Munhu, hi tlhelo ra nawu

1. Nawu wa Xikwembu wu Lulamile Hikuva wu Paluxa leswi Mbilu ya Xikwembu Yi taleke Swona Ku nga Rirhandzu.

Yesu a ku eka yena: “Hi lowu nge: Rhandza Hosi Xikwembu xa wena hi mbilu ya wena hinkwayo, ni moya wa wena hinkwawo, ni ku anakanya ka wena hinkwako. Lowu hi wona Nawu lowukulu, lowo rhanga, kutani lo wa vumbirhi lowu fanaka na wona, hi lowu nge ‘Rhandza munhu- kuloni, kukota loko u ti rhandza. (Mt 22:37-39).   

2. Nawu wu Endla Leswaku Munhu a Tikeriwa hi Vutomi; Wu Tshamela ku N’wi Avanyisa.

Nawu wu endla leswaku munhu a hanya ehansi ko avanyisiwa siku na siku, hikuva ú tshamela ku wu tlula nkarhi na nkarhi; wa tsandzeka ku wu hlayisa hikuva yena I mudyohi. A wu nge swikoti ku fambisa xikanya-kanya (basikeni) hi le henhla ka xiporo hikuva xiporo xi ololokile, kutani u nga tsandzeka ku fambisa xikanya-kanya eka ndlela yo ololoka. Langutisa nkoka lowu xikanya-kanya xi wu siyaka eka gondzo ra tyhaka. Xifamba hi ku gombonyokela, xi ya hala ni hala nkarhi hinkwawo.

Se hi kota ku vona leswaku a ku hoxekanga nchumu hi xiporo, (ku nga Nawu lowu khomeke ku rhandza ka Xikwembu): Xi ololokile naswona xi akeriwile xitimela, xihoxo xile ka Xikanya-kanya. Xikanya-kanya xi na xihoxo, hikokwalaho xi sungula kuwa xo ho suka, kutani mufambisi a vaviseka. Ntumbunuku wa munhu wa vudyoho wa tsandzeka ku hlayisa ndlela leyi ololokeke ya Nawu wa Xikwembu lowu kwetsimeke no hetiseka. Leswi swi heta munhu matimba hikuva u tshamela ku xi vuyisela endleleni, a fambanyana 10cm, a vumbuluka kambe, a ringeta nakambe hi ku phikelela, a nga swikoti.

3. Nawu wu Hi veka Ekhotsweni Leri Hlayisekeke

Wa hi Hlayisa Leswaku Hi nga onhakele makumu, hi kondza hi kuma ku ponisiwa eka Kriste.

Loko ku pfumela ku nga si ta, a hi bohiwile hi Nawu, hi fumiwa hi wona, kufikela loko kupfumela loku a ku fanele ku ta, ku hlavuteriwile. Hikokwalaho, Nawu a wuri murisi wa hina ku fikela loko Kriste a tile, leswaku hita endliwa lava lulameke hi mhaka ya ku pfumela. Kambe sweswi, leswi ku pfumela ku fikeke, a ha ha ri ehansi ka murisi wa kona. (Gal 3:23-25).

Vuhundzuluxeri byi n’wana byi ri Nawu i MUDYONDZISI wa hina ku kondza hi ponisiwa hi ku pfumela, kambe byi n’wana byi ri hi vekiwa ekhotsweni. Khotso a ri swikoti ku hundzula mbilu ya mukhotsiwa, kambe ri n’wi sivela ku homboloka.

Kuchava ku khatisiwa swi ku sivela ku endla swidyoho leswo homboloka swinene, kambe embilwini u ri karhi u swi navela.

4. Nawu wu Hi hlavutela Leswaku Xidyoho I Yini

Hikuva a kuna munhu ni unwe loyi a nga ta hlayiwa la lulameke emahlweni ka Xona hi mhaka ya leswi a nga endla hi ku lerisa ka Nawu, ntiyiso wa kona hileswaku Nawu wu komba lexi ku dyoha ku nga xona.(Rho 3:20).

5. Nawu wu Khorwisa Mudyohi Hi Nandzu Wa yena

Ha swi tiva leswaku hinkwaswo leswi Nawu wu vulaka swona , swikongoma lava  nge hansi ka Wona, leswaku vanhu hinkwavo va pfariwa milomo , ni leswaku misava hinkwayo yi yisiwa eku avanyisiweni emahleni ka Xikwembu. (Rho 3:19).   

6. Nawu A wu Kombi Tintswalo Kambe wu Langutela Leswaku Munhu a Va Loyi a Hetisekeke Minkarhi Hinkwayo Wu Xopa-xopa Swiendlo Swa Yena, Miehleketo Ni Makungu.

 Mhaka hileswaku, unwana ni unwana loyi a ringetaka ku hlayisa Milawu hinkwayo, kambe a tsandzeka eka wunwe wa Yona ntsena, ú yi tlurile hinkwayo . (Yak 2:10).

7. Ku hava Munhu Loyi a Nga Endliwaka Loyi a Lulameke (A Hetisekile Eka Xikwembu) Hi ku Rigeta Ku Hlayisa Nawu.

 Hikuva a kuna munhu ni unwe loyi a nga ta hlayiwa la lulameke emahlweni ka Xona hi mhaka ya leswi a nga endla hi ku lerisa ka Nawu, ntiyiso wa kona hileswaku Nawu wu komba lexi ku dyoha ku nga xona.(Rho 3:20).

Hikokwalaho, a hi tshikeni ku yima eka tidyondzo leto sungula ta vuKriste, kutani hi kongoma eku hetisekeni. Hi nga ha tlheli hi dyondzisa nakambe hi ta masungulo, tinga ta ku hundzuka eka mintirho leyi nga pfuniki nchumu, ni ta ku pfumela eka Xikwembu. (Hev 6:1).

 Ngati ya Kriste yona yi ta va leyi tlurisaka ngopfu hi matimba, hikuva Kriste u tinyiketile hi yexe, hi Moya lowu nga heriki a nga ri na xivati emahlweni ka Xikwembu, kutani Ngati ya Yena yi basisa mapfalo ya hina emintirwheni leyi nga pfuniki nchumu, leswaku hi tirhela Xikwembu lexi hanyaka (Hev 9:14).

 Mintirho leyinene leyi munhu a ringetaka ku yi endla leswaku a tsakisa Xikwembu, yi voniwa tani hi mintirho leyi feke, hikuva yi kumeka yi nyamisiwile hi xidyoho le xi nga ndzeni ka munhu. Loko munhu o ya luva hosi hi nyimpfu leyi feke, mbuti kumbe homu, a ngo yi pfurhisa hi vukarhi ematshan’weni ya kuva yi n’wi tsakela.

Hinkwerhu hi fana ni munhu loyi a nga tengangiki, hambi yiri mintirho ya hina leyo lulama yi fana ni xiambalo lexi nyamisiweke. Hi fana ni matluka la ma vuneke, swidyoho swa hina I moya lowu hungaka, wu hi rhwala wu famba na hina. (Es 64:6).

 //////////

Leave a Reply

Your email address will not be published. Required fields are marked *