Yakobo

View Page

Hikokwalaho, ku pfumela  kuri koxe, loku nga tikombiki hi mintirho, ku file

(2:17)                         

  • Nhloko mhaka: Ripfumelo ra Ntiyiso
  • Siku ro tsariwa: A.D. 44-49
  • Mutsari: Yakobo
  • Ndzhawu: Yerusalema

Buku ya Yakobo hi yona yo sungula eka mapapila hinkwawo ya Tesitamente leyintshwa, yi tsariwile hi Yakobo, mu aka tiko wa le Yerusalema na murhangeri wa kereke kona. Vanhu va le ka Kereke ya Yerusalema-kereke yo sungula, a va hangalakile eka ma dhoropa ya Rhoma hikwalaho ko xanisiwa himhaka ya Vukriste bya vona. Hikokwalaho, Yakobo u titwile a boheka ku va khutaza eka nyimpi ya vona. Ripfumelo rantiyiso, Yakobe wa hlamusela, ri tisa ku cinca ka ntiyiso e ka matikhomele na  swiendlo swa munhu. Hindlela yo fana nale ka Tesitamente ya khale eka buku ya Swivuriso, Yakobo u longoloxa miringo leyi ripfumelo ra munhu eka Kriste ri nga pimiwaka hayona.  Loko ku ncinca ka ntiyiso ku nga ri kona, swi vula leswaku vahlayi va fanele ku kambela ripfumelo ra vona ku vona loko ri ri hava swikombiso swa ripfumelo – I ra kufa – leswi hi ntiyiso ku nga riki ripfumelo.

Marhambu Yo Pfumala Nyama 
  • Ku avanyisa ka 1-2 Mintirho ya Ripfumelo

Yakobo makwavo wa Yesu, u sungula papila e ka ndzimana yo sungula  hi ku xeweta vakriste va ma Yuda lava hangalakeke hinkwaku nkwaku. Kutani hixihatla, u sungula ku hlamusela hi laha ripfumelo ra ntiyiso ri faneleke ku dzuniwa no tiyisiwa ha kona loko ri hlangana na miringo ya le handle. Yakobo u hlamusela leswaku miringo yi endleriwe leswalu hi kula,  hitiya, nakambe hi ti seketela hi Xikwembu tani hiloko mupfumeri a languta e ka Xona ku kuma vutlharhi na vuswikoti. Mayelano na miringo ,Yakobo wa hlamusela:

  • Miringo i xikambelo xa le ndzeni xa ripfumelo.
  • Miringo a yi humi e ka xikwembu.
  • Miringo yi hluriwa hi ku pfumela no va muendli, ku ngari mutwi wa Rito ntsena. Yakobo u ya mahlweni a hlela maendlelo ya ripfumelo ra xi Kriste hi ku hlamusela leswaku ripfumelo ra ntiyiso arivoyameri tlhelo rin’we exikarhi ka va fuwi na swisiwana.  Ripfumelo ra ntiyiso  u “rhandza muakelani  ku kota  loko u ti rhandza” (2:8). Yakobo u heta hi ku bhoxa Abrahamu na Rahabu ku suka e ka Tesitamente ya khale tani hi swikombiso leswi hetisekeke hikuva vakombisile ripfumelo ra vona hi mintirho. 
  • Ku avanyisa ka 3  Ku hlela Ripfumelo.

Yakobo u kombisa ririmi tani hi xikambelwana xin’wana hilaha ripfumelo ra ntiyiso ri tirhaka hakona –ripfumelo rilawula ririmi. U ya emahlweni a komba vutlharhi tani xikombiso xa ripfumelo.  Tani hi laha u nga tsumbulaka  nsinya hi mihandzu leyi wu yi humesaka, u nga  kota ku kambela muxaka wa vutlharhi lebyi munhu a nga nabyona kuya hi mintirho ya yena. Yakobo u tlhela a kombisa kuhambana loku nga kona ,leswaku vutlharhi bya munhu byi tisa madzolonga , kasi vutlharhi bya Xikwembu byi tisa ku rhula na vunene.

  • Ku avanyisa ka 4:1-5:6 Swirhalanganya  Swa Ripfumelo

Swilo swa misava hi swona swi nga swirhalanganya  swa ripfumelo. Swi tisa makwanga, rivengo, madzolonga, na ku ti kurisa. Xilo xin’we lexinga pfunaka ku hlula swilo swa misava I ku tiveka ehansi ka Xikwembu hi mbilu yo ti tsongohata no hundzuka. Miehleketo yo tiveka ehansi yi cinca mintirho ya munhu. Mukriste wa xiviri a nge dzuma-dzumi  hambi ku ti kurisa emahlweni ka Xikwembu. kambe ematshan’wini ya sweswo, u ta ti veka ehansi ka Xikwembu no tshikela makungu ya yena hinkwawo emavokweni ya Xona. Moya lowu wo titsongohata, wu ta hlayisa  mupfumeri  e ka Kriste leswaku a nga    naveri rifuwo leri tisaka ku ti kurisa na makwanga.

  • Ku avanyisa ka 5:7-20  Kutiyisela ka Ripfumelo

Yakobo u heta hi ku khongotela vahlayi va yena ku lehisa timbilu loko vari eku xanisekeni, naswona va chaveleleka  hi ku tiva leswaku siku rin’wana, Hosi yi ta vuya. Va fanele ku landzela swikombiso swa vaprofeta, na vavanuna vo fana na Yobo, lava tiyiseleke emaxangwini. Eka hinkwaswo leswo, Xikwembu xi ve lexi nga ni tintswalo ni musa. Hikwalaho, vahlayi va Yakobo va fanele ku khongela exikarhi ka maxangu ya vona nale mavabyini ya vona, vari karhi va tshemba hi ku tiva leswaku  swikhongelo swa lava lulameke, lava nga na ripfumelo ra ntiyiso (ro fana na ra muprofeta Eliya)— va ta vuyeriwa. Yakobo u heta hi ku ntlhontlha vahlayi va yena leswaku va khongotela lava ripfumelo ra vona ri feke leswaku va hlangana na Xikwembu hikuva loko swi nga ri tano vutomi bya vona byi ta va enghozini  yo hambanisiwa na Xikwembu hilaha ku nga heriki.

Ku Vekela Nyama Eka Marhambu
  • Vakritse hakanyingi va na nandzu wo onha vumbhoni bya vona hi mintirho ya vona. Vavula leswaku vatshemba Xikwembu no va vanhu va Xona, kambe kuva vaya emahlweni va namarhela swa misava na risima ra swona swa va kaneta. Ku vula leswaku u na ripfumelo ra ntiyiso  no tikomba u ri na tinhlamulo hinkwato ta kahle, kambe u ri karhi u hlongola rifuwo no tiphina hi swamisava, swi nga onha miehleketo ya vamatiko loko va languta hungu ra Evhangeli.
Swipaluxi Evuton’wini Bya Wena.
  • Yakobo i mutsundzuxi wa leswaku ripfumelo ra ntiyiso ri cinca vutomi. U fanele ku veka ripfumelo ra wena eka kriste leri nga ni mintirho. Swa olova ku vula leswaku u na ripfumelo, kambe ripfumelo ra ntiyiso ri ta humelerisa  mintirho leyinene eka van’wana. Ripfumelo ra wena a ri fanelanga kuva  vutivi bya le nhlokweni  ntsena, kambe u fanele kuri hanya, rihumela ehandle hi swiendlo leswi sukelaka embilwini. Xikombiso xaleswaku u na ripfumelo ra ntiyiso hiloko vutomi bya wena byi cinca, switikomba hi ku hanya vutomi bya  VuKriste. Yakobo 1:9  yi vula leswaku Vapfumeri va fanele “ku hatlisa kutwa, va kuhlwela ku vulavula no kariha.” A ku na swo tlula sweswo!
Dyondzo Ya Vutomi Eka Yakobo
  • Ripfumelo ra ntiyiso ri ta tisa ku cinca ka ntiyiso eka vutomi bya wena.
  • Ndzingo a hi xidyoho, kambe loko u nga wu lwisi wunga ku yisa exidyoweni. Ku va na rifuwo a hi xidyoho, kambe makwanga i xidyoho. Xikwembu xi ku nyika mali leswaku u pfuna no fikelerisa swilaveko swa van’wana. Xikhongelo xi na ntirho wa nkoka e ka ntirho wa kereke ya le mughangeni, kambe Xikwembu a xi xaveleri munhu, aswive tano na wena .
Laha Swi Kumekaka Kona
  •  Kupfuna ka miringo … 1:2-4.
  • Xintshuxo loko u pfumala vutlharhi … 1:5-8.
  • Matshamelo ya ndzingo … 1:12-15.
  •  Ripfumelo ro kala mintirho ri file … 2:17.
  • Ririmi leri nga lawulekiki … 3:1-12.
Ku Hlawuleka Ko Kwetsima Ka Xikwembu: Xikwembu I ...
  • Mu nyiki wa vutlharhi (1:5).
  • A xi ringiwi hi le swo biha (1:13).
  • Munyiki wa nyiko yin’wana na yin’wana leyinene (1:17).
  • A xi hundzuki  (1:17).
  • Tatana wa ku vonakala — Mutumbuluxi (1:17-18).
  • Xilulamile (1:20).
  • Tatana wa Hina (3:9).
  • Munyiki wa tintswalo eka lava tintsongohataka (4:6).
  • Munyiki wa Nawu (4:12).
  • Hosi ya ti Hosi (4:15).

//////////

IF YOU HAVE BEEN BLESSED BY THIS STUDY GUIDE,  OR HAVE ANY  REQUEST, QUERY OR OTHER COMMENT, PLEASE USE THE CONTACT FORM BELOW.

WE WILL, UNFORTUNATELY ONLY BE ABLE TO READ AND RESPOND TO YOUR COMMUNICATION IF IT IS WRITTEN IN ENGLISH.

SHARE WITH OTHERS: Have you enjoyed this study guide? Then please share it with your friends by way of social media such as Facebook, etc. In so doing we join hands in bearing out the Good News.

COPYING OF OUR DOCUMENTS: This study guide may be copied or printed free of charge for personal use.

 

Leave a Reply

Your email address will not be published. Required fields are marked *