Moya Kwetsima; ntirho eka munhu

A. LESWI WU SWI ENDLAKA EKA MUTIARISI

 1. Wu vula vumbhoni bya Yesu.

Siku ku nga ta fika Muyimeri, loyi ndzi nga ta mi rhumela Yena, a ta hi le ka Tatana, a nga Moya wa ntiyiso, lowo humaka eka Tatana, u ta humesa vumbhoni ehenhla ka Mina. (Yoh 15:26).

2. Wu n’wi hlavutela leswaku Yesu I Xikwembu

Hikokwalaho, ndza mi tsundzuxa ndzi ri, munhu la fambisiwaka hi Moya wa Xikwembu, a nga ka a nga vuli a ku: “Yesu a a rhukaniwe!” , naswona akuna munhu la nga vulaka aku: “Yesu I Hosi” loko a nga ri la fambisiwaka hi Moya lowo Kwetsima.(1 Kor 12:3).

3. Wu khorwisa misava hi xidyoho, kululama ni ku avanyisa

Loko a ta, u ta khorwisa misava hi ta ku dyoha, ni ku lulama, ni ku avanyisa .(Yoh 16:8).

4. Hi yena loyi a tirhaka endzeni ka munhu leswaku a tswariwa ra vumbirhi, leswi vuriwaka kutswariwa hi vuntswha

… Xi hi ponisile. A ku ngari hi mhaka ya mintirho leyo lulama, leyi hina hi hexe hi yi endleke, kambe Xi hi ponisile hi tintswalo ta Xona, hi ku hlantswiwa loku endlaka leswaku Moya lowo Kwetsima wu hi nyika ku tswariwa ra vumbirhi, ni vutomi lebyintshwa. (Tit 3:5).

 Yesu a n’wi hlamula a ku : “Ndzi tiyisisile ndzi ri ka wena, akuna munhu la nga vonaka mfumo wa Xikwembu loko a nga tlhelanga a tswariwa ra vumbirhi”. (Yoh 3:3).

  Khale a mi file emoyeni hikwalaho ka swivi swa n’wina, ni swidyoho swa n’wina. (Ef 2:1).  

Ehandle ka kuva Moya lowo Kwetsima wu ri wona wu tirhaka, munhu hi matshala-tshala ya yena a nge swikoti ku kuma ndzivalelo na ku vuyelelana na Xikwembu.

B. LESWI WU SWI ENDLAKA EKA MUPFUMERI

1. Wu vula vumbhoni leswaku yena se in’wana wa Xikwembu

 Moya lowu, wu yima ni mimoya ya hina ku tiyisa leswaku hi vana va Xikwembu.( Rho 8:16).

2 .Wu n’wi veka mfungho leswaku a nga lahleki

Mi nga khomisi Moya lowo Kwetsima wa Xikwembu tingana, hikuva I mfungho wa Xikwembu wo komba leswaku mi vanhu va Xona, ni leswaku siku ra ta, leri Xi nga ta mi kutsula ha rona. (Ef 4:30).

Loko hosi yi veka mfungho wa yona eka tsalwa, kuhava loyi a nga alaka ku landza leswi tsariweke. Mfungho wa Moya lowo Kwetsima eka hina, wu vumbiwile hi Yena Xikwembu N’wini wa Matimba hinkwawo, lexi Xi hi sirhelelaka leswaku ku nga tshuki ku va ni loyi a taka hile handle ku ta hi yivela nyiko ya vutomi lebyi nga heriki, leyi hi yi amukeleke eka Yena siku leri hi amukeleke ku ponisiwa ka hina.

3. Hi yena a vekaka mihandzu ya vukwetsimi (mintirho ya tintswalo tani hi Kriste)

 Kasi mihandzu ya Moya I rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka. Ni musa, ni ku tikhoma. Ku hava nawu lowu lwaka ni leswo tano .(Gal 5:22, 23).

Lexi lavekaka eka munhu ikuva a titsongahata ni ku ti nyiketa eka mintirho ya Moya lowo Kwetsima leswaku a vona vutomi bya yena byi hundzuriwa. Swi fana ni murhi lowu kulaka, kutani wu veka mihandzu ku ya hi mbewu leyi nga eka yona ya DNA (muxaka wa yona), leswi vulaka ku kula ni ku veka mihandzu ku ya hi tindlela leti Xikwembu xi ti vekeke eka wona.

4. Hi yena a nyikaka Matimba eka mupfumeri leswaku a vula vumbhoni bya Yesu

Kambe mi ta nyikiwa matimba, siku Moya lowo Kwetsima wu taka ehenhla ka n’wina, kutani mi ta va timbhoni ta mina kwala Yerusalema, ni le tikweni hinkwaro ra Yudiya, ni ra Samariya, ni kuya emakun’wini ya misava.(Mint 1:8).

5. Hi yena a avelaka tinyiko ta moya eka mupfumeri leswaku a kota ku endla vadyondzisiwa

Matimba ya Xikwembu matirha hi tindlela ta tinxaka-xaka, kambe I Xikwembu xin’we lexi tirhaka hinkwaswo eka vanhu hinkwavo.(1Kor 12:6.)

Kutani ku landzela nongonoko wa tinyiko leti Moya lowo Kwetsima wu ti avelaka)

6. Hi ku katsakanya

U rhumiwile leswaku a tava na hina, ku va ateka ndhawu ya hina, ni kuva a yima na hina eka xiyimo xin’wana ni xin’wana lexi hi langutaneke na xona. I munhu wa rirhandzu no twisisa swonghasi,  loyi hi nga se tshamaka hiva na yena.

Hikwalaho ka rirhandzu ra Yena eka Tatana ni le ka N’wana, U tirhela Mutekiwa wa Kriste hi ku tiyimisela hinkwako, U hlaya miehleketo ya Yena ni ku yi hlamula hinkwayo, Wa N’wi khongotela kuva a n’wi pfumelela leswaku a susa swivati ni ku khwanyana hinkwako eka vumbhuri bya Yena bya le moyeni, kutani loku a tiarisa, O N’wi khongelela eka Tatana, hi xi khongelo xa ku konya – Wa rila emahlweni ka Tatana. Uni vuswikoti byo tirhela munhu un’wana ni un’wana o nge hiloko a ri Mutekiwa a ri swakwe wa Kriste la ha emisaveni leyi hinkwayo. Haleluya! Mutekiwa wa Kriste, n’wana wa Xikwembu, u wa nkoka ngopfu swinene.

Titsongahati, u pfumelela Moya lowo Kwetsima wu ku endla xivumbiwa lexintswha , Mutekiwa wa mbhuri loyi hi nga n’wi ehleketaka, loyi a fanaka na Kriste.

//////////

Leave a Reply

Your email address will not be published. Required fields are marked *