Vakolosa

Hikuva vukwembu hinkwabyo byi akile hi ku tala eka yena, emirini wa yena, kutani n’wina mikumile vutomi lebyo tala eka yena; hiyena langa nhloko ya hinkwaswo leswi nga ni vundhuna ni ku fuma.

(2:9-10)

  • Nhloko mhaka: Vukwembu bya Kriste
  • Siku ro tsariwa: A.D. 60-61
  • Mutsari: Pawulo
  • Ndzhawu: Ekhotsweni

Kolosa i tiku leri ntsongo ra 100 wa timayili hi tlhelo ra vuxa bya Efesa. Mufundhisi loyi a nga musunguri wa kereke kona eka ndhawu leyi ya Kolosa a ku nga ri Pawulo, kambe kuve wanuna loyi a vuriwaka Epaphras, loyi a hundzuriweke hi Pawulo loko a endzele e Efesa. Pawulo u chumayerile malembe manharhu eka riendzo ra yena ra vunharhu ra vurhumiwa bya yena e Efesa. Pawulo a nga se tshama a endzela kereke ya le Kolosa, kambe Epaphras u endzerile Pawulo e Rhoma laha a nga n’wi nyika swiviko hinkwaswo swa ti dyondzo to hambuka leti dyondzisiwaka e Kolosa. Hixihatla, Pawulo u tsarile papila leri a tshinya no lemukisa Vakolosa eka tidyondzo to hambuka leti a ti onha vito ra Kriste. U tsarile a va nyika matwisiselo  lama nene ya matshamelo ya Kriste ni leswi a lavaka ku swi hetisisa.

Marhambu yo Pfumala Nyama
  • Ku avanyisa ka 1:1-14 Mbilu Ya Pawulo

Pawulo u xeweta va kriste e  Kolosa hi ku nkhensa Xikwembu eka mihandzu ya ximoya leyi va yi kombiseke eka vutomi bya vona, a tlhela a va khongelela leswaku va tala vutivi bya ku rhandza ka Xikwembu evuton’wini bya vona. Loko Vapfumeri vo tiva no twisisa leswi Xikwembu xi swi rhandzaka eka vona, va nga kota ku va na mihandzu ya ximoya.

  • Ku avanyisa ka 1:15-2:7 Ntiyiso Hi Kriste

Swile rivaleni leswaku va n’wana va lava dyondzisaka tidyondzo to hambuka e Kolosa va vula leswaku kahari na swotala hi vutomi bya vukriste e handle ka dyondzo ya Kriste hikwalaho, va hlohlotela leswaku swa fanela ku lavisisa na ku dyondza mindzhavuko ya vukhongeri byi n’wana. Pawulo u tshinya mikhuva leyo biha, a hlamusela leswaku Kriste a ri swakwe, I hinkwaswo Leswi munhu a swi lavaka. Kriste ari swakwe, I nhloko ya kereke, ku tshemba ka ku kwetsima loku languteriwaka,  ni munyiki wa vutlhari ni vutivi bya ntiyiso.

  • Ku avanyisa ka 2:8-23 Ku Helela Ka Mupfumeri eka Kriste  

Va dyondzisi va mavunwa e Kolosa a va hlohlotela va kriste va vula leswaku, va fanele ku lava vutivi bya xiyimo xale  henhla  na ku hlayisa milawu yin’wana. Kambe Pawulo wa va kaneta, a lerisa leswaku vapfumeri eka Kriste va na hinkwaswo hi matlhelo hinkwawo, ku katsa na ku ponisiwa ka vona, a va ha boheki ku landza milawu yin’wana.

  • Ku avanyisa ka 3-4  Matikhomele ya Mupfumeri eka Kriste

Handle ka ku landzelela milawu leyi endliweke hi munhu, leyi vulaka mavunwa hi vukulu bya vukhongeri, Pawulo u lerisa leswaku Vapfumeri va vitaneriwe  ku tshika tindlela ta vona ta laha misaveni,(vukarhi, vubihi mavulavulelo yo biha, ku hemba mavunwa,  na swin’wana na swin’wana swo biha), kutani va funengela matikhomelo ya munhu lontshwa – Musa,  vunene, ku titsongohata, ku olova, ku lehisa mbilu, ku tiyisela na ku rivalela. Evuton’wini bya vona, e mintirweni, e makaya ya vona, vapfumeri va fanele ku hanya va tsakisa Xikwembu kungari  vanhu.

Ku Vekela Nyama Eka Marhambu
  • Pawulo u rhandza leswaku Vakolosa va twisisa nhlamuselo ya vukulukumba bya Kriste. Xosungula u hlamusela leswaku Kriste ufanele kuvoniwa tani hi nala wa swihena. KrIste u hinkwaswo leswi mukriste aswi lavaka, a ku na leswi faneleke ku engeteriwa loko munhu ari na Kriste tani hi Muponisi. Xavumbirhi,tani hileswi Yesu a nga henhla ka swilo hinkwaswo, vapfumeri vale Kolosa va fanele ku hanya vutomi byo tiveka ehansi ka Kriste eka swiendlo na mianakanyo ya vona. Vafanele kuva na musa, tintswalo, vatitsongahata, va olova, valehisa mbilu, va rivalelana na ku rhandzana. 
 Swipaluxi Evuton’wini Bya Wena
  • Hikuva Kriste i wa matimba hinkwawo, ku tiveka ehansi ka Yena ahi kutitwela.Tani hileswi mi ti vekaka ehansi ka milawu ya Yena, Yena  u nyika masungulo na matimba ya ku mihundzula hi matlhelo hinkwawo ya vutomi bya n’wina, ku katsa emindyangwini na le mintirwheni ya n’wina. Xana Kriste hiyena  lonkulu  evuton’wini bya wena ke? Hlaya papila ra  Vakolosa, kutani u ta kuma vutivi na ku twisisa ko antswa hi taku hetiseka ka Muponisi wa wena e ka swilaveko swa vutomi bya wena matlhelo hinkwawo.
Dyondzo Ya Vutomi Eka Vakolosa
  • Loko swi fika eka ku ponisiwa ni ku hanya vutomi bya Vukriste, Hosi Yesu Kriste u ku endlike hinkwaswo.
  • U hetisekile eka Yesu Kriste, a ku na leswi u faneleke ku swi engetela hambi dyondzo yo karhi, ntokoto kumbe milawu yin’wana ya vukhongeri.
  • Kriste u na Vukulukumba hinkwabyo, nakambe ku tinyiketa ka wena eka yena kufanele ku hetiseka.
  • Ku hanya vutomi bya VuKriste swi vula ku hluvula xivumbeko xa munhu wa misava, u ambala xivumbeko xa Kriste.
Laha Swi Kumekaka Kona
  • Minga tshuki mihembelana mavunwa … 3:9
  • Rwhalelanani Mindwhalo … 3:13
  • Rivalelanani … 3:13
  • Khongotelanani … 3:16
Kriste Eka Vakolosa
  • Kriste I ku kutsuriwa ka hina (1:14)
  • Kriste i Xifaniso xa Xikwembu xa xiviri (1:15)
  • Kriste I mutumbuluxi na mutameri wa Swilo hinkwaswo (1:16-17)
  • Kriste I nhloko ya Kereke (1:18)
  • Kriste I n’wini wa ndzivalelano (1:20)
  • Kriste I tshinya ra ku langutela ka hina (1:27)
  • Kriste I tshinya ra matimba ya ku hanya. (1:29)

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

Leave a Reply

Your email address will not be published. Required fields are marked *