Nhlavutelo

Leyi I nhlavutelo ya Yesu Kriste, leyi Xikwembu xi n’wi nyikeke yona, leswaku a ta komba malandza ya xona swilo leswi fanelaka humelela ku nga ri khale. Kriste u tivisile swilo leswi hi ku rhumela ntsumi ya yena eka Yohane nandza wa yena.

(1:1)

• Nhloko mhaka: Ku ti Nhlavutela ka Yesu Kriste
• Siku ro tsariwa: A.D. 94-96
• Mutsari: Yohane
• Ndhawu: Exihlaleni xa Phatimosi

Eka nkarhi lowu, Yohane hi yena a ri swake loyi a hanyaka eka vadyondzisiwa va 12. Sweswi u dyuharile swinene, u khomiwile a tlhela a khotsiwa, a pfaleriwa e xihlaleni xa Phatimosi, xihlala lexi ntsongo eka lwandle ra Aegean kusuhi na Efesa. U khomeriwa ku chumayela hi ku tshembeka evhangeli ya ntiyiso. Loko a ri Phatimosi, Yohane u amukela nongonoko wa swivono leswi hlamuselaka vumundzuku bya laha misaveni. Xivono xi hlamusela Yesu tani hi murisi lonene loyi a tikarhatelaka xiyimo xa kereke, tani hi muavanyisi lonene loyi a nga ta khatisa lavo biha, tani hi hosi leyi hluleke leyi nga ta humelerisa mpfumo wa yona lowu nga ta tshama hi laha ku nga heriki.

 Marhambu Yo Pfumala Nyama 

• Ku avanyisa ka 1

Muapositolo Yohane u lerisiwa ku tsala “hi swilo leswi a nga swi vona,leswi nga xiswona sweswi na leswi nga ta humelela eka nkarhi lowu taka” (ndzimana 19). Yohane u vona Yesu loyi a kwetsimaka,u n’wi hlamusela ku fana na hi ndlela leyi xivono xa Xikwembu eka Tesitamente ya khale (languta Daniel na Ezekiel). Yesu u vonaka a ri karhi a famba-famba exikarhi ka  tikereke ta Yena, a navela leswaku vanhu va Yena   va tenga va pfumala xidyoho. Hi ku hlamula ka ntolovelo, u vone maendlelo yo saseka ya ku kwetsima ka Hosi, laha Yohane a nga  wela emilengeni ya Yesu hi ku chava no rhurhumela.

• Ku avanyisa ka 2-3 Mapapila Lama Kongomaka eka Tikereke ta Nkombo

Eka xivono xa Yohane, Yesu u vulavula na tikereke ta nkombo eka tindhawu to hambana hambana leti nga ka swiyimo swo hambana  swa ximoya.Vunyingi bya tikereke ti amukela ku khensiwa eka mintirho leyinene na ku tshinyiwa eka leswo biha exikarhi ka tona. Kriste u nkhensa lava yimelaka ntiyiso no tiyimisela ku xaniseka hikwalaho ka Yena, nakambe u sola lava nga lahla rirhandzu ra Yena, va pfumelela vudyoho exikarhi ka vona, na ku yengiwa hi rifumo ra misava.

• Ku avanyisa ka 4-5 Leswi Endlekaka Etilweni

Ku avanyisa ka 4 ku pfula hi leswi humelelaka Etilweni, laha Yohane a voneke Xikwembu xi tshamile exiluvelweni xa Xona, xi rhendzeriwe hi lavo tala lava xi gandzelaka vusiku na nhlikani vanga yimi. Rin’we ra tinsimu ta ku gandzela hi leri nge, “wa faneriwa wena Hosi, hi ku dzunisiwa, ku xiximiwa na matimba; hikuva u tumbuluxile swilo hinkwaswo, hi ku rhandza ka wena, u swi tumbuluxile kutani swi kona” (4:11). Ku avanyisa ka 5 ku ya emahlweni ku gandzeriwa nyimpfana leyo kwetsima hi tintsumi, vakulukumba, na swivumbiwa hinkwaswo leswi hanyaka. Hi ku engetela, Kriste, loyi a nga un’we loyi a faneriwaka, u pfula mi pfungura ya nkombo leyi funengetiweke ku komba ku avanyisa na ku xupuriwa ka misava.

• Ku avanyisa ka 6-20 Ku Chuluriwa ka ku Avanyisa

Yohane u paluxa leswi nga ta endleka eka masiku ya makumu, nkari wa mahlomulo ku ringana malembe ya nkombo. Yesu u pfula mpfugura wo sungula eka leya nkombo eka madzovo, kuri masungulo yo onheteriwa. Kutani ku ta “tinanga ta nkombo” tilandzela hi “swimbitana swa nkombo.”  Ku avanyisa loku ku hlamusela nongonoko wa ku avanyisa laha Xikwembu xi nga ta chulula vukarhi bya xona e henhla ka misava. Hambi swi ri tano, eka nkarhi wolowu wa ku avanyisa, tintswalo ta Xikwembu ti ya emahlweni ti vangama hilaha ku nga heriki tani hileswi xa ha tirhisaka tindlela to tala ku fikisa hungu ra ku pona eka lava lahlekeke ha Yesu Kriste. Eka nkarhi lowu,Anti-kriste— nala wa Kriste—u ta kuma matimba emisaveni hinkwayo,kutani a sungula ku xanisa vakriste hi ndlela yo biha. Eku heteleleni, Kiste u ta vuya emisaveni, a herisa anti-kriste, na ku tlhela a simeka mpfumu wa yena lowu nga ta va kona hi laha ku nga heriki.

• Ku avanyisa ka 21-22 Ku Ta Ka Mpfumo Lowu nga Heriki

Matilo lamantshwa ni misava leyintshwa swi ta xika ku suka Etilweni hikuva leswo sungula swi tava swi herisiwile. Exikarhi  ka matilo lamantshwa na misava leyintshwa ku tshame Yerusalema lontshwa, laha ku nga ta va ku nga hari na vudyoho, a ku nga ha vi na rifu, a ku nga ha vi na ku xaniseka. Xikiwembu xi ta amukela mpfumo lowuntshwa lowu nga heriki, lowu funghiweke hi ku lulama, kurhula, na rirhandzu. Hi wona mpfumo lowu vakriste hinkwavo va wu langutelaka hi ku navela hinkwako ka vona.

Ku Vekela Nyama Eka Marhambu

• Rito ra ku “Nhlavutelo” (1:1) Rivula leswaku “ku funungula kumbe ku tikomba.” Xikwembu a xi ri entirhweni wa ku tihlavutela eka vanhu ku suka eka ndzimana yo sungula ebibeleni eka Genesa. Ku sungula hi ntirho wa xona wo tumbuluxa, Xikwembu a xi ri eku paluxeni ka makungu ya xona lama nga heriki hi munhu. Ku suka eka rixaka rin’wana ku yisa eka rin’wana, Xikwembu a xi letela rixaka ra vanhu eka xikongomelo xa xona lexi kulu xa ku kutsula swivumbiwa swa Xona leswi lahlekeke. Endleleni loko nkarhi wuri karhi wu famba , munhu u landzurile  makungu ya Xikwembu yo lava ku n’wi ponisa, munhu u tiarisile kutani a xaniseka hi mbuyelo wo landzula  Xikwembu. Kambe nkarhi hinkwawo, ku kumekile masalela ya vanhu lava rhandzaka Xikwembu no landzelela milawu ya Xona. Tindlela ta vona to hanyela Xikwembu a ti nga olovi. Va xanisiwile no dlayiwa hikwalaho ko yimela ntiyiso wa Xikwembu. Kambe sweswi buku ya nhlavutelo yi komba leswaku makumu ya tshinerile. Xitshembiso xa Xikwembu xa ku vuya  ka Hosi xi le kusuhi., Yesu, Nandza loyi a xanisekeke, nhlavutelo lowukulu wa Xikwembu, u le ku vuyeni hi ku kwetsima na matimba hinkwawo ku ta hlula hinkwavo la va se va nga n’wi landzula na la va nga ta n’wi landzula, no  kutsula hinkwavo lava  nga va hlawuriwa va Yena. Matimu ma ta fika emakumu.. Nkarhi wu ta hela, ntumbunuko hinkwawo wu ta songiwa hilaha ku nga heriki.

Swipaluxi Evuton’wini  Bya Wena

• Buku leyi yina ntiyiso “Nhlavutelo wa Yesu Kriste” (1:1). Ku suka emasungulweni kuya fika emakun’wini ya Buku leyi yo kwetsima, ku hlavuteriwa  vudumo, vutlhari na matimba ya Kriste. Leswi vhumbiweke endzeni ka Buku leyi swile rivaleni namuntlha loko hi fananisa ni minkarhi leyi hundzeke. Loko matimu mati humelerisa siku rin’wana na rin’wana. Swihlamariso leswi tsariweke eka buku leyi swi sungula ku ti kombisa hi milawu ya manguva lawa ya va n’wa tipolitiki, na ya nhluvukiso na ku nghenelela ka mavuthu. Swikombiso swo sungula swa leswaku Hosi yi le ku vuyeni ku ta avanyisa misava swi sungula ku tivonakarisa. Loko kuri na mupfumeri loyi  a ha tinyiketeke eka swa misava, buku leyi ya n’wi tlhontlha  leswaku a tlhela a languta eka Yesu Kriste no endla ku rhandza ka yena. Hikuva hinkwavo lava ti basiseke va rindzela ku vuya ka Hosi, buku leyi yi fanele ku va xikhutazo xale henhla eka vona, leswaku va hiteka, va langutela no rindzela Hosi. Xana wa pfumela eka ku vuya ka Yena ke? Xana u ti lulamiserile ke?

Dyondzo Ya Vutomi Eka Nhlavutelo

• Xikwembu xi lawula vanhu hinkwavo na tinguva —leswi xi vulaka leswaku swi ta humelela eka nkarhi lowu taka swi ta humelela hakunene. Leswi swi fanele ku ku nyika nkhutazo no tshemba hi vumundzuku bya wena.
• Eku heteleleni, ku lulama ni vunene swi ta hlula. Xidyoho a xi nga yi emahlweni hilaha ku nga heriki. Leswi swi fanele ku ku nyika matimba siku rin’wana na rin’wana ra ku hanya ka wena.
• Siku rin’wana, Vakriste va ta ntshuxeka eka vudyoho lebyi tateke misava leyi, va ta kwetsima ni ku hetiseka etilweni. Leswi swi fanele ku ku nyika ku langutela loku nga heriki, Xikwembu xi faneriwa hi ku gandzeriwa minkarhi hinkwawo. Leswi swi fanele ku ku nyika xivangelo xa ku Xi dzunisa sweswi!

Laha Swi Kumekaka Kona

• Mipfungura ya nkombo ya ku avanyisa … 5:1-8:1.
• Tinanga ta nkombo to avanyisa … 8:2-11:19.
• Swimbitana swa nkombo swo avanyisa … 15:1-16:21.
• Ku lwa ka armagedoni … 19:17-19.
• Ku hoxiwa ka sathani etiveni ra ndzilo … 20:10.

Ku Hlamula Ka Yesu Eka Tikereke Ta Nkombo

(2-3)

• Kereke #1: Kereke yo pfumala Rirhandzu – Efesa.
  • “U lahlile Rirhandzu ro sungula” (Languta 2:4).
• Kereke #2: Kereke leyi xanisiwaka – Smirna.
  • “Ndzi tiva ku xaniseka ka wena” (2:9).
• Kereke #3: Kereke yo pfumelela swo biha Pergamo.
  • “U pfumelele xidyoho” (2:14-15).
• Kereke #4: Kereke yo kucetela swo biha—Tiyatira.
  • “U pfumelela tidyondzo to biha” (2:20).
• Kereke #5: Kereke yo pfumala vutomi—Sarda.
  • “U file” (3:1).
• Kereke #6: Kereke leyi yingisaka- Filadelfiya.
  • “U hlayisile Rito ra Mina, a wu landzulanga vito ra mina” (3:8).
• Kereke #7 Kereke ya ku kufumela Lawodikiya.
  • “A wu hisi kumbe ku titimela” (3:15).

//////////