Vafilipiya

Titsakeleni eHosini masiku hinkwawo; ndzi tlhela ndzi vurisa sweswo ndzi ri titsakeleni!

(4:4)

• Nhloko mhaka: Vutomi lebyi taleke hi ntsaku
• Siku ro tsariwa: A.D. 62
• Mutsari: Pawulo
• Ndzhawu: Ekhotsweni

Swi lave ku endla malembe yo ringana mune kumbe ntlhanu Pawulo a nga se endzela eFilipiya laha a byaleke kereke eka riendzo ra yena ra vumbirhi ra vurhumiwa bya yena. Kereke ya le Filipiya minkarhi hinkwayo a yi nyikelela male yo pfuneta Pawulo eka swilaveko  swa yena swa timale leswi ngava swa nkoka. Henhla ka sweswo, loko vatwile leswaku Pawulo u khotsiwile, va rhumerile nhlengo wun’wana ku n’wi pfuna, va tlhela va rhumela na nandza Epaphroditus ku n’wi tirhela. Khombo rakona hileswaku Epaphroditus u khomiwile hi mavabyi ku kondza a lava ku hundza emisaveni. Pawulo loko avona rifu rayena riri kusuhi, utsarile papila leri a nkhensa nyiko ya vona. Pawulo u tlherisela Epaphroditus na papila eka vafilipiya ava tiyisa, a ku ava tshami eka ntwanano, va hambana na tidyondzo ta mavunwa.

 Marhambu Yo Pfumala Nyama

• Ku avanyisa ka 1 Xiyimo xo Tikeriwa ka Pawulo

Hambi loko Pawulo a bohiwile hi ti mpecani, a nga helanga matimba, kambe u hlamusela leswaku mhaka leyi i ya ku tiyisa Evhangeli ya Kriste. (Vafilipiya 1:2). Pawulo u tiyisisa leswaku hambi loko a nga fa hikwalaho ka Evhangeli, Kriste u ta dzunisiwa. Naswona, leswinene swi nga humelela endzhaku ko xanisekela Evhangeli ya Kriste.

•  Ku avanyisa ka 2:1-18 Kukhongotela ka Pawulo ka Rirhandzu

Pawulo u sungula ku dyondzisa Vafilipiya hi ku va khutaza a ku va twanana un’wana eka un’wana , naswona, xilotlelo xa ntwanano i ku tirhelana tani hi va makwerhu, handle kova munhu a ti lavela swa yena ntsena, a nga vi na nkarhi wa va nakulori. Mukriste u fanele ku landza ntila wa Yesu Kriste, a nga ti lavelangi swa yena, kambe u tinyiketile ku ya exihambanweni ku fela vanhu hinkwavo.    

• Ku avanyisa ka 2:19-30 Vanghana va Pawulo lavo tshembeka.

Hi ku landzela, Pawulo u yisa ku nkhensa ka yena eka Timoteo, ku va a hlawulekile e ma hanyelweni ya yena, na hi ndlela leyi a pfuneke Pawulo ha yona eka ntirho wa Hosi. Pawulo u navela leswaku a rhumela wa nuna loyi e Filipiya  ku yisa Evhangeli kona. Nakambe, Pawulo a nga rivali ku dzunisa epaphroditus, loyi a n’wi tirheleke hi ku tiyimisela ku kondza a khomiwa hi vuvabyi, vavanuna lava mbirhi, i swi kombiso swa kahle eka vutomi bya vukriste byo ti nyiketela ku tirhela eka Evhangeli. 

• Ku avanyisa ka 3:1-4:1 Matshinyelo ya Pawulo.

Riendzo ra va Kriste ari olovi, Vafilipiya va fanele ku tiva leswaku van’wana va vona vata landzula, hikwalaho va fanele ku tiyisela va kongoma emahlweni eka leswi va tiyimiseleke swona, ku nga ku kula emoyeni. Loko misava yi sungula ku va tikela , va fanele va tsundzuka leswaku va na kaya ra ntiyiso etilweni.

• Ku avanyisa ka 4:2-23 Nkhutazo wo Hetelela wa Pawulo

Hambi leswi vutomi byi tikaka, Pawulo u hlamusela leswaku vapfumeri eka Kriste a va fanelanga ku hela matimba no pfumelela miehleketo yo biha yi va heta matimba eka ripfumelo ra vona eka Kriste,kambe va fanele ku ti tsakela eHosini, va rhulela hinkwaswo eka Yona. Loko va endla sweswo, ku rhula ka Xikwembu ku ta fuma miehleketo ya vona.

Ku Vekela Nyama Eka Marhambu

• Mhaka nkulu eka papaila leri i ‘’Ntsako’’ hitlhelo rin’wana, rito leri ra ntsako ri tirhisiwile ku ringana ka 19. Loko Pawulo a ku ‘’titsakeleni eHosini’’(4:4),  a nga ri ka xiyimo xo tsakisaka, kambe ari ekhotsweni e Rhoma. Hambi swi ri tano, hi vona Pawulo a tsaka hambi loko a ri ekhotsweni hi kwalaho ka Rirhandzu ra ku tiva Yesu. Uya emahlweni a tsaka hambi kuri hi ku xanisekela evhangeli ya Yesu Kriste. Lexi i xi hundla xa ku tsaka evuton’wini bya vukriste. Ntsako awuvi kona hikwalaho ka swi pimelo swo karhi, kambe wu va kona hikwalaho ko tiva Yesu Kriste na vutomi lebyi nga eka Yesu Kresite.

Swipaluxi Evuton’wini bya wena.

• Un’wana ni u’nwana u lava ku ti kuma ari na ntsako. Hikwalaho, vanhu lavo tala va pepetseka ni misava hinkwayo va lava swilo leswi nga va tsakisaka, kambe ntsako lowu va wu kumaka, wu va kona hi kwalaho ka swilo swo karhi , loko swi hela na wona ntsako wo hangalaka. Kambe lava va tivaka Xikwembu, vana ntsako hi ku tiva leswaku Xikwembu hi Xona xi tirhaka eka vutomi bya vona bya siku na siku, hikokwalaho, va ti kuma vari na  ntsako eka swiyimo hikwaswo, kungari na swipimelo. Xana wawutiva nstako wa xiviri ke? Xana wa n’wi tiva Yesu kriste hi xiviri ke?. Ku tsaka ka ntiyiso ku va kona hi loko hi tiva Yesu tani hi Hosi ni muponisi wa vutomi bya hina. Hikwalaho, hi tshembela eka matimba ya Yena hi xiviri, a hi tshembeli ka hina vinyi.

Dyondzo ya Vutomi eka vaFilipiya

• Swiyimo swo tika a swi faneli ku ku sivela ku fambisa Evhangeli.
• Yesu u ti tsongohatile ku endlela van’wana leswi nene, hi fanele ku landza mintila ya yena.
• Vun’we byi humelela loko u rhangisa swilaveko swa van’wana, handle kova u ti lavela swa wena ntsena.
• U lerisiwa leswaku u nga tshuki u vilela, kambe eka hinkwaswo tshikela Hosi, kutani Yona yi ta tirha.
• Hambi loko u ri eka xiyimo xo tika, xi nga hundzuka ku tsaka, ku tani wena u sungula ku tlangela.

Laha Swi Kumekaka Kona

• Xikw xi ta hetisa leswi xi swi sunguleke eka wena … 1:6.
• Ku hanya i kriste, ku fa i ku vuyeriwa … 1:21.
• Kriste i xikombiso xa vumunhu bya hina … 2:5-11.
• Un’wana na un’wana u ta vula leswa. Yesu iHosi … 2:10-11.
• U ta tiva Yesu ni matimba ya Yena … 3:10.
• Umuaka-tiko wa le tilweni … 3:20.
• U fanele ku tsaka eHosini … 4:4.
• Ndzi nga endla hinkwaso ha Yesu loyi a ndzi haka matimba … 4:13.
• Xikwembu xi ta hi phamela eka hinkwaswo … 4:19.

 Yesu Eka Vafilipiya

•  Yesu I vutomi bya hina (1:21)
• Kriste I vumunhu bya hina ni matimba ya hina (2:5)
• Kriste i ku tshembha ka hina (3:21)
• Kriste i matimba ya hina (4:13)

//////////