Paradiyesi ni Tilo

Xiyenge   lexi kulaveka xifambisana ni xiavanyiso xa 27 mayelano ni min-karhi ya makumu ya swilo hinkwaswo, leswaku hi va ni xivumbeko ni ma twisiselo yo antswa mayelano ya makumu ya vapfumeri.

Xiyenge   lexi kulaveka xifambisana ni xiavanyiso xa 27 mayelano ni min-karhi ya makumu ya swilo hinkwaswo, leswaku hi va ni xivumbeko ni ma twisiselo yo antswa mayelano ya makumu ya vapfumeri.

A. XANA HI TWISISA KU FIKA KWIHI MAYELANO NI VUTOMI ENDZHA-KU KA LEBYA NAMUNTLHA XANA?

Ku ringeta ku hlamusela leswi Paradeyisi yi nga xi swona, matilo ni misava leyintswa, swi nga tika ku fana ni loko Xikwembu xi hlamusela swilo hiku tirhisa swilo leswi nga kona eka misava yin’wana.

Tani hi xikombiso, loko Muxe a yo byela vanhu enkarhini wa yena hi ta swilo leswi swaha taka, swo fana ni xigilamukhuva(TV), tifoni, xihaha mpfuka ni swin’wana, a a fanele ku rhanga a va kumela swin’wana  leswi a vata rhanga va swi twisisa, hile ndzhaku vakota ku twisisa ta swilo leswi swa hataka. Kuva a kota ku va hlamusela foni, a a fanele hiku rhanga ava byela leswaku I xilo xo fana ni tuva, leri tekaka mahungu na ma boheleriwile emilengeni ya rona ku suka entshaveni ya Sinai kuya fika etikweni ra eGipta eka hosi Ramusesi hi nkarhi lowu ringanaka ni nkarhi wa ku copeta ka tihlo ra munhu. Hambi Hambiswiritano, xikombiso xolexo a xi nge swikoti ku hlamusela leswi foni hi ntiyiso yi nga xiswona, xilo xitsongo lexi hlamarisaka swinene. Loko mudyondzi o teka nhlamuselo leyi, kutani a yi yelanisa ni tuva hileswi ringa xiswona, a nga tshuka a vani xivumbeko xa tuva rin’wana ro hlamarisa, leri hambaneke ni leri ra ntumbunuku leswi a ri tivisaka xiswona. Kutani nhlamuselo leyi yi nga pfuxa swivutiso swo hlaya swinene. Kambe loko mudyondzi a tlharihile a nga vula leswi “Muxe u hlamusela leswaku, enkarhini lowu taka, ku tava ni tindlela to fikisa mahungu eka vanhu lavanga kule swinene hiku copeta ka tihlo.”

Hikokwalaho, hi nga kota ku vona ku tikeriwa loku Hosi Yesu, vaProfeta, Pawulo, Petro na Yohani va hlanganeke nakona, kuva va hlamusela hi vutomi lebyi nga heriki, hikuva va fananisa hi swilo leswi hi swi tivaka. Hikokwalaho, hi fanele ku dyondza hi vukheta swinene, leswaku hi kota ku kuma tindlela ta ma dyondziselo ta kahle. Hi fanele ku vona loko swi fanerile kudyondzisa hi ku tirhisa swi vulavulelo, swithathelo, swighego, swi fananiso ni swivuriso. Hi fanele hikota ku hlamusela xilo sweswi xi nga xiswona kumbe ku tirhisa xighego, leswaku hi papalata swihoxo.

B. PARADEYISI; VUTSHAMO BYA VAKRISTE BYA NKARHINYANA

Xana ku humelela yini hi muKriste loko a fa xana? Nhlamulo yo nhlant-sweka ya xivutiso lexi yi kumeka eka Lk 16:19-31. Ndzi kombela leswaku u yi dyondza hi vukheta swinene na u nge se na hundzela eka tinhlamuselo leti landzelaka.

1. Ntiyiso mayelano ni Tilo / Paradeyisi

Kuni swihungwani swo tala leswi vanhu va swi hlamuselaka vaku “A ndzi file, a ndzi yile etilweni, ni ku ndzi vuyile hile matilweni”  va hlamusela ntokoto lowu va veke nawona,  kutani leswi hiswona va swi rhangisaka emahlweni, va tsala ni tibuku mayelano ni swihungwani leswi swa vona, vati xavisa hi magidi-gidi, kambe mintsheketo leyi ya lwisana hi yoxe, hikokwalaho a yi fanelanga ku tekeriwa enhlokweni.

Xiphemu lexi xa Tsalwa I ntiyiso lowu heleleke, akova xifaniso. Xihi hlamusela hi vanhu    vambirhi va xiviri, lava nga hanya, kutani endzhaku va fa, kutani, ri hlamusela hileswi va humeleleke ndzhaku ka loko va file.  Kutani sweswi a hi langutiseni leswi humelelaka endzhaku ka rifu ra muKriste.

 2. Moya wa munhu wu huma eka ntsumbu wa yena

Kufana ni vanhu hinkwavo loko va fa, Ntsumbu wa Lazaro wu sele emisaveni, hikuva ngati ni nyama a swi nge dyi ndzhaka ya ku fuma ka Xikwembu.

 Leswi ndzi vulaka swona, vamakwerhu, hi leswi: Nyama ni ngati swi nga ka swi nga dyi ndzhaka ya Mfumo wa Xikwembu, naswona leswi hatlaka ku onhaka swi nga ka swi nga dyi ndzhaka ya leswi nga onhakiki.  (1Kor 15:50).

Lazaro u tsakile ngopfu swinene kuva a kotile ku huma emirini wa yena, lowu nkarhi hinkwawo a wuri emaxangwini ya ndlala, ni kuva wu tele hi marhumba ni swilondzo, wu tlhela wu ambexiwa switlakati, wu tlhela wu kwapiwa hi xirhami.

3. Moya wa yena wu tlakuriwile hi tintsumi wu ya eParadeyisini / eTilweni.

Ntsumbu wa yena wu nga va wu dyiwile hi timbyana leti a ti tshamela ku lakatsela swilondzo swa yena,, kumbe ku hoxiwa ethyakeni, ehandle ka  ntsindza, kambe moya wa yena wu tlakuriwile, wu hundza mapapa, a wu tlakuriwanga hi movha wa ku rhwala vafi, kambe wu tlakuriwile hi tintsu-mi to hlamarisa, ku ngari ntsumi yin’we, kambe hi vandla ra tona, hikuva a ri wa nkoka, naswona a ri mudya ndzaka wa  ndhuma eka Mfumo wa Xikwembu, ni vito ra yena a ri tsariwile eBukwini ta vutomi.

4. A yisiwile eka Abrahamu

Emisaveni a ari munhu wa xivundza, hikuva ku hava loyi a ta tsakela naku-lori wo nyakapfala. I ntiyiso, a swi nga ta koteka ku amukeleka hi n’wini wa yena wa xifuwi, loyi ari ni yindlu ya manyunyu, loyi Lazaro a a toloveli ku tshama enyangweni ya munti wa yena.

A a sandziwa ni ku nyenyiwa hi vanhu hinkwavo, kambe sweswi u kombi-wile xichavo, ni ku xiximiwa, hikuva a nyiwa xitshamo xale kusuhi swine-ne ni xa Tatana wa le matilweni, I nakulori wa Xikwembu, u tshamile exifu-veni xa Yena. Eku heteleleni, munhu loyi wa mahlomulo ni maxangu, loyi a nga zangiki a tiva ku hanya ni ndyangu hambi vanakulori, a yimerile ntse-na ku suriwa mihloti hi Xikwembu, sweswi u ni nakulori wa nkoka.

5. U kumile ku chaveleriwa ni hinkwaswo leswinene leswi Kriste a n’wi lungiseleke hi rifu ra Yena exihambanweni.

Emisaveni a a langutisa xifumi ni ku dzuneka ka xona, kambe sweswi u tiphina hi ku dzuneka kale tilweni.

6. Xana a nga va a n’wi vonile Hosi Yesu ke?

 Aku vuriwanga nchumu hi tlhelo ra mhaka leyi,kambe Luka u hi avela rivoningo nyana hi tlhelo ra mhaka leyi eka Tsalwa ra yena, mayelano ni leswi nga humelela exikarhi ka Hosi Yesu ni  khamba eGoligota. Hinkwavo ka vona avari eka wara raku langutana ni rifu, kutani Hosi Yesu a n’wi tshembisa leswaku, hi siku rero ava tava swin’we eParadeyisini.

 Yesu a ku ka xona: “Ndzi tiyisile ndzi ri ka wena, namuntlha u ta va na mina eParadeyisini.” (Lk 23:43). 

Leswi khamba ari fanele kuva na Hosi Yesu, swile rivaleni kuva hi vula leswaku  Lazaro na yena a ri na Hosi Yesu, naswona swi tava tano ni ka mupfumeri un’wana ni un’wana hi nkari wa ku hundza ka yena laha misaveni.

Kambe xivutiso hi lexi:  endzhaku ka loko Hosi Yesu a pfukile exikarhi ka vafi, u tlhandlukele etilweni, kutani loko tilo na Paradeyisi swiri eka swivandla swo hambana,  (langutisa xiyenge xa 6) , a tava sweswi a ngari eParadeyisini, swivula leswaku Lazaro a nga ta swikota kun’wi vona ke?  Nhlamulo hileswaku Hosi Yesu  u kona etindzhawini hinkwato, hinkarhi wuri wun’we, naswona u vile tano hilaha ku nga heriki.  Endzhaku ka loko a pfukile exikarhi ka vafi, uti kombile eka  vapfumeri vo tala, u ta endlisa xi sweswo eParadeyisini .

Tani hileswi ku nga  ni vuxaka byikulu exikarhi ka vapfumeri na Kriste, a swi nge koteki leswaku a nga tshineleri eParadeyisini.

7. Xana kuni ku hambana exikarhi ka Paradeyisi na tilo ke ?

Vahlavuteri va matsalwa va hambana loko swi fika emhakeni leyi . Van’wa-na va vula leswaku Paradeyisi ni Hayidesi i swivandla laha mimoya ya lava-feke yi hlayiseriwaka kona, kufikela siku  Kriste a nga ta tlhela a vuya ra vumirhi, laha swivandla leswi hi swimbiri ka swona swi nga ta sala swi ri maphanga hi nkarhi lowu vafi va nga ta amukela miri leyintswa. Endzhaku ka sweswo, vaKriste va ta nghena eka tilo lerintswa, vari ni miri leyintswa, loko hi hala tlhelo, miri ya lava va nga landzula Evhangeli yi hoxiwa etihe-leni.

Ina, hambi loko Paradeyisi xiri xivandla xa nkarhinyana,  kumbe xiri xa nkarhi hinkwawo, mhaka hileswaku yi tava ndzhawu yo dzuneka. ( Loko yi vile ndzhawu ya kahle eka  Abrahamu, Eliya na Muxe, yi tava ndzhawu ya kahle nile ka wena  na mina .)

8. Xana “ Paradeyisi “ I xivandla (naswona yile kwihi )?

Xana Paradeyisi I xivandla xa xiviri kumbe kova ntsena xiyimo xa Ntsako ke ?

Xo sungula hileswaku mimoya ya vanhu , vo tani hi  Abrahamu  na  Lazaro, ayi swikoti kuva eka tindzawu hinkwato hi nkari wuri wun’we, a swikoteki leswaku yi va le na le hi nkari wuri wun’we ; yi kota ku va ndzhawini yin’we hi nkarhi wuri wun’we, hikokwalaho, Paradeyisi ni tilo swi boheka kuva swivandla leswi nga ni vuxaka ni misava ya hina.

Paradeyisi  (ni tilo )  swi fanele swi katsa misava hinkwayo, kambe swile ndzhawini yokari, kule swinene ni misava, hikuva minkarhi yo tala switekiwa swiri endzhawini ya le henhla, kutani , tani hi leswi misava yi nga  xi rhendzevutani,  swivula leswaku swile kule ni misava”. 

 … kutani a languta ehenhla tilweni, a hefemuteka, a ku ka munhu loyi: “Efata!” hileswaku: “Pfuleka!” (Mk 7:34). 

 Kavaloko Yesu a teka swinkwa swa ntlhanu, ni tinhlampfi timbirhi, a languta henhla etilweni, a nkhensa, a phemelela, a nyika vadyondzisiwa leswaku va ya phamela ntshungu  (Lk 9:16).  

  Loko a vulavurile timhaka teto, a tlakuriwa va ri karhi va langutile, kutani papa ri siva, va nga ha n’wi voni. Va te va ha tlakusile mahlo va languta etilweni loko a ri karhi a tlhandluka, hi nomu lo vavanuna vambirhi lava ambaleke swo basa, va humelela kwala va nga kona (Mint  1:9,10).  

9. Xana mimoya yi ti phina njhani hi Paradeyisi ke ?

Mimoya ya tivana, kutani ya swikota ku tiphina kufana ni loko yiri emirini, kufana ni leyi yi nga e Hayideyisini, (tihele) , hikuva xifumi xi twile ku vaviseka swinene , hikwalaho ka malangavi ya ndzilo lawa a xi ri ndzeni ka wona, ni torha hi ku pfumala mati.

10. Xana vaKriste lava faka, a vo ti etlelela kufikela loko siku raku pfuxiwa ka miri ya vona ri ta fika ke ?

A swi tano, , hikuva Hosi Yesu u byerile khamba leswaku hi siku rero a fanele kuva na yena eParadeyisini,  naswona loko Lazaro a file, tintsumi ti n’wi tlakurile ti n’wi yisa exifuveni xa Abrahamu, laha a nga fika a chaveleleka  (Lk 23:43  na  Lk 16:22).

Marito ya ku “ku etlela” ni raku “kutlela”  matirhisiwile tani hi swivulavulelo  leswi hlamuselaka kuteka xivumbeko xa kufa (Yoh 11:11).  Munhu loyi  a etleleke   “u file” emisaveni leyi n’wi rhendzeleke, leswi hlamuselaka leswaku a nga ha endli  nchumu eka yona, kufana ni loko munhu a file.

 C. TILO ; XIVANDLA XA VUTSHAMO BYA XIKWEMBU.

1. I timhaka leti hi vulavuleke hi tona

Timhaka leti landzelaka se hi vula vurile hi tona eka xiyenge xa B laha henhla, na tona ti mayelano ni tilo / Yerusalema lontswha, hikokwalaho , a hi nge ti phindherisi :

• Akova ntsena xiyimo , kambe I xivandla (B7).
• Rikwihi xana (B7).
• Xana vaKriste va rhanga hi ku etlela ke (B9)?

 A hi yeni emahlweni ni swiyenge swin’wana.

 2. Tilo hi xiviri xa rona

 Vunyingi bya leswi vuriweke mayelano ni tilo, swi kumeka eka Buku ya nhlavutelo, kasi swin’wana swi kumeka eka Buku ya Ezekiyele. (kuya hileswi u yi hlavutelaka hakona Buku yoleyo). Hambiswiritano, akuna swo tala leswi hlavuteriweke mayelano ni tilo hi xiviri.  Kambe yi hlavutela ngopfu hi mayelano ni swilo leswi swi humelelaka etilweni ni le misaveni, eka nkarhi wa makumu, wa matimu ya loko munhu a pfukela Xikwembu ni ku vuyeseriwa ka yena, laha vakutsuriwa eku heteleleni va nga ta ya tshama eka Yerusalema lontshwa. Swo tala swi hlavuteriwile mayelano ni Yerusalema Lontshwa ku tlula tilo hi xiviri xa rona.

Ku hlavuteriwile leswi landzelaka:

• I vamani lava nga eka rona xana?
  • I Tatana (Nhlav 4:2,3).
  • I va kulukumbha va  24  (Nhlav 4:4).
  • I Moya lowo Kwetsima (Nhlav 4:5).
  • I swi vumbiwa leswi hanyaka swa  4  (Nhlav 4:6-8).
  • I Hosi Yesu (Nhlav 5:6).
  • I mavandla ya Tintsumi (Nhlav 5:11).
  • I vanhu lava kutsuriweke ku suka eka tinxaka hinkwato, ni tindzimi hinkwato, vanhu  hinkwavo ni tinxaka hinkwato  (Nhlav 5:9).

• Xana ntirho wa vona I wa ku yini ke?
  • Tatana u lulamisa makungu ya Yena ya ku ghimeta nguva leyi hi nga eka yona, nikuva a ta nyikela tiBuku leti Tsariweke eka N’wana, leti tsariweke swiletelo swa leswi fanelaka ku endleka emisaveni, ni leswi swi faneleke ku endlaka etilweni, kuya fika eXiluvelweni xo Basa, xo avanyisa, ni Yerusalema lontshwa. (Nhlav 5:1).
  • N’wana, loyi a nga yena a nga ni timfanelo ta ku tirha ntirho lowu, u lemula mfungho, ni ku a pfula Buku, kutani a humelerisa kungu ra kona (Nhlav 5:5; 6:1).
  • Moya lowo Kwetsima ni Tintsumi swi rhanga emahlweni ku humelerisa kungu ra kona (Nhlav 6:2 etc.).
  • Vunyingi bya nkarhi hilowu tirhisiwaka ku gandzela Tatana na N’wana hi va kulukumba, swivumbiwa leswi hanyaka, tintsumi ni vanhu (Nhlav 4:8; 5:8-14 na tin’wana.) Hosi Yesu u gandzeriwa hikolaha ka ntirho lowu a wu tirheke exihambanweni.

D. YERUSALEMA LONTSHWA

Loko Hosi Yesu a nga se tlhandluka a ya etilweni, u byerile vadyondzisiwa va Yena leswaku, endlwini ya Tata wa Yena vuako byi tele, ni ku vula leswaku a ya lunghisela vutshamo kona (Yoh 14:2,3), kutani a ta tlhela a vuya a ta va teka leswaku vava na Yena laha Yena nga kona.  Ndzhawu leyi switikomba kuri Yerusalema Lontshwa.

(Ndzikombela u dyondza Nhlav 21:1 – 22:5, u nga se na lantutisa tinhlavutelo leti landzelaka)

1. U fananisiwa ni Munti 

• Vito ra wona : I Yerusalema Lontshwa

Yerusalema aku ri Ntsindza wa Mfumo wa Xikwembu wa laha misaveni, aku ri vutshamo bya nkoka bya vanhu va Xona, swa twisiseka loko vutsha-mo lebyintswha ,lebyi nga heriki bya vanhu va Xona ri thyiwa vito rero.

• Hikwalaho kayini byi fananisiwa ni Munti Xana?

Wu fananisiwa ni munti hikuva emuntini hikona laha magidi-gidi  ya vanhu va endlaka mintlwa , nikuva va hanya swin’we, ntshima-ntshima wule ka vanhu, kungari ka makhumbi, magondzo, miyako ni swin’wana.

• Ntsengo wa nxavo wa muako wa munti

Masungulo ma sasekisiwile hi maribye ya nkoka, tinyangwa ta kona tiendliwile hi swilo swa nkoka, kutani gondzo ra kona ra rin’we ri akiwile hi nsuku wo tanga, wo vonikela kufana ni nghilazi .  Vunyingi bya swo aka hiswona,  aswi kumiwi hi vanhu, naswona a swi xaveki. Leti I tinyiko leti jaha ra le tilweni riti xaveleke ntombhi ya rona, hi rifu ra Yena exihambanweni – ta hlamarisa.

• Tinyanghwa leti nghenaka emuntini

Loko VaIsrayele vafika va ghova, nyimba yin’wana ni yin’wana ayi vekiwa hile ndhawini ya yona, va rhendzela Ntsonga wo Hlawuleka laha Xikwembu a xi tshama kona, hi mukhuva wolowo a va hangalaka va rhendzela ntsonga wo hlawuleka. tinyanghwa ta khume-mbirhi, tinharhu a tikumeka eka tlhelo rin’wana ni rin’wana eka lawa ya mune wa timheho, rin’wana ni rin’wana a ri tsariwile vito ra nyimba ya kona, (21:1,13) leswi swi hlamusela leswaku nyimba yin’wana ni yin’wana yina mpfumelelo wa ku tshinelela Xikwembu.

• Makhumbi ni tintsumi tale tinyangweni

Hinkwaswo ka swona a swi veka ntiyiso wa leswaku vaaki hinkwavo ka vona va hlayisekile, aku ngari ni xilaveko xa kupfula kumbe kupfala tinyanghwa hikuva a vari eka vusirheleri bya Xikwembu N’winyi wa Matimba hinkwawo.

• Munti a wuri ni xivumbeko ya Kubito, matlhelo hinkwawo maringanana hiku leha.

Ku ringana ka ku leha, ka ku anama ni ka ku ya ehenhla, `swiyimela vunharhu bya Xikwembu , Lexi sirhelelaka vanhu va Xona  hi ku va rhendzela; leswi kombaka leswaku hinkwavo vale endzeni ka vukona bya Xona.

• Munti lowu wu hi mayelano ni vanhu va Xikwembu

eBibeleni ntsengo wa 12 wu yimela vanhu va Xikwembu, ni va languteri va vona. Sweswi langutisa ke, leswaku  nhlayo leyi ya 12 yi tirhisiwile kangani.

• • Tinyimba ta 12 ta va Israyele (21:12) a yimela vapfumeri eka Testamente ya Khale.
  • vaaPostolo va 12 (21:14)  va yimela Kereke ya Testamente Leyintshwa. – vapfumeri hinkwavo va katsiwa eka yona.
  • Mimpimo leyi tirhisiweke yi tiyisisa leswaku vanhu hinkwavo va Xikwembu va ta nyikiwa ndzhawu endzeni: mpimo wa makhumbi i 12 wa magidi ya mayadi; ku anama ka wona i  144 (12×12) kubito hiku anama (21:17). Kuni  12 wa swi ndlalelo leswi nga tlakusa makhumbi  (21:19-20) ni  12 wa swipfalo emuntini (21:21). Kuleha , ku anama ni kuya ehenhla swa ringanana, (21:16).  Munti wu ta hundzuka Kubu leyi hetisekeke, kufana ni ndzawu ya Vukwetsimi bya vu Kwetsimisisi eTempeleni (1 Tih 6: 20); wu akiwile hi vukheta ni vurhon’wani wu akeriwa vanhu va Xikwmbu.

• Rivoningo

Ndzimana ya 22:4. Mavoningo ya le magondzweni a ma nga laveki, hambi kuri mavoningo ya swi vumbiwa swale tilweni a ma nga laveki.

Rivoningo ri vuriwile laha tani hi xighego, rikombisa vutomi ni hanyelo leri lavekaka. Ku rhandza ka Xikwembu ku hetisekile hi matlhelo hinkwawo. Awu nge koti ku ti endlela swo antswa wena hi wexe, ehandle kova u leteriwa hi Yena – ku nga ku landza Rivoningo ra Yena.  Hikokwalaho a ku nga laveki xilo xin’wana xa ku nyikela mahungu, mavonelo, miehleketo kumbe swiletelo swin’wana swa ku hanya hiswona.  Misava ya Hosi Xikwembu yi hetisekile (Ps 119:96, 99; 105, 140).

• Nambu lowu khulukaka mati ya vutomi

Ndzimana ya 22:1. Lowu I nambu wa vutomi ni ntsaku. Loko Moya lowo Kwetsima wu nghena embilwini ya munhu, ku sungula ku khuluka ndhambi ya vutomi ni ntsaku endzeni ka vutomi bya yena. Swifana ni munhu loyi a nga eriendzweni, loyi a tsemakanyaka tiko leri omeke hi ku pfumala mati, kutani, a tsumbula nambu lowu khulukaka hi mati yo titimela, a sungula kun’wa hi ku tirhisa mavoko ya yena, kutani moya wa yena wu sungula ku hola ni ku tsaka.

Fananisa ndzimana leyi ni leswi Hosi Yesu a swi vuleke eka Musamariya; loko a n’wi byerile leswaku a ta kota ku n’wi nyika mati ya vutomi, lawa a ma ta tima   torha (raximoya) ra yena hilaha kunga heriki , hikuva mati wolawo a ma ta hundzuka swihlovo swa milambu ya mati , leyi khulukaka kuyisa evuton’wini lebyi nga heriki – hilaha ku nga heriki (Yoh 4:10,14).

  Hi siku ro hetelela ra nkhuvo, ri nga lerikulu, Yesu a suka a yima, kutani a tlakusa rito a ku: “Loko munhu a ri ni torha, a a te ka mina a ta nwa. Hilaha Tsalwa ri vuleke hakona, ‘milambu ya mati lama hanyaka yi ta khuluka yi huma embilwini ya loyi a pfumelaka eka mina.” (Yoh 7:37,38). Leswi u swi vurile hi ku khongomisa Moya lowo Kwetsima Lowu a a ta wu rhumela  hi Siku ra Pentekosta.

• Murhi wa vutomi

Tindzimana ta 22:2,14.  Tifananisi na Gen 2:9.  Loko munhu a dyohile, u vile a yirisiwa ku dya Murhi wa Vutomi ni ku va a hanya hilaha kunga heriki. U vile a siveriwa ni ku tsemeriwa nambu wa nkhuluko wa vutomi , lowu a wu sukela eka Hosi Xikwembu.

Ez 47:12  yi hlamusela leswaku murhi lowu a wu nga tswari mihandzu leyi nyikaka vutomi ntsena, kambe wu ta nyikela ni matluka lawa ma hanyisaka. (Emisaveni, matluka ya mirhi yin’wana yi ni ntirho wa ku hanyisa). Leswi a swi vuli leswaku kutava ni mavabyi eMuntini, kambe swivula leswaku un’wana ni un’wana loyi nambu lowu wu khulukelaka eka yena, wu ta n’wi nyika rihanyu lerinene a va a helerile – swikombisa vunene lebyi heleleke ni ku hetiseka swi khuluka kunene swi huma eXiluvelweni , laha Xikwembu hi xiviri xi tshamaka kona.

• Aku nga vi ni vadyohi hambi kuri xidyoho

Tindzimana ta  21:8,9,27; 22:15.  Hikokwalaho , un’wana a nga vula aku, “ Swi sasekile ngopfu ku va u ri munhu wa ntiyiso.”  U nga tshuki u wela ekudyoheni; unga tshuki u endlile kurhandza ni ku navela ka wena; u ngaha tlheri u ti veka ehansi ka mintirho ya vudyoho, kumbe ku fularhela vanhu van’wana hambi mfumo lowu u nga ehansi ka matimba ya wona.

Ndza nkhensa Hosi, hilaha hi langutelaka a kaya Yerusalema Lontshwa.

• Aku nga vi ni xilo lexi rhukaniweke hi Hosi Xikwembu

Ndzimana ya  22:3. Leswi ku nga tava ku ngari ni xidyoho, aku nga kumeki munhu ni wun’we  hambi xilo ni xin’we lexi nga tava ehansi ka ndzhukano wa Hosi Xikwembu.

• Aku nga vi ni maxangu hambi yiri mihloti

Tindzimana ta 7:17; 21:4. Eka vu hundzuluxeri byin’wana, rito raku “mihloti” rivuyelela ka 28.  Leyi I misava ya mahlomulo ni mihloti. Xo sungula lexi n’wana a xi endlaka loko a nghena emisaveni leyi ro sungula, a hi ku hleka kumbe mafenya, kumbe ku kolola. Xana I ka ngani u ri karhi u rila evuton’wini bya wena xana?  Xana I ka ngani u tikuma u ri karhi u sula mihloti ya wena xana, kambe na uya emahlweni ni vutomi hikuva ku ngari na un’wana loyi a nga ku pfunaka xana?  Loko u ta fika eYerusalema Lontshwa, Xikwembu a xi nga pfumeleli hambi ntsumi yin’we leswaku yi ku sula mihloti ematihlweni ni le marhan’wini ya wena, kambe hi Xona Xikwembu hi xiviri xi nga ta sula mihloti ya wena.

• Ku ta voniwa Mombo wa Yena hilaha ku nga heriki

Ndzimana ya 22:4. Lowu ndzi wu teka wuri nkarhi wa kuva uri etilweni nile ka Yerusalema Lontshwa. Ahi ku dzhuneka ka xivandla xa kona, hambi kuri ku saseka ka tinyanghwa, kumbe maghondzo ya nsuku wo tenga lamanga kona, kambe I vukona ni vuMunhu bya Tatana, N’wana ni Moya lowo Kwetsima leswi nga ta hi hlamarisa. Tilo hilaha Xikwembu Xi nga kona, naswona laha Xikwembu Xi nga kona I Tilo. Malembe yo sungula ya  1000 lexi hi nga ta endla xona, I ku va hi tshama emilengeni ya Yena , hi hlalela Mombo wa Yena, laha ku nga tava ni ntsaku wo hetiseka ni ku helela.

2. Wu fananisiwa ni Ntombhi.

Laha xifaniso xa hundzuka, vanhu va Xikwembu a va ha voniwi tani hi munti, kambe va voniwa tani hi Ntombhi. Eka matimu ya ku hanya ka vanhu, ku se tshama ku va kona Ntombhi yo saseka swonghasi yo tani hi leyi, kumbe, a ku se tshama ku va kona eka matimu ya vutomi bya ku hanya ka vanhu Ntombhi yo saseka swonghasi, yi tlhela yi sasekiseriwa Jaha ra yona swonghasi. Ntombi ya Hosi Yesu, a yi phangiwile hi nala wa yona diyavulosi, eParadeyisini, kambe Yena a yi lwela hi malembe yo hlaya, kutani a tlhela n’wi kuma, Munhu ha un’we un’we, a hlula eXihambanweni endzhaku ka malembe lama hundzaka 6000, eku heteleleni, Jaha leri humaka hile tilweni, ni Ntombhi leyi humaka hile misaveni, va lulamile kuva va vutana. Haleluya!

3. Wu fananisiwa ni Ntsonga wo Hlawuleka.

Loko va Israyele va fambile hi mananga, Ntsonga wo Hlawuleka laha Xikwembu a Xitshama kona, nkarhi hinkwawo a wu dzimiwa hile xikarhi ka ntshungu. Kutani a va yirisiwa  ku nghena eku Kwetsimeni bya vuKwetsimisisi, hikuva Hosi Yesu a nga se hakela nxavo wa swidyoho swa vona, kambe sweswi se hi Yena  “Ntsonga wo hlawuleka”  a nga ha siveriwi hi nchumu ku va a hlangana na vona, se U hanya swin’we ni varhandziwa va Yena, vanhu lava nga vakwetsimi va Yena.  24/7. 

4. Tempele ayi nga vi kona

VaPrisita a va rhanga hi kuti basisa loko va lava ku tshinelela Xikwembu, kutani kuri kona va nghenaka eka xiphemu xo sungula xa Tempele, laha a ku ri kusuhi swinene ni ndzhawu leyi Xikwembu a xi tshama kona, kambe sweswi a ka hari ni xilaveko xa tempele hikuva mupfumeri un’wana ni un’wana   “ule ka Kriste” (2 Kor 5:17). 

5. Ti hakelo

Nhloko mhaka leyi ku vulavuriwile ngopfu hi yona eka xiavanyiso lexi vulavulaka hi minkarhi ya makumu ni ku vuya ka Hosi Yesu ra vumbirhi (kuavanyisa ka 27).

E. MISAVA LEYINTSWHA NI MATILO LAMANTSWHA YO VANGAMA

 A hi tekeleni nhlokweni tindzimana leti landzelaka:

 Kutani ndzi vona tilo lerintshwa ni misava leyintshwa, hikuva tilo lero sungula ni misava leyo sungula a swi hundzile, ni lwandle a ri nga ha ri kona. Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena . (Nhlav 21:1,2)

1. Tilo lero sungula ni misava leyo sungula swi tava swi hundzile

Xana swi ta humelela hi mukhuva wihi ke ?  MuPostolo Petro u hlamuserile leswi:

 Kambe siku ra Hosi ri ta ta tanihi khamba, kutani matilo ma ta hundza hi huwa leyikulu; hinkwaswo swa ntumbuluko swi ta tshwa hi ndzilo swi hela, kutani misava ni mintirho leyi nga ka yona swi ta hisiwa. (2 Pet 3:10). 

Loko misava yi nga hari ni vanhu lava hanyaka eka yona hilaha hi nga swi vona hakona endzhaku, yi ta hisiwa ni ku herisiwa hi ndzilo, swin’we na matilo ni hinkwaswo leswi nga eka swona.  Aku nga herisiwi leswi nga laha misaveni ntsena, kambe ni swivumbiwa leswi nga henhla, nawona swi ta herisiwa, ti atomo ni leswi swi nga ti vumba eku tumbuluxeni, naswona swi ta heriswa swin’we ni hinkwaswo. Matimba mata tlhelela eka Hosi Xikwembu, naswona ku hava ni xin’we xi nga ta siyiwa eka ntumbunuku hinkwawo. Tilo ni misava hinkwaswo swi ta nyamalala, kusala ntsena leswi nga tava etiheleni ni le ka misava leyintshwa ni matilo lamantshwa. Swita fana ni nyeleti loko yi buluka yi hela ku nga Sali nchumu. (yi nga ha tiki).

2. Tilo lerintshwa ni misava leyintshwa

Tilo ro sungula ni misava yo sungula a swiri swinene eku tumbuluxiweni ; kambe swi vile swi onhaka ni ku rhukaniwa hikwalaho xidyoho xa munhu.

Kusukela loko munhu a wile, ntumbunuku wu vile wu xaniseka hi tindlela to tala: mintwa ni mahlwehlwe, dyandza, mavabyi yo hlasela swihari ni swimila, tinghozi ta ntumbunuku kufana ni ku tseka tseka ka misava, swidzhedzhe ni swin’wana. Kambe kutlula hinkwaswo , munhu hi yena a nga hlasela swimila ni swihari. Xikwembu Xi vula leswi hi mhaka leyi:

 Hikuva swivumbiwa hinkwaswo swi langutela, hi ku navela lokukulu, leswaku Xikwembu xi kombisa erivaleni vana va xona. Leswi vumbiweke swi nyiketiwile eka swa hava, ku nga ri hi ku rhandza ka swona, kambe hi ku rhandza ka Loyi a swi nyiketeke. Kambe ku langutela ku kona ka leswaku swivumbiwa leswi swi ta ntshunxiwa na swona evuhlongeni bya leswo bola, ku ta amukela ku ntshunxeka loko kwetsima loku nga ka vana va Xikwembu. Hikuva hi tiva leswaku, ku fikela namuntlha, swivumbiwa hinkwaswo swa konya hi ku vaviseka loku fanaka ni ku vaviseka ka ku veleka. (Rho 8:19-22).

Kutani sweswi rixaka lerintshwa ra vanhu ri vumbiwile hi laha ku nga heriki, Xikota ku nyikela ntumbunuku wu va hansi ka vulawuri bya munhu, hikuva hileswi a swi ri emiehleketweni ya Xona eku sunguleni, leswi Xikwembu Xi swi kunguhataka, Xi tlhela xi swi hetisisa, hambileswi makungu ya Xona mahambukisiwaka nkarhinyana.

Matilo lamantshwa lama hlamuseriwaka laha, I matilo lama vangamaka no kwetsima, laha Xikwembu xi tshamaka kona hikuva amazanga ma nyamisiwa hi vudyoho.

3. Yerusalema lontshwa a rhelela

U rhelela a huma hile tilweni .  A ta kayini ke?  A ta eka misava leyintshwa , hikuva a yi kona nhamuselo yin’wana, loku hi yi dyondza kuya hi dyondzo.

Hi swi vonile eka  (D1)  leswaku Yerusalema Lontshwa a nga voniwi tani hi munti, kambe I voniwa tani hi ntshungu wa vanhu va Xikwembu lava hlengeletaneke. Va rhelela ku ta teka leswi Xikwembu xi va lulamiseleke swona ka hari eku sunguleni.

4. Jaha ni Ntombi endyangwini wa vona lowuntshwa

Ntombi yi vutile Jaha rale tilweni.  Eka tindzimana leti landzelaka , i ro sungula kuva Ntombhi yi vitaniwa NSATI wa Xinyimpfana.

 Kutani ku fika yin’wana ya tintsumi ta 7 leti nga ni minkambana ya 7, leyi teleke mintungu leyo hetelela; ntsumi yi vulavula na mina yi ku: “Tana, ndzi ta ku komba Mutekiwa, nsati wa Xinyimpfana.” .  (Nhlav  21:9).

Kutani ku endliwa nkhuvo wa Xinyimpfana (Nhlav 19:7)  kutani vaya hanya va nga kavanyetiwi hi nchumu hilaha kunga heriki , Hi vambiri ka vona, Ntombhi ni Jaha, va hundzile hi le ka mahlomulo lamakulu, kambe se va tiphina hi mihandzu ya mahlomulo ya vona  ni ku ti karhata ka vona.

Vanhu a va nga ha endli timhaka ta masangu, a ku nga havi ni ku tekana, hikuva hinkwavo  vaxinuna ni vaxisati , hikwavo ka vona  va ta va vari  ti Ntombhi ta Kriste.

5. Miri ni mafambelo 

Endzaku ka loko Hosi Yesu a pfukile ekufeni, a tikomba eka vanhu, kambe naswona a kota ku tlhela a nyamalala exikarhi ka vona. Swile rivaleni leswaku a nga tirhisi matimba ya Yena ku suka eka ndzhawu yin’wana kuya eka yin’wana, hikuva u tikombile eka vanhu ka tindzhawu to hambana hambana. Loko a tikombile eka vamakwerhu lava 500 hi nkarhi wuri wun’we, xana avari endzhawini yin’we kumbe avari ka to hambana ke?

 Ú tlhele a humelela hi nkarhi wun’we eka vamakwavo lava tlulaka 500; lavo tala va vona va ha ri kona nisweswi, kambe van’wana va file.  (1Kor 15:6).  

Adya swakudya leswi dyiwaka hi vanhu – a swikota ku famba a ngari ni swakudya. A swikota ku tlhandluka a ya tilweni.

Xivutiso hile xi landzeka, xana hitava hiri ni vuswikoti bya njhani eka misava leyintshwa ke?

 Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n’wi vona hi xiviri xa yena. (1 Yoh 3:2).  

Xana hita swikota ku humelela ni ku tlhela hi nyamalala ke? Xana hita swikota kufamba hi hundza hile ka swilo swo fana ni khumbi ke?  Xana hita swikota ku endzela tilo ke? Xana hita swikota ku tsemakanya mpfhuka hiya eka tinyeleti tale maningi-ningini hiku copeta ka tihlo ke?  Xana matilo lamantshwa ni misava leyintshwa swi tava swi languteka njhani ke?

Ahi na tona tinhlamulo ta swivutiso leswi, kambe hi ntiyiso swi pfula miehleketo ya hina eka swilo swo tsakisa, leswi nga tshukaka swi endleka eka misava leyintshwa ni matilo lamantshwa. Hi ntiyiso a hi nga vi ni xivundza!

Paradeyisi leyintshwa ayi nga vi ni mindzelekano.  Matilo lama vangamaka ni ku kwetsima ma tava ma pfulekile leswaku hi tiphina eka wona hilaha hi rhandzaka hakona. Ku tsemakanya mimpfhuka hi famba emisaveni hinkwayo ku tava kuri mhaka yintsongo, hambi kuri ku tsumbula nuclea ya nyeleti leyi vangamaka ku hundza hinkwato switava swiri mhaka yi ntsongo.

//////////