Yuda

Varhandziwa, a ndzi navela ngopfu ku mi tsalela timhaka ta ku Ponisiwa loku nga ka hina hinkwerhu, kambe ndzi kumile leswaku swa ndzi fanela ku mi tsalela ndzi mi khongotela ku lwela vupfumeri lebyi Xikwembu xi byi nyikeke vahlawuriwa va xona, kan’we swi hela kwalaho.

(Ndzimana ya 3)

• Nhloko mhaka: Ku lwela ripfumela
• Siku ro tsariwa: A.D. 68-69
• Mutsari: Yuda
• Ndzhawu: Yerusalema

Hambi leswi Yuda a nga landzula ku amukela Yesu eku sunguleni tani hi Mesiya, yena, na vamakwavo lava a va velekiwe na Yesu vanharhu, u ve a hundzuka a pfumela endzhaku ka loko Yesu a pfukile eku feni. Leswi swi vangiwile hikuva a hanyile na Yesu, a vona vutomi bya yena tani hi wa ndyangu, na loko a sungula ku tirha ntirho wa yena, na ku pfuka ka yena eku feni. Leswi swi endle leswaku Yuda a va na ndzhwalo hikwalaho ka ku Ponisiwa loku taka ha Kriste. Kambe loko a tsala, u tsala a ri karhi a tikeriwa embilwini ya yena hikwalaho ka ku hundzuka ka yena. Yuda u tlhela a va na ku vilela hikwalaho ka vadyondzisi va mavunwa endzeni ka kereke, na xiboho lexi vakriste va faneleke ku xi teka mayelano na mhaka leyi. Hikwalaho, Yuda u navela ku khutaza vahlayi va papila ra yena leswaku va pfuka evurhongweni, va teka xiboho xo lwisana na vadyondzisi va mavunwa.

 Marhambu Yo Pfumala Nyama 

• Ndzimana ya 1-4 Xivangelo xo Tsala Papila

Yuda u sungula hi ku ti vika tani hi “Nandza no va mubohiwa waYesu”,  na makwavo wa  Yakobo loyi matimu na Matsalwa ma hlamuselaka leswaku a ri murhangeri eka kereke ya le Yerusalema, ni Mutsari wa buku ya Yakobo, no va makwavo wa Yesu. Yuda a navela ku tsala hita  ku Ponisiwa, kambe hungu ra ku chavisa ri n’wi sindzisa ku tshika nhloko-mhaka leyi, kutani Yuda u tsala a tshinya no tsundzuxa lava landzulaka Kriste, no tirhisa  tintswalo ta Xikwembu ku endla swa manyala.

• Ndzimana ya 5-16 Nghozi ya Vadyondzisi va Mavunwa

Yuda u sungula hi ku tsundzuxa vahlayi va yena leswaku vadyondzisi va mavunwa va ta kuma  hakelo ya vona kufana ni mintlawa leyi nharhu eka testamente leya khale va ti kumeleke hakelo  yona: Vahedheni lava a va ya mahlweni va tiarisa emananga va fele kona; tintsumi leti weke leti nga endla swamasangu na vavasati na ku nga se  fika ndhambi, kutani ti bohiwile, ti yimele ku avanyisiwa; vavanuna lava va nga tinghenisa eka swa masangu na vavanuna kulobye va herisiwile hi ndzilo e Sodoma na Gomora. Va dyondzisi va mavunwa lava hi kuvula ka Yuda, vale ka swa nyama, va alana na  vulawuri; va ti endla tintsumi leti hanyaka. Yuda u fananisa vadyondzisi va mavunwa na mimoya yinharhu ya lava vanga tiarisa eBibeleni ku nga—Kayini (eka Genesa), Kora na Balamu eka (Tinhlayo)—Uri ku biha ka vona ku fananisiwa ni maribye ya nghozi lawa matumbeleke,  mapapa yo pfumala mpfula, mirhi leyi tsuvuriweke hitimintsu, magandlati yo leva ya lwandle, na tinyeleti leti pepetsekaka. Yuda u tiyisisa ku avanyisa ka Xikwembu e henhla ka vanhu lavo kala Xikwembu.

• Ndzimana ya 17-25 Ntirho wo Lwela Ntiyiso wa Xikwembu.

Endzhaku ko  humesela vadyondzisi va mavunwa erivaleni, Yuda u sungula ku tsundzuxa va hlayi va yena leswaku van’wana se va tsundzuxiwile  mayelano na muxaka lowu wa vanhu lavo homboloka, hikwalaho, u va khongotela leswaku vati sirhelela eka nghozi leyi ya tidyondzo to hambuka hi ku ti aka hi Matsalwa ya Xikwembu, va khongela hi moya, va nga rhuteli ku endla ku rhandza ka Xikwembu, va ri karhi va langutela ku vuya ka Kriste ra vumbirhi . Eka mfambo wa ku lwela ntiyiso wa Xikwembu, va fanele va swi endla va ri karhi va komba tintwalo eka lava ti va lumbaka, , nakambe, loko swiboha, va ponisa lava weleke eka nghozi ya malangavi ya tidyondzo leti ta mavunwa, na va ti vonela leswaku va nga ti nyamisi. Yuda u hetisela hi ku tlhelela eka nhloko-mhaka ya ku Ponisiwa leyi a yi boxeke eku sunguleni ka papila ra yena.U pfala papila ra yena hi ku vula marungula yo hetelela ya ku toloveleka eBibeleni (tindzimana ta 24-25) ku tiyisisa matimba ya Kriste ya ku hlayisa valandzeri va yena leswaku va nga hluriwi hi nala.

Ku Vekela Nyama Eka Marhambu

• Imaendlelo ya ximunhu yo tilwela no sirhelela leswi u swi vonaka swiri swa nkoka eka wena, ku nga ndyangu, va ndyangu, na ntshuxeko. Ntiyiso wa Xikwembu lowu hi wu kumaka eBibeleni, wu na nkoka swinene kutlula hinkwaswo, nakambe, swilo leswi swi tshama swi ri eku hlaseriweni.  Ku suka eka malembe ya le ndzhaku, vunyingi byi kanetile vanhu va Xikwembu na ntiyiso lowu va wu veka. Valala lava va Xikwembu va soholota ntiyiso, va lava ku kanganyisa no lovisa hi xihundla. Kambe Ntiyiso wa Xikwembu na Rito ra Xona swa ha yimile na sweswi, swi khomiwile no lweriwa hi lava nga nyiketa vutomi bya vona eka Yesu Kriste. Ivutihlamuleri bya nkoka swinene na nkateko lowu kulu ku va na xiave eka ndzhaka leyikulu swonghasi.

Swipaluxi  EVuton’wini Bya Wena

• Xana Rito ra Xikwembu rina nkoka muni eka wena?  Kereke ya Xikwembu ke? Vanhu va Xikwembu vona ke? Namuntlha, tani hi malembe lawa ma hundzeke, vadyondzisi va mavunwa va nyamisile tikereke ta hina, swikolo swa bibele na tihuvo ta vukriste.  U tiyimisele ku hakela nxavo wa njhani ku lwela ntiyiso wa Xikwembu xana? Xana u tiyimiserile ku yima swin’we na Yuda u lwela ripfumelo leri nyikiweke “vahla-wuriwa hinkwavo ke?”  (ndzimana 3) Loko swi ri tano, u yima na Yuda eka ndlela yo leha ya vakriste lava nga tinhenha to hlamula ku vitaniwa, lava nga kulweni ka nyimpi leyinene ya ripfumelo kufana nalava tinyiketeke ku lwa na mimoya leyo biha ku kutsula mimoya ya vanhu.

Dyondzo Ya Vutomi Eka Yuda

• Loko sathani a ha hanya vadyondzisi va mavunwa va ta tshama vari karhi va nyamisa kereke hi swihoxo, endla leswi faneleke  ku tiva ntiyiso..
• Xiya-xiya: Xin’wana xa swikombiso xa maendlelo ya vadyondzisi va mavunwa i ku nga chavi Xikwembu na matikhomelo yo pfumala vukwembu.
• Va dyondzisi va mavunwa va hanya onge Xikwembu xi nge va avanyisi eka matikhomelo ya vona yo pfumala vukwembu.
• Malandza ya Xikwembu ya xiviri ma ta mi endla mi langutisa eka Yesu hi mikhuva yo saseka na marito ya ntiyiso.
• Ku kanetana no phikizana a hi swa va Kriste, kambe hi fanele hi lwa hi matimba hi lwela ripfumelo.

Laha Swi Kumekaka Kona

• Ku tsundzuxa ka Yuda eka va kanganyisi … Ndzim 4.
• Nhlamuselo wa ntsumi Mikayele ntsumi leyikulu ya nyimpi . Ndzim 9.
• Ku  tsundzuxiwa hi Vaapostolo vo tiveka … Ndzim 18.
• Minkateko yo tiva no landzela Xikwembu … Ndzim 24.
• Minkateko ya Xikwembu — xa vutlharhi hinkwabyo, ni mupo-nisi … Ndzim 25.

Muxaka Wa Vuapositolo Bya Yuda

• Ku chava Xikwembu (Ndzim 4).
• Mikhuva yo biha  (Ndzim 4).
• U landzurile Kriste (Ndzim 4).
• A landzula Vurhangeri (Ndzim 8).
• A tshamela ku dzuma-dzuma (Ndzim16).
• Mulavi wa swihoxo (Ndzim 16).
• Musandzi wa ntiyiso (Ndzim 18).
• Muvangi wa ku avana (Ndzim 19).
• Murhandzi wa swa misava (Ndzim 19).
• Upfumela Moya lowo kwetsima (Ndzim 19).

//////////