Xana Xikwembu xikona?

A. INA, XIKWEMBU XIKONA HIKUVA NTUMBUNUKU HINKWAWO WU VULAVULA HI XONA

Xi vutiso xa wena hi vukona bya Xikwembu, xi komba leswaku u ehleketa hi mhaka ya nkoka. I xi vutiso lexi twakalaka, lexi naswona Xikwembu Xi nga ni nhlamulo leyi baseke. Xivula leswaku: langutisa ematlhelweni nkarhinyana, kutani u ti vutisa u ku xana swi huma kwihi hinkwaswo leswi?

Xana Dyambu, N’weti, ni Tinyeleti swi nga va swi yo ti tumbuluxa ke? Kumbe u nga va u tiva un’wana loyi a nga kotaka ku endla hambi kova xi Nyeletani xi ri xin’we ke? Loko wo langutisa wansati a ri karhi a kukula gheke hi nkunkulu lowu a wu rhungeke, a wu nge kokiwi mahlo hi nkukulu, kambe u nga tibyela u ku namina ndzi nga wu rhunga, kambe loko wo langutisa Xihaha-mpfuka le xi kulu xi ri kari xi tsemakanya hile henhla ka wena empfhukeni, hi ku hatlisa u nga swi amukela leswaku xi endliwile hi munhu loyi a tlhariheke, loyi a nga na swi tirho swi kulu. Nusa misava hi xi yandla, kutani u ehleketa leswaku hambi mutivi wa Sayence (Ciência) loyi a tlhariheke ngopfu a nge swikoti ku endla nsava hambi wuri wun’we laha ku nga riki na nchumu. Ina, mintirho ya Xikwembu I yi kulu swinene, loko ho langutisa ematlhelweni hi ku tshembeka, hi nga vula leswaku I ntiyiso Xikwembu Xikona, hilaha Xivulaka hakona e Ritweni ra Xona Xi ku:

Sweswi ke, vukarhi bya Xikwembu byi vonaka byi huma hile tilweni, byi wela ehenhla ka vubihi ni vuhomboloki hinkwabyo bya vanhu lava sivelaka van’wana ku tiva ntiyiso hikwalaho ka ku homboloka ka vona. Hikuva leswi swi nga tiviwaka swa Xikwembu swi le rivaleni eka vona. Xikwembu hi xi viri Xa Xona Xi va  kombisile swona. Hikuva hi mpfuka misava yi tumbuluka leswi nga vonekiki swa Xikwembu, ma nga matimba ya Xona lama nga heriki ni vukwembu bya Xona, swa vonaka swinene loko ku anakanyiwa mintirho ya Xona, hikokwalaho, va hava xo tilandzula ha xona. (Rho 1:18-20).

Se Xikwembu Xivula leswaku xi ti hlavuterile eka vanhu hi Ntumbunuku, kambe vanhu hi ku rhandza ka vona va tsan’wile na ku kanya vutivi byo lebyi hikuva a va rhandzi kutirhela Xikwembu.

 Homu yi tiva n’wini wa yona, ni mbongolo yi tiva lomu mufuwi wa yona a yi phamelaka kona, kasi Va-Isirayele, vona vanhu va mina, a va ndzi tivi, no twisisa a va twisisi. (Es 1:3).  

Ina, xihari xo kala mano, xi n’wi tiva kahle loyi xi lumbaka yena, loyi a xi hlayisaka, naswona loyi xi fanelaka ku n’wi yingisa, kambe munhu loyi a tlhariheke wa ti endlisa, onge hiloko a nga n’wi tivi loyi a n’wi tumbuluxeke, loyi endlaka leswaku dyambu ri n’wi kufumeta, a tlhela a n’wi nyika moya lowu a wu hefemulaka.

B. XIKWEMBU XIKONA HIKUVA XI TI HLAVUTELA EKA MUNHU EBIBELENI

Bibele yi khomile timhaka hinkwato leti lavekaka eka munhu kuva a tiva Xikwembu na kuva a famba na Xona.

Matsalwa lawa hinkwawo ma huhutiwile hi Xikwembu, mapfuna ku dyondzisa, ni ku laya, ni ku ololoxa, ni ku tolovetisa leswo lulama. Leswaku munhu wa Xikwembu a va loyi a hetisekeke, a ti lulamisela ku endla ntirho wun’wana ni wun’wana lowunene. (2 Tim 3:16,17).

C. XIKWEMBU XIKONA HIKUVA XI TI HLAVUTERILE EKA MUNHU HI MOYA WA XONA

Hi nga dyondza eka Swivuriso 1:20-33. Laha Moya Lowo Kwetsima wu vitaniwa “Vutlhari” mikarhi hinkwayo wu vulavula ni munhu, kambe vanhu a va koti ku tsumbula rito rero ra le ndzeni tani hi rito ra Xikwembu.

Loko munhu a za a nyiketa vutomi bya yena eka Hosi leswaku Yi hanya endzeni ka Yena, Moya Lowo Kwetsima wa fakaza e moyeni wa yena leswaku se I n’wana wa Xikwembu.(Rho 8:16).

//////////

Leave a Reply

Your email address will not be published. Required fields are marked *