A. XIYIMO XO TLAKUSIWA KA KRISTE ENDZHAKU KO TLHANDLUKA
Loko Hosi Yesu a tile emisaveni leyi, u tile hi mukhuva wo ti tsongahata swi-nene hilaha hi nga ehleketaka hakona; u velekeriwe exivaleni ni ku latiwa exidyelweni. Loko hi ta hlangana na Yena enkarhini lowu taka, utava a ri eka xiyimo xa le henhla tani hi Muavanyisi wa va kutsuriwa, a tlhela a ri eka xiyimo xo va N’wana wa Hosi etilweni, ni kuva Muteki. Ku rhanga Xi-hambano, kutani endzhaku kuta xidlodlo xa harhi.
A hi tsakeni hi tsakisisa, hi xi dzunisa, hikuva nkhuvo wa vukati bya Xinyi-mpfana wu fikile, ni mutekiwa wa xona ú tilulamisile; ú nyikiwile ku ambala swa ntsembyani wa risima, wo vangama ni wa nkoka.” Leswi swa “ntse-mbyani wa risima”, swi vula mintirho yo lulama ya vahlawuriwa va Xikwem-bu. Kutani ntsumi yi ku ka mina: “Tsala leswi: Ku katekile lava rhambiweke ku ta lalela enkhubyeni wa vukati bya Xinyimpfana.” Kutani yi engeta yi ku ka mina: “Lawa i marito lama tiyeke ya Xikwembu.” (Nhlav 19:7-9).
B. VA “RHAMBIWA”
A hi rhangeni hi ku hlamusela xiphemu xa vumbirhi, lexi dyondzekaka hi ndlela leyi, “Ku katekile lava va rhambiweke.” Lava a hi va rhambiwa, kam-be I ma miliyoni ya vakwetsimi, lava lulamisaka Jhaha ra vona. Xifaniso lexi xa nkhuvo wa vukati xi hambane kule swinene ni nkhuvo wa vukati bya laha misaveni, laha va rhambiwa va siveriwaka ku tshinelela Jhaha, va pfumeleriwa ntsena ku tshinelela maxaka ni vanghana.
Hi ku hlavutela Tsalwa leri, hi fanele ku ri fananisa ni swiphemu leswi fanaka swinene na rona etindhawini tin’wana laha swi nga tsariwa kona. Leswi swi kumeka eka swifaniso swimbirhi leswi dyondzisiweke hi Hosi Yesu hi byakwe.
Xo sungula xi tsariwile eka Mt 22:1-14 , naswona xi mayelano ni varham-biwa lava a va rhambiwile enkhubyeni wa vukati. Vunyingi bya varham-biwa byi veka swivangelo swo kala swi nga nyawuri, swa ku tsandzeka ka vona ku humelela enkhubyeni, loko un’we wa vona a nghenile a nga amba-langa nguvu ya nkhuvo, leyi a yi nyikeriwa hi n’winyi wa nkhuvo. Lexa vumbirhi xi kumeka eka Mt 25:1-13, xona I xifaniso xa vanwhanyana va khume, lava rindzelaka Muteki. Ntlhanu wa vona va heleriwile hi mafurha, kutani va pfumala nkateko wo nghena enkhubyeni.
Dyondzo yi kulu, leyi hi yi kumaka eka swifaniso leswi hinkwaswo ka swo-na, hileswaku u fanele kuva uri ni ntiyiso wa leswaku hakunene u amu-keriwile enkhubyeni. Hinkwaswo swiyimo swa nkhuvo swa nkarhi lowu-ya, a hi nge swi yisi eximoyeni ni kuva hi swi teka, hita swi tirhisa eka mun-hu loyi a taka eka Yesu ku ta ponisiwa. Hiku komisa: Un’wana ni un’wana loyi a taka eka Yesu, u hundzuka Ntombhi ya Yena, u hundzuka n’wana wa Tatana, u hundzuka mudyandzhaka ya Mfumo wa Xikwembu.
Hikokwalaho, lava va rhambiweke ku ta lalela enkhubyeni wa vukati bya Xinyimpfana I vakutsuriwa, ku nga ri varhambiwa. Loko va ha rindzerile ku ta tekiwa kuya enkhubyeni, va tsemakanyile eka minkarhi ya xinyami xo chavisa kufana ni vanwhanyana va khume (Mt 25:1-13) , kambe va pfurhisile timbhoni ta vona hi Moya lowo Kwetsima , lowu nga eka vona, kutani , va kumeka va lulamile loko va huweleriwa ku hlanganisa Muteki empfhukeni. Kutani, sweswi se va tsumbula nkateko lowu kulu swonghasi wa ku rhambiwa ka vona, ni wa kuva va amukerile xirhambo, ni kuva va kotile ku tiyisela eku rindzeleni ka nkhuvo.
Loko mintshungu ya va tiarisi yiri karhi yi konya laha misaveni, ehansi ka lunya ni tihanyi ta sathani, enhlomulweni lowukulu wo chavisa, la va nga tava empfhukeni va tava vari karhi va yimbelela hi ntsako tinsimu to dzu-nisa enkhubyeni, ni kuva va rindzela lowukulu wo hetelela.
C. KU HUMELERISIWA ERIVALENI
Xa vumbirhi, tani hi leswi nkhuvo wa vukati wu endliwaka erivaleni, na wona nkhuvo wa vukati bya Xinyimpfana wu ta endliwa eku vonakaleni, wu va lowu tsakisaka. Entangeni wa Edeni, diyavulosi u xengile Ntombhi ya Yena, kambe u tlherile a n’wi ganya eKhalivari hi ku faya nhloko ya sathani. Kutani, sweswi sathani u boheka ku swi amukela leswaku u hluriwile!
D. XIAMBALO XA NTOMBHI XA NKHUVO WA VUKATI
Xa vunharhu: A hi langutiseni xiambalo xa Ntombhi xa nkhuvo. Xa vangama, xi tengile ni ku va xa ntsembyani. Ntsembyani wu yimela mintirho yo lulama ya vakwetsimi, ku nga Ntombhi hi xiviri .
Eminkarhini ya khale, Ntsembyani a wu dhura ngopfu, ku fikela laha eti-kweni ra eGipta wu nga tirhisiwa tani hi mpimo wa ntikelo wa mali ya tiko. Va bohekile ni ku byala nsinya lowu ku humesiwaka ntsembyani eka wona (flax), va wu tshovela, va humesa tingoti ta wona, wu songiwa va wu yisa eFabrika, kuri kona wansati a kotaka ku rhunga xiambalo hi wona (kunga khancu) . Hi ku komisa, a wu dhurha ngopfu ku wu xava ni ku va wu lava nkarhi swinene ku wu lulamisa. Hikokwalaho, xiambalo lexi endliweke i “wo vangama, wo tenga ni ntsembyani “ a hi xilo lexi a wu ta kota ku xi xava. Xiambalo lexi xale tilweni xi vulavula hi nkoka, ku tenga ni ku olova. Xiambalo xa Yona xi ta vangama hiku tlurisa swinene, hikuva munhu wa nyama a nge koti ku xi langutisa – a nga hundzuka bhofu.
Kotala mintirho yo lulama ya hlekuriwa laha misaveni, kambe le henhla I ya nkoka swinene. A hi tekeleni enhlokweni ndzimana leyi landzelaka:
Varhandziwa va mina, tanihi leswi mi ndzi yingiseke masiku hinkwawo, ni-sweswi, ku nga ri ntsena loko ndzi ri na n’wina kambe ngopfu-ngopfu loko ndzi nga ri na n’wina, tirhelani ku ponisiwa ka n’wina hi ku chava ni ku rhu-rhumela; hikuva i Xikwembu lexi tirhaka eka n’wina, lexi endlaka leswaku mi tsakela ni ku yingisa ku rhandza ka xona. (Fil 2:12,13).
Xikwembu xi nghenisa mavonele yo lulama eka hina, ni miehleketo yo tenga, ni marito ni mintirho ya kahle eka hina hi Moya wa Xona, kambe hina hi fanele ku amukela ni ku swi tirhisa. Hileswaku, hi fanele ku hu-mesela erivaleni vumbhoni bya ku ponisiwa ka hina, swi fanele swi hun-dzuka ntiyiso evuton’wini bya hina. Swi vula leswaku, hi fanele hi lahla vu-hina bya khale, hi amukela xifaniso xa Kriste.
Hi lexi xivumbeko xa xiambalo xa nkhuvo xale tilweni xo hlamarisa swo-nghasi: Xi rhungiwa ntsena hi Mutekiwa! Emisaveni mutekiwa o pfuniwa ku rhunga xiambalo xa yena, hi mana wa yena, hi munghana, kumbe a xava kunene, kumbe a lomba kunene, kumbe ku xi ceneka kunene, kambe xiambalo xa Ntombhi yale tilweni yi ti rhungela hi yoxe.
U boheka ku langutisa eRitweni laha Ri hlamuseriweke hi vuxokoxoko, ku-tani a tshama hansi a sungula ku rhunga, ngoti hi ngoti, kulandza xiziva hi xiziva. Lowu I ntirho wa vutomi hinkwabyo. Minkarhi yin’wana Yi nga xi onhetela, kambe vanakulori va va Kriste van’wi komba swihoxo. Kwalaho, yi boheka ku susa swiziva leswo biha ni tintambhu ta kona, kutani atlhela a rhunga hi vuntshwa nakambe. Xiambalo xa Yona xita landza leswi xiyimo xa Yona xi nga xiswona – ku nga mintirho yo lulama, ku tinyikela ni ku ti tshika ka Yona niku tirhela van’wana.
Vamakwerhu, na hina hi Ntombi ya Kriste, naswona, hifanele kuya ema-hlweni ni ku rhunga swiambalo swa hi na swa nkhuvo, ku nga va hi ku byala kumbe e-e! Kotala, swa hi tikela ku swi endla hi mhaka yo tikurisa ka vumunhu bya hina.
Vamakwerhu vo hlawuleka va xinuna ni vaxisati, xana hi rhunga hi mu-khuva wihi swiambalo swa hina swa nkhuvo ke; xana ku humelela ka Mu-teki wa hina a ku nga vi xitshuketa eka hina ke?
E. MUTEKI U KOMBISIWA TANI HI XINYIMPFANA
Xa vumune, Laha Hosi Yesu u tekiwa tani hi Xinyimpfana. EBukwini ya Nhlavutelo, rito ra ku “Xinyimpfana,” rivula Hosi Yesu, naswona ri vuyelela ku ringana ka 27 , ku hundza tiBuku hinkwato ta Bibele. Leswi, swiedla leswaku Rifu ra Yena ra Mhamba rivekiwa exikarhi ka hinkwaswo. Loko a nga nyikelanga vutomi bya Yena exihambanweni tani hi mhamba, Mute-kiwa a nga tava kona, naswona a ku nga tava ni nkhuvo wa vukati. Xiyimo xa Yena xa Nyimpfana hixona xin’wi endlaka Nhenha leyi kumekaka exikarhi ya siku.
F. RINI NASWONA KWIHI?
Xivutiso xo hetelela hilexi: Xana nkhuvo wa vukati wu ta humelela rini ke; Kuta humelela endzhaku nyana ko avanyisa ka Bema kumbe hi nkarhi wu-n’wana ke? Mhaka leyi I xihundla eka hina, a yi paluxiwanga, hina hi tsu-ndzuxiwa ntsena leswaku hi tshama hi vambe ngoma (hi lulamile):
Mt 24:44 Hikokwalaho na n’wina, tshamani mi tilunghisile, hikuva N’wana-wa-Munhu ú ta ta enkarhini lowu mi nga wu ehleketiki.
Kuri wuta humelela hi mukhuva wihi Nkhuvo, ni ku wona Nkhuvo wu tava kona rini, leswo swile mavokweni ya Muteki wa hina. Wu lulamisiwa hi Ye-na.
Kuya hi mina, ndzi nga vula leswaku wuta rindzela ku kondza Mutekiwa un’wana ni un’wana, wa le ka Testamente ya Khale, ni Mutekiwa un’wana ni un’wana wale ka Testamente Leyintshwa, ni Mutekiwa un’wana ni un’wana wo huma eka nhlomulo lowukulu, ni Mutekiwa un’wana ni un’wana wo huma eka Israyele, ni Mutekiwa un’wana ni un’wana wo huma eka Mileniyamu hinkwavo ka vona vaza va fika, va hlangana va helela.
Nkhuvo wa swi tsutsumi ni ku nyikeriwa ka swi hiwa swakona, a wu sunguri loko switsutsumi hinkwaswo swinga se ba ntambhu kumbe ku kandziya layeni yo hlulela eka yona. Ku yimeriwa hinkwavo va heta mpfhuka, hikona hinkwavo va tshamaka ehansi va tiphina kufana hin-kwavo nkarhi wun’we, lavo rhanga ni lava vale ndzhaku.
////////