Moya Kwetsima; ku wu khunguvanyisa, ku wu tima

A. KU KHUNGUVANYISA MOYA LOWO KWETSIMA

 Mi nga khomisi Moya lowo Kwetsima wa Xikwembu tingana, hikuva I mfungho wa Xikwembu wo komba leswaku mi vanhu va Xona, ni leswaku siku ra ta, le ri Xi nga ta mi kutsula ha rona. (Ef 4:30).

Moya lowo Kwetsima ú ta, ú xika hi le ka Hosi Yesu, kambe kungari tani hi ghama leri nga ni nomo ni minwala leri herisaka, kambe tani hi tuva. (Mt 3:16). Ú ni mbilu yo olova, Ú kota ku khunguvanyeka hi ku olova hi marito ya hina ya tihanyi, ni kuva hi n’wi bakanyela kule loko a rhandza ku hi pfuna ku yisa emahlweni endleleni ya hina ya ku tibasisa.    

B. KU TIMA MOYA LOWO KWETSIMA

 Mi nga timi Moya.(1Tes 5:19).

 Moya lowo Kwetsima wu fana ni rivoningo endzeni ka moya wa hina. Khandlele ri nga timiwa hi ku ri pfurheta kumbe hi ku ri tswanya hi ti tintiho ta hina  timbirhi. Hambi leswi Moya lowo Kwetsima a nga Mutumbuluxi wa tilo ni misava wa matimba, A nga swikoti ku hi sindzisa, kambe Ú kota ku hi endlela ntsena leswi hina hi n’wi pfumelelaka ku swi endla. Yena i nghamula (gentleman).

Hikowalaho, loko muKriste loyi a tswariweke ra vumbirhi a phikelela ku N’wi alela, Yena o khunguvanyeka, kutani hlehlela  endzhaku hi kutsongo – tsongo, ku ya fika a mananga ya le kule ya timbilu ta hina. Rivoningo ra Yena ri sungula ku tsana, ku fikela laha hi faka mapfalo, hi endla xin’wana ni xin’wana hi nga rhangi hi ku ehleketa. Mapfalo ya hina masungula ku bvinyeka ni kufa, leswaku mintirho yo hlamarisa leyi Yesu a nga yi endla endzeni ka hina yi hundzuka swahava ni xihlambanyiso xa swahava, swi va swi nga ha ri na risima eka hina.

Kusukela kolaho, ku va ku ri ku teka goza ra ku TI TWELA ku n’wi landzula, ni ku n’wi fularhela. Leswi swi nga humelela hikuva hi endla swidyoho swokarhi, hi xikongomelo xo karhi xa ku va hi n’wi khomisa tingana. Leswi hi nga swi endla nakambe hikuva hi landzula hi timbilu ta hina hinkwato, hi nga randzi ku pfumela eka Yesu tani hi N’wana wa Xikwembu, loyi a feke a tlhela a pfuka hikwalaho ka swidyoho swa hina. 

Hikokwalaho, ku lahlekeriwa ka kuponisiwa ka hina a hi mihandzu ya ku phikelela dyoha, kufana ni vudakwa ni vungwavava, hi ndlela Xikwembu Xi fikaka laha Xi hi helelaka mbilu kutani Xi hi cukumeta, a hi swona. Rito ra khiya hi leri “KU ENDLA HA VOMU” (xiboho) u landzula Kriste, kufana ni leswi hi ti tweleke ku N’wi amukela hi mbilu hinkwayo loko hi ponisiwile.

Xidyoho xi endla leswi, xi khulela ndlela kufikela laha kuponisiwa ka hina ku hundzukaka swa hava eka hina, kutani hi xi pfumelela, kufana na Esawu loyi a nga xavisa vudyandzhaka bya yena hi mpandzwa wa xixevo.(Gen 25:29-34). Vona kuri I miehleketo ya nghozi njhani! Langutisa ndzimana leyi landzelaka:

Hev 10:26 – 29 Loko hi dyoha ha vomu endzhaku ka loko hi nyikiwile ku tiva ntiyiso, a ka ha ri na mhamba yi n’wana yo susa swidyoho, kambe ku lo sala ntsena ku langutela lo ku chavisaka ka ku avanyisiwa, ni vukarhi lebyi pfurhaka lebyi nga ta herisa valala va Xikwembu. Munhu loyi a tlulaka Nawu wa Muxe u dlawa a nga tsetseleriwanga, loko vumbhoni bya vanhu va mbirhi kumbe va nharhu byi humesiwile. Kutani, xana miehleketa yini hi munhu loyi a soleke N’wana wa Xikwembu, a nga vuli nchumu hi Ngati ya ntwanano leyi a nga hlawulekisiwa há yona, a tlhela a rhuketela Moya wa tintswalo xana? Xana u ta biwa hi nkhavi lowo vavisa kuyini?

Kutshoveka ka ntwanano wa hina ni Xikwembu swi endliwa hi hina, a swi endliwi hi Xona, munhu yoloye a lahlekeriwaka hi ripfumelo a swi nge he koteki ku va a tlhela a ponisiwa nakambe – lexi saleke eka yena I ku va a ya khatisiwa hi laha ku nga heriki e tiheleni.

C. KU KHUVURIWA HI MOYA LWO KWETSIMA ni swin’wana mayelano ni ntirho wa Moya lowo Kwetsima swi ta dyondzisiwa ehansi ka nhloko-mhaka ya MUNHU.

//////////

Leave a Reply

Your email address will not be published. Required fields are marked *