Kuvitaniwa ka munhu

A. U VITANERIWE KU VA MUDYONDZISIWA WA XONA/ N’WANA/NTOMBHI

Swo tala swi vuriwile emhakeni leyi, hi ngo engetela ntsena leswaku loku I ku vitaniwa ka nkoka swinene loku munhu a bohekaka ku ku amukela.

 Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona. (Mt 6:33).

B. U VITANERIWE KU TA HLUVUKISA TIKO LERI

Ku vitaniwa ka munhu hi Xikwembu eku sunguleni kule rivaleni, ku dyondzeka hi ndlela leyi:

Hiloko Xikwembu xi tumbuluxa munhu hi xifaniso xa xona, xi n’wi tumbuluxa a fana na xona, xi tumbuluxa munhu wa xinuna ni munhu wa xisati.Kutani Xikwembu xi va katekisa, xi ku ka vona:“Tswalanani mi andza mi tata misava, mi yi fuma. Mi fuma tinhlampfi ni tinyanyana, ni swivumbiwa hinkwaswo leswi famba-fambaka emisaveni. (Gen 1:27, 28).

Xivumbiwa lexi xi herisiwile hi Xikwembu loko munhu a dyohile, naswona xi siviwile hi Xivumbiwa lexintswha, lexi veke ni ku lulama loku hetisekeke.

Enkarhini wa sweswi, xi tirha tani hi ndyangu laha vanhu va tswariwaka, leswaku va va ni nkateko wa ku va hundzuka va aka tiko eMfun’weni wa Xikwembu lowuntswha.

Sweswi ku tirha tani hi ndzhawu laha ku tswariwaka vanhu va Xikwembu lavantswha, va leteriwa leswaku va kuma hi ku hetiseka xiviri xa Kriste. Hinkwaswo swilaveko swa vona, swi hlawulekisi swa vona swa ximoya, swi kota ku humelela eku hanyeni ka vona ka siku ni siku lani hansi ka dyambu.

Hikokwalaho, misava leyi yi fanele ku pfuxetiwa yi va eka matshamelo lamanene, ni ku hluvukisiwa leswaku yi ta kota ku hlayisa ntshungu lowu kuleke swinene.

A yi fanelanga ku voniwa, hambi ku tirhisiwa kumbe ku tekiwa tani hi xilo le xi nga heriki.

Vanhu lava hinkwavo va fele eku pfumeleni, va nga kumanga leswi a va tshembisiwile swona, kambe va swi vonile ni ku swi tsakela hi le kule, va ri karhi va tivula valuveri ni vaendzi emisaveni ... (Hev 11:13).

… ni lava tirhisanaka ni swa misava leyi a va ve tanihi loko va nga tirhisani na swona; hikuva misava leyi ni swa yona hinkwaswo swa hundza.  (1 Kor 7:31).

 “Mi nga tihlengeleteli xuma emisaveni, laha tinsumba ni ku kurha swi dyaka kona, ni laha makhamba ma tshovaka kona, ma yiva. Kambe tihlengeleteleni xuma etilweni, laha tinsumba ni ku kurha swi nga dyiki kona, ni laha makhamba ma nga tshoviki kona ma yiva. Hikuva laha xuma xa wena xi nga kona, hi laha mbilu ya wena yi nga ta va kona na yona.   (Mt 6:19-21).

Vanhu va ni vutshila ni vuswikoti bya xiyimo xa le henhla swinene bya ku hluvukisa tiko leri, naswona va swi endla hi ku copeta ka tihlo, va chulula vutivi bya vona hi xi hatla swinene, ku fikelela hambi leswinga tivekiki. Rendzo roya eka tinyeleti tale kule manguva lawa se intlangu lowu tolovelekeke. Khombo ra kona, himhaka ya leswi munhu anga ni ntumbunuku lowu weke, munhu se u sungurile nakambe ku ti akela Xihondzo xa Babele.

C. U VITANERIWE KU ENDLA VA DYONDZISIWA VA TIKO LERINTSWHA

Loko munhu a tswariwa ra vumbirhi, u hundzuka mudyondzisiwa wa Kriste, na yena u vitaniwa ku ta nghenelela eka ntirho wa ku endla va dyondzisiwa va rixaka hinkwaro ra vanhu.

 Kutani Yesu a va tshinelela, a vulavula na vona, a ku: “Ndzi nyikiwile vuhosi hinkwabyo etilweni ni la misaveni; hikokwalaho, yanani eka vamatiko hinkwavo, mi va endla vadyondzisiwa va mina, mi va khuvula hi vito ra Tatana, ni ra N’wana, ni ra Moya lowo Kwetsima, mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n’wina masiku hinkwawo, ku ko ku hela misava.”. (Mt 28:18-20).

Ku famba u endla va dyondzisiwa va tinxaka hinkwato, swi lava timale, hakanyingi swi lava timale to tala swinene. Loko u titwa u nga vitaniwanga eka ntirho wa Xikwembu wa nkarhi hinkwawo, kambe u ri ni nyiko ya ku va u kota ku endla male hi tindlela to hambana-hambana, endla miliyoni hi nwheti, kutani u ti hlayisela ntsena R15000 , kumbe endla yo tala swinene hi laha yi lavekaka hakona eka vutomi bya namuntlha, kutani u nyikela leyi salaka hinkwayo eka ntirho kumbe mintirho ya Xikwembu hi ku hambana-hambana.

Hindlela yoleyo, u ta va u ri ku hluvukiseni ka ripfumelo ra wena, ri ya henhla siku ni siku, – endla leswaku vutomi bya wena byi va ni xipfuno eka Xikwembu. Yesu u hlamusele xifaniso xa vatirhi vanharhu, lava un’wana ni un’wana wa vona a nyikiweke talenta hi n’winyi wa yena a nga se na khoma riendzo ra le kule, ku ya hi matimba ya yena. Eku vuyeni ka yena, u tsakisiwile hi la vambirhi, la va a va kotile ku bindzurisa leswi a va nyikiwile swona.  Ku bindzula swilo hi xi talo, a hi xidyoho, kambe ku va ni gondolo, makwanga ni vu txiva i xidyoho.

//////////

Leave a Reply

Your email address will not be published. Required fields are marked *