Vaefesa

A ku nkhensiwe Xikwembu, Tata wa hosi ya hina Yesu Kriste, lexi nga hi katekisa eka Yesu Kriste hi minkateko ya moya ya tinxaka-xaka, ehenhla ematilweni.

(1:3)

  • Nhloko mhaka: Minkateko  eka Kriste
  • Siku ro tsariwa: A.D. 60-62
  • Mutsari: Pawulo
  • Ndzhawu: Ekhotsweni rale Rhoma

Yin’we ya tikereke to sungula ta nkoka swinene i kereke ya le Efesa. Pawulo musunguri wa kereke leyi u hete malembe manharhu a ri karhi a dyondzisa swirho swa yona. Kambe sweswi swiendla malembe ya ntlhanu kumbe ntsevu, pawulo na  khotsiwile eRhoma, a yimela ku avanyisiwa hi Khezari. Loko a ha yimele ku avanyisiwa, pawulo u tsarile papila leri. Kuhambana ka papila leri na laman’wana  mapapila ya yena, hileswaku leri a ri vulavuri hi mikhuva, naswona ari hlamuri swirhalanganya swo karhi leswi humeleleke eKerekeni, ematshan’weni ya swona, Vaefesa I papila ro khutaza. Ekarona Pawulo u hlamusela matshamelo ya kereke ya Yesu leswaku a hi nhlangano wo karhi , kambe I Xirho lexi hanyaka, ku nga miri wa Yesu, Kutani u khutaza vadyondzi va papila leri ra yena leswaku hinkwavo va fanele ku tirha tani hi miri lowu hanyaka wa Yesu Kriste laha emisaveni.

 Marhambu Yo Pfumala Nyama
  • Ku avanyisa ka 1-3 Matimba ya minkateko eka  

Pawulo u sungula papila rayena hi ku longoloxa minkateko ya ximoya hinkwayo ya nkoka leyi mupfumeri un’wana na un’wana a nga na yona eka Yesu Kriste. Vapfumeri eka Kriste, hinkwavo  va hlawuriwile hi Xikwembu, va kutsuriwile hi Kriste, kutani va nyikiwile ndzhaka ya matilo ha Kriste.  Nakambe va kutsuriwile, na ku endliwa vana, kutani va nyikiwile tintswalo na tinfanelo ta vuaka tiko. Himatimba ya Moya lowo kwetsima,  va kota ku hanya vutomi byo hetiseka eka Kriste. Mupfumeri un’wana na u n’wana i xiphemu xa miri wa Yesu Kriste, ku nga kereke. Xikwembu xile ku akeni ka vanhu va Xona leswaku va va tani hi Tempele leyi xi nga ta tshama eka yona. Pawulo u khongelela va hlayi va papila leri ra yena leswaku va amukela ku twisisa ka ximoya, leswaku va fikelela eka ku tsumbula xiyimo xa vona xa ntiyiso eka Kriste. Ku nga, leswaku va ni matimba.

  • Ku avanyisa ka 4:1-5:20 Matimba ya ku Hanya.

Pawulo u tshika ku hlamusela dyondzo ya kereke eka swiavanyiso swi nharhu leswo rhanga, kutani a sungula ku langutisa ka mhaka ya ku tirha, na hi ndlela leyi ku faneriwaka ku tirhiwa ha yona eka swiavanyiso swinharhu swo hetelela. Pawulo u ya mahlweni a hlamusela leswaku hi matimba ya Moya vapfumeri va fanele ku  hluvula munhu wa khale va ambala lontshwa.  Fambele leri ra rirhandzu ri fikisa eka vutomi byo tenga tanihi leswi vakriste va tikarhatelaka ku tekelela  Xikwembu. Leswi hi swona leswi vutomi lebyi teleke hi moya byi nga xiswona.

Ku avanyisa ka 5:21-6:9 Matimba Ya Ku Rhandza Na ku tirha.

Hi ndlela leyi Kriste a nga rhandza Kereke ya Yena hayona, vavanuna va fanele ku rhandza vasati va vona, vavasati na vona, hi ku swi rhandza no titsongohata, vafanele ku ti veka ehansi ka vurhangeri bya vavanuna va vona lava nyikiweke ku rhangela hi Xikwembu. Nakambe,vutomi eka Kriste byi vula leswaku vana va fanele ku xixima vatswari va vona, na vona vatswari va fanele ku kurisa vana va vona hi rirhandzu na xichavo.  Xohetelela mahlonga (va tirhi ka masiku ya namuntlha) va fanele ku tiveka ehansi ka vathori va vona, va tirha ntirho wa vona onge hi loko va tirhela Kriste. Pawulo a nga va siyangi ehandle vini hambi kuri varhangeri, kambe u va dyondzisa leswaku a va rhangeri hi mukhuva lowunene, vari karhi va tiva leswaku hosi leyi kulu I Yesu Kriste.

  • Ku avanyisa ka 6:10-24 Matimba Yakulwa.

Loko vapfumeri vari karhi va famba na Kriste, va ta hlangana na ku lwisiwa hi nala wa vutomi bya vona, ku nga yena diyavulosi. Hambi swi ri tano, ku na matlhari lawa Xikwembu xi nga va hlomisa  wona leswaku va kota ku timela miseve hi nkwayo ya nala. Matlhari lawa i ya ximoya, ahi ya nyama. I ku pfumela, xikhongelo na Rito ra Xikwembu. Himatlhari lawa ya ximoya, va pfumeri va nga kota ku lwa tinyimpi hinkwato ta vutomi va tlhela va kota ku ti hlula.

Ku Vekela Nyama Eka Marhambu
  • Pawulo u tsala papila leri ari kongomisa eka kereke ya Efesa ku tlharihisa swirho swa yona, leswaku vakota ku tsumbula matlhari ya moya lawa va nga na wona. U tirhisile swiavanyiso swi nharhu swo sungula ku hlamusela laha matlhari lawa  ma kumekaka kona, ku nga eka vuxaka bya vona na Kriste  na xiyimo xa vupfumeri bya vona eka Yena. Pawulo u teka nkarhi eka swiavanyiso swi nharhu swo hetelela ari karhi a va khutaza leswaku  va fanele ku oka mathlari lawa eka Hosi leswaku va hanya vutomi bya ku hlula. Switshame hindlela leyi, hafu ya Xiphemu xo sungula xa papila leri  xihlamusela rifuwo leri mupfumeri a nga na rona eka Kriste, kasi hafu leyo hetelela yi khutaza mupfumeri eka mfambo wa yena na Kriste.
Swipaluxi Evuton’wini Bya Wena
  • U n’wana na u n’wana loyi a vekeke ku tshemba ka yena eka Kriste, u kuma minkateko ya ximoya leyi pfelelaka. Khombo rakona, hileswaku, vunyingi bya va pfumeri va hanya vutomi tani hi va komberi, na swona, va hanya vutomi byo hluriwa. Hikwalaho ka yini swiri tano?  Vo tala a va swi tivi leswaku  va na swilo hinkwaswo eka Kriste, hi ndlela yo leyo va tsandzeka ku tirhisa switirhisiwa swa Ximoya leswi nga swa vona. Xana wa swi twisisa leswaku hi swihi switirhisiwa swa wena eka Kriste ke? Loko swi nga ri tano, vaefesa va ta ku pfuna. Loko u tiva lomu switirhisiwa swa wena swi humaka kona, “sungula, kumbe yana emahlweni, famba hi ku vitaniwa loku u vitiweke ha kona eka Kriste’. (Vaefesa 4:1).
Dyondzo Ya Vutomi Eka Vaefesa
  • Tsundzuka leswaku hile ka Kriste ntsena laha u nga kotaka ku kula e moyeni. Xikwembu xi ku nyikile switirhisiwa hinkwaswo leswaku u kota ku hlula nala.
  • U fanele ku tirhisa swi tirhisiwa swa Xikwembu, leswaku u hlula tinyimpi ta ximoya.
  • U fanele ku tira ntirho wa wena hinkwawo tani hi loko u tirhela Hosi.
  • Xikwembu xi vekile maendlelo lawa u fanelaka ku malandza evuton’wini bya ndyangu wa wena leswaku u humelela.

.

Laha Swi Kumekaka Kona
  • Ku khunguvanyisa Moya … Vaefesa 4:30
  • Kulondzovota nkarhi … Vaefesa 5:15-16
  • Swiletelo ni vutihlamuleri eka swa vukati …  Vaefesa 5:22-23
  • Mahanyelo ya vana na vatswari … Vaefesa 6:1-4
  • Mahanyelo ya vathori ni vatirhi … Vaefesa 6:5-9
  • Matlhari  ya mupfumeri ya moya … Vaefesa 6:10-17

.

Matlharhi Ya Xikwembu (Vaefesa 6:14-17)
  • Vamba ra ntiyiso
  • Xisirhelelo xa leswo lulama
  • Tintangu tani hi Evhangeli yaku rhula
  • Xitlhangu xa ku pfumela
  • Xihuku xa ku ponisiwa
  • Tlharhi ra moya, ku nga Rito ra Xikwembu.

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *