Yesu ni varhangeri va ta vukhongeri

Hikwalaho ka mahlori yo tala lawa Yesu a ma endleke tani hi xikombiso xa matimba ya yena ni tidyondzo ta yena to pfuna ngopfu, magindi-gidi ya vanhu lavo tala va n’wi landzile hinkwaku laha a a ya kona. Leswi swi endle leswaku a varhangeri va ta vukhongeri bya Vayuda va ngheneriwa hi vukwele. A ku ri ni mintlawa yo hambana-hambana exikarhi ka lava a va ri ni vukwele na Yesu, ku fana ni Vafarisi, Vasaduki ni Vatsari. A vanhu lava a va dyondzeke ngopfu swinene na swona a va dyondze nawu wa Muxe hi laha swi lavekaka hi kona. Naswona va engetele tinhlamuselo ta vona eka minawu liya leswi endleke leswaku yi tikela swisiwana swi ko swi tsandzeka ku tirhela Xikwembu. A va ri vakanganyisi hikunene, leswi vulaka leswaku a va chumayela swinene, kambe a va nga endli leswi va dyondzisaka swona. Yesu a wu tshinye ngopfu swinene moya lowu wok ala ku tshembeka, wo endla swilo leswi hambaneke ni leswi va swi dyondziska, va ti vula malandza ya Xikwembu kambe va ala ku xi tirhela ku ya hi ku lerisa ka xona. Eka xiyenge lexi saleke xa dyondzo leyi, hi ta vona hi laha varhangeri lava va n’wi hlaseleke ha kona Yesu hi marito ni hi laha yena a hlamulaneke na vona hi kona.

LUKA 11: 14-20

Yesu a ni matimba ehenhla ka mimoya leyo biha, kambe varhangeri vat a vukhongeri a va nga ri na wona

Swi languteka onge wanuna wo karhi a a nga vulavulri, a xanisiwa hi mimoya yo biha leyi nwi endleke hlonga ra yona. A varhangeri vat a vukhongeri, a va nga ri na wona matimba yo nwi tshunxa, kambe loko va n’wi tise ka Yesu, a hlongole demona kutani wanuna loyi a sungula ku vulavula. Kutani kuva ni ku huwelela ka vudumo bya ntsaku loku humaka exikarhi ka xitshungu.
Lava a va nga ri na byona vuswikoti bya ku pfuna wa nuna luya, va tsandzekile ku hlamusela leswaku hinkwalaho ka yini Yesu a ri ni matimba ku tlula vona. Leswaku tat a funengeta tingana ta vona, va huwelele hi rito leri tlakukeke, va ku: “A hlongola mademona hi moya wa Belzebule, a hosi ya mademona.” Wa nga vona hi laha Yesu a kombiseke hi kona vutlharhi bya yena eku hlamuleni ka yena: “Diyavulosi I hosi ya mfumu wa munyama. A demona ler ira há ku hlongoriwaka i rin’wana ra vatirheli va kona lero tshembeka. Loko Diyavulosi a hlongola mademona ya yena nwinyi evutonwini bya vanhu lava a va endleke mahlonga ya yena, a le ku lahlekeriweni na swona a le ku tshoveni ka mfumo wa yena, kutani a ta wu endla wu wa. I Xikwembu ntsena lexi kotaka ku yima xi lwa ni mademona hi matimba ya xona ntsena, ni endle leswi hi matimba ya Xikwembu.” A ku vanga ni munhu ni un’we eka va kaneti loyi a aleke ku ti hlamulela ka Yesu, na swona swiva endle va ya emahlwni va khoniseka tingana swinene.
Kutani Yesu a engeta a vula leswi: “Kambe van’wana va vana va n’wina va hlongola mademona, xana ma va lumbeka vana va n’wina mi ku va tirhisiwa hi Diyavulosi xana?” Na wona lawa ma ve marito ya kahle. A kombisa ku tsaka nyana hi ku twa leswaku a vana va hlongola mimoya ya mademona kutani va vule leswaku I matimba ya Xikwembu, kambe hikuva a va n’wi venga Yesu, va arile ku pfumela leswaku a rhumiwe hi Xikwembu ni leswaku a ni matimba ehenhla ka mintamu ya mademona.

LUKA 11: 33-36

Yesu a a ri ni rivoningo ra Xikwembu leri a a kota ku ri tluleta vanhu, kambe a varhangeri vat a vukhongeri a va nga swi koti

Lana Yesu a le ku hlamuseleni ka leswaku hikwalaho ka yini varhangeri vat a vukhongeri eka nkarhi wa yena, va tsandzekile ku twisisa ku rhandza ni tindlela ta Xikwembu ni hi laha a va lahlekisa va landzeri va vona hi kona. A te ka vona, a ntirho wa rivoningo I wa ku endla leswaku yindlo yi kuma ku vonakala, leswaku munhu la nghenaka ndlwini a kota ku vona laha a nga kona. Wa swi kota ku vona xitshamu xa laha a nga ta tshama kona. Wa swi kota ku vona tafula nil aha a nga vekaka kona swilo leswi a ngheneke na swona. Hi ndlela yoleyo, A tihlo i rivoningo ra miri wa munhu. A mahlo ma komba munhu leswi nga matlhelweni ya yena. Ma n’wi komba laha mafasitere ya yindlo ma nga kona, kutani a kota ku pfula leswaku ku nghena moya wa ku pepa. Ma n’wi komba mana wa yena la tshameke ekhoneni kutani a kota kuya n’wi xaweta.
Loko mahlo ya munhu ma file, a mir wa yena hinkwawu wu tsanile, ku fana ni loko munhu a yime ndlwini ya munyama. A nga va ni muri lowu tiyeke swinene, kambe a wu nga vi ni xipfuno eka yena hikuva a voko ra yena a ri nag swi koti ku vona vuswa etafuleni, hikokwalaho a ri nge swi koti ku tshambuluka ri teka vuswa ri byi nghenisa enonwini. A minkondzo ya yena na yona yi tava yi nga voni, yi nga tivi laha nyangwa wa le quarto wu nga kona kutani na wona miri hinkwawu a wu nga koti ku yi tiva. A munhu wo fa mahlo swa olova leswaku a pswanya hambi ku vavisa vana lava tlangelaka ku suhi na vona, hambi hi ku hingiwa a wa kutani a ti vavisa.
Hi ndlela yoleyo, a moya wa munhu wu ambexiwe hi mahlo ya moya leswaku wu kota ku vona swa moya. Kutani u kota k uvona swilo tani hi laha Xikwembu xi swi vonaka hi kona. Wa kota ku tiva leswi u fanelaka ku swi endla ni leswi u nga faneriki ku swi endla. U ta kota k uvona laha u yaka kona kutani u va u ti phina hi vutomi. A wu nge khungiwi hi xidyoho ni ku wela xona. Kambe a varhangeri va ta vukhongeri a va fe mahlo ya moya, hikokwalaho a va famba emunyameni eka ta ximoya, kutani a va yisa valandzeri va vona exihogweni xa munyama lowu enteke. Yesu i ku vonakala ka misava. Loko munhu a n’wi pfulela vutomi bya yena, kutani Yesu a nghena, a ku vonakala ka le moyeni ka khuluka ku nghena, kutani a vubofo byi nyamalala. A munhu wo tano, a nga ha le khotsweni.

LUKA 11: 37-41

A ku fa ka mahlo ya varhangeri vat a vukhongeri, ku endle leswaku va hisekela ku sasekisa munhu wa le handle ntsena, kambe timbilu ta vona leti nga voniwiki, a ti nyamile hi niehleketo ni makungu ya chaka.

Ha vona nakambe leswaku a Vafarisi a va nga koti ku vona ni ku twisisa hlamuselo wa rito ra Xikwembu. A va pfumeri va mi nkarhi liya, a va hanya hi nawu ni swi leriso leswi Xikwembu xi swi nyikeke Muxe, kutani a nawu ni marito ya Xikwembu i swilo leswi hetisekeke. A yi ri mhaka leyinene ku hanya hi ku lerisa ka swona.
Hikuya hi minawu yaleyo, loko muprista a nga se nghena etabernakeleni kuya tirhela Xikwembu, a a fanela ku rhanga hi ku ti basisa hi ku hlamba exihlambelweni lexi lulamiseriweke vaprista enyangweni wa tabernakela. A ku hlamba loko ka miri, a ku ri ni xikombiso xa ku hlampswiwa ka swidyoho hi ngati ya Yesu, ehandle ka ku hlampswiwa loku, a ku na munhu loyi nga tshinelelaka emahlweni ka Xikwembu kumbe ku xi tirhela.
A minawu leyi naswona a yi komba leswaku a swilo swo karhi kumbe vanhu va nga va lava nga tengagiki kuya hi nawu masiku ma nga ri mangani kuya hi leswi lerisiweke. A miri lowu feke hi xifaniso, kumbe munhu loyi a nga ni vuvabyi byo fana ni hlokonho, na vona a va languteka va nga tenganga emoyeni ni le nyameni kuya hi nawu, kutani a munhu loyi a khumbanaka na leswi nga tengangiki, a a va la nga tengangiki enyameni ni le moyeni, kutani a a fanela ku landza nawu wa ku basisiwa leswaku a ko a basa.
A va farisi lava a va nga swi twisisi leswaku a ku basisiwa ka munhu wa le handle a swi nga basisi munhu wa le ndzeni ku nga mbilu. A mufarisi loyi Yesu a ngheneke ekaya ka yena kuya dya, a titwe onge a a basile emahlweni ka Xikwembu hi ku hlamba mavoko na a nga se dya, ehenhla ka swona a a endle leswiya emahlweni ka vanhu lavo tala leswaku a kota ku voniwa hi vona ni ku khuziwa swinwe ni ku tiviwa tani hi mukhongeri. Kutani a langutela Yesu ehansi hikuva a a nga hlambanga mavoko.
Hosi Yesu a a kota ku vona xikongomelo xa mbilu ya yena xa leswi a a endlela swona, kutani nwi rhukana ni ku nwi fanisa ni xinwelo tirhisiwaka ku nwa hi xona, lexi fanelaka ku hlampswini endzeni ni le handle. A mufarisi a a yo hampsa mavoko ya yena ehandle ka vutomi bya yena hi ku hamba mavoko emahlweni ka vanhu, kambe endzeni ka xin’welo, ku nga embilwini ya yena ni vutomi bya yena, leyi munhu a a nga koti ku yi vona, a yi borile. Hikuva a a ri murhangeri wa ta vukhongeri a a languteka a sasekile hi le handle , a vanhu a va ta ka yena ku ta ta timula torha leri a va ri na rona ra ximoya, kambe leswi a swi huma enon’wini wa yena a swi nun’hwa kutania a swi pswala rifo eka lava a va nwa eka yena; lava amukela tidyondzo ta vona.
Eka vhesi ya 44, a va fanisa ni masirha. Mi ni khombo hikuva mi fana ni masirha lama nga há vonakini, lava vanhu va fambaka ehenhla ka wona na va nga swi tivi. Loko u famab eka sirha hi ndlela leyo, swi olovila ku limaziwa hikuva ri marhambu ya munhu la feke ni nyama leyi boleke. Yesu a a vula leswaku va funengeta ku bola ka vona k ale ndzeni hi ku ti londla-londla hi swiyimo swa le handle. Ni tshemba leswaku hinkwerhu há swi twisisa ni ku swi tiva leswaku swi olovile ku hlampswa munhu w ale handle hi mati ni sipho, ku tlula ku hlampswa munhu mbilu ya wena eka xidyoho. A papila leyi yi komba xi laveko xa ku tisola ka swidyoho swoleswi, ku hundzuka ni ku basisiwa loku endlekaka hi ku pfumela eka ngati ya Yesu Kriste, ni ku famaba ni Xikwembu u xi tshemba leswaku xi ku biyelela eka swidyoho.

LUKA 11: 42

A swilo swin’wana sw bola eka vutomi bya varhangeri lava hi leswaku a va nga ri ni rirhandzu ra ntiyiso kambe a va tale hi ku navela ku xiximiwa.

A varhangeri lava a va avelana ntshovelo lowu a va wu kuma emasin’wini ya vona hi ku ringana eka un’wana ni un’wana, kutani va nyikela ku avanyisa kun’wana ekerekeni tani hi laha nawu wa Muxe a wu dyondzisa hikona. Leswi a a ri swilo swa le handle leswi a swo voniwa hi swirho swa kereke, kambe va tsandzekile ku khoma van’wana hi ndlela ya kona. Leswi a va tsandzeka ka swona leswi kulu, I rirhandzu ra vona ni Xikwembu. Swa olova ku nyika swindzohana swo tata swinwelana swinmbirhi eka Xikwembu, ku tlula ku xi rhandza hi mbilu hinkwayo.
Xin’wana a va rhandza ku tshama eka switshamu swa le mahlweni leswaku vat a kota ku voniwa ni ku hloniphiwa hi vanhu. Naswona a va tsakela ku xawetiwa hi vanhu loko va ya emabazara: “Rixilu Murisi wa mina, rixile muchaviseki wa mina. Oh! Ni tsakile ku mi vona Pastor wa mina.” Yesu a nga vulanga leswaku swi bihile ku komba rirhandzu ni xihlonipho eka Mfundhisi, kambe a swi faneri leswaku varhangeri va veka mthetho wa leswaku va fanele ku endleriwa, hikuva a ku dzunisa ni ku xiximiwa swi fanele swi yisiwa eka Xikwembu ku sungula. A varhangeri lava a va nga xiximi munhu kambe vona a va lava ku xiximiwa.

LUKA 11: 52

A xihoxo xikulu xa vona xi vex a ku fihla makhiya ya nyangwa wa mfumu wa Xikwembu.

Loko wo yiva makhiya ya yindlo ya munhu, u va u n’wi sivele ku endla hinkwaswo leswi a nga swi lavaka endlwini ya yena, hikuva a a nga ta swi kota ku nghena. A Evhangeli ya Hosi ya hina Yesu Kriste I makhiya lama nyikaka munhu mpfumelelo wa ku nghena eka Xikwembu ne ka hinkwaro rifuwo endlwini ya xona ku nga mfumu wa xona. Loko munhu a twisisa Evhangeli ni ku amukela Yesu tani hi Hosi ni muponisi wa yena, a rifuyo hinkwaro ra Yesu ra n’wi lumba. Kutani Yesu a hundzuka ndzindza wa vukhongeri bya munhu loyi.
A varhangeri vat a vukhongeri lavaya, a va nga swi rhandzi leswi ni ku tsongo. Vona a va ti endla tinyangwa leti vanhu va faneleke ku nghena eka Xikwembu hi tona. A va tiendla tinyangwa leti vanhu va nga nghenaka ni ku huma hi tona. Kutani leswo a va hleketa leswaku hi swona swi fanelaka k uva nyika vudumo ni ku xiximiwa hi vanhu.
Loko u chumayela munhu Evhangeli, u le ku vekeni ka makhiya emavokweni ya yena hikokwalaho, hambuka endleleni ya yena leswaku a tipfulela a nghena loko a tihlawulela swoleswo. Kutani wena tani hi muchumayeri wa Evhangeli, nyamalala eka xivoni, kutani Yesu loyi a nga yena nyangwa a teka ntirho. A Evhangeli (Mahungu lamanene ya ku ponisa hi ngati ya Yesu) yi na risima swinene ku tlula loyi a yi chumayelaka. A muchumayeri wo titsongahata, a nghenisa makhiya eka loko ya rivanti, a byela lava há yimeke ehandle ka tintswalo ta Xikwembu, kutani a yima etlhelweni leswaku un’wana ni un’ana a kota ku tiendlela xiboho xa yena n’winyi na a nga hingeletiwi hi munhu a tikhomexi xikhiya hi yexe a pfula a nghena laha Xikwembu xi nga kona.
Leswi hi swona leswi endleke leswaku a varhangeri vat a vukhongeri va venga Yesu swinene ni Evhangeli ya yena. A va tikurisa swinene va ko va tsanwa ku basisiwa ka swidyoho swa vona hi ngati ya Yesu. Hi ndlela leyi, a va nga pfumeri leswaku Yesu hi yona ndlela yo ya eka Xikwembu, va tlhela va endla xidyoho xi kulu hi ku fihla makhiya ya Evhangeli leswaku van’wana va nga koti ku nghena. A va endla hi tindlela hinkwato leswaku vanhu va nga koti ku vona ni ku kuma makhiya. Hi swona swi endleke leswaku swidyoho swa vona swi kulak u tlula mpimo.
Hi nga swi kota ku fihla makhiya ya Evhangeli hi tindlela to tala; hi xikombiso, ku vula leswaku hi vana va XIkwembu na hi hanya swidyowheni. Hi ndlela leyo, hi pfala mahlo ya moya eka lava nga siki ponisiwa leswaku va kuma tintswalo ta Xikwembu, leswaku va kota ku nghena hi nyangwa va ya amukela ndhaka ya vutomi lebyi nga heriki.
A xivutiso lexi marito ya Yesu ma hi siyaka na xona hi lexi: “Xana mina ke? Xana marito ya mina, swiendlo swa mina ni tidyondzo ta mina swi kombisa Evhangeli eka lava nge matlhelweni ya mina xana, xana loko va suka laha ni nga kona a va fambi na va ri ni mpfilu-mpfilu xana?“

//////////