.
.
.
LUKA 15:1-7
- Eka swiahluko swimbirhi leswi hi dyondzeke hi swona hi vonile hi laha Yesu a vulavuleke hi kona mayelano ni swilaveko swa ku nghena eMfun’wini wa Xikwembu. Yesu a dyondzisile hi laha a nyangwa yi khumeke hi kona ni hi laha nxawu wa kona wu tlakukiseke xiswona wa ku kuma vutomi lebyi nga heriki. Swi languteke onge a nga swi lavi leswaku va yingiseri va yena va nghena eMfun’wini wa yena, onde o tsakela leswaku va tshama handle. Kambe a swi tano. A a va byela ntiyiso leswaku lava nga ni ximbilwa-mbilwana va swi twisisa leswaku loko va nghena a kun a ku cinca ni leswaku a va nga pfuki va fambise Xikwembu kambe va fanele ku yimisela ku fambisiwa hi xona, naswona a va nga ngheni hi yin’wana nyangwa ehandle ka Yesu ntsena. A ku ri ni nawu wun’we wa vanhu hinkwavo, lavakulu ni lavatsongo, vavasati ni vavanuna, swifumi ni swisiwana. Ntsena lava tshembekeke ni lulama eku naveleni ka vona ka ku tshova mahanyelo ya vona ya vudyoho naswona lava va tiyimiseleke ku titsongahata, hi vona lava a va fanela ku amukeriwa hi Xikwembu.
- Eka xiyenge xa matsalwa lexi hi nga eku xi languteni sweswi, Yesu a a le ku vulavuleni ni tlawa wa vadyohi va vanonon’hwi kutani un’wana wa vona a a langutela leswaku a va hlundzukela. Kambe a xo hlamarisa hi kuma leswaku Yesu a a vulavula hi ndlela ya vutlharhi byo hlamarisa ni hi marito yo khutaza.
- Mburisano lowu wu pfuke hikwalaho ka maendlele ya Va-farisi ni hi vanhu vo karhi. Ku endleke leswaku vanhu va timbilu to nonon’hwa vat a ku tat a yingisa tidyondzo ta Yesu. Van’wana va vona a va ri va hakerisi va xibalo va mfumo wa Rhoma. A va ri vanhu vo kala va nga tshembekaka, a va hakerisa ku tlula leswi vekiweke hi nawu, kutani leyi va yi hakerisaka a va yi veka eswikhwameni swa vona. Van’wana a va ri vayivi vo tivikana swinene, vayivi, vadlayi, tingwavava, swidakwa ni vahlohloteri. A va-farisi lava a va ri varhangeri va kereke enkarhini lowuya, a va va yeyisa ni ku venga vanhu lava. A va nga pfuki va hlangane ni vanhu va muxaka lowuya, hambi hi ku va pfuxela, a ha há vuli k uva qhevula hi xiyandla hikuva a v achava leswaku va nga nyama emoyeni, ngopfu-ngopfu a v achava ku voniwa hi vangana va vona.
- Hi mavulele man’wana a va ri ni ntiyiso. A vana va Xikwembu a va faneri ku ti hlanganisa ni lava nga valala va Xikwembu, leswaku va nga ti hlohloteriwa hi vona va k ova fularhela ntiyiso kutani va hambana ni Xikwembu. Kambe naswona a va Kriste a va faneri ku hleketa leswaku va ampswa ku tlula van’wana, kambe va fanele ku swi tiva leswaku i tintswalo ta Xikwembu leti nga va pfunaka ku hlula miringo ni leswaku eku enteni ka timbilu ta vona va va ni ku navela koloko. Va fanele va vula vumbhoni erivaleni, kutani ni loko va hlangana ni vanhu lava tlanyarisiweke timbilu ta vona hi swidyoho, va kombisa rirhandzu hi ku ya byela leswaku na vona va nga fikeriwa hi tintswalo hikwalaho ka ngati ya Yesu.
- Hikwalaho ka ku a kereke ni varhangeri va yona yi va fularhelile, a vanhu lava vo homboloka a va nga khatali hi kereke naswona a va nga tshineri kusuhi na yona. Kambe entiyisweni a va ri na yona ndlala ya Xikwembu ku fana ni vanhu van’wana. Tiva leswaku Xikwembu xi hi tumbuluxe ni xilaveko xikulu xa ku lava xinakulobye na xona ku fana ni n’wana loyi wa ha ku velekiwaka a nga ni xilaveko xo va ku suhi ni mana wa yena. Unga n’wi nyika swilo swo tlanga hi swona ni mpahla yo saseka yo ambala, kambe loko mana wa yena a nga se n’wi khoma a n’wi vukarha ni ku n’wi nyika vele, a ta ya emahlweni a rila. A munhu a nga fanisiwa ni tayela ra movha. Ri endleriwe ku vutheriwa ri tala hi moya. Kutani swa koteka kuva ri rhwala movha ri famba na wona evu vevukeriweni. Loko moya wu pfuta kutani a tayela ri hela moya, a ro languteka ri bihile ntsena, naswona a ri nga tirhi ntirho wa rona loko ri nga se lunghisiwa. A munhu loyi a nga riki na Xikwembu evuton’wini bya yena a fana ni tayela ro kala moya, kutani a vilela Xikwembu leswaku xi n’wi chela moya evuton’wini bya yena bya phanga. A swikhwama swa yena swi ngava swi tele hi mali, kambe mbilu yi ri phanga, a ku kala ka yena ntsaku wa le ndzeni, swa voneka ni le handle exikandzeni xa yena.
- Hikuva vadyohi lava na vona a va lava ku rhula ka mahika ni ntsaku, va te ku ta yingisela dyondzo ya Yesu. Va swi twisise swinene leswaku a ta avanyisa swidyoho swa vona ematshan’wini ya ku swi seketela, kambe va swi vonile leswaku hambiswiritanu wav a rhandza, tani hi vanhu. Loko a vulavula na vona a a ku: “Leswi mi swi endlaka swi bihile, a ndzi nga pfuki ndzi swi sekeerile,” Kambe hi nkarhi wolowo a mahlo ya yena a ma ku:“ Ndza mi rhandza; ndzi lava leswaku mi va vanghana va mina.” A va hlamarisiwa hi leswi a a va kombisisa xiswona rirhandzu. A va hleketa leswaku a ku avanyisa ka Xikwembu ku le henhla ka vona ni leswaku a xi nga pfuki xi tsakerile ku tshinelela ku suhi na vona. Yesu a a swi tiva leswi a swi ri timbilwini ta vona hikokwalaho a va dyondziseke hi kona a xitori xa nyimpfu yak u lahleka leswaku a va khutaza leswaku va vuyela eka yena.
- A va byele hi ta wanuna loyi a a ri ni dzana(100) ra tinyimpfu, kambe siku rin’wana loko a le ku tihlayeleni, a kuma leswaku ku chota yin’we. Yesu a te ka vayingiseri va yena: “Ndza swi tiva swinene leswi a mi ta endla swona. A mi nga ta vilela hi ku tiva leswaku mi fuwe ngopfu, hi ku lahleka ka nyimpfu yin’we a hi nchumu. Kambe a mi ta tshamela ku hleketa hi nyimpfu liya ya yin’we yi lahlekeke. A mi ta tiva ni xiyimo xa yona. A mi ta tiva ni leswaku yi tswariwe siku muni, ni leswaku i mani mana wa kona. A swi ta mi vilerisa ku tiva laha yi nga kona. Ni hi leyi lahlekeke. Ndza swi tiva swinene leswi a mi ta endla swona. A minga ta vilela hi ku tiva leswaku mi va fuyi lava pfundzeke, ku tiva leswi yi tshamisiseke xiswona. A mi ta tiva ni siku leri yi ttani hi ku lahkeka ka nyimpfu yin’we a swi tava swi nga ri ni mhaka. Kambe a mi tava eku hleketeni hi leyi lahekeke. A mi tiva ni siku leri yi tsariweke hi rona, ni leswaku mana wa yona a ni muhlovo wa ndjani. A mi ta vilela leswaku yi ngava yi ye kwihi. Yi ngava yi yo khomiwa hi swigatlo emananga, enghozini ya ku dyiwa hi swiharhi swa khwati, kumbe yi tava yi xokoriwe mahlo hi magama?
- Hi ku hantlisa unga siya leta 99 ti hlayisiwa hi un’wana, u teka xinkwa u veka xikhwameni xa wena, u chela mati ebodleleni kutani u famba u lava nyimpfu leyi lahlekeke. Nkarhi un’wana ni un’wana a wu tava ku yi vitaneni tahi hi laha a wu yi vitana hi kona loko u le ku yi khayimeni ni leti n’wana, kutani a wu tava eku yingiseni hi vukheta leswaku kumbexana unga twa ku hlamula ka yona ka ku rila hi ku lahleka. A wu tava eku yi laveni vusiku hinkwabyo ri ko ri xa, kutani loko u hetelela hi ku yi kumile, a wu ta khinsama khinsama u yi languta loko yi nga vavisiwanga. A wu nga ta yi ba hambi ku yi rhasela hi leswi yi ku nyikeke ntirho wo famba u yi lava. A wu ta yi vona hi laha yi tsaneke hi kona kutani u vulavula na yona hi marito yo olova, u tlakula u yi veka emakatleni ya wena u muka na yona ekaya. Loko u ri karhi u famba endleleni, a wu ta va eku nwayeteleni, kutani hambi loko wa há ri kule ni kaya, a wu ta huwelela eka vangana va wena, u ku: “ Ni yi kumile! Ni yi kumile!” kutani murisi loyi un’wana, a a ta ta hi ku tsutsuma eka wena ku tat a vona nyimpfu leyi ya ku bayiza leyi a yi lahlekile kutani a tsaka swin’we na wena, a ku phakat endzhaku a ku hlekisa, hi xitori xa n’wana wo suka kaya loyi se a kumiweke.’
- “Leswo ntsena” Yesu a te, “Ku na ku tsaka etilweni loko mudyohi loyi a lahlekeke a ponisiwa, ku taka loku tlulaka leta 99 ti saleke exivaleni.
- Xa tsakisa xitori lexi. Ku na nkhutazu wukulu eka vanhu lava fularheleke XIkwembu. I xikhutazu xikulu eka vona leswaku va hlamula ku vitana ka yena, yena murisi lonkulu wa mahika ya vona, loyi a nga ni vuswikoti bya ku va rhwala a va veka emakatleni ya yena a va mukisa exivaleni.
- Exivaleni xa Yesu ku ni swakudya swa moya ni swa ku nwa swa moya, naswona kun a ku biyeleriwa eka vuhlaseri bya lowu biha. Xana u tshama u vona xikandza xa ku tsaka ka nyimpfu leyi a yi lahlekile, leyi yimeke exikarhi ka vamakwavo exivaleni yi ri karhi yi gayela xana? Naswona ku ni ntsaku ni ku rhula ku kulu eka munhu loyi a kumiweke hi N’wana wa Xikwembu kutani a va a ri eku rhuleni swin’we ni vana va Xikwembu a ri karhi a twa rito ra xona. Oh! Onge na swi vona swikandza swa vavanuna ni vavasati lavaya vo nonon’hwa, loko va sungula ku olova mahlo ya vona lawa a ma khwanyarile, mahlo ya vona ma sungula ku khiringa milhoti loko v ale ku tweni ka rito ra Xikwembu.
- Xana wena se u kumiwile hi xona ke? Xana wa ri tiva rirhandzu ra xona, ku hlayisa ni ku rhula loku sukelaka endzeni hikuva u rivaleriwile swidyoho swa wena? Hinkwerhu a hi fana ni tinyimpfu, a hi famba ku kota tinympfu to pfumala murisi leti ti fambelaka laha ti rhandzaka kona, ti ehleketa leswaku byanyhi i bya rihlaza etlhelweni leriya, hi endla leswo na hi ri karhi hi chava ku khatisiwa loko a yi kuma. Há tumbela endzhaku ka swivangelo swo tala. Xana u lek u ri tweni rito ra yen aro olova eka xitori lexi? Hantlisa u hlamula sweswi. Hlamula, “Hi mina loyi Hosi, ndzi rivaleri ni ku ndzi tlakula u ndzi veka emakatleni ya wena u ndzi yisa exivaleni xa wena. Ku sukela namuntlha a ndzi nga ha ti tekeli ndlela ya mina.”
//////////