Moxe na ma eksoda ku suka Egipta xiyenge xo 1

2008-04-17

1.

Wa amukeleka eka tidyondza ta Bibele ta Riviningo ra Matilo. Tidyondzo ta hina leti hundzeke a ti vula vula hi vutomi ra Yosefa. Leyi I dyondzo ya vu 14 eka xiyenge xo sungula eka vutomi bya moxe ni ma Eksoda kusaka Egipta.

2.

Eka dyondzo ya hina leyi hundzeke hi vule leswaku Xikwembu a xi lava ku tiakela Tiko ra Xoxe. Na swona a xi lava ku va nyika Tiko leri nga ta va ra vona ni ku va dyondzisa ndlela ya ku xi Tirhela. Hikokwalaho xi vitane wanuna la vuriwaka Abrahama xi nwi susa eka tiko ra yena xi nwi yisa e Tikweni ra Kanana. Abrahama a ve ni n’wana la vuriwaka Isaka, loyi na yena a nga va na n’wana la vuriwaka Jakobo, loyi na yena a nga va ni vana va l2. Un’we ka vana lava a a vuriwa Yosefa. A vamakwavo va Yosefa va ve ni rivengo na yena va ko va n’wi xavisa kutani a yisiwa a Egipta. Xikwembu xi rhandza Yosefa xi ko xi endla leswaku a hosi ya Egipta yi n’wi veka ku va hosi nandza.  Dyondza leri kulu riva kona e tikweni kutani Yosefa a tisa va Ndyangu wa yena hinkwavo a Egipto na va suka Kanana.

3.

Hi mpfhuka wa 400 wa malembe Xikwembu xi va katekisa va andza va va madzana dzana 1000 ya vanhu. Ri va Tiko leri tivekaka ra Israel. Hosi ya Egipta yi va ni mavondzo na vona, hi hlaya eka Eksoda 1: 8-12:

“Loko ku hundzile nkarhi, ku vekiwa hosi leyintshwa etikweni ra Egipta; hosi leyi a yi tivanga nchumu hi Yosefa, 9.kutani yi ku ka vanhu va yona:  “Ma swi vona leswaku Vaisraele va sungula ku hi tlula hi ku tala ka vona ni matimba ya vona!  10.A hi va endleni hi mano leswaku va nga andzi ngopfu, hikuva loko va tala kutani nyimpi yi tshuka yi humelela, va ta yima ni valala va hina, va lwa na hina, kutani va ta suka etikweni va hi balekela.”  11.Hiloko va Egipta va veka valanguteri, leswaku va xanisa Vaisraele hi ku va rhwexa mintirho yo tika.  Kutani Vaisraele va akela Faro miti ya Pitomu na Ramase yo hlayisela tinhundzu ta yena eka yona.  12.Kambe, hambi leswi a va xaniseka, Vaisraele va ya va andza, va tata tiko, kutani Vaegipta va sungula ku va chava.”

4.

Kutani Hosi ya Egipta xi lerisa leswaku hinkwavo vana vava fana la va velekiwaka va fanele ku ndlawa va manana va va Israel va ringetile ku fihla vana va vona eka va lunguteri va va Egipta kambe a swi karhata ngopfu. Masungukati man’wana Amirama na Yoxebete va fihle vana va vona vo saseka swinene xipimo xa tinweti tinharhu. Kutani manana loyi a endla makungu ya ku ponisa vutomi bya xihlangi. A endle xibokisana xa tinhlanga a xi tota ntita ni hlakala leswaku xinga ngheni mati kutani axi nyika n’wana wa yena Miriamo. Kutani Miriamo a teka xihlangi a ya na xona e nambyeni axi nghenisa exikarhi ka hlanga eribuweni ra nambu. Kutani loko n’wana wa hosi wa xisati a ya kuhlambeni hiloko a tsumbula xihlangi lexo saseka. Mbilu ya n’wana hosi yi xi twela vusiwana na swona a xi navelela ku va xi va n’wana wa yena. Miriamo hi ku nyanimela a ya eka yena a ku ka yena; xana ni nga ku lavela un’wana wa va Israel leswaku a ta ku an’wisela xana? N’wana Faro a vona leswaku I mapimu ya kahle kutani Miriamo a ya vitana mamani wa xihlangi leswaku a ta xi teka. Loko nwana se a kurile van n’wi tlherisela eka hosi ya xisati. Hosi leyi yi nwi tyha vito ra Muxe leswi hlamuselaka ku: “La tsavuriweke ematini.” Muxe a tshame evuhosi bya hosi Faro.

5.

Hikokwalaho a tive leswaku yena a hi mu Egipta mbilu ya yena yiri eka ma Israele tiko ra yena. Siku rin’wana loko a ri karhi a famba-fama a vona mu Egipta a lwisa mu Israel a nwi dlaxa yena a khunguvanyeka ngopfu, kutani a dlaya mu Egipta loyi a n’wi lahla emisaveni. A a ehleketa leswaku a nga voniwanga kambe un’wana un’wi vonile kutani a ya byela Hosi. Muxe u tivile leswaku se swa tivekana a suka a baleka Egipta. A balekela e tikweni ra va Mediyani laha a nga tshama na muprista Yetro. Kutani Yetro a nyikela n’wana wa yena wa xisati eka Muxe leswaku a va sati wa yena kutani va veleka n’wana wa mufana. Muxe a ve murisi wa tinyimpfu ta mukon’wana wa yena na swona a a tsakile eka ndjangu wa yena.

6.

Kambe loko Muxe a va ni ku rhula a Midiyani, vaka vona a va xaniseka ngopfu le Egipta. Va khongele Xikwembu kutani xi twa ku rila ka vona xi vona leswaku nkarhi wu fikile wa kuva ponisa. Xikwembu a xi ngo lava ku va wisisa eka maxangu ya vona ntsena, kambe a xi lava kuva humesa etikweni ra Egipta. Xilave kuva teka xiva yise eKanana laha xitshembiseke va tatana wa vona Abrahama. Xikwembu xi ti hlawulele ku tirhisa Muxe eka xikongomelo xa xona. Ahi hlayeni eritweni ra Xikwembu eka Eksoda 3: 1 – 10:

1.“Muxe a a risa swifuwo swa mukon’wana wa yena Yetro, muprista wa Midiyani.  Siku rin’wana, a tsemakanya mangnga ni ntlhambi wa yena, a ya fika eHorebe, entshaveni ya Xikwembu.  2.Kutani ntsumi ya Hosi Xikwembu yi tikomba eka yena yi ri exihlahleni, yi fana ni langavi ra ndzilo.  Loko Muxe a xiyisisa, a vona leswaku xihlahla xa vuvumela, kambe a xi tshwi.  3.Embilwini a ku: “Ndzi nga ha hambuka, ndzi ya hlalela mahlori lamakulu lawa; hikwalaho ka yini xihlahla xi vuvumela, kambe xi nga tshwi xi hela ke?”  4.Loko Hosi Xikwembu xi vona leswaku Muxe u hambukile ku ya xiyisisa, xi n’wi vitana xi ri exihlahleni, xi ku: “Muxe! Muxe!”  Yena a ku: “Hi mina loyi!”  5.Xikwembu xi ku: “U nga tshuki u tshinela haleno.  Hlavula tintangu, hikuva laha u yimaka kona I misava leyi hlawuleke.”  6.Xi engeta xi ku” Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.”  Kavaloko Muxe tisiva mombo, hikuva a a chava ku languta Xikwembu.  7.Kutani Hosi yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga ka kona.  8.Hikokwalaho, ndzi rhelerile ku ta va lamulela emavokweni ya Vaegipta, ndzi va humesa etikweni leriya, ndzi va yisa etikweni lero nona, leri anameke, tiko leri khulukaka ntswamba ni vulombe, ku nga laha ku akeke Vakanana, ni Vahiti, ni Vaamori, ni Vaperesi, ni Vahivhi, ni Vayebusi.  9.Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona, 10.tana ndzi ta ku rhuma eka Faro, leswaku u ya humesa vanhu va mina va Israele etikweni ra Egipta:”

Vesi 11 kambe Muxe a ku: “ndzo va mani mina ndzi nga ta ya eka Faro ndzi ya humesa vanhu va Israel etikweni ra Egipta xana”?

Unga vona hi laha Muxe a nga va n chavo ha kona, loko Xikwembu xi n’wi vitanile ku ya humesa vanhu va Xikwembu Egipta.? Muxe a ova un’we ntsena, a a boheke ku baleka a Egipta leswaku a ponisa vutomi bya yena, xana a a ta swi kotisa ku yini ku tlhelela xana? Naswona a a ta ya endlisa ku yini leswaku a vonana ni hosi leswaku yi ta ntsunxa vana va Israele va famba? A ti vhikelele swinene eka Xikwembu a ku a nga swi koti ku vula vula ni swo tala, kambe Xikwembu a xiswi yingisanga. Muxe a ari yena la fanelaka ku tinyekela ku endla kurhandza ka Xikwembu. Ave a vula vula ni  mukon’wana wa yena kutani a teka nsati ni n’wana wa yena va famba. Loko hi nyikela vutomi bya hina eka Xikwembu,  xona xi hundzuka Hosi ya hina, kutani  hi fanele ku endla leswi xi hi lerisaka swona. A a hi nyikiwi swilo swikulu swa ku swi endla ku fana na Muxe, kambe hi nyikiwa leswi hi nga swi kotaka ku swi endla. A Hosi yi nga vula-vula etimbilwini ta hina ku ya byela munhu wo karhi loyi a hanyaka swidyowheni. Minkarhi yo tala ha chava, hi ku tiva leswaku munhu wa kona a nga ta khunguvanyeka a hi endla swo biha. Kambe a hi nge vuli ku e-e eka Xikwembu,  hikuva xona i Xikwembu, ku lerisa ka xona I ka makumu. Xikwembu xi ta hi hlayisa na swona xi hi nyika marito ya kahle yaku vula vula.

7.

Loko Muxe a ri endleleni yo ya Egipta, Xikwembu na swona xi vula vule ni makwavo wa yena Aroni loyi a a ri Egipta. Aroni a ya hlanganisa Muxe an’wi byela hinkwaswo leswi Xikwembu xi n’wi leriseke swona. A hi hlayeni eka Eksoda 4: 29-31:

“Kavaloko Muxe na Aroni va ya va ya hlengeleta vakulukumba va Israele hinkwavo.  30. Kutani Aroni a tivisa vanhu hinkwaswo leswi Hosi Xikwembu xi leriseke Muxe swona, endla ni swikombiso emahlweni ka vona. 31. Kavaloko Vaisraele va kholwa:  Loko va twisisile leswaku Hosi Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.”

8.

Leswi landzeleke eka Muxe na Aroni akuri ku va ya eka Faro. Hi dyondza eka capitulo 5: 1-4:

“Endzhaku ka swona, Muxe na Aroni va ya eka Faro, va fika va ku: “Hosi Xikwembu, xo nga Xikwembu xa Israele, xi vurisa sweswo xi ri: “Tshika vanhu va  mina va famba, va ya endla nkhuvo emananga va ndzi tlangela.’ 2.“Kutani Faro a ku: “Hosi Xikwembu I mani xana?  Hikwalaho ka yini ndzi fanele ku n’wi yingisa. Ndzi tshika Vaisraele va famba xana?  Hosi Xikwembu, a ndzi n’wi tivi, naswona ndzi nga ka ndzi nga tshiki Vaisraele va famba.”  3. Kutani Muxe na Aroni va ku:  “Xikwembu xa Vaheveru xi tikombile eka hina, kutani hi kombela ku teka riendzo ra masiku manharhu, hi ya emananga ku ya humesela Hosi Xikwembu xa hina emagandzelo; loko swi nga ri tano, xi ta hi ba hi mintungu kumbe hi matlhari.”  4.Kambe hosi ya Egipta yi ku: “Wena Muxe, na wena Aroni, hikwalaho ka yini mi tshikisa vanhu mintirho ya vona?  Tlhelelani emintirhweni ya n’wina!”

9.

Hosi ya yona yi khatisa vanhu yi va khinyaveza hi kuva tirhisa mintirho ya xibalo “yo tika”. Swoswi va xaniseka ngopfu kutlula se vanhu va nyika nandzu Muxe na Aroni likola ka maxangu ya vona. Muxe aku ngari na lexi a a ta xi endla loko kungari ku khongela Xikwembu a xi byela hi mhaka leyi.  Leswo akuri Xikwembu a xi nwi rhumile. Leswi hi yona ndlela leyi Xikwembu xingava hlamula ha yona. Hi dyondza eka Eksoda 5:22,23; 6:1:

Kutani Muxe a tlhelela eka Hosi Xikwembu, a ku: “We Hosi, hikwalaho ka yini u komba vanhu lava emaxangu xana?  Hikwalaho ka yini u ndzi rhumile xana? 23.  Ku sukela loko ndzi yile ndzi ya vula leswi u ndzi leriseke swona eka Faro, yana u komba vanhu lava emaxangu, kambe wena, a wu endlanga nchumu ku va ponisa.

6:1 Kutani Hosi Xikwembu xi ku ka Muxe: “Sweswi u ta vona leswi ndzi nga ta swi endla eka Faro:  Ndzi ta tirhisa matimba ya mina leswaku Faro a tshika vanhu va Israele va famba.  Ina, hi ku sindzisiwa hi mina, u ta va hlongola kunene, va huma etikweni ra yena.”

10.

Xikwembu na swon xi vula vula na Muxe hi leswi landzelaka: hi dyondza eka Eksoda 7:1-13:

Kutani Hosi Xikwembu xi ku ka Muxe: “Langata, ndzi ta endla leswaku Faro a ku teka onge u Xikwembu, kutani makwenu Aroni u ta va nomo wa wena. 2. Wena u ta vula hinkwaswo leswi ndzi nga ta ku lerisa swona, kutani makwenu Aroni yena u ta byela Faro leswaku a tshika Vaisraele va huma etikweni ra yena. 3. Kambe mina ndizi ta nonon’hwisa mbilu ya Faro, lero hambiloko ndzi andzisa swikombiso ni swihlamariso etikweni ra Egipta, 4. Faro a nga ka a nga mi yingisi; kwalaho ndzi ta tirhisa matimba ya mina ehenhla ka tiko ra Egipta, ndzi humesa mintshungu ya mina, va nga vanhu va mina va Israele, etikweni ra Egipta, hi ku avanyisa loku hlamarisaka. 5. Loko ndzi tirhisile matmba ya mina ehenhla ka tiko ra Egipta ku humesa vanhu va mina exikarhi ka rona, hi kona Vaegipta va nga ta tiva leswaku hi mina Hosi Xikwembu.” 6. Kutani Muxe na Aroni va endla hilaha Hosi Xikwembu xi va leriseke hakona. 7. Enkarhini lowu va nga ya vulavula na Faro, Muxe a a ri ni malembe ya 80, Aroni yena a a ri ni malembe ya 83. 8. Kutani Hosi Xikwembu xi ku ka Muxe na Aroni: 9.“Loko Faro a mi byela leswaku mi tikombisa hi ku endla swihlamariso, wena Muxe u ta lerisa Aroni leswaku a tema nhonga ya yena a yi hoxa hansi emahlweni ka Faro, kutani yi ta hundzuka nyoka.” 10. Kutani Muxe na Aroni va ya eka Faro, va endla hilaha Hosi Xikwembu xi va leriseke hakona: Aroni a hoxa nhonga ya yena emahlweni ka Faro ni malandza ya yena, kutani nhonga yi hundzuka nyoka. 11. Kwalaho Faro a vitana tintlhari ni vangoma va tiko, kutani yaendli lava va mahlori va tiko ra Egipta na vona va endla swo fana ni swa Aroni, hi migilo-gilo ya vona. 12. Un’wa ni un’wana wa vona a hoxa nhonga ya yena ehansi, kutani yi hundzuka nyoka, kambe nhonga ya Aroni yi mitetela te vona. 13. Hambiswiritano, Faro a tinon’hwisa, a nga yingisi Muxe na Aroni, hilaha Hosi Xikwembu a xi vurile hakona.

11.

Faro a kuri hosi leyi kulu hi xiyimo leyo mfumu wa yena a wu ri wu kulu ku tlula mufumu hinkwayo emisaveni yena a anga ta yingisa va Israel vanhu lava vanga riki na matlhari. I mani langa ta humelela:  hosi ya Egipto kumbe Hosi ya Tilo na misava, ni mutumbuluxi wa swilo hinkwaswo? Hosi Faro anga nwi alelanga muxe eka leswi a rhumiweke hi Xikwembu.  Muxe a ku ri N’wamahungu.

12.

Xikwembu xi tlhela xi rumela Muxe na Aroni eka Faro na kambe. Hi dyondza ku suka ka vesi 14 – 25:

Hiloko Hosi Xikwembu xi ku ka Muxe:  Faro wa tinon’hwisa, u ala ku tshika vanhu va famba. 15. Kutani yana eka Faro nimpundzu, nkarhi lowu a humaka a ya enambeni, u famba u khomile nhonga leyi a yi hundzukile nyoka, u fika u n’wi yimela eribuweni ra nambu. 16. U ta ku ka yena: “Hosi Xikwembu, xi nga Xikwembu xa Vaheveru, xi ndzi rhumile eka wena leswaku u tshika vanhu van xona va ya xi gandzela emananga, kambe wena ku fika ni sweswi a wu si yingisa. 17. Hikokwalaho Hosi Xikwembu xi vurisa sweswo xi ri, hi xona xi na Hosi!  U ta swi tiva hi mukhuva lowu: Mina Muxe ndzi ta ba mati ya nambu hi nhonga leyi ndzi nga yi khoma, kutani ma ta hundzuka ngati. 18. Tinhlampfi ti ta fa enambyeni; nambu wa kona wu ta nun’hwa, kutani vanhu va Egipta va ta tsandzeka ku nwa mati ya wona.’” 19.Kutani Hosi Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka mati hinkwawo ya le Egipta, emilambyeni, ni le tindleleni ta mati, ni le maqhivini, ni le mativeni hinkwawo, kutani mati ya kona ma ta hundzuka ngati.  Tiko hinkwaro ra Egipta ri ta tala hi ngati, yi ta va kona ni le swibyeni swo vatliwa ni le makhuwaneni.” 20. Kutani Muxe na Aroni va endla hilaha Hosi Xikwembu xi leriseke hakona:  Aroni a tlakusa nhonga emahlweni ka Faro ni malandza ya yena, a ba mati ya nambu, kutani hinkwawo ma hundzuka ngati. 21. Tinhlampfi ta nambu ti fa, nambu wu sungula ku nun’hwa, kutani vanhu va Egipta va tsandeka ku nwa mati ya kona; tiko ra Egipta hinkwaro ri tala hi ngati. 22. Kambe vangoma va tiko ra Egipta na vona va endlisa sweswo hi migilo-gilo ya vona; hikokwalaho Faro a ya emahlweni a tinonon’hwisa, a nga yingisi Muxe na Aroni, tani hilaha Hosi Xikwembu a xi vurile hakona. 23. Kutani Faro a tlhelela entsindza; leswi humeleleke a swi nga n’wi khumbanga nikutsongo. 24. Vanhu hinkwavo va tiko ra Egipta va famba va cela swihlovo eribuweni ra nambu, va lava mati yo nwa, hikuyva a va nga ha koti ku nwa lawa yo huma enambyeni wa Nilo. 25. Swi tekile masiku ya 7, ku sukela loko Hosi Xikwembu xi bile mati ya nambu.

13.

Xana u vona yini eka matsalwa lawa? Xo sungula lexi hi xi vonaka Xikwembu a xi pfumeleli leswaku munhu axi alela. Yena u ni tinpswalo ni Xikwembu xo rhandzeka yena xo sungula avula vula ni munhu. Xinwi lerisa ku endla leswi kumbe leswi yana kambe loko munhu a ala ku yingisa ku lerisa ka xona.  Xikwembu xona xi sungula ku tirha. Eka mhaka leyi, Xikwembu xi hundzula mati hinkwavo ya Egipto mava ngati. Xana ma vona ku a swi vava ku fika njani anga kona munhu wa miehleketo ya kahle la nga ehleketaka hi kunwa ngati. Eka 7 wa masiku lama hundzeke.  Ntsena ehleketa leswaku vanhu na swiharhi a vari na torha njani. E masikwini walawo akungari na radio hambi kuri TV. Hiku laho vanhu van yingi ava swi tivanga leswi humeleleke. Kambe mahungu a mativisiwa hi vanhu lava enzaka hi kola Tikweni. Vanhu lavo tala aVata tsumbula ku loku I ku endla ka Xikwembu, kambe Faro anga swi tivanga. Mhaka ya vumbirhi leyi hi yi vonaka I matimba ya sathana. Vabyumbi a va xi tivanga Xikwembu xa ntiyiso kambe va tirhisiwe hi matimba ya lowo biha. Na vona avari na matimba ya ku hundzula mati mava ngati. Kambe nyimpi a yiri xyikulu kungari eka Muxe na Faro kambe exikari ka sathana na Xikwembu. I mani loyi nga ni matimba langata hlula?

Vanhu lavo tala namutlha vahari ku endleni ka swilo leswi nga riri na hlamuselo hi kolaho ka matimba ya sathana. Vatirhisa swiendlo leswo ku hambukisa vanhu ni ku va susa endleleni ya Xikwembu. Kambe Xikwembu minkarhi hinkwayo xa kombisa leswaku hi xona xa matimba hinkwawo.

14.

Xikwembu xi endle masingita layo tala. Xi lerisile Aroni a ba mati hi nhonga matlambya leyo tala yi humelela yi ta ta hinkwawo. Yi nghena etindlwini ni le vuhosini eka Faro. Yi khandziwa emibedwini loko va ringeta ku etlela ni le ka maprato yi nghena loko a phamela swa kudya. Unga ehleketa leswaku wena unga ti twela njari loko mirhi wa wena hinkwawo wu tale hi mintlambya? Kumbe loko u yo tshama u lava kudya swakudya ukuma leswaku mintlambya se yi tlulile yi nghena eka parati la wena la mutxovelo kumbe la wuswa? Leswi Hlamarisaka hi leswaku vabyumbi va Egipta va kota ku endla mahlori yo fanana. Hi ku phinda Faro a nonohisa mbilu ya yena a alela vanhu va Xikwembu ku va famba.

15.

Leswi landzelaku Xikwembu xi tisa mabawa “Tinsuna”.  Matata tiko hinkwarho malumetela vanhu ni swifuwo. Tintlhari vabyumbi va Egipta na vona va ringete ku endla swo fana. Ahi dyondzeni eka Eksoda 8: 18-19:

Jwakagi vangoma va ringeta ku vanga tinhwala hi migilo-gilo ya vona, kambe va tsandzeka.  Inhwala a ti tele ehenhla ka vanhu ni swifuwo. 19. Kutani vangoma va ku ka Faro: “Lowu I ntirho wa Xikwembu!” Kambe Faro a tinonon’hwisa, a nga yingisi Muxe na Aroni, hilaha Hosi Xikwembu a xi vurile hakona.

Xikwembu a xi ta swi kota ku herisa Faro ni vanhu hinkwavo hi ku tyopeta ka Tihlo kambe a xi swi endlanga. Kambe a xi nwi nyika nkarhi ndzhaku ka nkarhi leswaku a hundzuka. Vonani vuphuku-phuku bya munhu wa ngati na nyama a alela Xikwembu xa matimba hinkwawo.

//////////