Ku Kwetsimisiwa

A. NHLAMUSELO YA KU KWETSIMISIWA

Ku kwetsimisiwa swi vula kuva muhlawuriwa wa Xikwembu kumbe kuendliwa loyi a kwetsimaka.

Hikokwalaho, tivoneleni leswaku mi va lava hlawulekeke, hikuva mina ndzi hlawulekile. Mi nga tshuki mi tinyamisa hi ku dya xihadyana xihi na xihi lexi kokovaka emisaven (Levh 11:44).  

B. KU ENDLIWA LOYI A LULAMEKE SWI PFULA NDLELA YA KU KWETSIMISIWA

Munhu wa vukhongeri, loyi a hanyaka vutomi byo xiximeka emahlweni ka vanhu, kambe a nga nyiketanga vutomi bya yena eka Xikwembu u tiakela vutomi bya ximoya hi yexe, ni ku tiakela ndyangu wa yena wa ximoya hi yexe, ku ya hi makungu ya yena, kutani a aka hi switirhisiwa swa yena. Xikongomelo Ikuva swi tsakisa yena n’winyi. Xikwembu a xi hoxi xandla ku n’wi pfuna lahaya ni hala leswaku swi languteka swi antswa, leswaku swi tisa ku dzuneka swinene eka n’wini wa yena.

C. MUAKI WA LE TILWENI WU NGHENA ENDZHAWINI YA KONA

Kambe loko munhu a karhala endzhaku ka loko a ti karhatile swinene hi laha swi hlamuseriweke hakona laha henhla, kutani a nyiketa yindlu ya yena eka Xikwembu, Xikwembu Xi lulamisa yindlu hinkwayo, endzhawini ya yona, Xi aka tempele leyi kwetsimeke hinkwayo eka masungulo lamantswha ku nga Kriste, laha Yena ni munhu loyi va nga ta tshama swin’we. Yi akiwa hi Moya lowo Kwetsima.

Ntirho lowu vuriwa ku kwetsimisiwa, naswona wu ya emahlweni vutomi hinkwabyo. Vu tikukumuxi bya khale, ni ku tiarisa, muako wa Adamu wa mu hahluri lowu u wu akeke wena, muako  wa Adamu lowa khale wa mukhukhu lowu u wu akeke eka misava ya Xikwembu, eka ndzhawu leyi   lumbaka Xikwembu, se wa hahluriwa – xitina hi xitina,  tyaka ri hoxiwa ekule, ku xaviwa switina swintswha swa nsuku, ni mi sava ya kona, ni cemendhe ya kona, ni swinwana swo aka hi swona swi xaviwa, kutani  hi ku rhandza ka Kriste swi nghenisiwa, kutani ku sunguriwa ku tempele ya Xikwembu yi sungula ku akiwa hi ku tirhisa switina leswintswha hi xin’we xin’we, khumbi hi khumbi naswona hi kuya hi makungu ya le tilweni.

D. VA NA LESWI UNGA XISWONA

Loko munhu a endliwa loyi a lulameke ( ku ambexiwa ku kwetsima ka Kriste xi mfumo) u va a lulamile ku hundzuriwa endzeni ka yena a va xifaniso xa Kriste. Hi Ndlela leyi u fanele u va leswi u nga  swona sweswi. Xana ndzi nga va ndzi hlamusela yini xana? Ndzi vula leswaku u fanele kuva leswi nga swona kuya hi mfanelo. Munhu lontswha ku nga Adamu lontswha u fanele ku akiwa eka wena.  Xikongomelo xo hetelela  xa ku kwetsimisiwa,i kuva uri ni xivumbeko xa Kriste u va niku kwetsima hinkwako ka Yena.

Hina hinkwerhu lava kombaka ku vangama ka Hosi ku fana ni xivoni, hi mi-mombo leyi fununguriweke, hi hundzukile lava fanaka na yena, hi ku vanga-ma loku ngangamukaka ku ya emahlweni. Hosi yi endlile sweswo, yona yi nga Moya. (2Kor 3:18).

Yesu hi yena xifaniso(planta) xa hina xa muako, naswona hile ku lulami-siweni leswaku hi va ni xivumbeko xa Yena xo hlawuleka.

E. KU KWETSIMISIWA SWI FANISIWA NI KU KULA KA XIHLANGI

Ku tswariwa hi vuntswa I masungulo ya ku kwetsimisiwa. Loko xihlangi xa ha ku velekiwa, xi ni matimba ya kuva xi kula xi va munhu loyi a kuleke wa ximoya. Kambe swilava a kula siku ni siku leswaku swi koteka. Leyi I mhaka ya vutomi bya yena hinkwabyo.

Hikokwalaho, vaKriste va ni swiyenge swo hambana-hambana swa kuva va kula, swilava leswaku hi lehiselana timbilu. A swi koteki leswaku ricece (xihlangi) ringa khuguki riwa. Hikokwalaho swilava hi lehisa timbilu loko hi vona xirho lexi xinga ni malembe ya 15, kambe xa ha kasa kunene hi matsolo, xiva ni tihanyi, xi nga twisisi swilaveko swa ndyangu.

Ndzi tsalela n’wina, vatatana, hikuva mi tiva loyi a nga yena ku sukela eku sunguleni. Ndzi tsalela n’wina, lavantshwa, hikuva mi hlurile Lowo biha. (Vana, vantswha, va tatana) (1 Yoh 2:13).

F. NTIRHO WA MUKRISTE EKA MFAMBO WA KU KWETSIMISIWA

Eka mfambo wa ku kwetsimisiwa, a wo tshama ntsena u khondla mavoko, u langutela leswaku Moya lowo Kwetsima wu ku endlela hinkwaswo kufana ni wansati loyi a ti tshameleke exitshan’weni misisi ya yena yi ri karhi yi lulamisiwa, kumbe wanuna loyi a tsemetiwa nhloko ya yena.

Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n’wina kambe ngopfu-ngopfu loko ndzi nga ri na n’wina, tirhelani ku ponisiwa ka n’wina hi ku chava ni ku rhurhumela; hikuva i Xikwembu lexi tirhaka eka n’wina, lexi endlaka leswaku mi tsakela ni ku yingisa ku rhandza ka xona. (Flp 2:12, 13)

U fanele ku tirha ni Xikwembu hi tindlela ta mune:

1. Dyondza Riro ra Xona hiku tiyimisela, leswaku  u kota ku tsumbula ku rhandza ka Xona, ni ku ya emahlweni u basisiwa, ni kuva u kota ku dya.

Va hlawulekise entiyisweni; Rito ra wena i ntiyiso. (Yoh 17:17).

Tanihi swihlangi leswa ha ku velekiwaka, mi fanele ku navela ntswamba lowu tengeke wa moya, leswaku ha wona mi ta kota ku kula mi ya eku ponisiweni; (1 Pet 2:2).

2. Tisoli hi xihatla eka swidyoho leswi u swi tivaka, leswi I ku pfumelela Moya lowo Kwetsima leswaku wu ku kutsula eka swona.

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako. (1 Yoh 1:9).

3. Tshemba Xikwembu hi mbilu ya wena hinkwayo/ Fambisiwa hi Moya.

Tshemba HOSI Xikwembu hi mbilu ya wena hinkwayo, u nga tshembi ntsena vutlhari bya wena. Eka hinkwaswo leswi u swi endlaka, tsundzuka HOSI Xikwembu, xi ta ku basisela tindlela. (Swiv 3:5,6).

Leswi ndzi swi vulaka hi leswi: Fambani hi Moya, kutani mi nga ka mi nga korwisi ku navela ka ntumbuluko wa n’wina wa nyama; (Gal 5:16).  

 4. Vula vumbhoni eka leswi Xi swi endlaka evuton’wini bya wena.

 Vamakwerhu va n’wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa (Nhlav 12:11).

G. TILEHISELI MBILU WENA HI WEXE

Hikwalaho ka swona sweswo, endlani hi matimba hinkwawo ku seketela ku pfumela ka n’wina hi vunene, vunene byona mi byi seketela hi vutivi, mi seketela vutivi hi ku tikhoma, ni ku tikhoma hi ku tiyisela, ni ku tiyisela hi vukhongeri, ni vukhongeri hi ku tsakelana ka vuxaka, ni ku tsakelana ka vuxaka hi rirhandzu. Hikuva loko mi ri ni swilo leswi, ni loko swi mi talela swi andza, swi ta endla leswaku mi nga phyami kumbe ku pfumala mihandzu, kutani swi ta mi fikisa eku tiveni loku hetisekeke ka Hosi ya hina Yesu Kriste.  (2 Pet 1:5-8).

U hahlula mukhukhu lowa khale xiphemu hi xiphemu, kutani u aka tempele leyintswha ya switina hi xin’we xin’we, u ti nyika nkarhi. Vana ni mighingiriko, naswona u tshembeka. Handle ka leswo u ta lahlekeriwa hi ripfumelo ra wena kutani ntirho hinkwawo wu yima.

H. HUNDZUKA EMIEHLEKETWENI

 Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n’wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.  (Rho 12:2).

Hundzuka emiehleketweni, leswaku u va ni miehleketo leyi nga ni vukwembu nkarhi hinkwawo. Wolowo I ntlhontlho lowu kulu swinene hikuva miehleketo ya wena a yi nghenelela eku ehleketeni ka swa misava eku enteni ka xi hundla xa yona. Kambe u nga heli matimba, hikuva Xikwembu Xini matimba ya ku ku hundzulela miehleketo ya wena.

Ndzi ta mi nyika timbilu letintshwa, ndzi mi avela ni moya lowuntshwa; ndzi ta susa timbilu ta n’wina to nonon’hwa kukota maribye, ndzi mi nyika timbilu leto olova leti yingisaka. Ndzi ta mi nyika moya wa mina, kutani wu ta mi fambisa etindleleni ta mina, wu mi dyondzisa ku hlayisa milawu ya mina. (Ez 36:26, 27).

Haleluya; Xikwembu Xi swi tshembisile, kutani Xita swi endla!

I. LESWI KU KWETSIMISIWA KU FIKELELAKA SWONA

1 .Swi ku nyika ku navela ka mbilu ya wena, hikuva swi ku hundzula u va munhu loyi u tsakelaka ku va yena minkarhi hinkwayo kambe u nga swikoti hikwalaho ka ntumbunuku wa wena wa vudyoho.

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.  (2 Kor 5:17).

2. Ku dzunisa Xikwembu lexi endlaka ntirho lowu wo hlamarisa endzeni ka wena.

Ku vonakala ka n’wina a ku voningele vanhu hi mukhuva wolowo, leswaku va ta vona mintirho ya n’wina leyo saseka, va dzunisa Tata wa n’wina la nge matilweni.  (Mt 5:16).

 Tata wa mina ú dzunisiwa hi loko mi veka mihandzu leyo tala, ku kombisa leswaku mi vadyondzisiwa va mina va xiviri (Yoh 15:8).

3. Swikokela vanhu lava nga munyameni eka Xikwembu.

 Hambiswiritano, ntsengo wa vona a wu ya wu ri karhi wu engeteleka hi vavanuna ni vavasati lavo tala lava pfumeleke ka Hosi (Mint 5:14).

J. KUVA U HETISEKILE

Hosi Yesu u hi lerisa leswaku hiva lava hetisekeke.

Hikwalaho ke, na n’wina mi fanele ku hetiseka, hilaha Tata wa n’wina wa le tilweni na yena a hetisekeke (Mt 5:48).

Xana swi nga koteka leswi ke? Kufana ni Milawu liyi kulu ka hinkwayo, leyi lerisaka ku va hi rhandza ni muakelano, ha yi tsandza minkarhi hinkwayo, kambe loko hi veka miehleketo ya hina eka milawu leyi, hi nga tshunela ekusuhi na yona. Hi lexi xihundla xa kona:

Unga kambisisi vutomi bya wena endzhaku ka nkarhi wo leha eka siku, kambe hanya wara(hora) yin’wana ni yin’wana. Kombela Hosi leswi u faneleka ku swi endla eka wara(hora) leyi landzelaka, kutani swiendli hi mbilu ya wena hinkwayo. Loko u tsandzeka hi ndlela yihi kumbe yihi, tisoli hi nkarhi wolowo. Kutani yana emahlweni ni wara leyi landzelaka, ni leyin’wana leyi landzelaka ku fika loko uya eku etleleni eka siku rero.

Swi taku hlamarisa ngopfu hikuva u ta ti kuma uri ni ku rhula eka mfambo wa wena ni Xikwembu eka siku rero, hi mhaka ya kuva u endlile ntirho wena hi wara yin’wana ni yin’wana. I diyavulosi loyi a hi endlaka hi va ni ntshikelelo hi siku leri hundzeke, hikuva hiva hi ngari na xona lexi hinga xi kombaka xo hoxeka lexi hi xi endleke. Diyavulosi I muhembi, hikwalaho, tirha hi matimba hinkwawo leswaku u tshika ku sandza ripfumelo ra wena, kambe u ti seketela hi Xikwembu.

K. TSHEMBA XIKWEMBU HI KU KWETSIMISIWA KA WENA

Ku kwetsimisiwa I ntirho wa Xikwembu wa tintswalo, swi fana swinene ni ku endliwa loyi a lulameke – I kuva u tiseketala swinene hi Hosi Xikwembu. Hi fanele ku va hi dyondza ku va hi ti seketela hi Xikwembu swinene.

Ndzi tshama ndzi tsemakanya hile Parike ya Kruger hixi pandzamananga(movha) xa mina, hiku hatlisa, Nkambaku (ndlopfu) lo nkulu swinene, kutani a tshinela kusuhi swinene ni fasitele ra mina, lero andzi ta kota ku n’wi khoma hi voko ra mina. Xikongomelo xa yona a hi xi tivanga, kambe wansati loyi andziri na yena a khomiwa hi ku chava swinene laha a lava ni ku tlula ahuma eka xi pandzamananga a tsema ari vona (ku tsutsumela enhoveni) ni nhova. A a tava a file.

Minkarhi yin’wana diyavulosi wa hi dzukisela swinene, kambe, … tshama eka Kriste hi ripfumelo hikuva u tava u hlayisekile, laha ku nga riki na nchumu xo biha xi nga ku khomaka hi voko ra xona kumbe minwala ya xona.

L. KU KWETSIMISIWA NI VUDYELWANA NI XIKWEMBU.

Mutekiwa a nga tsakisi nuna wa yena hi ma swekelo ya yena ya swakudya, kambe u n’wi tsakisa hi rirhandzu leri a nga na rona eka yena. Mhaka leyi yina nkoka swinene, u nga pfumeri ku tsana ka wena ku ku sivela ku tiphina eHosini, hikuva Yona ya tiphina hi wena.

Tsakela HOSI Xikwembu, kutani xona xi ta ku nyika leswi mbilu ya wena yi swi navelaka. Andlala makungu ya wena emahlweni ka HOSI Xikwembu, xi tshembe, kutani xona xi ta tirha. (Ps 37:4,5).

Xikongomelo xa ku kwetsimisiwa a hi leswaku u va ni makwanga, kambe xikongomelo xa swona I kuva swi khulela ndlela ya kuva u va u ri ni vudyelwana bya le kusuhi swinene ni Xikwembu lexi Kwetsimaka.

M. MAVONELE LAMANTSWHA HI NAWU WA XIKWEMBU

Ku kwetsimisiwa ku fanele ku hi nyika mavonele lamantswha mayelano ni ku rhandza ka Xikwembu, hilaha ku hlamuseriweke hakona  hi vu talo eMatsalweni , eRitweni ra Xona, swivatano nile ka mavonelo ya hina, nile miehleketweni ya hina, hi endla tano lowu wu nge “endla”, hi nga endli lohu wu nge “u nga endli”.

Loyi a nga pfumeriki u vona Nawu wa Xikwembu tani hi muavanyisi  wa tihanyi swinene, loyi a  n’wi sivelaka hambi ku tiphinanyana,  loyi a  tiyimiseleke ku n’wi  khatisa  hi ndlela ya tihanyi  loko a tshuka a hambukile nyana. Loko munhu a tswariwa ra vumbiri, wa hundzuka , a va ni mavonele yo hambana, u sungula ku amukela leswaku Nawu wa Xikwembu wu lulamile, kambe  nkarhi wun’wana a wu twisiseki, naswona nkarhi wun’wana wu koxa swokarhi.

Kambe loko hi sungula ku famba kusuhi swinene na Yena, xana a hi nge fikeleli laha hi twisisaka leswaku ku rhandza ka Yena a hi joko leri a Hi  tlhandlekaka rona hi mhaka ya leswi Yena a nga Xikwembu,  o fanela ku endla ku rhandza ka Yena eka hina, kambe leswo hi swona, tani hi leswaku  “I xilo xa kahle ku va hi xi endla”, hikuva hambiloko wena wo teka ndzhawu ya Xona sweswi, xana na wena a u nga ta veka  yoleyi ke, xana a hi yona  leyi antswaka eka vutomi bya vanhu ke?

Loko hi ri ni mavonele lawa hi ku rhandza ka Yena, swi ta hi olovela ku va hi yi landza, hikuva hi ta tirhisana  na Yena.

//////////

Leave a Reply

Your email address will not be published. Required fields are marked *