELEKE

     Vugevenga bya Kayini eka makwavo Avele.

2.  VANHU VA NKOKA

  • Adam na Evha
  • Kayini hi yena n’wana wa mativula naswona hi yena wo sungula ku halata ngati ya un’wana munhu.
  • Avele ave munhu who ku fa hikwalaho ka ku endla ku rhandza ka Xikwembu.
  • A nongonoko wa rixaka ra Kayini ri wela ngopfu eka vanhu hinkwavo lava nga va valala va Xikwembu.
  • A nongonoko wa rixaka ra ka Seta , ri wela eka vanhu hinkwavo lava a va chava Xikwembu.
  • Enoko n’wana Metusela, loyi a tlakuleriweke etilweni na a ha hanya (Gen 5:24; Heb 11:5)
  • Metusela I munhu loyi a hanyeke malembe yo tala. A hanye kwalumu ka; l 969 wa malembe (Gen5:27)

3.  DOCTRINA/ DYONDZO

  • Hikwalaho ka xidyoho xa Adamu, a vanhu hinkwavo va tswariwa ni ntumbuluko wa vudyoho, leswi vulaka leswaku a ku navela ka yena ku n’wi kokela ku endla leswo biha.
  • A kuva munhu a vuyelelana ni Xikwembu, a fanele ku nyikela gandzelo ra ngati (vutomi) leswi kombisiwaka hi leswi Avele a swi endleke.
  • Xikwembu a xi amukeli gandzelo leri munhu a ri nyikelaka hi ku ti tshemba, naswona na a kwela van’wana (Xikombiso hi Kayini)
  • Xikwembu xa tshinya (kawuka) vanhu loko va endla leswo biha, leswaku va nga yi emahlweni na byona, va nga ti avanyisiwa.
  • Xikwembu xa swi vona hinkwaswo leswi hi swi endlaka.
  • Xikwembu xa avanyisa/khatisa xidyoho.
  • Xikwembu xi endla ndlela ya ku ponisa ntsena loyi a pfumelaka ni ku tisola eka xona.
  • Swa koteka ku va ni xinakulobye lexi enteke ni Xikwembu, ehandle ku hanya vutomi byo patsela.

B.  DYONDZO LEYI U FANELAKA KU YI NGHENELERISA EVUTON’WINI BYA WENA.

  • Hlohlotela vana va wena leswaku va hanya vutomi bya Xikwembu hikuva va ni ntumbuluko wa wena wa vudyoho.
  • Xikwembu xa swi vona hinkwaswo leswi u swi endlaka exihundleni laha unga vuniwiki munhu.
  • Unga heli mbilu loko u layiwa hi Xikwembu hikuva xi endlela vunene bya wena.
  • Swa koteka kuva ni xinakulobye xo enta ni Xikwembu hambi leswi unga ni ntumbuluko wa vudyoho ku fana na Enoko.

C.  SWIHUNDLA SWIN’WANA.

  • Adamu na Evha va ve ni van’wana vana va xinuna ni va xisati ehandle ka Kayini, Avele na Seta, naswona Kayini a kume nsati eka vona.
  • Kayini a a chava lava a a va dyoherile, a vanhu va kona i rixaka ra ka yena, hikuva a a dlaye makwavo. A swi koteki leswaku munhu a nga dyohela ndyangu wa ka Bila kutani a ya chava wa ka Valoyi leyi ni ku tivana yi nga tivaniki.

//////////