Moya Kwetsima; munhu, xiyimo, mavito

A. YENA I XIKWEMBU

Tani hileswi van’wana va landzulaka VuKwembu bya Yena, kambe va vula leswaku Yena ova ntsena hlonhlotelo lowu humaka eka Tatana ni le ka N’wana, hi boheka ku langutisa eBibeleni, leswaku hi ntiyiso Yena I Munhu wa vunharhu eka vun’we bya Xikwembu, naswona, hi ku va ringanisa a hi ntsongo eka Tatana ni le ka N’wana – Yena I Xikwembu Moya Lowo Kwetsima.

• Ku ni tinyiko ta tinxa-xaka ta Moya, kambe Moya wa kona I wun’we; Ku ni tindlela ta tinxaka-xaka to tirhela vanhu, kambe Hosi ya kona I yin’we; Matimba ya Xikwembu matirha hi ti ndlela ta tinxaka-xaka, kambe I Xikwembu xin’we lexi Xi tirhaka hinkwaswo eka vanhu hinkwavo. (1Kor 12:4 – 6).  

• Hikokwalaho, yanani eka vamatiko hinkwavo, miva endla va dyondzisiwa va mina, mi va khuvula hi Vito ra Tatana, ni ra N’wana, ni ra Moya lowo Kwetsima. (Mt 28:19).  

Munhu loyi a ha ku ponisiwaka, u fanele ku a khuvuriwa hi Vito ra Xikwembu lexi a xi amukeleke tani hi Hosi ni N’winyi wa yena, naswona,  tani hileswi a nga khuvuriwangiki hi Vito ra Tatana ni ra N’wana ntsena, kambe a khuvuriweke na hi Vito ra Moya lowo Kwetsima, swi vula leswaku Moya lowo Kwetsima na wona I Xikwembu kufana na Tatana ni N’wana.

• Tinswalo ta Hosi Yesu Kriste, ni rirhandzu ra Xikwembu, ni ku hlangana kun’we ni Moya lowo Kwetsima, a swive na n’wina hinkwenu, Amen. (2Kor 13:14) 

Nakambe, Vito ra Moya lowo Kwetsima ri bohiwile swin’we ni ra Tatana ni ra N’wana hi mukhuva lowu kombisaka kuva wu ringana ni kuva Xikwembu.

• Hiloko Petro a ku ka yena, Ananiya, hikwalaho ka yini u pfumelela sathana a ku tata mbilu ya wena, leswaku u hembela Moya lowo Kwetsima, ni ku ti pambulela hi tlhelo eka nxavo wa nsimu xana? Niloko u yi xavisile, xana nxavo wa yona a wu ngari wa wena ke? Mhaka leyi u yi pfumelerise ku yini embilwini ya wena xana? A wu hembelanga vanhu, kambe u hembele Xikwembu. (Mint 5:3, 4). 

Ku hembela Moya lowo Kwetsima, I ku hembela Xikwembu – Moya lowo Kwetsima wu vitiwa leswaku I Xikwembu.

B.  U TI VEKA EHANSI, NA KU  TLAKUSA TATANA NI N’WANA

• Kambe Muyimeri , a nga Moya lowo Kwetsima, lowu Tatana a nga wu rhuma hi Vito ra mina, u ta mi dyondzisa hinkwaswo, ni ku mi tsundzuxa hinkwaswo leswi ndzi mi byeleke swona (Yoh14:26). 

• Siku ku nga ta fika Muyimeri, loyi ndzi nga ta mi rhumela Yena, a ta hi le ka Tatana, a nga Moya wa ntiyiso, lowo humaka eka Tatana, u ta humesa vumbhoni ehenhla ka Mina. (Yoh 15:26).

• Kasi loko Yoloye a ta, a nga Moya wa ntiyiso, u ta mi fambisa endleleni hinkwayo ya ntiyiso, hikuva a nga ka a nga vulavuri swo huma emiehleketweni ya Yena, kambe xin’wana ni xin’wana lexi a xi twaka u ta xi vula, naswona , u ta mi tivisa leswi swi nga tata. (Yoh 16:13). 

Moya lowo Kwetsima wu rhumeriwile emisaveni hi Tatana ni N’wana, naswona, a nga ti vulavuleri swa Yena, kambe U vulavula xin’wana ni xin’wana lexi a xi tweke.

• U ta ndzi dzunisa, hikuva leswi a mi tivisaka swona u ta va a swi kuma eka Mina. (Yoh 16:14).  

C. MAVITO YA MOYA LOWO KWETSIMA

(Kova mantsongo nyana lowa ma kombisiweke laha ehansi).

• MOYA LOWO KWETSIMA

Luk 11:13 Kutani ke, leswi n’wina mi nga vanhu va tihanyi, mi tivaka ku nyika vana va n’wina swilo leswinene, xana Tatana wa le tilweni a nge tlurisi ngopfu ku nyika Moya lowo Kwetsima eka lava kombelaka ka Yena xana?

Vito leri ri tiyisisa matikhomelo ya Moya.

• MOYA LOWU PFURHAKA

 … Nwini wa hinkwaswo, u ta avanyisa munti hi Moya wa Yena lowu hisaka, a susa vubihi bya vaaki va Siyoni, a hlantswa ni ngati leyi a yi halatiwile eYerusalema. (Es 4:4)  

Laha ku tiyisisiwile maendlelo ya ku basisa ka Moya.

• MOYA WA NTIYISO

Kasi loko Yoloye a ta, a nga Moya wa ntiyiso, u ta mi fambisa endleleni hinkwayo ya ntiyiso, hikuva a nga ka a nga vulavuri swo huma emiehleketweni ya Yena, kambe xin’wana ni xin’wana lexi a xi twaka u ta xi vula, naswona , u ta mi tivisa leswi swi nga tata.(Yoh 16:13). 

• MOYA WA TINTSWALO

Kutani, xana miehleketa yini hi munhu loyi a soleke N’wana wa Xikwembu, a nga vuli nchumu hi ngati ya ntwanano, leyi a nga hlawulekisiwa ha yona, a tlhela a rhuketela Moya wa tintswalo xana? Xana yena u ta biwa hi nkhavi lowo vavisa ku yini? (Hev 10:29).  

• MAFURHA YA NTSAKO

U rhandzile ku lulama, u vengile ku homboloka, hikokwalaho, Xikwembu xa wena xi ku cherile mafurha ya ntsako lowu kulu ku tlula vanakuloni.”(Hev 1:9).  

• MUCHAVELERI/MUYIMERI

Siku ku nga ta fika Muyimeri, loyi ndzi nga ta mi rhumela Yena, a ta hi le ka Tatana, a nga Moya wa ntiyiso, lowo humaka eka Tatana, u ta humesa vumbhoni e henhla ka Mina.(Yoh 15:26, Langutisa ni le ka 1 Yoh 2 : 1).

//////////