Moxe na ma Eksoda Egipta xiyenge 2

Print Friendly, PDF & Email

2008-05-06.

1.

Wa amukeleka eka Tindyondzo ta hina ta Bibele leti vuriwaka Rivoningo ra Matilo. Leyi I dyondzo ya vu 15 I xiyenge ya vumbirhi eka vutomi bya Muxe ni ma Eksoda ku suka e Egipta.

2.

Eka tidyondzo leti hundzeke hi vula vurile hi ku velewika ka Muxe ni ku baleka ka yena e Egipta. Na swona hi byeriwile leswaku Xikwembu xi nwi rhume ndyani ku ya vula vula na Muxe leswaku a ya lamulela vanhu va xona. Faro a arile xi ko Xikwembu xi tisa makhombo yo vavisa ehenhla ka Tiko hinkwarho ku tshova ku ti arisa ka hosi.

3.

Hosi leyi a yi ri na matimba eku fumeni ka yona. Kambe Xikwembu a xi ni matimba lamakulu kutani xi ye emahlweni xi rhuma Muxe na Aroni eka Faro ni xikongomelo xo fana. Endzhaku ka tinsuna, Xikwembu xi rhumele Tinhongana leswaku ti karhata vanhu ni swifuwo. A ntungu lowu ni leyi landzeleke a yi welanga vanhu va Xikwembu, va Israel. Hi ndlela leyi Xikwembu a xi kombise erivaleni tiko hinkwaro ra Egipta leswaku ri tiva lesaku va Israele I vanhu va xona. Na swona va Israele ava fanele va swi vona na ku khorwiseka leswaku Xikwembu xa Abrahama I Xikwembu xa vona. Hi ndlela leyi Xikwembu a xi simeka tshembo eka vona leswaku va xi tshemba na ku xi landzela. Endzhaku ka Tinsuna Xikwembu xi rhumele khombo rinwana eka tihomu, tinyimpfu, tihantxi na timbongolo ta Egipta. Faro a rhumele malandza ya yena ku ya vona leswi nga humelela swifuwo swa Israele. Va yo vuya ni hlamulo ya leswaku na xin’we xi nga khumbiwa hi ntungu lowu. Kambe Faro a ya emahlweni a nonohisa mbilu ya yena. Leswi landzeleke Hosi Xikwembu xi byele Muxe leswaku a nusa nkuma exitikweni va wu haxa ehenhla. Loko endle leswo, swilondza leswo vava ngopfu swa matshumba swi humelerile swi tata miri wa va Egipta ni ka swi fuwo. Kutani Xikwembu xi rhumela khombo ra xihangu ri va hisa swinene.  Ri ve khombo ro vavisa ngopfu laha swiharhi ni vanhu lava a va nga biyeleriwanga va feke. Faro a pfumerile leswaku a dyohele Xikwembu, naswona a a languteka ongi a tiyimiserile ku tisola, kambe a nga zanga a endla. Kutani Xikwembu xirhumela papa ra tindjiya leti nga dya swilo hinkwaswo leswi poneke eka xihangu ku nga sali hambi byanyi. Vanhu va Faro va kombela eka yena, va ku va n’wi komba leswaku a tiko hinkwaro ra Egipta ti ta herisiwa. Kambe Faro a ye mahlweni hi ku nonohisa mbilu ya yena eka Xikwembu. Kutani Xikwembu xi rhumela xin’yami etikweni hinkwaro ra Egipta ntsena va Israele a va ri eku vonakaleni laha a va tshama kona. Hi mpfuka wa masiku manharhu na munyama u funengetile tiko hinkwaro. Va tshame kola munyameni ku fika loko kuvonakala ku tlhela ku va kona. Lero a kuri khombo ra tlhanu namune 9. Na kambe swi languteke onge Faro wa lava ku ntshunxa va Israel va famba kambe hi makumu a tlhela a ti arisa. Yena a a ehlekete leswaku Muxe na Aroni a va ta dlawa loko avanga tanga eka yena na kambe.

4.

Hambi leswi Xikwembu xi nga rhumela khombo ra vu 9 va Israel a va hari evukhumbini. Kutani Hosi Xikwembu xi ti yi misela ku tisa khombo ro chavisa ro vava ngopfu leri a ri ta herisa ku tiarisa ka yena. Ahi dyondzeni eka Eksoda 11: 1 – 8:

1.Kutani Hosi Xikwembu xi ku ka Muxe: “Ndza ha ta vangela Faro ni Vaegipta khombo rin’we ro hetelela; endzhaku ka swona, u ta mi tshika mi famba; ku mi tshika ka swona, u to mi hlongola kunene. 2.Sweswi, hlamuselaVaisraele, vavanuna ni vavasati, leswaku hinkwavo va kombela swo bomba ha swona swa silivhere ni nsuku eka vaakelani va vona.” 3. Kutani Hosi Xikwembu xi endlaleswaku Vaisraele va tsakeriwa hi Vaegipta. Naswona, etikweni ra Egipta, Muxe a a ri munhu wo chaviseka swinene emahlweni ka malandza ya Faro ni vaaki va tiko. 4.Kutani Muxe a ku ka Faro: “Hosi Xikwembu xi vurisa sweswo xi ri: ‘Exikarhi kavusiku, ndzi ta rhendzeleka na tiko ra Egipta. 5.Xin’wana ni xin’wana lexi nga xa mativula etikweni ra Egipta, xi ta fa, ku sukela eka mativula ya Faro loyi vuhosi a byi ta va bya yena, ku fika ni le ka mativula ya nandza wa xisati loyi a silaka mavele, swi ya katsa ni mativula hinkwawo ya swifuwo. 6.Hikokwalaho, ematlhelweni hinkwawo ya tiko, ku ta va ni xi rilo lexi kulu exikarhi ka Vaegipta; xi rilo lexo tano, a xi si tshama xi va kona, naswona a xi nga pfuki xi vile kona nakambe. 7.Kasi, exikarhi ka Vaisraele Hinkwavo, a ku nga vi na munhu kumbe xifuwo lexi nga ta vukuriwa hi mbyana.  Hi kona mi nga ta tiva leswaku mina Hosi Xikwembu ndzi hlawula Vaisraele eka Vaegipta.” 8. Muxe a engeta a ku: “Hikwalaho ka leswi, malandza ya wena hinkwawo, ma ta rhelela ma ta ka mina, ma ndzi nkhinsamela, ma ku:  “Suka u famba, wena ni vanhu hinkwavo lava u va rhangelaka emahlweni.’  Kutani hi kona ndzinga ta famba.”  Kwalaho Muxe a huma eka Faro a hlundzukile swinene.

Vanhu va nga tisa nhlomulo wukulu eka van’wana vanhu. Va vanuna niva vatswari lava nga rhandziki ni ku tirhela Xikwembu va endla swi boho swo homboloka. Leswo swi vangela va vasati va vona ni vana ku xaniseka loku kulu. Hi fanele ku tivonela eka munhu loyi hi tekanaka na yena. Hi ndlela leyi loyi ni tekaneke na yena a pfumelerisaka xiswoma, ni ku titekela swiboho kutani a endla, a swi endlo swa kona swa hi khumba ni ku fikela eka vana va hina. Hi nga pfumeleleni ku tekana ni munhu loyi anga tiveki ni ku tirhela Xikwembu, hambiloko ni murhandza ngopfu. Na swona hi fanele ku tivonela ngopfu ka ku hlawula munhu loyi a nga tiviki Xikwembu tani hi mufumi. Loko hi vota kumbe kukheta munhu wo karhi hi n’wi nyika matimba ehenhla ka hina ni ka vanhu va n’wana. Loko a nga tivi na ku tirhela Xikwembu, u ta tirhisa matimba ya yena ku hi hohlota. Na swona a nga tivi leswaku hi kwihi ku rhandza ka Xikwembu, u ta lwisa Xikwembu eku rhandzeni ka xona tani hi Faro leswi a endleke.

5.

A hi voneni leswi humeleleke va Israel ni va Egipta. Hi vona hi laha Xikwembu xi kalaka xi nga pfumelelanga ha kona vanhu va xona va khumbiwa hi makhombo lawaya ya 6 ya ku hetelela. A kunga laveki va enndla swo karhi ku ti vhikela kambe xi ma hundzisele kule na vona. Kambe eka khombo ro hetelela leri a ri le ku teni va boheke ku endla swo karhi. Swoswi ahi dyondzeni eka Eksoda 12: 1 – 13:

Hosi Xikwembu xi byela Muxe na Aroni etikweni ra Egipta, xiku: 2. “N’hweti leyi eka n’wina yi ta va yo sungula ya tin’hweti hinkwato, mi ta sungula lembe ha yona. 3. Vitanani Vaisraele hinkwavo, mi va byela leswaku, hi siku ra vukhume ra n’hweti leyi, va lavela mindyangu ya vona swinyimpfana kumbe swimbutana, xin’we hi ndyangu; 4. loko va ndyangu wun’we va vona leswaku va ta tsandzeka ku dya xifuwo va heta va ri voxe, va fanele ku tswanana ni vaakelani va vona, va lava xifuwo xin’we, va avelana xona hi ku landza nhlayo ya vona, ni leswi munhu un’wana ni unwana a nga ta dya swona. 5. Xifuwo xa kona xi fanele ku va xinyimpfana xa khuna kumbe ximbutana xa xiphongho, xa lembe rin’we, lexi nga solekiki, 6. xi hlayisiwa ku fikela siku ra vu 14 ra n’hweti leyi, kutani hi siku leri, Vaisraele hinkwavo va ta hlengeletana, vatlhava swifuwo swa vona hi nkarhi wa madyambu. 7. Kutani va fanele ku teka ngatinyana va xuva ha yona marimba ya timbanti ematlhelo ni le henhla, etindlwini leti va nga ta dyela eka tona nyama ya swifuwo.8. “Nyama leyi, yi fanele ku dyiwa vasiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka. 9. Nyama ya xifuwo yi nga tshuki yi dyiwa yi ri yimbisi, kumbe yi swekiwile hi mati hi mukhuva wihi na wihi; kambe a yi dyiwe yi oxiwile, ku oxiwa ni nhloko ya kona, ni manqina, ni swa le ndzeni. 10. Naswona, eka xona, ku nga tshuki ku va ni leswi nga ta salela mundzuku: loko ri xa ka ha sale swin’wana, swi hiseni. 11. Loko mi dya xifuwo lexi, mi fanele ku va mi ti khamile, mi ambarile tintanghu, mi khomile tinhonga emavokweni; naswona, mi dya hiku hatlisa.  Hi wona nkhuvo wa Paseka lowu endleriwaka mina Hosi. 12. Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa:   Himina Hosi. 13. Loko mi ri n’wina, swi ta tikomba hi ngati lomu mi nga ta va mi ri kona; loko ndzi vona ngati, ndzi ta hundza ntsena ndzi nga mi khumbi.  Khombo a ri nga mi weli ri mi herisa, loko ndzi ri karhin dzi lovisa tiko ra Egipta.

Swoswi hi dyondza eka Eksoda 12: 24-36:

Timhaka leti, mi fanele ku ti hlayisa; a tive xiboho, eka n’wina ni ka vatukulu va n’wina, hilaha ku nga heriki. 25.Loko mi fika etikweni leri Hosi Xikwembu xi tshembiseke kumi nyika rona, mi ta hlayisa maendlele lawa ya nkhuvo. 26. Kutani loko vana va n’winava mi vutisa va ku: ‘Xana mi endlela yini nkhuvo lowu xana?’ 27. mi ta va hlamula, mi ku: ‘Leri I gandzelo ra nkhuvo wa Paseka wo tlangela Hosi Xikwembu, hikuva xi hundzile ntsena xi nga khumbi tindlu ta Vaisraele le Egipta, loko xi ri karhi xi lovisa Vaegipta, kutani xi tsetselerile mindyangu ya hina.”  Kavaloko Vaisraele va nkhinsama hi matsolo, va khongela, 28. kutani va ya endla hilaha Hosi Xikwembu xi leriseke Muxe na Aroni ha kona. 29. Exojarjo la visoli, Hosi Xikwembu xi lovisa mativula hinkwawo etikweni ra Egipta, ku sukela eka mativula ya Faro loyi vuhosi a byi ta va bya yena, ku fika eka mativula ya lava khomiweke enyimpini va pfaleriwa, ni le ka mativula hinkwawoya swifuwo. 30. Vusiku byebyo, Faro ni malandza ya yena hinkwawo, ni vanhu hinkwavo va Egipta, va pfuka; etikweni hinkwaro ra Egipta, a ku ri ni nkosi lowukulu, hikuva a ku ri hava muti lowu a ku nga ri na rifu eka wona. 31. Kutani Faro a vitana Muxe na Aroni ka ha ri vusiku, a ku ka vona: “Hatlisani mi suka exikarhi ka vanhu va mina; tekani Vaisraele mi huma na vona etikweni, mi ya humesela Hosi Xikwembu emangandzelo, hilaha mikombeleke ha kona! 32. Tekani tinyimpfu ni timbuti ni tihomu ta n’wina, hi laha mi kombeleke ha kona, kutani mi huma etikweni. Na mina, mi ndzi kombelela minkateko!” 33. Vanhu va Egipta vahatlisisa Vaisraele, va va hlongola etikweni, hikuva a va ku:  “Hi ta fa hi hela hinkwerhu.” 34. Kutani Vaisraele va teka mapa yo pfuva xinkwa manga si cheriwa comela, va famba na wona, va phutsela swibya swo pfuvela eka swona himinceka ya vona, kutani va swi pakatsa emakatleni. 35. Vaisraele va endla ni leswi Muxe a a va lerisile swona:  Va kombela swo bomba ha swona swa silivhere ni nsuku eka Vaegipta, va kombela ni swo ambala. 36.Naswona, Hosi Xikwembu xi endla leswaku Vaisraele va tsakeriwa hi Vaegipta, va nyikiwa leswi va swi kombelaka.  Hi ndlela leyi, Vaisraele va tekela Vaegipta swilo swa vona.

A yi yihi hlamuselo yaku dlaya xinyimpfanani ku tota ngati emarimbeni ya swipfalo swa ti yindlo ta vona ke? Xikwembu xi va nyikile leswo tanihi xikombiso xa leswaku N’wanawa xona siku rin’wana u ta fela swidyoho swa vanhu. Xinyimpfana lexi va Israel a va fanele va xi dlaya a xi ri xinyimpfana lexi nga solekiki lexi nga ri ki na xivati xihanya kahle. Leswo a ku ri leswi Yesu a nga tava xi swona loko a fa exihambanwini. A ku ri munhu a ri yexe loyi a nga hanya handle ka xidyoho a  a nga na xidyoho ni xin’we. A ku ri xinyimpfana xa Xikwembu xo hetiseka lexi a xi ta xaniseka ni ku fela swidyoho swa misava. A ku na munhu na un’we loyi a nga felaka ni ku rwhala swidyoho swa munhu un’wana, hikuva hikwerhu hi vadyohi. Hi swinyimpfana leswi nga hetisekangiki, hinkwerhu hi lava Yesu, xinyimpfana xa Xikwembu lexi hetisekeke. Kambe ku ni leswo tala leswi eka ndimana leyi. Murhangeri un’wana na un’wana wa ndjangu a a fanele a nghenisa vandjangu va yena endlwini. Kutani a a fanele a tota ngati emarimbeni ya swipfalo swa yindlo ya yena. Loko Ntsumi ya rifu yi hundza laha tikweni hi vusiku byebyo kutani yi vona ngati a yi ta hundza eka muti wolowo, a yi nga ta nghena ku dlaya mativula ya ndjangu wolowo. Xana leswo swi vula yini eka hina: swi hi byela leswaku un’wana ni un’wana munhu a fanele ku ti tekela xiboho xa yena. A munhu a nge vuli ntsena ku: “Ina na pfumela eka Xikwembu leswaku xi nga ni dlayi.” Kumbe a ku: “I Xikwembu xa rirhandzu a xi nge ni dlayi.” “Kumbe u ku” ni hanyile vutomi lebyinene hikokwalaho Xikwembu a xi nge ndzi dlayi. E-e Ntsumi ya rifo yi hundzile ntsena eka mindjangu leyi a ku totiwile ngati, a swi nga ri na mhaka kumbe a wu ri ndyangu wa wa va Egipta kumbe va Israel. Xana wena u yingisile ku tota ka ngati ya Yesu embilwini ya wena ke? Xana u tshame u tivula leswaku wena u mudyohi la lahlekeke loyi a lavaka Ngati ya Yesu kuva yi funengeta swidyoho swa wena ke? Loko u nga se tshama u swi endla tiva ku u le nghozini yo fana ni leyi humeleleke va Egipta vusiku lebyi yani. Loko u fa u ri eka matshamelo walawo u ta va u fele makumu rifo leri nga heriki, leswi vulaka ku khatisiwa hi laha kunga heriki etiheleni . Na ku kombela ti tekele goza leri swoswi? Muisraele un’wana na un’wana a a fanele ku tota ngati ku nga se fika dina ra vusiku ku tlula kwalaho se a va ta va va hlwerile ngopfu. He rini ku nga tava dina ra vusiku eka wena? Kumbexana ku nga va ni vusiku u nga ti hlwerisi.

6.

A hi yeni emahlweni ni matimu. Vaisraele va hume Egipta ni hinkwaswo leswi a va ri na swona, vana va vona va xinuna ni va xisati ni swikoxa swa vona. Na swona va teke tinkavi ta vona ni ti homu ta vona tinyimpfu, timbongolo, tikamela ni hinkwaswo swilo swa vona. Na swona va teke madzana-dzana ya nsuku ni silveri na va swi kuma eka va Egipta. A hlayo le yikulu ya vanhu lava a va nga ri va Israele va vonile mahlori ya Xikwembu loko ma heleketa tiko ra xona. Hi ku kambisisa nhlayo ya kona a ku ri kolomu ka guidhi ra vanhu na va huma Egipta.

7.

Va fambe riendzo ro leha, kutani va ya gova eLwandle ro tshuka. Loko va huma etikweni ra Egipta a va fanele va khupukela eribuweni rin’wana, kambe a va ta endlisa kuyini? Na kambe endzhaku ka vona, a va vona ku bunya ka ritsuri ra makalitchi ra tihantchi ta Faro ti ri karhi ti va hlongorisa hi le ndzhaku. Ina, Faro a a cince miehleketo ya yena kutani a rhuma masochwa ya yena leswaku ma landza va Israel va va vuyisa e Egipta. Ku chava kuve lokukulu eka Vaisraele, kutani va nyika Muxe nandzu va ngurangureka vaku, “u hi humesela yini Egipta leswaku hi ta ta fela laha mananga”? Kambe Xikwembu xi nghenelela.  Xi xikela hansi hi papa xi va exikarhi ka va Israel ni va Egipta xi va sirhelela. A hi a hi dyondzeni eka Eksoda 14: 13 – 31:

Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi Hosi Xikwembu xi nga ta swi endla namuntlha ku mi ponisa.  Vaegipta lava mi va vonaka namuntlha, a mi nga ha va voni kambe ni siku ni rin’we. 14. Hosi Xikwembu, hi xona xi nga ta mi lwela, n’wina mo miyela mi ku whiii!” 15. Kutani Hosi Xikwembu xi ku ka Muxe: “Xana u huwelela u lava yini eka mina xana? Byela Vaisraele leswaku va famba va ya emahlweni. 16. Teka nhonga ya wena, u yi tlakusela ehenhla ka lwandle, u hambanisa mati hi le xikarhi, leswaku Vaisraele va ta pela laha ku omeke. 17. Mina ndzi ta nonon’hwisa timbilu ta Vaegipta leswaku va ta nghena elwandle va landza Vaisraele; kutani ndzi ta dzunisiwa swinene hi mhaka ya leswi swi nga ta humelela eka Faro, ni le ka mavuthu ni makalichi ya yena, ni le ka vagadi va tihanci ta yena. 18.Loko ndzi dzunisiwa hi mhaka ya Faro ni makalichi ya yena ni vagadi va tihanci ta yena, hi kona Vaegipta va nga ta swi tiva leswaku hi mina ndzi nga Hosi.” 19. Kutani ntsumi ya Xikwembu leyi a yi rhangela mintshungu ya Vaisraele, yi suka yi ya endzhaku ka vona.  Na rona papa leri a ri nembelela emahlweni ka vona ri suka ri ya yima hi le ndzhaku ka vona, 20. exikarhi ka mintshungu ya vona ni mavuthu ya Vaegipta.  Kutani papa ri vanga yinyami; vusiki byi hundza, Vaegipta va nga kotanga ku tshinelela Vaisraele. 21. Muxe a tlakusela voko ra yena ehenhla ka lwandle; kutani Hosi Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile, 22. kutani Vaisraele va nghena elwandle, va famba laha ku omeke; mati a ma endlile makhumbi hi tlhelo ra vona ra xinene ni lara ximatsi. 23. Kutani Vaegipta va hlongorisa Vaisraele va va landza hi le ndzhaku.  Va fika va nghena elwandle va ri ni tihanci ta Faro hinkwato, ni makalichi, ni vagadi va tihanci ta yena.

24. Loko ri ya eku xeni, Hosi Xikwembu xi languta mavuthu ya Vaegipta xi ri epapeni leri nembeleleke ni le ndzilweni, kutani xi va hlanganisa tinhloko: 25. Xi bodlhomerisa mavhilwa ya makalichi ya vona endzhopeni, leswaku ma famba hi ku nonaka; kutani Vaegipta va ku: “A hi tsutsumeni hi tshika Vaisraele, hikuva Hosi Xikwembu hi xona xi va lwelaka eka hina Vaegipta. 26. Kutani Hosi Xikwembu xi ku ka Muxe: “Tlakusela voko ra wena ehendla ka lwandle, leswaku mati ma tlhela ma vuya ma khubumeta Vaegipta ni makalichi ya vona ni tihanci ta vona.” 27. Hiloko Muxe a tlakusela voko ra yena ehenhla ka lwandle; kutani hi vurhonga mati ma tlhelela ematshan’wini ya wona.  Loko Vaegipta va tsutsuma, va hlangana na wona, kutani Hosi Xikwembu xi va tshika va dyiwa hi mati ya lwandle. 28.Kutani mati ma vuya, ma khubumeta makalichi, ni vagadi va tihanci, ni mavuthu ya Faro hinkwawo lawa a ma nghenile elwandle ma landza Vaisraele; a ku salanga munhu ni un’we. 29.  Kambe Vaisraele vona va pele lwandle va famba laha ku omeke, mati ma va endlele makhumbi exineneni ni le ximatsini. 30. Hi siku rero, Hosi Xikwembu xi ponisisa sweswo Vaisraele emavokweni ya Vaegipta, kutani Vaisraele va vona mintsumbu ya Vaegipta eribuweni ra lwandle.31. Vaesraele va vona leswi Hosi Xikwembu xi swi endleke loko xi lwa ni Vaegipta hi matimba ya xona lamakulu, va xi chava ngopfu, kutani va pfumela eka xona ni le ka nandza wa xona Muxe.

A na ha vileri ku vula nchumu hikuva Rito ra Xikwembu ri hetile ku vula hinkwaswo. Xikwembu xi tirhisile nandza wa xona Muxe tani hi leswi xi nga swi vula eka siku leri xinga nwi vitana. Xikwembu xi endle mahlori hi ku landzelelana ku fikela laha xi nga humesa vanhu va xona e Egipta tikweni ra vukhumbi. Kutani va le ndleleni yo kongoma Tikweni ra kanana leri Xikwembu xi nga tshembisa Abrahama madzana ya malembe endzhaku. Xikwembu xi tshembekile na swona xi ni matimba ku endla leswi xi swi lavaka.

//////////

TAP FOR COPY (DOWNLOAD) OF: Moxe na ma Eksoda Egipta xiyenge 2